رواية عازف بنيران قلبي الفصل التاسع 9 بقلم سيلا وليد

رواية عازف بنيران قلبي الفصل التاسع 9 بقلم سيلا وليد

رواية عازف بنيران قلبي الجزء التاسع

رواية عازف بنيران قلبي البارت التاسع

رواية عازف بنيران قلبي الحلقة التاسعة

قبل عدة ساعات
خرج من مكتبه بالنيابة متجها لسيارته،توقف أحد الأشخاص أمامه وتحدث إليه بوقار
– حضرتك حضرة وكيل النيابة راكان البنداري
أومأ برأسه وهو يدقق النظر لملامحه ،فبسط الرجل يديه وأعطاه مظروفا
– الظرف دا بأسم حضرتك واللي باعته يتسلم لحضرتك شخصيا
ضيق عيناه متسائلا
– إنت شغال هنا ؟! تسائل بها راكان ..هز الرجل رأسه وأجابه متوترًا
– أيوة يافندم ..ظل راكان يطالعه بصمت ،ثم أشار بعينيه لتحرك
أمسك المظروف وقام بفتحه وأحدهما يراقبه من على بعد مسافة …قوس فمه بسخرية وتحرك وهو يغلق المظروف …نظر الرجل الذي يراقبه مستغربا فقام الأتصال بأحدهما
– دا ماتهزش من حاجة ،قفله ومشي ولا كأنه شاف حاجة
على الجانب الآخر كان يجلس يستمع له بإهتمام ،تأفف بضيق من فشل مؤامرته ورغم ذلك تحدث
– هو حويط بس أكيد اتأثر ،المهم خليك بعيد عنه ،ممكن تكون خدعة منه علشان يعرف مين اللي بيلعب بيه
استقل سيارته وهو ينظر بجميع الأتجاهات ،ثورة حارقة اندلعت بجوفه وهو يكور كفيه ،ضاغطا على أعصابه حتى ظهرت عروق رقبته
فتحرك بسيارته وهو يتحدث بهاتفه
– حمزة نص ساعة وتكون عندي في العنوان اللي هبعتهولك ،ومعاك ورقة الجواز
– إيه اللي حصل ياراكان ،مكنش متفقين على كدا دلوقتي …أخذ يتنفس بهدوء وهو ينظر بمرآة سيارته
– معرفش حد بيلعب معايا وعايز يشغلني بموضوع تافه ،فأنا هرد عليه بس ..مفرقتش الشهر دا من اللي بعده ،المهم انا هسبقك وأعرف الدنيا فيها إيه واعتراف كامل من الزفتة دي ،وحياة ربنا لدفعهم التمن غالي
قالها عندما شعر بثورة حارقة بأوردته تريد أن تلتهم احشائه من الداخل
– خلاص أهدى ياراكان وإن شاء الله هنعمل اللي انت عايزه ..
وصل بعد قليل لمبني ضخم بأحد الأحياء الراقية ..ترجل من سيارته وارتدى نظارته وتحرك بشموخ وهيبته المعتادة ..طافت عينيه
المكان بملامح ثابتة جامدة وتحرك متجهًا للمبنى ..دلف للمصعد وخلال دقيقة صعد للطابق السابع ..
فتح الباب وطلت تلك الحرباء متصنمة بوقفتها وتوسعت عيناها من الصدمة عندما وجدته يقف بهيئته أمامها
– “راكان “رددتها بشفتين مرتجفتين وجسدا ينتفض رعبًا،من نظراته التي أوحت لها بأن القادم مهلك لا محاولة
توقف يرمقها بسخرية فأردف
– إيه مفيش أتفضل ياحبيبي، ولا كلمة حبيبي مبتقلش غير في الشركات
تصلبت تعابير وجهها فهزت رأسها بعد لحظة من التدقيق بملامحه
– لا ياحبيبي مش قادرة أصدق إنك قدامي في بيتي …دلف للداخل بخطواته الثابتة وهو يجيبها
– قصدك دا اللي كان مفروض بيتنا مش كدا،دا تمن خيانتك ليا
فركت كفيها وتحدثت بتقطع
– ليه مش عايز تنسى ياراكان …جيتلك كتير وزي ماانت …تحركت وتوقفت أمامه ثم سحبت كفيه تضمه
– انا كنت غبية ومقدرتش النعمة اللي كانت معايا ،صدقني مقدرتش أنساك ولا احب بعد
امال بجسده وهو يحدقها
– حلا هو أنت لسة بنت …صاعقة أصابت جسدها حتى فقدت اتزانها واستدارت تواليه ظهرها
– إيه اللي بتقوله دا ،إزاي تسأل وكأنك متعرفنيش، أنا لسة بيحبك
جلس على المقعد وهو يطالعها بغموض ثم أخرج تبغه يشعله بهدوء ورغم هدوئه الذي يظهر عليه إلا داخله يحترق بنيران مثلما يحترق تبغه …
جثت على ركبتيها أمامه تضم كفيه وطالعته
– راكان قول إنك جاي علشان نرجع تاني لبعض ،مش كدا حبيبي
نفث دخان تبغه بوجهها وأمال برأسه ثم تسائل:
– هو إنتِ حبتيني بجد ياحلا؟!
ترقرق الدمع بعيناها وضمت كفيه ووضعتهما موضع نبضها وتحدثت:
– وحياة ربنا حبيتك وحبيتك قوي كمان ،لكن الظروف كانت أقوى مني ..هز رأسه وكأنه يحاول أن يصدق حديثه ..ألقى بتبغه ثم توقف ودعسه بحذائه وتحرك بخطوتين يضع يديه بجيب بنطاله ينظر من الشرفة للخارج وتحدث
– تعرفي إنك وجعتيني قوي، لدرجة بقيت ماأحسش بالوجع بعدها، أستدار يشملها بنظرة ماكرة
– أصلك ماتتنسيش ياحلا، عارفة ليه …أشار لقلبه وأكمل مسترسلا
– بيقولوا ومالحب إلا للحبيب الأولي، تفتكري هعرف أحب تاني بعد ماحبيتك قوي ودوستِ عليا قوي …ذهب بذاكرته لذاك اليوم وتحدث
– خلتيني مسخرة وحديث السوشيال، العريس اللي هربت عروسه يوم زفافهما مع عشيقها
تنهد بحزن وأكمل:
– وطبعا كل واحد بقى يطلع قصص،ليه العروسة هربت من عريس زي راكان البنداري غير انها وجدت الأحسن والاغنى…تحركت وألقت نفسها بأحضانه
– راكان سامحني والله ماكان قصدي ..متعرفش عملوا فيا إيه ..دول خطفوا أمي وكانوا هيموتها لو كنت اتجوزتك
❈-❈-❈
أومأ برأسه وتمنى لو تلك الفترة مُسحت بالكامل من الذاكرة …أعاد يجلس وأشار بعينيه أن تجلس
– دلوقتي هندفن الماضي ياحلا وكأنه محصلش بس بشروطي أنا، وقبل ماتجاوبي
– الماضي هيندفن وللأبد ومش بس كدا ،هنتجوز لفترة معينة وكل اللي هتطلبه عندك، ومتخافيش هعرف أقدرك كويس ..راقبته بعيون مرتعشة وأنفاسًا تعلو وتهبط من شدة إضطرابها ..فتحدتث بتقطع
– مش فاهمة قصدك ياراكان؟!
