رواية لقد وقعت في حب منتقبه الفصل السادس عشر 16 بقلم بسملة أحمد

رواية لقد وقعت في حب منتقبه الجزء السادس عشر

رواية لقد وقعت في حب منتقبه البارت السادس عشر

رواية لقد وقعت في حب منتقبه الحلقة السادسة عشر

وفي صباح يوم جديد يستيقظ ابطالنا علي هذه النجمه التي يتسلل منها خيوط صفراء ليستيقظوا ويقوموا بروتينهم وكل منهم يفكر بشيء
ملاك صحيت من نومها ملقيتش سليم جمبها دورت عليه ملقيتهوش دخلت اخدت دوش ونزلت لتحت استغربت انه مش تحت
ملاك بزعل: اكيد راح الشركه كان علي الاقل يستناني لما اصحي لما يجي مش هكلمه بس انا هعمل ايه دلوقتي انا زهقانه جداً اما اروح اشوف الاكل واكل
ودخلت المطبخ اتفاجأة ان سليم في المطبخ بيعمل اكل
ملاك قربت منه بهدوء من غير ما يحس وفجأه
ملاك: عو
وفي دقيقه كانت بين احضان سليم
سليم بخبث: عو
ملاك: احم
سليم: يعني انا مش هخلص من الهبل اللي انا فيه ده
ملاك: اظدك اني هبله مثلا
سليم: والله الي علي راسه بطحه بيحسس عليها
ملاك ووشها احمر:سللليم
سليم بتمثيل الخوف:نعم
ملاك بصتله ولفتت وشها
سليم وكان بيقطع الطماطم جاب السكينه علي صابعه وجرح صابعه
سليم:اااه
ملاك جريت عليه
ملاك ايه وبصت علي صابعه وشدته وطلعوا وقعدته
ملاك:خليك هنا طلعت تجري علي الاوضه بتاعتها جابت علبه الاسعافات الاوليه ونزلت تحت وضمدتله صابعه وقعدت تعيط
سليم قرُب منها واخدها في حضنه
ملاك:اسفه مكنش قصدي
سليم:خلاص متزعليش انتي لسه منستيش
ملاك:عمري ما هنسي اي حاجه عشناها انا فاكره كل حاجه سواء حلوه او وحشه
سليم:ولا انا يا عمري بحبك يا ملاكي
ملاك:وانا بعشقك يا سولي
حمزه وكان واقف هو وساره:احم احم نحن هنا
ملاك جيت تبعد عن سليم شدها عليه تاني
سليم:وانا اعملك ايه يعني
حمزه:طب خلي بالك علشان كمان شويه وهتنصهر من الاحراج يا بابا
سليم:طب بس علشان هردلك كل حاجه بتعملها فيا وهقطع عليك زي ما بتقطع عليا انت وروان
حمزه:كمل براحتك ولا كأني موجود بس ملكش دعوه بيا
وكل ده وملاك حاسه ان وشها هينفجر من كتر الكسوف
_____________________________________________
نروح لمكان تاني
:اصحي يا بنتي بقه بقالي ساعتين بصحيكي
:خمس دقايق يا ماما خمسه بس
الام:روان اصحي علشان نزور ملاك
روان:خلاص صحيت صحيت
الام:طب يلا قومي البسي
روان:حاضر
وقامت روان اخدت دوش واتوضت وادت فرضها ولبست هدومها وراحت لمامتها علشان يروحوا لملاك
_______________________________________________
حمزه وساره قعدوا وبيبصوا علي ملاك وسليم سليم رفع ملاك علي ايده في وضعية العروس
سليم:يلا علشان نفطر
حمزه وساره قاموا وراحوا قعدوا علي السفرة
ملاك:نزلني
سليم ببرود:لا
ملاك:سليم كده عيب مينفعش….طب نزلني وهعملك اللي انت عايزه
سليم بتفكير منح الامل لها وقال :لا هتفضلي كده وايه رايك كمان انك هتقعدي علي رجلي وانا اللي هأكلك
ملاك:انت سافل وقليل الادب ووقح
