رواية عشقي الاول والاخير الفصل الحادي عشر 11 بقلم أسماء مجدي
رواية عشقي الاول والاخير الجزء الحادي عشر
رواية عشقي الاول والاخير البارت الحادي عشر
رواية عشقي الاول والاخير الحلقة الحادية عشر
عمر : اهلا 😒
شريف وامه ببتسامه : اهلا وسهلا
عمر قعد وسكت وقاعد بيبص بضيق لشريف
شريف كان قلقان من عمر فقدم نفسه ل عمر
عمر ببرود : تشرفنا
هنا كانت داخله على اوضه الصالون عمر شافها وهي جيه وماسكه الصينيه ومبتسمه سرح ف ابتسامتها وشكلها وابتسم
دخلت هنا وقدمت البيبسي ل عمر وام شريف ولسه كانت هتقدم لشريف …
عمر قالها بضيق وهو بيحاول يداري غيرته عليها : استني يا هنا دا واجب عليه انا ومسك الكوبايه أداها لشريف
هنا جت تقعد ف كرسي الانتريه اللي جمب عمر
ام شريف قالتلها: تعالي يا حبيبتي اقعدي جمب عريسك
هنا اتحرجت ولسه هتقوم
عمر مسك ايديها ف هنا فضلت مكانها
عمر بص لام شريف ببتسامه : معلش يا طنط خليها هنا احسن
شريف ابتدا يلاحظ أن عمر مش طايقه بس حاول يقنع نفسه أنه فاهم غلط وأنه هو بس اللي متوتر
شريف ببتسامه : انا يشرفني اتقدم للأنسه هنا
عمر بصله بضيق وكان نفسه يقوم يضربه بس مسك نفسه
عمر بضيق : طيب يا استاذ شريف يا ريت تحكلنا اكتر عن نفسك ….واشتغلت فين قبل كده ….وكل التفاصيل بقا
شريف : انا مهندس لسه متخرج السنه اللي فاتت
عمر بسخريه : امممم…يعني لسه مكونتش نفسك على كده بقا
شريف : لا ما انا اشتغلت ف شركه ابويا الله يرحمه الخاصه بالأعمال الهندسيه وبعد كده مسكت الشركه
عمر : يعني اعتمدت على والدك ومعفرتش ومبدأتش السلم من أوله بقا زي الشباب المكافح 🙄
شريف: لا طبعا انا اتدربت ف شركه ابويا من اول ما دخلت سنه اولى كليه واتدربت ف شركات تانيه بس كملت مع بابا لحد ما توفى ومسكت انا الشركه
عمر :اممم ..كمل يا استاذ شريف
شريف : عندي ٢٤سنه
عمر وهو بيتحجج : كتيير اوي فرق السن ده دا انت كده اكبر من هنا ب ٥ سنين بحالهم
هنا بصوت واطي عمر بس اللي يسمعه :٤ بس
عمر بصوت واطي ليها : لسه مكملتهمش يختي هتخنصري فالفرق اللي بينكوا 😏
شريف : انا شايف أن ده فرق مناسب وان طالما احنا متفاهمين يبقا عادي السن مفهوش مشكله
شريف بيكمل كلامه : عندي فيلا ف التجمع الخامس و…
عمر بمقاطعه وكأنه ما صدق يلاقي غلطه ف العريس : ايه ؟…ايه؟…لا طبعا هنا لازم تعيش ف اسكندريه …أهلها وناسها هنا .انا مش موافق أنها تبعد. …اما بقا لو حضرتك مصمم فتقدر تشوفلك عروسها غيرها …عادي مفيش نصيب …بتحصل ف احسن العائلات ( انبسط لما افتكر أن كده الموضوع باظ )
بس شريف قال : بس يا عمر انت مدتنيش فرصه اكمل كلامي …انا كنت عايز اقولك اني كمان عندي شقه تمليك هنا ف اسكندريه قريبه منكوا
عمر بغيظ : طب كويس
شريف : تختار الشبكه والمهر اللي هي عايزاه …وباقي تفاصيل تجهيزات الجهاز نمشي عادي بالتقاليد
شريف: نقرا الفاتحه ؟
عمر بإعتراض قال بصوت عالي نسبيا : لاااا…..