قالتها بعدما ابتعدت وأولته ظهرها وهي تفرك كفيها ..تقلص المسافة بينهما ووقف أمامها وهو ينظر إليها بغموض
– قصدي هعوضك على شغلك مع توفيق باشا
جحظت عيناها من الصدمة فارتبكت بوقفتها وفقدت الكلام مبتعدة من مدى نظره..لحظات حتى لملمت شتات نفسها فتحدثت:
– إيه اللي بتقوله دا ..هز رأسه وهو يدور حولها ينظر بساعة يديه
– مش وقت أسئلة وصدمة ياحلا دلوقتي موافقة عن جوازنا لمدة محدودة وبشروطي ولا لا
توقفت خطواتها واتسعت عيناها تجيبه
– إنت عايز الرد دلوقتي ياراكي، مش تسبني أفكر
– لا …مفيش تفكير ..قالها راكان وهو يطع يديه بجيب بنطاله
صمتت لبرهة وهي تتفحصه بنظرات ماكرة وابتسامة خبيثة فاقتربت منه تحاوط عنقه
– موافقة طبعا ياراكي هو أنا أطول أكون حرم المستشار راكان البنداري
أنزل يدها بهدوء ،ثم جذبها من خصرها بقوة واقترب منها مدعيا تقبيلها ولكنه همس بجوار اذنها
– أول الشروط إنك متقربيش مني من غير إذن ياحلا
نظرت إليه بإستفهام ..ابتعد عنها وهو يشير بيديه إليها
– لازم يكون فيه حدود بينا ..الحدود دي هتكون لما نكون مع بعض لوحدنا ،أما دلعك الفاضي والمنحط دا، معنديش مانع تستعمليه قدام الناس ..قالها بنظرات مستهزئة …ودلوقتي هتصل بحمزة يجيب عقود الجواز والشهود ..كنتِ غيرتي هدومك دي، ولا ناوية نتجوز بالترنج دا ياعروسة
صدمة أصابت جسدها وهي تردد حديثه
– عقود جواز، ليه هو مفيش مأذون ..قام بإشعال سيجاره لمرة أخرى وهو ينفثه بهدوء ينظر إليها
– جوازنا هيكون عرفي، ليه إنتِ مفكرة هتجوزك رسمي وعند مأذون …توقف عندما فتحت فمها لتعترض
– أهو جواز زيه زي الجواز العادي، عادي تعرفي اهلك معنديش مشكلة ومتخافيش هاخدك بعد جوازنا لأهلي واعرفهم ..يعني بحسبتك إنتِ الكسبانة
عقدت ذراعها أمام صدرها وأردفت:
– بس مش مضمون حقي فيه ياراكان ..سحب نفسا من تبغه وزفره وهو يتحدث:
– ولو متجوزك رسمي هتضمني حقك وأنا مش راضي .. ضربها بخفة على كتفها
– فوقي ياحلا متفكريش اللي واقفة قدامه دلوقتي دا راكان القديم ..أنا مش فاضي للكلام الأهبل بتاعك دا، عندي ميعاد مهم وانتِ اخدتي أكتر من وقتك …قالها وهو يرتدي جاكتيه متحركا لباب المنزل …اوقفته عندما صاحت
❈-❈-❈
– أنا موافقة كفاية عليا أكون مراتك، وفي حضنك أي أن كان نوع الجواز ..ابتسم بسخرية ثم إستدار إليها :
– مش هتكلم تاني في موضوع الجواز دا ..هزت رأسها بالموافقة …بعد قليل انتهى حمزة من إتمام زواجهما وهو يغمز لراكان
– بالرفاء والبنين ياراكي
ارتسم إبتسامة واسعة على محياه وهو ينظر لحلا :
– ايوة ادعيلي من قلبك يامتر …ياله ممكن تهوينا عايز العروسة على أنفراد
– لسة زي ماانت ياحمزة ،قالتها حلا لحمزة الذي يجمع أشيائه ..توقف ينظر إليها ثم نظر لراكان
وأجابها
– غلطانة يامدام حلا، مش إنتِ مدام برضو ..توسعت بؤبوتها مشدوهة من مغذى كلماته فاتجهت سريعا بنظرها إلى راكان
– راكي إيه مش بتقول وراك مشوار ..توقف يبسط يديه إليها :
– مالمشوار دا لازم يكون بيكِ يازوجتي الجميلة
صراع عنيف أصابها وشعرت أنها لم تعد تعلم شيئا بما يحيكه راكان ولكنها تحركت بجواره وهي تحتضن ذراعيه ورغم شعورها بالرهبة بما هو آت ولكنها كانت سعيدة لما توصلت إليه ،حتى ظنت أن راكان مازال يهيم بها عشقا
استقل سيارته وهو يلوح بيديه لحمزة الذي تحرك مغادرا المكان بأكمله ..أما راكان الذي إستدار إليها
– النهاردة كتب كتاب سليم، هنروح نحضر كتب الكتاب ونرجع على شقتي اللي في العاصمة اكيد لسة فاكراها
ضيقت عيناها وتسألت:
– مش انت قولت مش فيه حاجة هتحصل بينا لفترة …قهقه ونظر إليها بخبث مردفا
– غيرت رأيي يازوجتي الجميلة، رفع أنامله يتحسس بشرتها وابتسامة خبيثة تشق ثغره ثم تحدث
– يمكن لما بقيتي مراتي حنيت لأيام زمان ..قالها وهو يقرص وجنتيها ثم قام بتشغيل محرك السيارة متجها لمنزل عاصم المحجوب ..
بعد فترة وصل لمنزل ليلى..ودقات قلبه تأن وجعا، بداخله نيران تحرق اوردته، كيف سيتحمل هذا الألم العظيم الذي يشق صدره..كان يشعر ببرودة تجتاح جسده، نعم هرب وهرب ولكن كيف لدقات القلوب أن تتوقف..رفع انامله يقرع الجرس..فتح الباب وكأنه يبحث عنها بقلبه قبل عينه …ماذا يفعل يؤنب نفسه أم يونب قلبه، لا يعلم سوى شيئا واحدا سوف يد بح بطرق عدة واليوم أول طريقة لد بحه ..لف ذراعيه حول خصر حلا علها تخرجه من حالة التشتت التي انتابته
– مساء الخير ..رفع الجميع أنظاره إليه
– حابب أعرفكم حلا مراتي…قالها بابتسامة تشق ثغره
..هناك من ابتسم، وهناك من حجظت عيناه من هول مارأى.. تحرك نوح إليه يجذبه عندما وجد نظرات سليم وزينب النارية إليه
توقف نوح أمامه بإحدى الغرف، وبدأ يصيح بصوتا مرتفع بعدما غادر المكان تاركا حلا بصحبة يونس ..
– إيه اللي عملته دا …من إمتى وانت بتسامح اللي كسرك …تحرك خطوة وهو يجيب نوح
– لو خلصت غضبك ولاحظت أننا في بيت ناس غريبة ،ياريت تسمح اخرج علشان الناس برة مستنية، وبعد كدا نتحاسب يادكتور …تحرك خطوة إذ وجدها تقف أمامه بالردهة بفستان أبيض جميل يرسم ملامحها بسخاء، مصنوع من التل وبه بعض الورود من نفس اللون ..وحجاب بنفس اللون ولكن منقط باللون الوردي.. حقا كانت تضيف حلاوة من نوع فريد، تخطف كل من ينظر إليها
دنى بعض الخطوات وكأنه يتحرك على نيران من الجحيم ثم طالعها بنظرات مرتجفة، و رسم إبتسامة واستدار ينظر إلى نوح ثم رجع بالنظر إليها
– الباشمهندسة عندها إهانة أو أتذكرت حاجة توجعني بيها…ولا يمكن جاية تباركلي على جوازي..مط شفتيه للأمام ينظر لليلها الخلاب الذي يجذبه
– عارفة إنتِ عدتيها بمراحل باشمهندسة
هزت رأسها بالنفي..ناظرة للأسفل وهي تتحدث بتقطع
– أنا جاية أتأسف لحضرتك ..آسفة ياسيادة المستشار…وبتمنى تنسى أي كلام قولته لك ..رفعت نظرها وتقابلت بشمس عينيه وأكملت
– أتمنى تسامحني…أنا مش منحطة قوي زي ماحضرتك مفكر ..وبكرة الأيام تثبتلك
آه زي ماقولت جاي أباركلك
– ألف مبروك …قالتها وتحركت سريعا للخارج ..كانت تنتظرها أسما التي أطبقت جفنيها تعنف نفسها على ماقالته لها منذ أمس …ولكنها كان يجب عليها فعله
استدار إلى نوح ولا يعلم ماذا يحدث …ربت نوح على كتفه، ثم خرج متجها للمأذون الذي وصل
جلس الجميع ينتظرون إتمام عقد القران ..سليم الذي اتسعت ابتسامته وهو ينظر إليها ويحدث نفسه
– أخيرا الملاك دا هيكون ملكي أنا ..ابتسم لها إبتسامة عذبة ناظرته بإبتسامة، ورغم إبتسامتها إلا أن قلبها يبكي دما وهي تتذكر كلمات أسما
– بلاش تتجوزي سليم ياليلى..لسة قدامك وقت هتتوجعي حبيبتي..وسليم مالوش ذنب، إنتِ مش بتعاقبي غير نفسك ..مش هتقدري تكوني مع سليم وقلبك مع راكان
هزت رأسها رافضة حديث أسما
– صدقيني نفسي أرجع بكلامي، لكن أمجد خرج من السجن بمركز أبوه هيلف على بابا تاني …متعرفيش أمجد دا تعبان كبير..متنسيش البنت اللي اغتصبها وعمل فيلم وداسو على شرفها..الناس دي أحنا مش قدهم ..بكت بنشيج وتحدثت من بين بكائها
– كان نفسي يحصل معجزة في حياتي ياأسما والجوازة توقف..لكن خروج أمجد خلاني عاملة زي الطير المدبوح، تعرفي أنا قولت لراكان إيه علشان يكرهني
أزالت عبراتها وهي تنظر لصديقتها بحزن وألما معا
– قولت له أنا هتجوز أخوك علشان أوجعك ،علشان أكون مبسوطة وأنا شايفاك بتتألم وحبيبتك في حضن أخوك …أغمضت عيناه وانقطعت أنفاسها وصرخت حتى جثت بركبتيها على الأرض الصلبة
– دبحته بكلامي ياأسما …لما الحقير دا جالي وهددني وقالي لو فاكرة إنك مسنودة من رئيسك في الشغل تبقي عبيطة …رصاصة طايشة ولا فرامل عربية مقطوعة ..دنى منها أمسك رسغها وضغط عليها وهو ينظر إليها بوقاحة
– ولا أغتصاب …أموت أنا في قضايا الأغتصاب،بس دا هيكون معاكي ولا مع اختك الجميلة درة ..ولا شوية هيروين لأبوكي يتحطوله في أي مكان ، اتجهت بنظرها لأسما التي ساعدتها على الجلوس وهي تضمها لأحضانها وتبكي :
– قولي لراكان ..اكيد معرفش انه خرج ..مسحت دموعها وهي تهز رأسها رافضة
– لا ياأسما ..هو ميعرفش أن سليم خطبني ،ميعرفش اني اتخطبت لو يعرف أكيد مكنش عمل كدا …وبعدين راكان هيعملي إيه، ماهو حبسه كام شهر وخرج اوقح ..هزت رأسها بهستريا وهي تتحدث بخوف
– لا مستحيل اقوله ، لا دا بيقول فرامل عربية ،ولا رصاصة ..جحظت عيناها
– ولا درة ممكن يأذيها، إنما لو اتجوزت سليم هيتهد ويبعد عني مش هيقدر يعمل حاجة ..بكت بنشيج وهي تردد هو عايزني أنا ..بلاش اذيهم بسببي دا دخل بابا السجن وممكن يقتل راكان ويغتصب درة ..هزت رأسها كالمجنونة
– لا لا مقدرش …ملعون قلبي اللي يحب ..مش مشكلة قلبي يوجعني بس مأذيش حد، ومتنسيش راكان طلب مني مقابل مساعدته إيه
اطبقت على جفنيها وتحدثت
– سليم كويس وأكيد هحبه كتير كمان …ادعيلي ياأسما أقدر احبه وانزع حب راكان من قلبي ..مش عايزة أكون خاينة يااسما والله عمري مافكرت في كدة ..أنا مش خاينة يااسما والله انا ماخاينة …أنا بس حبيت الشخص الغلط في الوقت الغلط ..
