رواية عشقت منتقبه الجزء الثاني الفصل العشرون 20 بقلم وفاء رشدي

رواية عشقت منتقبه الجزء الثاني الجزء العشرون

رواية عشقت منتقبه الجزء الثاني البارت العشرون

رواية عشقت منتقبه الجزء الثاني الحلقة العشرون

الحلقه العشرون
نرجع مع رحمه
لبست تاني يوم وخرجت الصبح بدري خرجت من الفيلا وقفت قدام الباب بكل حماس ونشاط وحيوية. شمت الهوا الحلو ولسه هتبدا تخطي اتفاجات ب..
هيثم :-اركبي
رحمه :-بحاجب مرفوع نعم
هيثم :-ماتبرقيش كتير اركبي
رحمه:-لا همشي وهاخد تاكسي
هيثم :-جحر عنيه بقولك اركبي
رحمه:-بعند مش هركب طريقك غير طريقي
هيثم :-طريقنا واحد
رحمه :-ازاي بقى
هيثم :-اللى انتي راحه عنده انا رايح كمان
رحمه:-انت عارف انا هروح فين؟
هيثم :-ايوة مش شايفه لبسي
رحمه:-لا مش بشوف حد انا برخامه
هيثم :-هههه بطلي لاماضه واركبي
رحمه:-ولو مركبتش
هيثم :-اركبي وماتجننيش احسنلك
رحمه:-لا بقولك ايه انت مجنون خلقه كدا ماتتسبلش بينا
هيثم:-منا فعلا مجنون وانتي عارفه جناني ايه وغمزلها بعينه
رحمه:-برخامه لا معرفش ومش عايزة اعرف وامشششششششششي يلا من هنا
هيثم ؛-مش همشي غير بيكي انا هكون معاكي فى كل خطوة يستحيل اسيبك وعادل انتي عارفه مشغول
رحمه :-وانت مش مشغول
هيثم :-مشغول بيكي برومانسيه
رحمه:-لا والله
هيثم :-والله اركبي يلا عشان نلحق اليوم من اوله
****************
ركبت رحمه العربيه وهي بتركب قالت
رحمه:-يلا اللى نعرفوا احسن من اللى منعرفووش
هيثم :-لا والله
رحمه :-اه والله
هيثم :-طيب .. هنروح فين
رحمه:-انت مش عارف ولا ايه
هيثم :-لا عارف وكل حاجه كمان بس أي منطقه هتبداي بيها النهاردة
رحمه:-انا مش عارفه انت تعرف مصر اكتر مني
هيثم :-طاب ايه رايك أخدك فى مكان هادي ونقضي اليوم كله فيه ونفطر
رحنه:-هو انت مجنون ولا ايه احنا هنروح لايه وانت عايز ايه
هيثم :-معلش أصلي بفكر اخطفك
رحمه:-باستغراب ايه تخطف مين وقف هنا نزلني
هيثم :-ياجبانه هههه
رحمه:-لا مش جبانه بس خايفه عليك
هيثم :-يالهوي يانا يامي خايفه ايه عليا قولي تاني والنبي
رحمه:-دماغك ماتروحش لبعيد انا خايفه بس اموتك وممكن اعملها
هيثم :-طب واهون عليكي
رحمه :-بص قدامك وسوق
هيثم :-منا باصص اهو
رخمه:-لا قدامك هنا مش هنا وهي بتشاور على نفسها
هيثم ؛-الطريق مافيهوش حد عادي يعني
رحمه:-الله يرضي عليك احنا فى رمضان وصايمين ولا انت عايز تنقض صيامك
هيثم :-طبعا لا بس انتي عارفه بصتي عليكي ايه دا بيكون على حسب النيه وانا الحمدلله نيتي سليمه
رحمه:-طب سوق الله يرضي عليك واتصل بيهم خلي العربيات تجهز واديهم العنوان
هيثم :-تم من بدري ياغاليه وكله مستني من الفجر هناك احنا اللى اتاخرنا
رحمه:-لا والله شاطر
هيثم :-تلميذك
رحمه:-لا والله بقولك ايه سوق كدا يلا
***************
ساق هيثم بعربيته وهو كل شويه يغلس على رحمه لحد رحمه ماضحكت
هيثم:-أخيرا الشمس نورت بفرحه
رحمه:-سوق سوق الله يرضي عليك