وبعد كده قال : اقصد يعني خليها لما نحدد معاد الخطوبه
شريف بإبتشامه :وهو كذلك نخلي الخطوبه امتى ؟
هنا بصت لعمر وافتكرت أن كتب كتابه خلاص فضله أقل من شهر وقالت جوه نفسها انا مش هتقهر لوحدي فقالت : ايه رأيكوا نعملها يوم كتب كتاب عمر وهي تبقا الفرحه فرحتين وبصت لعمر وهي بتقول كلامها عشان تستفزه
عمر اتغاظ منها بس مكنش عارف يعترض ولا يقول حاجه
شريف ببتسامه : بجد ؟!…مبروك يا عمر …انتم السابقون ونحن اللاحقون 😹
عمر كان بيشيط من الغيظ وكان هيموت ويقوم يضربه ويكرشه : بس حاسس أنه متكتف ومش عارف يعمل حاجه
عمر بضيق : الله يبارك فيك
عمر : ماشي يبقا نعمل الخطوبه وكتب الكتاب ف يوم واحد 😒
بعد الناس ما مشت عمر نزل بيتهم من غير ولا كلمه وكانت ملامحه باهته
نزل تحت فضل رايح جي ف اوضته وقاعد يياكل ف نفسه من الغيظ
عمر بينه وبين نفسه بغيظ : اهههه😾يا بنت اللذينه …..بقا انا تعملي فيه كده وتزنقيني ف الكلام كده ……ياما نفسي اكسر دماغك
عمر وقف عن الحركه وحط ايده ف وسطه وهو غضبان : يعني خلاص كده الخطوبه هتتم مفيش مفر!!!! 🤦🏻♂️
_ لا لا على جثتي ….يا هنا 😡
عمر بنرفزه : بس انا مش هسكت …مش هسكت
عند هنا
هنا حست انها خايفه لأن الموضوع قلب بجد وعمر هيبقا متجوز وهي هتتخطب
مبقتش عارفه هتقدر تستحمل كل اللي بيحصل ده وان فعلا عمر هيتجوز وأنها هتكون من نصيب حد تاني
حست بلخبطه ودخلت تنام من حيرتها
تاني يوم
هنا راحت الكليه وقابلت شيرين وحكتلها على اللي حصل بس بخصوص العريس وعن طريقه عمر معاه وكانت فطسانه من الضحك وهي بتحكي بس من غير ما تحكلها حاجه عن اللي حصل مع عمر الايام اللي فاتت
شيرين بضحك : يا لهوي عليك يا عمر 😹…تحسي انه بيمثل دور عادل امام ف فيلم عريس من جهة امنيه 🤣
هنا بضحك : ايوا 😹
شيرين بإبتسامه خبيثه : اقطع دراعي من هنا أن الواد ده بيحبك
هنا بتوتر: لا طبعا انا قولتلك قبل كده بعتبر عمر ايه …وكمان عمر هيتجوز اللي بيحبها وانا هتخطب (قالت اخر جمله عشان تأكد لنفسها ول شيرين أن مفيش حاجه بينهم )
شيرين ببتسامه : طيب يا هنا ….الف مبروك ☺️…يادوبك الحق احضر الفستان بقا 😹
هنا بضحك : طيب يختي
فريده اتصلت على عمر
فريده : ايوا يا حبيبي
عمر : ايوه يا فريده عامله ايه
فريده : الحمدلله ….كنت عايزه اقولك عايزين ننزل نشوف بدله حلوه ليك وانا كمان اجيب فستان حلو يليق بمناسبة كتب كتابنا ☺️
عمر بضيق : ما تخليها بعدين يا فريده
فريده : لا يا عمر عايزين نلحق خلاص كتب الكتاب قرب اوي
عمر : تمام
عمر فكر ثواني وقالها: فريده انا هقول ل هنا تيجي معانا عشان تجيب فستان هي كمان
فريده بغيظ وضيق : وايه لزومه يا عمر عادي ما ننزل لوحدنا وهي تبقا تروح تنقي الفستان اللي هتحضر بيه فرحنا براحتها
عمر بضيق : فريده ….هنا جالها عريس واختاروا يوم كتب كتابنا يكون نفس يوم خطوبتهم