– ياااااارب قالتها بقلب مقهور …خرجت من شرودها عندما سألها والدها أمام الحضور
– موافقة ياحبيبة بابا على سليم يكون زوجًا لكِ…نظرت إليه بدموع مترقرقة، توجه بنظره للبعيد وهو يكور قبضته يتمنى أن تخيب ظنه وترفض هذا الزواج الذي سيدمرهما ولكن ليست الأماني بالتمني ..اتجهت لسليم ورسمت إبتسامة بصعوبة فاجابت والدها :
-” موافقة يابابا” بعد قليل أعلن المأذون
” بارك الله لكم وجمع بينكما في خير ”
ابتسمت وقام الجميع مهنؤن العروس والعريس
أما الذي أعطاه الوثيقة ليضع إمضائه عليه،كأنه يقوم بالتوثيق على شهادة وفاته ..رفع نظره إليها وجد إبتسامة تنير وجهها وسليم متجها إليها بإبتسامته ثم ضمها مقبلا جبينها …تعالت الزغاريط والتهاني ..نزلت ببصرها للأسفل تنظر إليه وجدت حلا تشبك أصابعها بيد وترجع خصلاته للخلف باليد الأخرى وهي تهمس له …كان في بداية الأمر شخص ذو جسدا بلا روح كأنه إنسان أليا ينظر للجميع ويرى الابتسامة على الوجوه سواه فقط ..
هل هو بغيبوبة آلان..حقا لقد فعل به أكثر من ذلك ولكن تؤلمه اليوم يفوق الحدود ..وضع كفيه على شقه الأيسر، ثم قام بفك رابطة عنقه عندما وجد الجميع يوجهون أنظارهم لذلك الثنائي ..وهم يتراقصون على نغمات رومانسية هادئة يضم خصرها ويحاوطه بذراعيه، ثم يهمس إليها بكلماته التي توردت وجنتيها من خلالها ..أطبق على جفنيه ثم همس لحلا
– خليكِ جنب سيلين هروح أشرب سيجارة برة
ابتسمت وهي تهز رأسها بالموافقة…أما يونس الذي ماإن توقف راكان مغادرا المكان…اتجه سريعا لحلا يجذبها بعنف متحركا بها لبعض الغرف …دفعها بقوة حتى كادت أن تسقط وأشار بسبابته:
– إيه اللي رجعك يابت وناوية على إيه؟! وبلاش شغل سبع ورقات انا قولت لك راكان نسيكي
دفعته بشراسة وصاحت بغضب
– انت مالك وبعدين احنا اتجوزنا دلوقتي ياريت تطلع منها، وبلاش أنت يادكتور …قالتها وغادرت غاضبة تبحث عنه في الأرجاء عندما وجدت نظرات مستاءة إليها
عند راكان بعد دقائق وصل سليم إليه ..كان ينظر لحركة الناس بالشوارع ..ثم رفع نظره للسماء الملبدة بالغيوم ويختفي القمر خلفها ..ابتسم بسخرية حيث شبها بالقمر الذي اختفى منه خلف الغيوم …همس لنفسه
– كنت عارف هتعاقب عقاب كبير من ربنا بس عمري ماتوقعت العقاب يكون صعب قوي كدا ..يارب عارف اني عبد مهمل لايصلح لقبول دعائه ولكن رحمتك وسعت كل شيئا”
أطبق على جفنيه وهو يضع يديه على شقه الأيسر الذي كاد أن يتوقف من الألم
– مش طالب غير أنك تشيل وجع قلبي، يارب ريح قلبي وابعده عن الظلمات…قالها بقلبا مؤلم ووجه حزين …ربت سليم على كتفه واستدار يقف أمامه
– انا مش هلومك ياراكان ولا هقولك ليه عملت كدا، بس هقولك عمري ماشفتك ضعيف كدا ياراكان …ملقتش غير حلا ،اللي كسرتك
حاول رسم إبتسامة على وجهه وأجابه
– انا معدش فيا رجا …يعني حلا زيها زي غيرها مش هتفرق ..وبعدين دي مش جديدة عليا ياسليم ماانت عارف، اللي بتعجبني بتجوزها
❈-❈-❈
مط سليم شفتيه وأردف:
– هحاول أصدق تمثيلك ياراكان ..جذبه راكان لأحضانه يربت على ظهره
المهم مبروك ياحبيبي وعقبال لما تجبلي بيبي يقولي ياعمو ..أخرجه وتمنى لو يصرخ من أعماق قلبه لتزهق روحه بعدها …حينما ابتسم سليم وتحدث مؤكدا
– اجهز بس علشان تربيه …أنا مش هأمن لتوفيق يربيه بقولك أهو ..لازم يتربى زي مااتربينا…لكزه راكان وهو يحاول السيطرة على نفسه
– هو إحنا اتربينا يلآ ..مش فاكر،ظلوا يتحدثون لبعض الوقت حتى وصلت ليلى وهي تنظر إلى سليم
– أنا جاهزة ياسليم ياله علشان منتأخرش ..تشابكت الأيدي أمامه وهو يطالع أخيه
– هنروح نتعشى برة …أخيرا هنخرج لوحدنا ،،يااااه دا الواحد ماصدق ..نظر إلى ليلى التي تهرب بأنظارها
– ولازم نحتفل يالولا دلوقتي إنتِ حرم سليم البنداري
ابتسمت له إبتسامة هادئة
– طيب ياسليم باشا ممكن نمشي وبعدين نشوف موضوع حرمك دي بعدين..جحظت عيناه وهو يرمقها بنظرات ذات مغذى
– لا ياحبيبتي دا صلب الموضوع..إنتِ مراتي دلوقتي..فاهمة معنى الكلمة …توردت وجنتيها من مغذى حديثه، فتركت كفيه وخرجت سريعا مردفة
– سليم هستناك برة ..جذب راكان يديه
– بلاش تحرجها بالكلام دا ياسليم ،ليلى تربيتها مش زينا ..ضحك سليم وتذكر كلماتها
– تعرف قالتلي كدا…قالت أنا بضايق جدا من طريقتكم بالتعامل مع نورسين ..مفيش بينكم رابط علشان تكون قريبة كدا لحد التلامس،بتكره دا جدا .. متخافش الكام مرة اللي قعدت معاها فيهم فيه حاجات كتيرة عرفتها مكنتش واخد بالي منها …قالها سليم متحركا إليها ..بينما راكان الذي وقف يتابع المارة وجدهما متجهين لسيارة أخيه وهو يضم خصرها وابتسامة على وجههما وان دلت فتدل كم يعشقان بعضهما البعض
حاول سحب بعض الهواء الذي شعر بإنسحابه بالكامل ومايشعر به سوى الاختناق.. حاول أن يفعل شيئا محاولا نسيان مايؤلم قلبه ويوقف خفقانه القوي بصدره ..قاطع حالته وصول حلا إليه وضعت رأسها على كتفه
– هنفضل هنا كتير ،أنا زهقت ..وصلت زينب إليهما…لم تنظر لتلك الحرباء كما وصفتها واتجهت بأنظارها إليه
– إحنا هنمشي ، أخوك خد عروسته وراح يسهر .مااعتقدش وجودنا له لزوم ..