****************
ساق هيثم عربيته ووصلوا المكان اللى كانوا هيروحوا وعرفت رحمه أن هيثم بمجيه معاها عمل لها معروف كانت هتبقى هنا ازاي وحدها لفت على كل البيوت ووزعت أكل وهدوم على الأطفال وهيثم معاها أيده بايدها وحست بالأمان عشان معاها كان بختلس نظرات منها وهي مش واخده بالها أو كانت واخده بالها بس عملت أنها مش واخده شاف ابتسامتها اللى غابت عنها وعنه وكان قلبه بيرقص من كتر الفرحه لفرحتها ولأول مرة من يوم ما قبلها يشوفها مبسوطة كدا وفرحانه
من وقت للتاني يروح يتكلم معاها على أي حاجه حجه عشان يقرب اكتر مرة اقعدي ارتاحي مرة يستاشرها فى حاجات بس عشان يقرب منها
****************
خلص اليوم بين سعادة وفرح ماليه المكان كانوا عملوا فطووور جماعي كلهم مع بعض رحمه ماتترددتش ثانيه أنها ماتفطرش معاهم قعدة بالفعل بس اكلت من تحت النقاب وشرب بالشاليموه ودا خلي الكل مبسوط أنها اكلت وأولهم هيثم اللى مصدقش نفسه لما شافها
خلص الفطور وهم مع بعض واكيد استاذنت رحمه اخدها هيثم فى عربيته ومشي اللى الكون كله قليل على فرحه الاتنين انهم ساعدو حد محتاج وعاوز من غير تكبر ولا غرور إذن العشاء والتراويح طبعا رحمه عايزة تصلي فى جامع نفسها تروحه
هيثم :-على البيت
رحمه:-أصلي الأول
هيثم :-تصلي فين قولي المكان وانا اوديكي
رحمه:-بخجل انا …. انا ….
هيثم :-انطقي قولي
رحمه:-فى الحسين
هيثم :-بعيون كلها حب من عنيه نصلي فى الحسين
….
اخدها وعلى الحسين على طول ياجماله وشكله فى رمضان اتمنت رحمه أنها تكون هنا باستمرار
رن عادل عليها
عادل:-فينك كل دا
رحمه:-بصلي فى الحسين ياعادل أما تحفه
عادل:-لوحدك يا رحمه ينفع كدا
رحمه :-لا مش لوحدي انا معايا هيثم وكمان من الصبح ماسبنيش انت ماتعرفش
عادل:-استوعب لحظه اه اه عارف بس نسيت طب صلوا وتعالوا على طووول
رحمه:-اكيد ياقلب اختك
….
قفلت مع عادل وهي فى قمه الفرح
اول مرة تفرح كدا من مده ولا هيثم وجمال عيونه بفرحه رحمه
صلوا بالفعل ويلا على البيت
هيثم :-جاب لها حاجات من هناك اللى اتبسطت اوووي بيهم وفرحت بس كانت مترددة تاخد ولا لا بس اخدتهم
…….
مشيوا وراحوا على البيت
بس هيثم وقف فى مكان هادي كدا
رحمه:-وقفت ليه
هيثم :-عايز اتكلم معاكي شويه
رحمه:-مش وقته عادل قلقان
هيثم :-مش هاخد كتير
رحمه :-اتفضل
هيثم :-انا … انا … انا أسفه بجد على كل اللى حصل وبعتذرلك انا مكسوف من نفسي جدا ومعاملتك دي معايا انا بخجل من كدا ومستغرب جدا من كل اللى حصل وبردوا سامحتيني مش انا بس كل اللى أذاكي انا مش عارف اقول ايه ولو قعدت اعتزر من هنا لحد ما اموت
رحمه :-دا موضوع وانتهي وبعدين المسامحه دي هي اللى كلمنا عنها الرسول الكريم الإحسان وهو مقابله الإساءة بالإحسان وبعدين انا اتربيت كدا اسامح اه بس ممكن قلبي يشيل ومش برجع زي الاول
هيثم :-يعني انتي سامحتيني بس قلبك شايل مني
رحمه:-سكتت
هيثم :-ردي عليا
رحمه:-الصراحه اه
هيثم :-وانا مقدرش على زعله ابدا تعرفي ليه
بصتله رحمه ..