فريده براحه نفسيه وسعاده بالخبر لأنها بكده هتخلص من شبح هنا اللي بيطاردها و تخلص من خوفها من أنها تاخد عمر منها فقالت :بجد …ده خبر حلو جدا …طيب كويس ننزل بقا وناخد معانا العروسه ( شددت على اخر كلمه عشان تفهم عمر أن هنا خلاص مبقتش ليك )
عمر اتضايق وقالها : تمام هقول لهنا عشان تيجي معانا
بعد شويه عمر اتصل على هنا
هنا ببتسامه : ايه يسطا عامل ايه
عمر : الحمدلله…بقولك فريده قالتلي ننزل النهارده نجيب البدله بتاعت كتب الكتاب وفستانها …ايه رأيك تيجي معانا عشان تجيبي فستان خطوبتك بالمره
هنا بهتت ملامحها وقلبها دق جامد وزعلت أن خلاص ابتدوا يجهزوا لكتب كتابهم وان كل حاجه هي خايفه من لحظتها قربت بس حاولت متبينش زعلها وقالت : ماشي يا عمر هاجي معاكوا
هنا و شها خالي من اي تعبير : امتى هنروح ؟
عمر : النهارده أن شاء الله على الساعه ٧ كده
هنا : ماشي يا عمر ..باي
عمر : باي
عمر قفل معاها وسرح ف سكوتها اللي كان ف الاول بعد ما قالها تيجي معاهم ونبره صوتها بعدها كانت فيها حزن وقال بينه وبين نفسه نفسي افهمك يا هنا !!!!
الساعه ٧ عمر وفريده وهنا كانوا ف مول كبير خاص بالفساتين والبدل
فريده كانت مأنجچه دراع عمر ومسكه فيه ومتبته وعينيها على هنا وبتبصلها بشماته وانتصار
هنا اضايقت من فريده أنها مسكه عمر كده وكمان اضايقت من نظارتها ليها بس عملت نفسها مش واخده بالها
فريده دخلت تقيس كذا فستان وتاخد رأيهم
هنا عجبها فستان صك وله ديل طويل لونه اوف وايت وعليه لؤلؤ مزينه مخلي شكله هادي جدا وحلو اوي
هنا أُعجبت جدا بشكل الفستان وقربت ناحيه الفستان وابتسمت
عمر لاحظ إعجابها الشديد بالفستان
عمر ببتسامه وهو ورا هنا : فعلا راقي جدا وشكله تحفه
هنا ببتسامه : ايوه فعلا
عمر : طب ما تدخلي تقيسيه
هنا : هو لايق اكتر أن يكون ف مناسبه مثلا زي كتب كتاب ..لكن مش لايق للخطوبه
فريده طلعت وشافت اعجاب هنا الشديد بالفستان
فريده بإستفزاز: فعلا يبقا شكله هادي ولايق جدا لكتب كتابنا يا عمر مش كده ؟!🙄
عمر اتضايق من تصرفها وسكت
فريده خدت الفستان وراحت تقيسه وعجبها : وورته لعمر وهنا
فريده : ايه رأيكم
هنا وعمر بضيق بيحاولوا يداروه : كويس ..حلو
فريده خدت الفستان عندا ف هنا مش عشان عاجبها
وهنا لقت فستان لونه موڤ هادي ورقيق اوي دخلت تقيسه وترددت تطلع توريه ليهم ولا خلاص مش لازم
عمر استغرب هي ليه مطلعتش توريهم الفستان كل ده راح ناحيه البروڤه : هنا انتي مطلعتيش ليه تورينا الفستان كل ده
هنا : خلاص بقا يا عمر مش لازم
عمر : لا معلش ….اطلعي
هنا : طلعت ورته لعمر
عمر انبهر بجمالها الهادي والفستان تحفه عليها قالها : زي القمر يا هنا
فريده كانت واقفه بعيد ومتضايقه وبتشعلل أن هنا مجتش توريه ليها وانها سمعت عمر بيقولها ايه والنظره اللي ف عينيه ليها
راحوا قسم البدل وعمر كل شويه يوجه سؤاله لهنا عن رأيها ف البدله لما بدله تلفت انتباهه وميسألش فريده لانه متعود أن هنا اللي بتشاركه ف كل حاجه ..وزوقها حلو جدا