يعلم من حديث والدته أنها غاضبة منه ..ولكن عليها التريث حتى ينهي مخططه
– مين هيوصلكم،معاكي السواق ولا بابا هيروح معاكم ..تحركت وهي تتحدث
– ابوك معانا ..زفر بغضب وهو ينظر لحلا
– يلا إحنا كمان هنمشي…بعد فترة وقف يونس أمام سيارة عمه
– عمو أسعد بعد إذنك هاخد سيلين معايا في عربيتي …توجهت سيلين لسيارة والدها وفتحتها بغضب ثم تحدثت:
– انا مش هركب غير عربية بابا…استقلتها بالخلف بجوار والدتها ..وصل إليها يحاول إخراجها رغم عنها ولكن صاحت زينب
– ابعد ايدك يايونس ،ومش معنى إنك رفض تكتب على بنت عمك يبقى كدا بترضينا، روح شوف واحدة زي اللي ابن عمك اتجوزها، وصل إليهم أسعد وتسائل بحيرة
– مالكم فيه إيه ؟ وليه سيلين رافضة تركب مع يونس؟
أجابته سيلين سريعا:
– محتاجة ماما في موضوع مهم يابابا ،اومأ رأسه وهو ينظر ليونس ..خلاص يايونس روح إنت وأحنا وراك …تحرك الجميع بسيارتهم ..
❈-❈-❈
بعد فترة وصل راكان لمنزل حلا مردفا
– إنزلي …قطبت مابين حاجبيها متسائلة
– يعني إيه ؟! زفر بغضب يفتح باب السيارة وصاح بصوتا غاضبا من يراه يظن إنه مجرما وسيقتل أحدا بالحال
ترجلت سريعا من السيارة حينما وجدت حالته وعيونه التي تحولت للون الأحمر، وعرقه النافض بعنقه…حقا مظهره كان مروعا.. تحرك بالسيارة يقطع طريقا سريعا حتى تركت السيارة غبارا خلفه من شدة سرعتها…ظل يقود السيارة بلا هدى وهو يتخيل مايصير بينهما
نظر حوله وجد نفسه بمكان على المقطم يخلو من البشر ..ترجل من سيارته وهو يقوم بفتح زر قميصه عندما أحس بالأختناق ..سحب نفسا طويلا …ثم زفره دفعة واحدة…جلس فوق صخرة وهو ينظر للأسفل عندما حركت قدميه بعد الصخور التي تدلت مندحرة للأسفل بقوة
تمنى لو يكون مثلها حتى يفقد الحياة فالقادم سيكون مؤلما حقا …تذكر حديثها
– عايزاك تتوجع ياراكان وانت شايف حبيبتك مع أخوك
أرجع خصلاته للخلف وكادت أن تصبح مقتلعة بكفيه ..توقف يتطلع حوله بإنهيار ثم جثى على ركبتيه وصرخ صرخة شقت الصدور ..لحظات ولحظات وهو يصرخ من أعمق نقطة بقلبه عله يخرج آلام وإحتراق صدره ..استمع لرنين هاتفه ..لم يكن بحال ليجيب على احدا، ولكن الهاتف ظل بالرنين عدة مرات حتى قام بفتحه
– إنت فين ؟ نظر بضياع حوله وهو يهز رأسه
– مش عارف …قالها بقلب يأن وجعا ..أمسك هاتفه ونظر إليه واجابه
– في المقطم ولو جاي …هات أي حاجة أشربها لعل وعسى أنسى وجع قلبي …
كز على شفتيه صارخ به …وتحدث بغضب
– قدامك ربع ساعة لو مكنتش عندي صدقني وقتها هنسى أننا أصحاب…نوح هنا هو كمان ،تعالى حطوا وجعكم على بعض، مفيش ألم مستمر طول العمر ياراكان ..
لم يجادل حمزة كثيرا واستقل سيارته متجها إليهما …وصل بعد فترة قابله حمزة على باب المزرعة تصنم بوقفته أمامه وانكمشت ملامحه حينما وجد حالته التي كانت عبارة عن لوحة من الألم والحزن …ربت على ظهره مردفا
– راكان لازم تقوى عن كدا ،اومال يوم الفرح هتعمل إيه ..ابتسم نوح بسخرية وأجابه وهو يتجرع من كأسه
– هيروح يتجوز تاني ويقضي الليلة مع البنت اللي معرفش هيجبها منين بس اللي اعرفه هتكون أمها داعية عليها …لان الليلة دي بالذات ممكن يتخيلها ليلى
لكمه راكان حتى سقط نوح بجسده هاويا على الأريكة وهو يمسك وجهه
– يخربيتك حمار دايما ايدك تقيلة …ابتسم بسخرية مردفا:
– إيه الكلام وجعك …بتحسسني إنك مش بتعملها ..نهض متجها للبار، وجذب كأسا من النبيذ خالي من الكحول بعض الشيئ وبدأ يتجرع منه وذكريات تهاجمه بقوة ..اتجه حمزة وجذب مقعد جالسا أمامه
– وآخرة دا إيه، ماقولنالك خد خطوة صريحة،لكن اسم الله عليه كرامته ناقحة عليه
تهاوى جسده على المقعد ممسكا كاسه وهو يدوره بيده على البار ..ثم فجأة اطلق ضحكة صاخبة وهو يتكأ بظهره على المقعد
– حلا بتقولي تعبانة، الهبلة مفكراني هقرب منها دقق حمزة النظر إليه ثم إلتفت إلى نوح الذي تسطح بجسده على الأريكة وهو يقهقه
– أسما بتقولي روح اتجوز وأنا اول واحدة هباركلك ..قهقهات مرتفعة منهما حتى نهض حمزة وهو يتسائل
– دكتور الحريم فين خليها تكمل، اعتدل نوح جالسًا وهو يتكأ بذراعه
– راح يعمل عمل لتوفيق وسيلين والكل كليلة
ضرب حمزة كفيه ببعضهما:
– والله العمل شكله عليا أنا عشان مصاحبكم
– ربنا يصبرني ..هو أنا قدرت على راكان لما تطلعلي إنت كمان ..فوق يابن الكومي …طيب دا حزين وصعبان عليا، إنت إيه مشكلتك
دنى منه وجلس أمامه
– لو بتحبها بجد، لازم تعمل المستحيل يانوح وتعرف هي متغيرة ليه، وليه فجأة قررت انكم تفترقوا
اعتدل ينظر لمقلتي حمزة
– بقولك فرحي بعد اسبوع ..ودا اللي هيتم غصب عنها وعني ..وياريت متفتحش الموضوع تاني عشان منخسرش بعض
توقف وهو يرمقه بغضب
– طول عمرك غبي، بس بتأكدلي إنك متستهلش اتجه لراكان الذي بدأ يتجرع الكثير من النبيز وجذب منه الكأس وألقاه متهشما
– فوق ياراكان ومتنساش إنك وكيل نيابة، مش عيل صيص حتة بنت تعمل فيك كدا …رفع سبابته وتحدث بهدوء
– حمزة متغلطش دي بقت مرات اخويا ..ومش هي اللي عاملة فيا كدا ابدا
أومأ حمزة رأسه مردفا بسخرية
– أيوة فعلا إنت هتقولي، أنا اللي عامل فيك كدا ..توقف واتجه للمرحاض ووضع رأسه تحت صنبور المياه ..وقام بتجفيفها ينظر للمرآة
– حمزة عنده حق ..إنت اتجننت ، حلا عملت الأكتر من دا وعمرك ماكنت كدا..فوق ياراكان ..عشان تاخد حقك وحق والدتك وأخواتك ..وارضى بالأمر الواقع ..ليلى مرات أخوك ،وإياك تتعدى المحظور ..إياك ياحضرة المستشار…كلهم بيستنوا منك غلطة علشان تقع وانت بتروح للغلط وتعمله
خرج متجها ينفث تبغه وجلس ينظر لحمزة
– عملت ايه وصلت لحاجة ..