سليم:ضيفي عليهم كمان مش متربي وحقير وبس بقي علشان لو مسكتيش هعمل حاجه مش هتعجبك
ملاك سكتت وهو قعد علي الكرسي بتاعه وهي علي رجله
بعد شويه روان ومامتها دخلوا
روان ومامتها:السلام عليكم ورحمة الله وبركاته
الجميع:وعليكم السلام ورحمة الله وبركاته
سليم :اتفضلوا افطروا معانا
روان ومامتها:شكرا
سليم بحزم:مبعدش كلامي مرتين يلا تعالوا افطروا معانا
روان ومامتها قعدوا بهدوء تام وسليم كان بيأكل ملاك
مامت روان:ده مرعب اووي ملاك مش بتخاف منه
روان: مع الكل ببرود وعصبيه الا ملاك بيعشقها جدا
مامت روان:ربنا يديم المحبه بينهم يارب
روان:امين يارب
وخلصوا فطار وراحوا قعدوا
ملاك:سليم مش هتروح الشركه
سليم:لا
ملاك:ليه
سليم:قاعد معاكي
ملاك ابتسمتله بحب
حمزه وسليم بصوا لبعض
حمزه:سليم عايزك في المكتب
سليم : تمام
وراح سليم وحمزه للمكتب
روان:شكل العلاقه اتطورت ومش هروح الشركه قاعد معاكي وابتسامة حب وشايلك وبيأكلك مش ده اللي كنتي بتقولي
روان وهي تقلد ملاك: لا يا روان احب مين الثعلب لا متفوقي كده
ملاك:ما خلاص يا ماما وبعدين ما بلاش تخلينا نفضحك ونقول اللي في البير يا ماما
روان:لا لا ده مستر سليم عسل اووي وحلو خالص وكيوت كده ومش بارد خالص وقمر ده كفايه العضلات ووسامته ده قمر وبتبص لقت ملاك عينيها بتطلع شرار ووشها احمر موت من كتر الغضب
ملاك:عسل
روان:خالص
ملاك:وكيوت
روان:ابدا
ملاك:ومش بارد خالص وقمر
روان:مين قال كده
ملاك:ده كفايه العضلات ووسامته ده قمر
روان: هما كانوا بيقولوا الجري نص الجدعنه بس طلع الجدعنه كلها اجري يا مجدي وطلعت تجري وملاك وراها
سليم وحمزه طلعوا علي صوتهم شافوا ملاك ماسكه المخده وبتحدفها علي روان وروان بتجري وملاك طلعت علي السفرة وبتحدف روان بأي حاجه تقابلها وروان تجري وروان بتجري كانت هتقع بس ايد حديديه لحقتها وطبعا انتوا عارفين مين موزي القمر وسرحوا في بعض وكل منهم يتأمل وجه الاخر ليحفره في ذاكرته وفاقوا علي صوت سليم
سليم:مللللاااااااااك
ملاك وكانت لسه علي السفره:بص هقولك هو هو روان هو
سليم:مش انا قولت ميت مره بلاش الهبل ده
ملاك بدموع:اسفه
سليم قرب منها:انتي بتعيطي ليه انا بزعقلك علشان خايف عليكي انتي تعبانه وبتجري وبتحركي ايدك كتير وبتتنتطي اعمل ايه فيكي يعني انا مش راضي اقعدك في الاوضه علشان متزهقيش لكن عقاب ليكي هتقعدي في الاوضه لحد ما تخفي
وبص لروان وانتي المفروض عارفه انها تعبانه وعارفه جنانها تقومي تجاريها فيه ولا توقفيها انا كنت مفكرك عاقله ياروان طلعتي انتوا الاتنين مجانين وبص لحمزه انت لسه مصر علي اللي قولته من شويه نصيحه مني انا بقولهالك اهوا قبل ما تعملها ربنا يعينك ويعني علي الجنان اللي وقعنا نفسنا فيه انت لسه في البدايه اتراجع احسنلك
كلهم بصوا لسليم باستفهام وطبعا كالعاده اخد ملاك ومردش علي حد
ملاك بمكر ورّقه: سولي
