رواية صعيدي دمر لي حياتي الفصل الثامن بقلم أيات الرحمن

رواية صعيدي دمر لي حياتي الجزء الثامن

رواية صعيدي دمر لي حياتي البارت الثامن

رواية صعيدي دمر لي حياتي الحلقة الثامنة

نهال طلعت فوق عشان ترتاح شويه اول ما طلعت وقفت قدام اوضة فهد
فتحت باب الاوضه جذب انتباهها الصورة اللى على الحائط
اللي كنزى اعجبت بيها فى بداية القصة
للى ماقرؤش القصه من الاول
صوره حزينه لفهد واقف ووشه وعيونه في الأرض والنص التانى من الوجه مخبيه بايده
نهال فضلت تبص للصوره وتتكلم:
ياه يا فهد معقول انت فهد اللى ماكانش بيوقف ضحك وهزار معقول صورتك جميله اوي انت طول عمرك حلو بملامحك اللي شبه ملامح الاطفال ووشك اللى الضحكه مرسومه عليه حتى وانت حزين
وبتتكلم مع الصورة وفجأة سمعت صوت كأن فيه حاجه وقعت أو حد بيحرك حاجه من مكانها فقربت من الاوضه المقفوله وحاولت تفتح الباب لكن الباب مقفول
اول محاولة تفتح الباب ماسمعتش صوت تاني قالت إنه حرامى حاولت تفتح الباب كتير اوي ولكنه مقفول
نزلت تجرى عشان حد يفتح الباب ليكون حرامي او كده
في لحظه واحده كان فهد نازل من على السلم
فهد: ممكن اعرف كنتى بتعملي ايه في اوضتى
نهال: هو انت مش طالع من الباب قدامنا ازاي كنت فوق
فهد: انا رجعت تاني اخر مره تدخلى اوضتى وتحاولى تفتحى الباب ده
نهال: حاضر
كان عندها فضول تعرف ايه السر اللى فهد مخبيه وافتكرت كلام كنزى لما قالت ليها أنه اكيد فيه مصيبه في الاوضه دى ومش عايز حد يعرفها
مر اسبوع كامل وكنزى من كتر الضرب والتعذيب ما بقيتش قادره تقف ماكنش ضرب بس دا كمان كان بيكهربها ويغرقها في الميه لحد ما هدها خالص
وكل ده ومفيش حد قادر يتكلم معاه حتى الجد مفيش حد يعرف السبب غير فهد وكنزي بس
نهال: هو مفيش حد يعرف يوقفه خالص عن اللى هو بيعمله ده
مريم: لا الكل بيخاف منيه
نهال: ليه
مريم: فهد لما بيضايق بتجيله حالة بيكسر فيها الدنيا ومابيخليش حاجه سليمه وممكن يضرب اللى جدامه
نهال: ليه
مريم: ماعرفاش ليه بس ابوى بيجول أنه عنده حاجه اسمها. عصبه تعبان
نهال: انهيار عصبي
مريم: ايوه هو ده
نهال: يا حبيبي من امتى وهو كده
مريم : من زمان جوى
نهال: وبيهدى ازاي يعني
مريم: بياخد مهدئ ولما بيفوج بيروح لشهد
نهال: شهد
مريم: دى تبجى فرسته بيحبها جوي جوى
نهال: عارفه وهي كمان كانت بتحبه ممكن اطلب منك طلب
مريم: اتفضلى
نهال: انا عايزه اشوف شهد
مريم: ممنوع حد يروح هناك
نهال: عشان خاطري عرفينى حتى الطريق
مريم: بس لو اتعصب انا ماعرفكيش
نهال: ماشي يا ندله
عند شهد
كان فهد بيغنى ليها وبيعزف على الجيتار
نهال: صوتك حلو اوي
فهد: ايه اللي جابك هنا وجيتى هنا ازاي
نهال: لسه بتحبها
فهد: انا بسألك
نهال: وهي كمان كانت بتحبك اوي
فهد: انتى عايزة ايه
نهال: عايزه اتكلم معاك
فهد: لو بخصوص كنزي ماتتكلميش
نهال: لا بخصوص شهد وبعد كده نرجع لكنزى
فهد: شهد هو انتى كنتي بتشوفيها
نهال: يعنى
فهد بلهفة: وهى عامله ايه كبرت واتجوزت ولا لا
نهال بحزن: انساها يا فهد
فهد: انساها ليه
نهال: شهد مابقيتش موجوده
فهد: هى راحت فين
نهال: اتوفت
فهد: اييييه