ابتسم حمزة وهو يشعل سيجاره
– ايوة كدا ياعم فوق كدا وارجعلي راكان البنداري عشان احبك..لم يجادله راكان فتسائل
– وصلت لحاجة ؟!
أومأ برأسه
– حلا شغالة معاه في شركة السويس ..وزي ماتوقعت هو اللي جابها وبعتها …وسليم ماتقبلش معاها ابدا ..قبل شهر كانت عند يونس في العيادة
ضيق عيناه متسائلا:
– وإيه اللي وداها ليونس..رفع كوب قهوته مرتشفا منه وأكمل حديثه
– دا معرفوش ..ممكن تسأل يونس..نهض ينظر من النافذة وينفث دخان تبغه وتسائل
– عرفت البنت اللي شغالة مع حلا ..طلعت تبع قاسم الشربيني…اتجه إليه حمزة
– قصدك قاسم الشربيني المشهور الل…أومأ برأسه وهو مازال ينظر للخارج وأكمل
– جاسر الألفي هو اللي جمعلي المعلومات دي، وفيه حاجة قاسم الشربيني له علاقة بالقضية اللي معايا ..فوق ياحمزة شكلنا داخلين عش دبابير كبير
تنهد حمزة وهو ينظر إلى نوح الذي ذهب بسبات عميق، ثم اتجه بنظره إلى راكان
– مقولتليش ليه جدك بيعمل كدا..يعني إيه سبب عدواته مع طنط زينب
أمسك كوب قهوته يرتشف منه ثم ذهب بذكرياته واتجه إلى حمزة
– تعرف انا خايف على نفسي لأعمل زي جدي
قطب حمزة حاجبيه متسائلا
– مش فاهم تقصد إيه؟! …تنهد راكان بحزن ثم أطبق على جفنيه يتذكر حديث والده فرفع بصره لحمزة وبدأ يقص له ماقاله له والده
– جدي ووالد طنط زينب وقاسم الشربيني دول كانوا أصدقاء زينا كدا …اتخرجوا من كلية الهندسة وعملوا مشروع والدنيا لعبت معاهم والمشروع كبر وعملوا شركة والشركة كبرت وبقت شركتين …لكن طبعا مش كل حاجة فضلت زي ماهي …أخرج تبغه وقام بأشعاله ..زفر حمزة منه وصاح بغضب
– وبعدهالك ياراكان صحتك، شوف كام واحدة حرقتها …طالع حمزة بنظرة قاتمة واجابه
– صدقني انا بحترق من جوايا أكتر من السيجارة، فبلاش تتعبني ياحمزة لو سمحت..تنهد حمزة وأشار بيده
– طيب كمل ياراكان، خف شوية من التدخين عشان خاطري …أومأ برأسه وتحدث:
– ان شاءالله..نفث دخان تبغه وأكمل
– قاسم الشربيني حب بنت غنية، البنت دي مش فاكر اسمها بالظبط، المهم حبها فكان شرط باباها ان قاسم يسيب الشراكة ويعمل شركة لنفسه عشان يكبر ويكون في مقام خطيبته ..طبعا جدي اتجنن وقاله مستحيل إزاي عايز تسبنا في الوقت دا ..والد طنط زينب جدو محمد قاله خلاص ياتوفيق سيبه وربك هيسر ونشوف حل
فضلو تلات تيام والدنيا والعة بين جدي وبين قاسم الشربيني اللي وقف وقال أنا لقيت حد يشتري نصيبي ..جدو محمد والد ماما زينب رفض وقاله أنا عندي بيت كبير وارثه عن بابا هبيعه..وفعلا باع البيت وكان له اخت ادلها نصيبها وأشترى نصيب قاسم ..كدا بقى جدو محمد عنده الضعف والادارة كلها بايده ..عملو مشروع سكني كبير ومكسبه كان أكبر. في الوقت دا دخلت شركة كبيرة وطالبت تشاركهم طبعا توفيق باشا فرح بالعرض بتاعها بس جدو محمد رفض ..فضل بينهم توتر وخناقات لحد مالموضوع هدي واضطر جدو محمد يوافق على الشراكة
تنهد راكان بمرار ويبدو أن جراح جده تلتهمه هو كذلك ..فنظر إلى حمزة وأكمل
– بنت الراجل بتاع الشركة دي كانت حلوة أوي وذكية طبعا جدو كان متجوز في الوقت دا ومخلف بابا …تهكم بسخرية واردف
– بس طبعا البنت خلته ينسى مراته وابنه وحاول يجذب البنت دي في الوقت اللي اقتربت من جدو محمد وبدأت قصة بينهما بس سرية ..يعني لاهو اتكلم ولا هي اتكلمت حب نظرات …لحد مافي يوم طلبها جدو محمد للجواز…طبعا الصدمة على توفيق شديدة ،هو بيحاول يقربلها وفجأة سمع إنها اتخطبت لصديق عمره …اتجنن طبعا وقاله انت خطفتها ..الموضوع ماوقفش على كدا …هو عارف وقتها سيولة محمد في المشروع ومعندهوش رصيد …وقف وقاله انا مش هكمل في الشراكة
اقترب راكان وامال بجسده أمام حمزة عارف انا دلوقتي عزرت جدي ياخي …لكزه حمزة وهو يرتشف قهوته للمرة الثانية
– كمل ياعم العاشق …قصة عشق توفيق الفاشلة ..أفلت راكان ضحكة من بين شفتيه
– ماتتريقش عشان بكرة ممكن تتريق عليا ..دفعه حمزة حتى سقط من فوق مقعده على الأرض
– هتكمل يابارد ولا اروح انام …نوح بياكل رز ولبن مع الملايكة …اتجه بنظره إلى نوح
– نوح دا غبي ونفسي أضربه ..ضرب حمزة كفيه ببعضهما مردفا
– لا حوش ياحنين دا أنت آخر واحد تتكلم ..المهم بلاش السيرة اللي توجع القلب دي وخلينا في توفيق اللي عمري مااتخيلت عنده قلب وحب فعلا
زفر راكان محاولا سحب كم من الهواء وأكمل
– لما توفيق أصر على فض الشراكة عشان يحطم محمد ويعرف خطيبته انه ولا حاجة من غيره …كان لازم يبيع الشركة عشان يديله حق ..بس جه اللي كسر جدي لما خطيبته قالت لمحمد هدخل شريكة مكان توفيق ..وقتها توفيق اتجنن وقال انت عملت دا كله عشان تخرجني وشوية خناقات ..طبعا محمد كان حكيم بعد عنه واتجوز وخلف ماما زينب وخالتو زينة ..وشركاته هو مراته كبرت جدا لكن مراته اتصابت بالسرطان وماتت بعد خماستشر سنة ..والعدواة كبرت بينهم ..هو رجع لقاسم وعملوا شراكة مع شركة ألمانية وكان صاحب الشركة دي جدو والد ماما هيلينا
سحب جرعة كبيرة من الهواء وزفرها وأكمل
– بابا كان معيد في الجامعة اللي فيها ماما زينب ..حبو بعض فضلوا أكتر من سنة لحد ماراح يقول لجدو توفيق …طبعا جدي اتجنن وفكر ان دي لعبة من جدو محمد عشان يرد على اللي هو بيعمله ، أصله حاول يأذيه كذا مرة، لكن محمد محبش يغدر بيه
بابا كان بيحب ماما زينب جدا ومقدرش يبعد عنها وراح لباباها وطلب يجوزهاله من ورا جدي …في الأول جدو محمد رفض ..لكن مع اصراره ومع حب ماما زينب اضطر يوافق
واتجوزها وقعدوا حوالي اربع شهور محدش يعرف لحد ماجه توفيق عرف والدنيا ولعت وخناقات وهدد جدي وخلى بابا يطلقها عشان يكسر فرحة جدي ببنته…جدي مكنش عنده غير بنتين بس، كان بيعايره وكان بيقوله إزاي عندك شركات كتيرة ومفيش غير بنات بس ..شوف انا عندي اللي هيرفعوا اسمي كلام كتير اتقال وقتها
وراح اتجوز هيلينا، طبعا كانت مسيحية وألمانية..العادات وكل حاجة مختلفة ..بابا اتخنق منها ومقدرش يكمل حياته ، راح يعيط لجدي محمد بعد مارجع ماما زينب لعصمته …ماما زينب كانت حامل في إبنها الأول وماما كانت حامل فيا …يعني كان بينا شهور ..ماما كانت بتشرب طبعا خمور ودا كان غلط وحصل مضاعفات في حملي وولدتني في الشهر السابع وفضلت فترة في الحضانة …أما طنط زينب أبنها مات في بطنها بسبب دوا غلط ..ونزل إبنها ميت ..خرجت من الحضانة وخدوني عند ماما اللي اتجننت لما عرفت بابا متجوز عليها ..راحت لطنط زينب كانت لسة والدة اليوم دا وفقدت إبنها…وماما طبعا اتخانقت مع بابا لما لقيته هناك ..وطلبت الطلاق ورجعت على البيت وقفلت على نفسها أسبوع كامل لحد ماخرجت وهي طبعا شاربة ومتقلة العربية انقلبت بيها …بعدها بيومين بابا اخدني كنت حوالي شهرين وداني لماما زينب ومعه وصية كاملة من ماما إنها هي اللي تربيني وغير تنازل عن حقها بإسمي وماما زينب هي الواصية، وبالفعل ماما زينب هي اللي اهتمت ورعتني يعني زي مابتقول كدا أنا عوضتها عن فقدان ابنها وهي عوضتني عن فقدان أمي اللي بابا عرف وقتها ان جدو توفيق حاول يجبرها على حاجة زي مثلا تعمل حاجة لزينب منعرفش عشان كدا اتنازلت عن كل حاجة..في الوقت دا جدو محمد مات
توقف يجمع أشيائه وهو يطالع حمزة
– دي قصة العدواة اللي بينهم، هو حاول يعمل كل حاجة وقتها عشان يجبر بابا ياخدني منها ،بس هي رفضت وقالت لو هتموتني مش هدولك ..كانت في الوقت ماسكة شركات باباها وعنده قوة يابني مش زي دلوقتي خالص ..تعرف أنا بحبها رغم ضعفها دا ..وخصوصا لما عرفت انها مستعدة تتنازل عن كل حاجة عشاني .وعملت مع سيلين زي كدا بالضبط ..لازم امشي وبعدين احكيلك قصة خالتو زينب وعمو محمود
❈-❈-❈
بعد عدة أيام سافر راكان إلى ألمانيا …وفي إحدى الليالي كان يغط بنوما عميق ..أستيقظ على صوت هاتفه ..