عمر بيقول لهنا : يا بت فرهدتيني بقا انتي هتعملي زي ما عملتي قبل خطوبتي برده تعبتي اللي جبوني كده …انا تعبت يا حچ كامل 😅
هنا : خلاص إن شاء الله قربنا نوصل لبدله تليق عليك وتبقا جامد اخر تلت اربع حاجات
فريده كانت ساكته ومتضايقه أنه مقضيها هزار واهتمام بهنا وراكنها هي على الرف
عمر : طب بصوا احنا نتفق اتفاق كل واحد فينا يروح ف نحيه ويشوف انهي بدله تعجبه اكتر ويختارها ويجبها عشان اقيسها لو عجبتني
فريده : ماشي
هنا : اتفتقنا 🙃
فريده جابت لعمر بدله وقالتله حلوه اوي دي قيسها كده
عمر مكنتش عجباه اوي بس مكنش عايز يضايق فريده فدخل يقيسها ووراها ليهم
فريده عجبتها ،عمر مكنتش عجباه اوي وهنا مكنتش عجباها
هنا : طب بص ديه كده يا عمر
عمر : عجبه استايل البدله ولونها حلو جدا وخامتها كانت حلوه اوي فدخل يقيسها وفريده جزت على سنانها من الغيظ وعلى آخرها
طلع وراها ليهم
هنا صفرت وقالت بإبتسامه : جميله عليك اوي يا عمر ….مش كده يا فريده ؟
فريده ببرود : يعني اللي اختارتها كانت احلى
عمر عجبته جدا وقال : لا ديه احلى تمام ناخدها بقا وكده يبقا تمت المهمه بحمدلله وجبنا الحاجات …..هخش اغير بقا واقولهم يحجزوا الفساتين والبدله لينا
اول ما عمر مشي
فريده قربت ناحيه هنا بغضب وقالت لها بغضب : ابعدي عن عمر يا هنا
هنا بإستغراب وصدمه : قصدك ايه ؟….ف ايه يا فريده؟
فريده بزعيق وغضب : انا فهمه كل اللي بينك وبينه بس ساكته …وبحاول اعمل نفسي عبيطه ….واقول يا بت انت بيتهيألك…يا بت دول اخوات وأصحاب وبس….بس مش هي ديه الحقيقه …الحقيقه ان انتي بتحبيه …بتخدي حاجه مش من حقك ليه ؟…عمر هيكون جوزي انا وحبيبي انا …. قلبه ده ملكي انا وبس …سمعاني يا هنا ملكي انا وبس (كانت بتتكلم فريده بهستيريه وزعيق وجسمها بيترعش )…وانتي هيكون ليكي خلاص اللي تتخطبي له ..ويكون ليكي حياتك معاه …انا تعبت منك يا شيخه ….بقيتي زي الكابوس ف حياتي طول الوقت خايفه وقلقانه بسببك لتخدي عمر مني ….ابعديييييي عنه بقااااااا
هنا كانت بتسمع الكلام ودموعها بتنزل زي الشلال من غير ما تحس على خدها وكانت مصدومه من كلام فريده
هنا طلعت بسرعه برا المول وعمر كان واقف بعيد شويه بيتفق على تاجير البدله والفساتين ولمح هنا وهي بتمشي بسرعه من المول وبتمسح دموعها بضهر ايديها
عمر اتصدم من شكلها ونادى عليها بس هي موقفتش وطلع يجري عشان يلحقها ملحقهاش
رجع لفريده وهو مخضوض على هنا وبيسألها : ايه اللي حصل عشان هنا تمشي بسرعه كده من غير ما تستنانا وليه بتعيط؟!
فريده بصتله بغيظ مكتوم وسكتت
عمر اتعصب من سكوتها وقلقه زاد وقال بزعيق : ما تنطقي يا فريده ايييييه اللي حصل ؟!😡
فريده ببرود : ابدًا عملت اللي كان لازم اعمله من بدري 😒
عمر بقلق وغضب : انا مش فاهم …بطلي تتكلمي بالالغاز… وقولي عملتي ايه؟! 😡..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشقي الاول والاخير)
