رواية ظلمت نفسي الفصل الثالث 3 بقلم سارة اللومي

رواية ظلمت نفسي الفصل الثالث 3 بقلم سارة اللومي

رواية ظلمت نفسي البارت الثالث

رواية ظلمت نفسي الجزء الثالث

رواية ظلمت نفسي الحلقة الثالثة

بتتكلمي بجد با رنا محمود طلقك ؟؟ و بالثلاثة كمان ؟؟
– ايوة أخيرا يا ماغي كأني كنت في كابوس و فقت منه
– شكلك مبسوطة اوي !! ده طلاق يا رنا ؟؟
– و هو الطلاق ده نهاية العالم ؟ ده انا كنت خايفة يرفض و يتعبني في محاكم بس كأنه مصدق !
– أكيد كان حاسس من معاملتك الباردة ياما حذرتك و قلتلك اهتمي بيه اكثر ما تبقيش قاسية
– انا برضو اللي معاملتي باردة ؟! ولا هو اللي ما يستاهلش ؟
– يا رب بس ما تندميش على قرارك ده يا حبيبتي.
– اندم ايه انا عمري ما حسيت نفسي مرتاحة قد دلوقت كأنه حمل و انزاح ، هو الوحيد اللي هيندم أنه ما عرفش يحافظ عليا ! اهم حاجة دلوقت اكمل آخر سنة الجامعة دي و ادور على شغل و اشوف مستقبلي انا لسة ما عديتش اثنين و عشرين المستقبل كله قدامي ده انا كنت مدفونة بالحيا ما تفكرينيش و النبي.

– بعد سنة ..
– جرى ايه يا رنا انتي مش هتطلعي تدوري على شغل ولا عاجباكي القعدة اياك؟
– ايه يا ماما هو انا لقيت و قلت لا ما انتي شايفاني كل يوم ألف عالشركات و ادور في الاعلانات مفيش حد راضي يشغل وحدة معاها بنت اول ما يعرفوا ظروفي يتحججوا .
-كله منك ما انتي لو كنتي بتسمعي الكلام كنتي اخذتي برشام منع الحمل لحد ما تشوفي أمورك مع الطور اللي انتي كنتي متجوزهاه
– جرى ايه يا ماما احنا هتعترض على امر ربنا كمان ؟ بنتي دي الحاجة الوحيدة الحلوة اللي طلعت بيها من الجوازة المهببة دي
– يبقى تقومي تدوري لك على شغل عشان تصرفي عليها يا حببتي مصاريف النفقة بتاعتها مش مكفية حتى لبسك و زواقك و ابوكي مش مضطر يصرف على بنت ابوها دي و يوكلها 😏
– ايه الكلام ده يا ماما ؟! انتي بتحسبي على بنتي اللقمة كمان ؟
– بقول انتي خلصتي تعليمك و المفروض تلاقي شغلانة تصرفي منها عليكي و على بنتك ابوكي معاشه مش مكفي حتى مصاريف البيت.😏
– طيب يا ماما طالعة اهو ما تنسيش عمة لينة هتجيبها الساعة خمسة أبقي خلي بالك منها لحد ما ارجع .
………………………بقلم سارة اللومي

سعاد (عمة لينة)- سلام عليكم
ام رنا بلوية بوز: و عليكم السلام
– اتفضلي يا ست نادية دي فلوس الشهر بتاعة لينة و على فكرة احنا مش هنقدر ناخذها الا بعد شهر
– احسن برضو اهي ترتاح من المشورة بتاع كل أسبوع دي
– عن اذنك
– اتفضلي يا اختي 🙄 😏
..___________________________________________.
جاتك داهية تاخذك انتي و اخوكي في يوم واحد كان يوم اسود يوم ما ناسبناكم عيلة عرة .
– فيه ايه يا نادية مين كان عالباب
– لا يا حج دي عمة البت جايباها و بتقول مش هيقدرو يخذوها شهر بحاله
– غريبة !! مش متعود يعني ؟ ما سألتيش ليه ؟
– يا خوي يغور هو و اخته المهم بيدفع فلوس النفقة بتاعتها اول باول مالنا بيه يجي ما يجيش ولا يولع بغاز حتى 😤
—————————————————————————
-عندي ليكي مفاجأة بس عايز الحلاوة بتاعتي ❤️
– لما اعرف مفاجأة ايه و اشوف تستاهل حلاوة ولا لا
– انا لقيت لك شغلانة عند واحد صاحبي
– بجد يا سمير ؟
– بجد يا روح سمير 😍
– ايه هي يا رب تكون بشهادتي !
– شهادة ايه بس يا رنا ما انتي عارفة من الاول انك مستحيل تتوظفي بيها ! الشهادة اللي زي دي يا ماما روحي بروزيها و انسي انك درستي في الجامعة ، انا لقيت لك شغل في محل بارفانات و ميك اب و انتي و شطارتك كل ما كان شغلك حلو كان المرتب كويس .
– معنديش حل تاني 😓 طيب موافقة
– تمام يبقى أمر عليكي بعد ساعة تكوني جهزتي هاخذك عند صاحب المحل و اوصيه عليكي و بعد ما تخلصي هاطلعك تتعشي في احلى مطعم
– بجد يا سمير !!
– طبعا يا روح سمير هو انا عندي كم رنا ؟؟

– ربنا يخليك ليا و ما يحرمنيش منك أبدا ☺️
______________________________________________
سمير بخبث : يا رب بس ما تتعبنيش معاكي و تخليكي حلوة كدة على طول احسن انا ابتديت ازهق من دور العاشق الولهان و اكثر من كدة مش هقدر اصبر ..مسيرك تجيلي و برجليكي كمان 😁
_______________________________________________
– ماما انا لقيت شغل في محل بارفانات و المرتب كويس هيجربني لو عجبته هيخليني على طول .
– يعني دي اخرة علامك !! تشتغلي بياعة في محل بارفانات ؟
– مش مهم ، المهم اني الاقي شغل اصرف منه انا و بنتي مش ده كلامك ؟؟
– عموما انتي حرة المهم عمة البنت بتقول ابوها مش هيقدر ياخذها الأسابيه الجايين بس باعثلك الفلوس مع اللي ما تتسمى
– مش عوايده ؟ ده عمره ما أتأخر عن معاد لينة !! يالا احسن اهو نرتاح من خلقتهم شوية احسن انا كل ما اشوفه هو و اخته افتكر ايامي السودة عندهم .
______________________________________________
– يعني امها ما سألتش عن السبب ؟
– و الله اللي حسيته انها ما صدقت ترتاح مننا و اول ما شافت الفلوس نسيت اي حاجة تانية
– احسن برضو ، خليها تشبع فلوس على الله بس ما تندمش بعدين هي و اهلها.
– يالا يا محمود خلينا نلحق نجهز نفسنا احنا اتاخرنا

_____________________________________________
بعد شهر و نص
– حبيبة مامي عاملة ايه ؟؟
– كويثة
– وحشتيني اوي يا لينو قوليلي بقى انبسطتي عند بابي؟
– انبثت جداا بابي وداني الملاهي و جابلي ثوكولاتات كثير و مامي ثلمى طيبة اوي جابتلي العروثة دي و بابي بيقول هيبقى عندي نونو العب معاه كل ما الوح عند بابي انا مبثوطة اوي يا مامي 🥰
– سلمى مين و نونو ايه ؟؟ همست بشك – معقولة لحق يتجوز ؟

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية ظلمت نفسي)