– أيوة يابني هو فيه حد يصحي حد دلوقتي إنت عارف الساعة كام دلوقتي
قهقه سليم الذي يجلس أمام المسبح وسلين بأحضانه تلعب بهاتفها ألعاب إلكترونية
– فيه معرض عندك في برلين منزل فساتين زفاف لسة شايفه بعد ماكلمت معارض في باريس ..بس دول عجبوني أكتر، شوف كدا لو فيه حاجة تناسب ليلى تجبها معاك أنا عارف ذوقك حلو
اعتدل في نومه ودقات عنيفة بصدره..وكأن أحدهم سكب عليه دلو من الماء المثلج بفصل الشتاء قارص البرودة…ناهيك عن أن هناك مايمنع تنفسه فأردف
– أنا مابفمهش ياسليم في الحاجات دي، ممكن تشوف حد غيري …قالها بصوتا متقطع
كسا الوجوم ملامحه وبدأ يتحدث بعتاب
– يعني مش عايز تفرح أخوك ياراكان ..مسح على وجهه متنهدا ثم أردف
– حاضر ياسليم …مقدرش على زعلك …باليوم التالي توجه لذاك المعرض الذي اخبره به
نظر إلى كل الفساتين وهو يتخيل ملامحها بهم ، ولكن لم يروق له أي فستان ..تحرك مناويا المغادرة…رأته مالكة المعرض فتوجهت إليه تحدثه باللهجة الألمانية
– ماذا تؤمر سيدي؟! أراك وكأنك تبحث عن شيئا محددا..تبسم لها بعملية واجابها
– كنت أود أن أجد ماابحث عنه ولكن خاب ظني ..ابتسمت وتحركت أمامه لأحد الأماكن التي توجد بالطابق العلوي ويبدو أن بها من الفساتين التي تبدو باهظة الثمن
بدأت تفتح له العديد من الفساتين وكانت توجد بمكان يشبه الخزانة ويدور ليظهر جمالهم ..ذهب بنظره لأحد الفساتين التي توضع بأعلى وجهه ويبدو انه ماركة إعلانية …رفع بصره يقيمه يتخيله عليها ..ثم أشار عليه
– عايز دا …توسعت بؤبوتها مشدوهة بذهول وهي تهز رأسها رافضة
– عفوا منك سيدي ولكنه هذا وجهة المعرض الإعلانية..لم أستطع بيعه
تحرك مغادرا وتحدث
– لم يعجبني غيره ..عذرا فكلهم شيئا واحدا
أوقفته قائلة
– هل تعلم كم يبلغ سعر هذا الفستان
ابتسم ينظر إليه وكأنه يراها به ..وأجابه
– مهما يبلغ ثمنه، فلم يكن بالكثير على من ترتديه…ابتسمت واتجهت إلى الفستان وانزلته أمامه
– يبدو أنك عاشق، راقني جدا نظرة الحب التي تبدو بعينك ..فأنا موافقة سيدي على ابتاعه ولكن سيكلفك الكثير من النقود
أشار له بيديه
– ضعيه بعلبة من أجمل وأرقى العلب التي تضع بها تلك الفساتين …أريده فستانا لملكة الملكات
ضحكات خرجت من فمها ترواده
– بالطبع ايها الوسيم…سأرسل لأرقى الأماكن كي ترسل لي علبة خصيصا لك ..ويطبع عليها أسمك وأسمها .. هلا أخبرني أيها الوسيم مااسم عروسك الجميلة
-“ليلى” قالها بعيونا لامعة ودقات صاخبة …دنت تربت على كتفه
– مبروك عروسك أيها الوسيم ..يبدو أن العشق هو سعادة قلوبنا ووجوهنا، لكن لم تقل اسمك
صمت للحظات ثم أردف
– لم يكن مهم …يكفي اسمها وحدها …
بعد يومين بالقاهرة …وخاصة بمنزل عاصم المحجوب …جلس سليم بجوار والدها محمحما
– بعد إذنك ياعمو، ماما بكرة عازمكم على الغدا..وكمان عشان تشوفوا المكان اللي احنا عايشين فيه
اتجه عاصم موجه حديثه لليلى وسمية
– إيه رأيكم ؟ ابتسمت ليلى واجابته
– اللي حضرتك شايفه يابابا …تسائلت سمية
– هو حضرة المستشار هيتجوز معاك ياسليم ، أصله قال كتب كتابه، بس مقلش الفرح أمتى
ارتشف سليم من مشروبه وأجابها
– لا راكان هيتجوز بعدنا…هو دلوقتي في ألمانيا وممكن يجي بكرة او بعده..طبعا سيلين بقالها فترة عايشة في ألمانيا ..وجنسيتها ألمانية فبيخلص حاجات هناك ..هو مشغول بموضوع سيلين مش فاضي للجواز دلوقتي ..وكمان بيصفي بعض الشغل اللي متعلق بعمو الله يرحمه
أومأت برأسها وتسائلت
– مراته دي ..يعني اللي فهمته من والدتك انهم كانوا مخطوبين وحصل حاجة وافترقوا..دا صحيح
تنهد سليم بوجعا وأجابها وهو يوزع نظراته بينهم
– ايوة كان بينهم قصة حب كبيرة، بس اختلفوا ليه معرفش، هي جت فجأة وقالت مش هكمل ..آسف بس حياته الخاصة هو بيرفض يتكلم فيها، لحد دلوقتي منعرفش ليه افترقوا وليه رجع لها تاني
تذكرت ليلى حديث نورسين فتوقفت
– تيجي نقعد في البلكونة شوية..الجو حلو ..نهض متجها معها إلى الشرقة كانت تضع شالا من الصوف الثقيل على أكتافها …ضم الصوف على صدرها ينظر للسواد عيناها
– دفي نفسك الجو برد والفرح قرب، مستحيل أخره ولا دقيقة ..جلس على أريكة من الخشب توضع بالشرفة ..وجذبها يضمها من أكتافها واضعا رأسها فوق كتفه
– ليلى مبسوطة إننا هنتجوز قريب؟ تسائل بها سليم ..اغروقت عيناها بالدموع وصمتت للحظات لا تعلم بما تجيبه ولكن تعلم إنها مطمئنة النفس وهي بجواره، نعم ابعدت راكان عن قلبها أو ربما خيل لها ذلك …كل ماتعلمه حاليا..أن سليم مصدر أمانه وحمايتها..الأطمئنان على والدها واختها بعيدا عن امجد ، وكذلك تهديده براكان ..اعتدلت تحتضن كفيه
– سليم كل اللي أقدر اقوله ، بكون مطمنة وأنا معاك…ممكن مايكونش وصلت لمرحلة الحب، بس اماني بقربك دا أهم من الحب، وإن شاء الله اكيد كل مااقرب منك هحبك ..ودا كان كلامي معاك في الأول
جذبها لأحضانه يضع قبلة على رأسها
– انا بحبك قوي ياليلى خليكِ واثقة في كدا..وهستناكِ تحبيني، ودا أنا واثق فيه ..ربتت على كفيه ودعت من قلبها ان ينتزع أخيه من قلبها ويضع محبته به..