لأن هو قلبي انا قبل مايكون قلبك
رحمه :-سكتت بس الخجل ظاهر عليها
هيثم :-انا عارف ان جرحتك بس ربنا يقدرني وأحاول أن انسيكي اللى حصل
رحمه:-هه يمكن يلا بينا بقى
هيثم:-هتشوفي يلا
****************
رجعت رحمه بيتها فى غايه الفرح وفهم عادل فرحتها واتمني كل الخير كلها
اتكرر الموقف مرة واتنين وهم الاتنين كل يوم مع بعض لآخر اليوم ويفطروا مع بعض آخر اليوم
لحد ما ظهر على هيثم علامات التعب والإرهاق بس كان بيداري بس على مين على رحمه اللى بتحس بيه اكتر منه وكل شوية تبص عليه بس مش عارفه تعمله ايه طلبت منه اكتر من مرة انه يقعد ويرتاح بس هو رافض لحد ما وقع من طوله بس كانت رحمه جنب منه سندت بس للاسف هو تقيل شوية لدرجه أنها وقعت بيه وهو على كتفها بس الحمدلله كان فى كرسي سندت عليه وعدلت رأس هيثم كويس على رجليها قلعت الجوانتي بتشوف رأسه السخونة لقيتها مولعه نار سخن جد
اسعفوه وفوقوه اول مافاق لقي وش رحمه قدامه
هيثم :-الله
رحمه:-حمدالله على سلامتك قوم يابطل كدا تخضنا عليك
فاق هيثم واستوعب انه كان على رجل رحمه واتمني لو كان فايق وهي فعلا اللى معاه مسك دماغه بايده الله يسلمك
رحمه:-انا مش قولتلك ارتاح
هيثم :-خايفه عليا
.. كان كل اللى جنبهم مشي
رحمه:’انت تعبان ودا ظاهر عليك
هيثم :-خايفه عليا
رحمه:-سكتت
هيثم :-تمام
رحمه:-خلي بالك من نفسك وارتاح انا هكمل وسابته ومشيت
وهو محتار فى رد فعلها دا هل هي لسه باقيه عليه وعايزاه ولا بتلعب بيه ولا بتتقل ولا ايه انا لأول مرة أكون عاجز عن فهمها كدا
********************
المرة دي خلصوآ اليوم بدري وراحوا ورحمه على الفطار
عادل:-عملتوا ايه النهارد
رحمه:-حكت اللى حصل معاها وعلى تعب هيثم
عادل:-ليه كدا مش يخلي باله من نفسه
رحمه:-والله قولتله
عادل:-فاضل كتير وتخلصوا
رحمه:-هانت فاضل اتنين بس فى حاجه انا حابه اعملها هنا
عادل :-حاجات كتير يارحمه انا عارفك بتحبي اللمه فى رمضان
رحمه:-ههههههههههه هو رمضان ايه غير لمة أهل وصحاب تكون ذكريات نشوفها اللى جايه ونضحك
هادل:’على رأيك ها ياستي هتعملي ايه
رحمه :-فطور جماعي
عادل:-وايه الجديد
رحمه:-الجديد أن كل اللى عنده أكل فى بيته هيجيبو
ندى:-الله دي فكرة حلوة اوووي
عادل:-متفهموني انتو الاتنين
رحمه:-يعني انا هطبخ هنا وهند يكون عندها أكل وكل اللى موجود فى الكومباوندا يجيب الأكل اللى عنده بس الفرشه علينا احنا ونتجمع مع بعض حتي نعرف بعض اكتر
عادل:-طاب مافى مسحيين هنا
رحمه:-بص يا اخويا انا هعدي على كل اللى موجود هنا سواء مسلم أو لأ ولو جم اهلا بيهم ليه لا عشان يشوفوا دينا الجميل اللى بيحث على الحب والتسامح وان رمضان هو دا عندنا ويمكن غيري يعملها بعد مني
عادل:-تمام وانا معاكي هرتاح يوم من الشركه ونعمل بعض وربنا يكرمنا كلنا
ندى-الله انا هصورها فيديوا
رحمه:-صوريها بس أياكي تنزليها فيس ولا أي حاجه تكون ذكري لينا احنا واللى عايز ياخدها منهم ماشي
ندا:-اوكشن
*******************
خلصوآ فطور وعادل راح يشوف هيثم اللى وقع من طوله
هيثم اتكلم مع عادل واللى قالته رحمه له
عادل:-انا فاهم اختي كويس جدا ودماغها ايه اختي على اد ما انت حبيتها هي حبيتك وزعلانه منك على اد الحب دا اقولك مع الوقت هتروق
……… محدش عارف اللى ناويه عليه رحمه بعد جواز عادل وندى ……….
