رواية عودة بعد غياب الفصل الخامس 5 بقلم حنين الماضي

رواية عودة بعد غياب الفصل الخامس 5 بقلم حنين الماضي

رواية عودة بعد غياب الجزء الخامس

رواية عودة بعد غياب البارت الخامس

رواية عودة بعد غياب الحلقة الخامسة

تم الانفصال بين مرڤت و عز الدين ، وخرج عز من باب الشقة وهو حاسس انة دمر بيته وبقى مرفوض من مراتة واكيد اولادة فى يوم هيعرفوا الحقيقة …

عز الدين ( انا عارف ان انا بتاع ستات وعارف ان شعور صعب عليها وانها عدت كتير واستحملت لكن انا بتجوز زى ربنا ما قال ومافيش واحدة قربت منها الا بعد ما اتجوزتها ، ودة شرع ربنا وعيب فيا ،اعمل ايه!!؟؟ دة كدة وزعلانة اومال لو عرفت ان زميلتى اللى فالشغل وظبطتنى معاها انى اتجوزتها رسمى هى كمان هتعمل ايه!!؟

ماهو مكنش ينفع مكتبش عليها بعد لما كانت حامل فى ابنى وبقى الفرق بينة وبين مراد اسبوع 🙂 مكنش ينفع قولها دة مش ابنى وانا واثق انة ابنى ،ويمكن دى اطول فترة هى معرفتش تكشفها وقعدت سنين متجوز زميلتى وبقى عندى منها ٣ اطفال ، ولد وبنتين واهى كمان الشغالة انا واثق انها حامل منى وكتبت عليها عشان كدة

ومغضبش ربنا ومينفعش لو طلعت حامل انكر ابنى منها وخصوصا انى كنت مبسوط معاها وعرفت تكسبنى وتشدنى ليها ، يااااااة حاسسس ان الدنيا كلها اتلغبطت ومش عارف ولادى من ميرڤت هيحبوا اخواتهم الباقيين ولا لاة ، بس لازم هيجى يوم ويعرفوا اخواتهم ويبقوا سند لبعض ،انا كنت بسيب التانية وارجع البيت دة واقول حقها مدام مش عارفة ،لكن دلوقتى مدام طلبت الطلاق يبقى كل حاجة تتعرف عشان ولادى سواء من دى ولا دى ولا حتى اللى هتحمل لاااازم يعرفوا بعض وانهم كلهم شايلين اسم عز الدين مش امهاتهم ، لكن اعمل ايه دلوقتى ،اروح للى فالبلد ولا اروح للتانية والله ما انا عارف ومحتار ،بس مش قدامى دلوقتى غير التانية ( أميرة ) اروح ارتاح وابشرها يمكن تهدا بدل ما هى رامية طوبتى كدة وكل اللى بقى هممها الفلوس والعيال واتغيرت بعد ما جابت اول عيل )

عز الدين : سلام عليكم

الولاد : بابا جه بابا

عز الدين: اهلا اهلا لسة صاحيين لية لحد دلوقتى بقى

أميرة : لسة كنت بعشيهم وهخليهم يناموا

عز الدين: طيب يالا ادخلوا ناموا عشان تعرفوا تصحوا بدرى

الولاد : نقعد معاك شويه

أميرة : يالا نسمع الكلام

عز الدين: خلاص هتشوفونى كل يوم لحد ما تزهقوا منى ههه

أميرة : اتخانقت معاها شكلك

عز الدين: اطلقنا

أميرة : 😳 طلقتها

عز الدين: اة

أميرة : خناقة كبيرة على كدة

عز الدين: اة واتحايلت عليها نكمل عشان العيال مرضيتش

أميرة : بس ايه السبب ،اكيد حاجة جامدة ومن حقى اعرف

عز الدين: عشان تعملى زيها

أميرة : بقى عندى فضول اعرف قولى حصل ايه

عز الدين: اتجوزت

أميرة : ههههه والله

عز الدين: اتجوزت نادية اللى بتساعدها فالبيت

أميرة : 😳 الشغالة!!!؟

عز الدين :اة عجبتنى ولقيت نفسى فيها وبدل ما اعمل حاجة حرام اتجوزتها

أميرة : يعنى هى لو مكنتش عرفت انت مكنتش هتقولى

عز الدين: هيفرق معاكى ايه،مدام مش مأثر فى حقوقك كزوجة ولا عندك حرمان من الخلفة ولا مقعدك فى بيت