– قولي بقى أيه حكاية مرات أخوك اللي ظهرت فجأة كدا..وبعدين سمعت نورسين بتقول انها حامل من راكان
اطلق سليم ضحكة من جوفه وهو يهز رأسه
– نور وراكان …وحمل ،دي مجنونة بتقول لمين ..ضيقت عيناها وتسألت
– بتضحك ليه والله سمعتها بتقول كدا…وضع فنجانه على الطاولة
– راكان مش بتاع علاقات من اللي في بالك حبيبتي..هو يقعد قاعدة رومانسية اه بس علاقات في الحرام وكدا لا طبعا
ابتسمت بتهكم:
– ياسلام يعني قعدته لوحده معاها دا مش حرام ..قهقهت تضرب كفيها ببعضهما
– ويعني إيه قاعدة رومانسية يامحترم ..دققت النظر لملامحه
– سليم اوعى تكون زي اخوك دا..والله اموتك
جذبها يضمها لأحضانه وهو يقهقه
– حبيبي اللي غيران..وعايز يضربني…لكزته بكتفه وتوقفت
– هستنى إيه من اخو راكان البنداري..توقفت فجأة …سليم ليه نورسين قالت أنها حامل من راكان …رفع كتفه للأعلى وأجابها
– معرفش بس اللي اعرفه راكان لو عرف إنها قالت كدا هيموتها ..
ذهبت بنظرها للبعيد وأردفت بشرود
– مش يمكن حامل حقيقي ياسليم، أصلها مش هتخترع موضوع زي دا من نفسها
ارتسمت إبتسامة واسعة على محياه وهو يجذبها من رسغها
– صدقيني معرفش، لكن اللي متأكد منه، راكان مالوش في شغل نورسين دا …المهم فرح نوح آخر الأسبوع ..عرفتي
تذكرت أسما ومأساتها فهزت رأسها متألمة
– عرفت ربنا يسعده..نهض يقف بمقابلتها وتحدث بشك
– ليه مش مبسوطة من جوازه …تحركت للداخل ولم تجيبه …جلس ينظر للخارج بقلب يهتز داخله
– ممكن تكونِ بتحبي نوح ياليلى..معرفش ليه حاسس ان عيونك مخبية حزن جواها، وليه بتقولي إنك محبتنيش …تنهد وهو يشعر بتثاقل أنفاسه وعينيه تمشط الطريق وقلبه الذي ينبض بالألم
– خايف ياليلى لتكونِ وخداني مسكن لأحدهما..
عند أسما
في حظيرة الأحصنة ( الأسطبل) جلست أمام الحصان تداعبه وتضع بعض طعامه ممسده على ظهره بحنان …وقف خلفها يستنشق رائحتها حتى يملأ رئتيه برائحتها …استمع لصوتها
– تعرف أنا حبيتك قوي زي البت ليلى..عارف ليلى اللي ركبت اول مجيت، ابتسمت بحب تتذكر ذاك اليوم … ثم اتجهت للحصان تحدثه وكأنه يستمع إليها
– أهي ليلى دي حظها منيل بنيلة، زي كدا بالظبط، بتحب واحد وهتتجوز من واحد تاني ..انسدلت عبراتها على وجنتيها
– هو إحنا ليه نصيبنا من الحب قليل كدا..أنا قلبي بيوجعني قوي، وهي هتموت معرفش إزاي هتقدر تتحمل تتجوز وهي شايفة حبيبها قدامها طول الوقت وهي ملك لغيره ..ظلت تمسد على ظهره
– زي كدا مش عارفة أتحمل إزاي اشوف حبيبي ملك لغيري ..لم تكمل حديثها إذ وجدت نفسها بالهواء وهي تحمل من جانب أحدهما…صاحت بغضب حينما علمت هويته
حملها متجها بها إلى الملحق التي تسكن به ثم أغلق الباب بالمفتاح عليهما ..ثم انزلها..أسرعت تبتعد عنه…
– ليه ياأسما ..ليه توجعي قلبي وقلبك حبيبتي..إيه اللي حصل مني..والله عمري ماقربت لأي واحدة، حبك مكفيني، ليه عايزة تحرقينا كدا وانت بتحبيني زي مابحبك
صاحت بغضب وهي تشير بسبابتها:
– ابعد عني يانوح، انت شارب ومش حاسس بنفسك …دنى منها وانسدلت دموعه تكوي وجنتيه.
– ولو مبعدتش هتعملي إيه..وريني كدا هتعملي ايه؟ …صاحت بصراخ
– هتصل بالدكتور يحيى يجي يلم قرفك دا
احس بارتفاع ضغط دمه واختنق حلقه فاسرع يجذبها بقوة محاوطا خصرها بقوة
– وريني كدا هتصرخي أزاي، ولا هتتصلي أزاي، إنتِ من حقي ومحدش هيقرب مني غيرك، حاولت بس مقدرتش
حاولت دفعه بقوة ولكنه كان كالجدار ورائحة الخمور تفوح من فمه
– نوح …قالتها بصراخ ، ابعد عني إنت مش حاسس بنفسك، فرحك بعد يومين مينفعش تعمل كدا
دفعها بقوة على الاريكة وبدأ يحطم كل مايحاوطه
– أنتِ إيه! معندكيش قلب، أنا نوح حبيبك اللي كان سعادتك وآمانك ..إيه اللي حصل لدا كله
جرح كفيه من تحطيمه للأشياء أسرعت إليه وامسكت كفيه
– نوح إيدك بتنزف…إنت مجنون
احرقته بكلماتها لم يشعر بنفسه وهو يضم شفتيها بين خاصتيه عله يصمت حديثها للأبد
ظل يقبلها بقسوة حتى ادمى شفتيها ولم يصمت عن ذاك فقط …قام بجذب حجابها حتى اسقطه على الأرض ..وتحول لشيطان يقتنص من مؤمنا إيمانه وهو ينزل بشفتيه يقتنص كل مايقابله ..حاولت دفعه وجسدها ينتفض بين يديها كان يخرصها بقبلاته حتى لايفيق على صوتها الذي يذلذل كيانه
ابتلع دموعها وهي تحاول إنقاذ نفسها من براثنه ولكنه كان مغيبا تماما ولايشعر سوى حبيته وعشق حياته بين يديه
بفيلا جلال البنداري وخاصة بغرفة فرح
بدأت تحطم جميع مايقابلها وهي تصرخ
– والله لأكسر قلبك ياسليم، أنا تعمل معايا كدا…هدأتها سارة وحاولت إمتصاص غضبها
– ممكن تهدي عشان نعرف نفكر صح …ماانت شايفة يونس لغى كتب الكتاب بحجة هايفة، لازم نهدى ونعرف نخطط، عشان نضرب ضربتنا صح
عند فريال كانت تأكل خطاويها ذهابا وإيابا …حتى وصل يونس إليها ..وقفت تصرخ بوجهه
– إيه يادكتور، لسة بدري من يوم الحفلة اللي اتلغت وحضرتك مهاجر البيت
دلف وهو يطلق صفيرا وكأنه لم يستمع لحديثها ..صاحت بغضب
– يووووونس ، أنا بكلمك ولما اكلمك ترد عليا، أخوك بقاله يومين مش باين وحضرتك بقالك اسبوع ومحدش يعرف طريقك
زفر بضيق ثم اكمل طريقه
– ابنك الصايع في شرم الشيخ بيجري ورا بنت يارب ماتجبش اجله…إنما أنا كنت فين، كنت بتفصح عشان أنسى الوجع
تحرك إلى أن وصل لجناحه وأرتمى على تخته وهو يبتسم حينما تذكر منذ قليل وهو ينتظرها أمام القصر حتى لمحها تخرج من سيارتها..جذبها إلى أن وصل لجراج السيارات وقام بضمها يستنشق رائحتها التي غابت عنه كثيرا حتى شعر أنه لم يبق حيا..ورغم مقاومه له إلا أن قبلتها كان لها مذاق أعاد روحه للحياة
أطبق على جفنيه وهو يبتسم ويضع انامله يتحسس شفتيه، تمنى لو لم يفصلهما أحدا حتى ينعم بتلك الحياة
❈-❈-❈
باليوم التالي وخاصة عصرا
عاد راكان من العاصمة الألمانية برلين، قابلته زينب بالشوق رغم حزنها منه
– كدا ياراكان اسبوع كامل ياحبيبي، رفعت كفيها على وجهه تتحسسه وحشتني قوي ياحبيبي..قالتها وعبراتها تنسدل بقوة على وجنتيها