هيثم :-يعني أكمل معاها اللى اتفقنا عليه ولا ايه
عادل:-خليك معاها قرب منها انا لو مش بحب اختي وكمان عارف حبك ليها ونفسي تفرح من قلبها ماكنت وافقت على حاجه زي كدا بس انت شخصيه محترمة وانا مديون لك يا سمسم
هيثم :-قلب سمسم انت
عادل:-حبيبي
*****************
خلصت رحمه فعلا اللى قالت عليه
وحددت اليوم اللى هتعمل فيه فى الكومباوندا وفعلا هي وعادل ومعاهم هيثم اللى استغربت مجيه عرف ازاي بس مش غريبه اكيد عادل خصوصا أنه يعرف كل اللى موجودين هو مش صاحبه بالفعل على كل فيلا والاستقبال والترحيب وكله عجبته الفكره خصوصا انها جديدة من حد جميل كله عارفه ومافيش حد عمل كدا قبل كدا الفكره عجبتهم وكله بالفعل وافق انه هيروح وبالفعل رحمه حتي اللى مش مسلمين عزمتهم لانها ذوق جدا
قفلوا الكومباوندا وفرشوا الأرض هم والأمن معاهم روح من الأخوة الحلوة والحب والتسامح والتفائل وبدوا يظهروا بالفعل حتي اللى برا الكومباوندا صاحب حد فيه كان معزوم عند.حد حضر معاهم وأول الحاضرين اللى مش مسلمين اختلط الأكل كله مع بعض
هيثم الدنيا مش سيعاه من الفرحه شايف حببته فرحانه جدا ومبسوطة حتي هو الروح دي كان مفتقدها من زمان الاحساس دا مش حسه غير مع رحمه وأهل رحمه بس الكومباوندا دا تقريبا محدش فيه بيعرف حد رحمه خلتهم أسره واحده بروحها الحلوة
بس لاحظ عليها انه كل مايقرب منها هي تبعد وتقريبا متجاهلاه خالص
كانت ليله حلوة كل اللى فيه كان فرحان حكاوي كتير حلوة ومواقف وطرائف حصلت وقصص وصلوا التراويح مع بعض كلهم وفكروا أن هم لازم يعملوا مسجد كبير هنا عشان كله سنه يجتمعوا زي كدا بس عند المسجد ويصلوا فيه كلهم
تقريبا فضلوا لحد السحور مع بعض وبعدها كل واحد على فيلته بس هيثم مانفردش ابدا برحمه اللى كان هيموت ويتكلم معالها بس هي رافضة
خلصت الليله وخلص رمضان وجه طبعا العيد
وكله فرحان
رحمه نزلت الصبح بدري بفستان اسود ساتان ونقاب أحمر ساتان وحاجه كدا من الاخر اتقابلت هي وهيثم رايحين الصلاه هو بقي تجرد من البدله الرسميه بتاعته كان لابس قميص ابيض بتلت كوم وبنطلون اسود والعيون اللى لسه ماستوتش …… حاجه كدا من الاخر اول ماشافها تخيل أنها مراته كان اخدها فى حضنه وماسبهاش ابدا افتكر أن العيد دا كان المفروض تكون مراته ويكون اول عيد لهم مع بعض بس كتم حزنه بفرحه بيها اول ماشافها قال لحد امتي يارحمه قدامي ومش قادر حتي اتكلم معاكي
ودعا ربه لو كانت من نصيبي وليا عمر معاها اجعلها من نصيبي لكن لو مش نصيبي ماتعلقنيش بيها اكتر من كدا يارب يارب
صلوا مع بعض فى جامع قريب كل واحد وحده فى زاويه مختلفه وبعدها خرجوا فى الإمكان بس الحاجه عليه ومعاها داليا دول فى البيت أما الشباب دا يوم عيد لهم عادل مع حته القشطه وندى مع وليد اللى خلاص اتحدد معاد الجواز أما هند ماخرجتش عشان الحمل ومستنين النهاردة قبل بكره تولد فيها بنوته حلوة كله منتظرها
رحمه طلبت من عادل أنها تروح وخليكم انتو بس اللى أتقدم انه هو اللى يروحها هيثم وسيب عادل مع خطيبته هي وافقت بس عشان عادل ماتحرموش فى يوم زي دا من حبيبته
بس هيثم ما اخدهاش على البيت
اخدها على فين
رحمه:-انت رايح فين وقف هنا
هيثم :-لا لسه مش هقف
رحمه:-بقولك أقف يا هيثم
هيثم :-بصلها خايفه مني ولا عليا
رحمه :-الاتنين أقف بقى
هيثم :-لا مش هقف
رحمه:-ماتجننيش
هيثم :’ههههههه لا انتي مجنونه وحدك ماتتسبليش بيا
رحمه:-بقى كدا
هيثم:’واكتر من كدا
رحمه:-طب انت رايح فين
هيثم :-هتعرفي لما أوصل
رحمه :-هيييييييييثم
هيثم :-عيون سمسم وقلب سمسم
رحمه:-لا والله
هيثم :-امال ايه واكتر من كدا أحب اقول تاني
رحمه:-لا ماتقولش بس قولي رايح فين وعادل كدا هيزعل
هيثم :-لا مش هيزعل هو عارف
رحمه:-بحاجب مرفوع نعمممممم
هيثم :-اللى سمعتيه والله عادل عارف انا رايح فين وواثق فيا جدا كمان
رحمه:-ماشي ياعم الثقه رايح فين
.هيثم :-اسكندريه
رحمه:-بخضه ليه
هيثم:-عايز اقعد معاكي شوية
رحمه:-ازاي يعني