حودة

جايبلك شقة وكاتبها بأسمك وعملتلك اسرة وولادك حواليكى وبيتك ماشى ولما بجيلك باتفاق بينى وبينك بديكى حقك كزوجة وزيادة ومبمشيش من عندك الا لما تكونى استكفيتى ،يبقى تزعلى لية ؟ لكن هى بسبب الولاد والضغوط معرفتش اديها حقها زيك ،لكن عشان مرضاش بالظلم ،زى ما عملت معاكى وهعمل مع نادية ،يبقى هى كمان زيكوا

أميرة : زينا ازاى مش بتقول طلقتها

عز: اقصد اكتبلها الشقة بأسمها تقعد فيها وولادى يقعدوا ويتربوا فى بيت ابوهم ،ميروحوش يقعدوا عند حد ويجى يضايق منهم ولا يجرحهم بكلمة .

أميرة: اممم وكدة النظام والجدول هيمشى ازاى

عز : انا اهو معاكى لحد ما اشوف المحامى ويخلص ورق نقل الملكية ليها وهسيبها يومين تهدا واحاول اكلمها عشان العيال حتى اعرف اشوفهم ،ولا عاوزانى ارميهم

أميرة : ممم لا مينفعش ،بس يا ترى هتقولها انك متجوزنى رسمى وعندك منى ٣ عيال

عز بتنهيدة : اة هقولها لان معتقدش انة هيفرق معاها خلاص ،الشكل اللى شوفتة النهاردة ميقولش انى بقيت فارق معاها

أميرة : طيب والخدامة

عز : متقوليش عليها خدامة ،بقت زيها زيك

أميرة بغيظ : ممم يعنى انت سويت كلة ببعضة على كدة

عز : طلباتك

أميرة : تبحبح ايدك علينا شوية مدام الجدول اتغير وهتبقى قاعد معانا

عز : انتى عارفة كل فلوسى مهما زادت عمرى ما هحطها فى بنك ،الشنطة الكبيرة اللى فيها كل الفلوس هتبقى هنا فالشقة ولما تعوزى حاجة قوليلى وانا هبقى اطلع منها واديكى

أميرة : معقولة هتسيب كل المبلغ دة فى شنطة

عز : انا حر انا دماغى كدة ولا عندك اعتراض

أميرة : انت حر

——————-

اكرم : مالك يا ماما

ميرڤت: انا هكون قوية بيك يا اكرم انت واخواتك

اكرم : فى حاجة حصلت واحنا مش موجودين

ميرفت: انا وبابا اطلقنا خلاص ومش هينفع يجى يعيش معانا تانى

اكرم : هو زعلك تانى

ميرفت: مش مهم المهم ان دة قرار جة متأخر واوعى لما تكبر تعاتبنى وتلومنى انى مستحملتش يا اكرم ،اخواتك صغيرين مش هيفهموا حاجة دلوقتى لكن انت بقيت راجل البيت ومش عاوزين مساعدة بمليم من ابوك وانت اهو خلصت ثانوية عامة وهحاول اجبلك شغل فى نفس الشركة بتاعتى وانت خليك راجل وقد المسئولية معايا وجنب مذاكرتك فالجامعة توفق بين شغلك وبينها يا اكرم ،عشان تساعدنى اوقف اخواتك على رجلهم هما كمان ،عاوزاكوا كلكوا لما تكبروا الناس تشاور عليكوا ويقولوا الست عرفت تربى اربعة من غير ابوهم ولا حتى مساعدة بجنية

اكرم : حاضر يا ماما

ميرفت : شوف مين بيخبط

اكرم : اهلا وسهلا حضرتك عاوز مين

….: شقة مراد عز الدين

اكرم : ايوة دة اخويا

…: فى ولى أمر اتكلم معاة

ميرفت: اهلا وسهلا اتفضل

……: اهلا بحضرتك ،انا كابتن نادر اللى بدرب مراد على الملاكمة

ميرفت: اهلا وسهلا اتفضل اتفضل

الكابتن: انا جيت النهاردة وجبت العنوان من ملف مراد عندنا فالنادى

ميرفت : خير هو مراد معلش كان هيروح التمرين بس حصل ظروف ومعلش مقدرش اقول لحضرتك انة هيقدر يكمل

الكابتن: انا بأسم جاى لحضرتك بأسم النادى وبنترجاكى يا ريت مراد يكمل لان متوقع لية مستقبل تانى وانا كمدرب بيكون ليا نظرة ، مراد مرشح لكذا بطولة ولو خدهم كل حاجة هتتغير عندة