أزالها بحب ثم طبع قبلة مطولة على جبينها ثم قبل كفيها
– زوزو حبيبتي اللي زعلانة من إبنها الكبير، لكزته بخفة في كتفه:
– لسة هنتحاسب على كدا يابن أسعد.. وضع رأسه على ساقيها وابتسم
– انا ابن زينب يازوزو متنسيش …الله الله ياحضرة المستشار، مش مكسوف تبقى في مكانتك دي ، وسنك ولسة بتنام على رجل زينب هذا ماقاله توفيق
اعتدل بجلوسه يمسح على وجهه، ثم نهض
– أنا ميت نوم يازوزو، هنام وياريت محدش يصحيني ، ولما الباشمهندس يجي قوليله الفستان في اوضته سلام مؤقتا ياحبيبة قلبي
اشتعل الغضب بأعين توفيق وهو يرمقه شرزا
– سمعت أنك بتلعب مع ابن الألفي على قاسم الشربيني..متخلنيش أتدخل ياراكان، ملقتش غير قاسم الشربيني وتلعب معه دا صديق قديم ولو مفكر أن جواد الألفي هيساعدك تبقى عبيط…جواد طلع معاش وابنه مش زيه ، وقاسم نايبه أزرق
دنى من جده يمسح على ثيابه بتصنع وتحدث
– مش أكتر منك ياتوفيق باشا، ومتخافش عليا، هو اللي ابتدى دي قضيتي ليه بيدخل …من الأفضل تحذر صديقك اللدود
استدار لوالدته
– هنام ياست الكل، عايز هدوء، ولو جدي مش قادر يهدى ممكن تبعتيه عند ولاده التانين ، شكل قصرنا عجبه ومش عايز يمشي
قالها وهو يغلق باب المصعد متجها لجناحه..أما توفيق الذي وصل لزينب بخطوة وأمسك ذراعها يضغط عليه بقوة
– لو مش لمتيه صدقيني هعرفه كل حاجة..كل حاجة، شوفي بقى بعد أربعة وتلاتين سنة يفوق على الست اللي بيحبها ويموت فيها ويعتبرها امه تكون وهم
بكت وصاحت بوجهه
– انت ايه لسة عايز مني إيه. .فلوسي كلها واخدتها، وولادي الاتنين وقتلتهم، واختي دفنتها بإيدي اللتنين دي وهي نفسه، وابنك اللي حبيت تقتلني هو دفع التمن …إنت راجل ظالم، وربنا عمره ماهيسكت على الظلم وقريب قوي ياتوفيق باشا الكل هيعرف حقيقتك وأولهم أسعد
دفعها بقوة وهو يشير بسبابته
– اتكلمي كدا وشوفي هعمل فيكِ ايه، وانتِ لسة قايلة موتلك ولدين ومستعد اقتل الاتنين التانين…ضرب على رأسها
– فوقي يازينب انا وبعدي الطوفان، واوعي تفكري هيصعب عليا راكان ولا أسعد حتى.. لازم توقفي الولد عديم التربية دا أصل وقسما عظما ادفنه حي.
هزت رأسها بهستريا وتحدثت
– لا مش ممكن تعملها، دول احفادك، مستحيل تعملها، صح ياعمي
ابتسم بسخرية ورفع رأسه للأعلى
– عملتها قبل كدا يازينب، ومستعد أعملها تاني
قاطعهم وصول العاملة
– خطيبة الباشمهندس سليم جم برة مع الباشمهندس ياست هانم
اومأت برأسها وتحركت كجسدا دون روح
بعد قليل جلس الجميع بغرفة المعيشة …نظرت زينب بساعة يديها بعيون حزينة مشتتة …دقق سليم النظر بعيناها
– ماما فيه حاجة…ربتت على كفيه وأردفت
لا بس حلا أتأخرت، كنت اتصلت وطلبت منها تيجي عشان تتعرف على ليلى وكدا
قوس سليم فمه بسخرية
– ياماما هو راكان هنا عشان تجبيها…هزت رأسها كأنها تناست أن تخبره:
– أيوة ياحبيبي جه من حوالي تلات ساعات..وهو نايم وبيقولك الفستان في اوضتك …قالتها بهمس إليه
كانت ليلى تتجول بنظرها للمنزل …لا تعلم لماذا شعرت بالرهبة منه..ربت سليم على ظهرها – حبيبتي أنت كويسة
دلفت حلا ملقيه السلام
– آسفة عارفة أتأخرت، الطريق وزحمته في الوقت دا …ابتسمت زينب وهي تقوم بالترحيب بها
– تعالي حبيبتي..وشوية وخطيبك هينزل هو لسة راجع من شوية قال هيرتاح شوية
تحركت متجه إلى غرفته
– انا هروح أصحيه ياطنط زينب..وحشني قوي،
– الجناح اتغير مدام حلا قالها سليم بجفاء وهو ينظرها ..توقفت على أول درج ثم أستدارت
– راكان غير الجناح اللي كنا هنتجوز فيه..استدار إليها بجسده وهز رأسها يجيبها بإستخفاف
– يمكن مكنش عايز حاجة تفكره بيكِ، قالها مشمئزا
– سليم قالتها زينب بصياح وهي تتجول بنظرها لعاصم وسمية فأردفت
– ممكن نتكلم بعد الغدا ..وأخوك هينزل بعد شوية، وياريت تقنع نفسك أنها بقت مراته
صدمة زلزلت كيانه فزفر بغضب يمسح على وجهه وتحدث:
– حنيتك دي اللي عملت منه شخص بالشكل دا..لكزته تكز على شفتيها تهمس له
– عيب تتكلم على أخوك قدام حد كدا ..نهض
و سحب كف ليلى ونظر لسمية
– بعد أذنك ياطنط سمية هنطلع فوق لو فيه حاجة مش عجبتها في الجناح اغيرها ..أومأت سمية برأسها عندما هز عاصم رأسه بالموافقة
بجناح راكان دلفت بعدما دلتها العاملة عليه
دلفت كان يغط بنوما عميق لا يشعر بشيئا ..جلست بجواره تؤنب حالها، كيف أن تترك شخص مثله، تمنت لو يعود بها الزمن لم تتركه ابدا..تنهدت وحدثت حالها
– قولت جوازنا لفترة، وعد مني لأوثق جوازنا ياراكان ونجيب ولاد كمان..نزلت بجسدها تقتنص قبلة ، فتح عيناه على اثرها، ثم هب فزعا وصاح بغضب
– أزاي تتجرأي وتدخلي الجناح دون اذني..أشار على الباب
– بررررة …قالها بغضب ..
– انا كنت يعني بصحيك…لم يدعها تكمل حديثها فأمسك رسغها ضاغطا عليها بقوة، ثم دفعها للخارج وهو يكاد يلتقط أنفاسه، لكم الحائط وهو يصرخ
– مفكرة بالساهل كدا..أرجع خصلاته بقوة كادت يقتلعها بيديه..طرقت العاملة على باب الغرفة وتحدثت
– مستنين حضرتك عشان الغدا يافندم، وهات الباشمهندس مع حضرتك
– تمام قالها دون حديث…متوجها لمرحاضه، عله ينعش بحماما يزيح عنه أرق اليوم
عند سليم
…دلف لجناحه يسحب كفيها ..توقف بمنتصف الغرفة يطالعها بإبتسامته الخلابة
– شوفي حبيبتي لو عايزة حاجة تغيرها تحت أمرك..لفت نظرها بأرجاء المكان كاملا وابتسمت
– حلو ياسليم اهم حاجة نكون مرتاحين ..الحاجات دي متفرقش معايا..اتجه إلى الفراش وهو يسحب يديها ثم قام بفتح علبة كبيرة وأخرج منها فستان زفافها
– يارب يعجبك …وعلى فكرة دا مش اختياري ..توسعت عيناها من جمال الفستان، ثم رفعت عيناها له
– حلو أوي ياسليم ..نظر لأبتسامتها وفرحة عيناها التي جعلتها كقمر منير ، ولم يشعر بنفسه إلا حينما اقترب يقتنص قبلته الأولى وهو يجذبها من خصرها ،حتى فتح الباب فجأة وهو يتحدث
– سليم أنا….ولكنه

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية عازف بنيران قلبي)