سليم بضعف وصوته يكاد يخرج:ايه يا قلبي
ملاك برّقه ومكر اكبر:ممكن اقعد شويه معاكم ومش هعمل حاجه خالص
سليم بضغف امامها فهي ملاكه وصغيرته التي لا يقدر علي رفض طلب لها:موافق بس مش هتتحركي
ملاك بفرحه بعدما وصلت لمبتغاها: مش هتحرك خالص خالص
سليم بمكر فهو يعلم طريقتها في اضعافه ولكن هذه الصغيره لا يقدر علي ان يكون سليم المنشاوي البارد حاد الطباع يصبح شخصا اخر ضعيف امامها :وهتقعدي في حضني ومش هتتحركي منه خالص
ملاك سكتت
سليم بمكر:خلاص هنطلع فوق
ملاك بسرعه:خلاص موافقه
سليم اخد ملاك ونزلوا تحت تاني وقعدت في حضنه
حمزه:احم لو سمحتي يا طنط كنت عايز حضرتك في موضوع كده
مامت روان : اتكلم يا حمزه يا ابني
حمزه:اتكلم هنا
مامت روان:ايوه اتفضل
حمزه وبيفرك في ايده :هو انا هو انا كنت عايز كنت عايز احم
ملاك وهي بتقلد حمزه:هو انا هو انا كنت عايز كنت عايز ايه ما تتكلم علي طول هتقعد تهوهو
حمزه بسرعه وغمض عينه:كنت عايز اطلب ايد بنتك روان
ملاك فجأه نطت من حضن سليم: والله العظيم انت عظمه يا ابني اخيرا قولتها خليك عامل زي ده وشاورت علي سليم ما بين يوم وليله لقيتني مراته ده انا حتي ما اخدش رايي حتي في حاجه كنت مخطوفه وانقظني واغمي عليا وبعد ما فوقت الاقيه فوق دماغي ملاك وهي بتقلد طريقة سليم: قومي البسي الفستان اللي في الحمام وادخل الاقي فستان فرح شوفته مش انت اللي مش عارف حتي تطلب ايدها
سليم: ملاك
ملاك واخدت بالها من اللي عملته وبطريقه مضحكه: بص هدي يا سولي اهدي يا حبيبي اسفه والله طب بص هقعد ومش هتحرك تاني اخر مره بس متطلعنيش فوق عشان خاطري يا سولي
سليم:انا تعبت بجد من اللي بتعمليه فيا حرام عليكي يا شيخه كل ده جنان ده انتي وانتي صغيره مكنتيش كده ملاك ان مقعدتيش خلال ٣دقايق هتلاقيني مطلعك فوق وهقعدك علي سريرك وفي اي وقت هطلب منك طلب ولازم يتنفذ
ملاك:موافقه
سليم بمكر:بس خلي بالك لان ليا طلبين عندك
ملاك: موافقه
سليم:تمام
حمزه:ها يا طنط ايه رأيك
مامت روان:انا موافقه بس الرأي لروان
روان بتوتر ووشها احمر : احم هفكر
حمزه:فكري براحتك
وعدي اليوم بين مناقرة ملاك وروان وعصبية سليم وخوفه علي ملاك وفرحة حمزه وسعادة الامهات بفرحه اولادها
بليل
سليم:ملاكي
ملاك: اممم
سليم:اخدتي علاجك
ملاك:لا
سليم راح جاب علاجها واداهولها
ملاك:سولي
سليم:اممم
ملاك:ممكن او خلاص
سليم:عايزه ايه
ملاك:انا وروان المفروض نروح بكره نعمل شوبينج وبصراحه عايزه اروح
سليم:طب ما تروحي
ملاك بسعاده:يعني انت موافق
سليم:ايوة
ملاك نطت عليه وحضنته ملاك:بعشقك
سليم: وانا بدمنك يا ملاكي
ملاك:اوعي تسيبني خالص حتي لو طلبت منك انك تسيبني اوعي يا سليم انا بعدت مره ومش هقدر علي البعد تاني يا سليم مش هقدر يا سولي خالص بحبك اووي
سليم:وانا عمري ما هبعد لان ببساطه مش هقدر ابعد
وناموا وهما حضنين بعض وكل منهم ينعم بأحلامه للغد