ميرفت: انا مش عارفة اقول لحضرتك ايه بس الدنيا ملغبطة معايا شوية

الكابتن: ياريت حضرتك متشيليش هم مراد فى حاجة واحنا كنادى مسئولين عنة فى كل حاجة

ميرفت: اكرم نادى مراد من جوة

اكرم : حاضر

مراد: كابتن نادر اية دة حضرتك هنا

الكابتن: انت بطل يا مراد وافتكر كلامى دة وانا استأذنت ماما تكمل تدريب معانا وانا واثق فيك

مراد بفرحة: بجد يا ماما

ميرفت: اة يا حبيبى وانا عارفة انك هتتفوق وهتكون احسن بكل زى كابتن نادر ما قال

مراد بفرحة : حبيبتى يا ماما ،حاضر يا كابتن انا هعمل كل حاجه

كابتن : يبقى من بكرة تحضر لان البطولة قربت يا بطل

مراد: حاضر اوعدك اعمل كل حاجه حضرتك تقولى عليها

كابتن: سلام عليكم وشكرا مرة تانية

—————–

بعد يومين تليفون البيت بيرن

———————–

ميرڤت : الو

المحامى: سلام عليكم يا مدام انا المحامى محمد رفعت محامى استاذ عز الدين طليق حضرتك

ميرفت: اة اهلا وسهلا خير ،اكيد عشان نمشى ،عالعموم انا لسة بلم الحاجة واكيد مش هتخلص فى يومين

المحامى: لا يا مدام انا بتصل بحضرتك عشان ابلغك ان استاذ عز الدين نقل ملكية الشقة بأسم حضرتك وكل حاجة جاهزة ومتوقفة على توقيع حضرتك وعاوز اجى لحضرتك توقعى الورق

ميرفت: يااااة للدرجادى

المحامى: لاحظت ان استاذ عز الدين بيحب يعدل بين زوجاتة عشان كمان الاولاد

ميرفت: زوجاته 😏 ماشى تقدر تيجى النهاردة فى اى وقت ، اهو عالاقل نفسية ولادى وميحسوش ان حياتهم اتقلبت

المحامى: هو سايب كمان لحضرتك مبلغ معايا

ميرفت : استحالة اقبل مليم منة يتصرف على ولادى طول ما انا عايشة

المحامى : بس دة حق الولاد

ميرفت : لو سمحت انا همضى الورق غير كدة لاة والا مالوش لازمة كل دة

المحامى : خلاص يا مدام زى ما تحبى هكون عند حضرتك كمان ساعتين

ميرفت : مع السلامة

عز الدين: السلام عليكم

نادية : عليكم السلام انا قولت مش هتيجى تانى

عز : لية

نادية: خوفت بعد اللى حصل يومها

عز : انتى ذنبك ايه ،المهم انا عاوزك تجهزى نفسك لانك هتيجى تعيشى معايا فالقاهرة وجبتلك شقة بس قوليلى هو انتى حامل

نادية: اة كنت خايفة اقولك

عز : لية دة ابنى

نادية : يعنى انت مش زعلان انى حامل منك

عز : لا طبعا ماهو دة الطبيعى

نادية بفرحة : ربنا يبعد نك عنك اي شر يارب

عز : هههه المهم جهزى نفسك او قومى يالا تعالى معايا انا جبتلك شقة وفرشتها وكتبتها بأسمك كمان عشان يكون ضمان ليكى

نادية بفرحة : يا بركة دعاكى ياما هههه

عز : يالا قدامك نص ساعه تجهزى خلينا نتحرك عشان عاوز اقولك على كام حاجه كده

نادية : حاضر

————-

عز خد نادية وراجعين على القاهرة وطول الطريق وعز فاتح قلبة لنادية وقالها على كل نزواتة حتى اولادة من أميرة قالها عليهم

نادية : ربنا يخليك لولادك كلهم

عز : غريبة يعنى مش زعلانة ان طلع عندى ٣ ولاد غير ال ٤ من ميرفت

نادية: وان شاء الله ابنى هيجى ويبقوا ٨ ويكونوا سندك وضهرك فالدنيا

عز : نفسى ولادى كلهم يعرفوا بعض ويحبوا بعض ويكونوا فعلا سند لبعض

نادية: هما ممكن يعرفوا بعض ويحبوا بعض لكن ابنى هيبقى على طول بعيد وهيفضلوا فاكرين انة ابن الشغالة

عز : متقوليش كدة انتى بقيتى زيك زيهم ،بس قوليلى بقى هههه لية واثقة انة ولد يعنى لية مش بنت مثلا

نادية: مش عارفة بس حاسة انة هيطلع شبهك كمان هههه.

عز : هههههه لما نشوف

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية عودة بعد غياب)