رواية صائد النساء الفصل الحادي عشر 11 بقلم منة محمد

رواية صائد النساء الفصل الحادي عشر 11 بقلم منة محمد

رواية صائد النساء الجزء الحادي عشر

رواية صائد النساء البارت الحادي عشر

رواية صائد النساء الحلقة الحادية عشر

وقت البريك
رغده: كنت هقولك ع حاجه النهارده الصبح بس نسيت
كارمن بصتلها: تقوليلي ايه؟؟
رغده: موضوع عن هاله
كارمن بضيق: رغده مش عايزه اسمع حاجه عنها
رغده: اسمعيني بس ماشي بالليل في نبطشيتي عديت من قدام غرفتها شوفت راجل طالع منها
كارمن: خلاص اسكتي
رغده: اسمعيني الراجل ده مألوف ليا بس فضلت اعصر في دماغي شوفته فين شوفته فين وفضلت طول الليل بفكر لحد ما افتكرتلك هو مين
كارمن بهتمام: مين هو
رغده: الراجل الدكتور الي رفدوه من وظيفته لانه عمل علاقه مع طالبه عنده واترفد والطالبه دي جات هنا وسقطت ويوميها اتخانقنا انا وانتي معاه لما حب يدخلها ويساومها ماتجبش سيرته
كارمن: تقصدي اسلام الحسيني
رغده بحماس: هو ده اسلام الحسيني
كارمن: وشافك
رغده هزت كتافها: حتي لو شافني او شافك هو هيعرفنا زمانه نسينا

كارمن اتنهدت ورفعت الكانز تشرب لقت الي واقفه قصادها
خلود: ممكن نتكلم سوي
كارمن قامت واخدت خلود تحت في جنينه المستشفي
كارمن: ليه جيتي تتكلمي معايا
خلود: معرفش نوح قالك عليا مين انا
كارمن: لاء مجبليش سيرتك لان انا مسألتهوش
خلود: انا حبيبته السابقه
كارمن: ليه جايه تقابليني
خلود: عايزاكي تسيبي نوح في حاله
كارمن: اظن انتي غلطانه مفيش بينه وبيني حاجه وامبارح انا كنت هقع وهو لحقني
خلود: اتمني فعلا يكون الامر كدا بس لو مش كدا احب افكرك ان عندك زوج وسمعت انه دكتور كبيرهنا
كارمن: اسمعيني
خلود قطعتها: اسمعيني انتي لو مش هتبعدي عنه جوزك هيقع في مشكله كبيره ومش جوزك بس الي هيتأذي لا جده نوح انتي متعرفيش هي بتحبه قد ايه ولو عرفت انتي وهو اتقابلته ازاي
كارمن قطعتها بنفعال: انتي بتهدديني
خلود: انا بحذرك واتمناه تسمعيني (مشت من المكان وسابت كارمن واقفه مكانها
https://www.facebook.com/قصص-منه-محمد-كاتب-110808814814076/
قصص منه محمد كاتب
في غرفه ابهم لقاه الباب خبط وشخص دخل ع طول بدون مقدمات
ابهم: انت مريض
اسلام: لاء انا مش مريض انا هنا بخصوص مراتي
ابهم: اه فهمت اسمها ايه وهطلب الملف من الممرضه
اسلام سند كفوف ايده ع سطح المكتب: اسمها هاله عندها عياده تجميل ياتري تعرفها
ابهم ايده جمدت ع السماعه ورفع عيونه ببطئ وبصله: هي تبقي مراتك

اسلام خبط ايده في بعض: مش كدا هي طلقتي وطلقتها لان عندها علاقات غراميه
ابهم ارتبك: انت فاهم الموضوع غلط
اسلام لوح بالموبيل قدام وشه: تمام غلطان بس عندي ليكم مقاطع ساخنه مع بعض
ابهم بعصبيه: انت مين واسمك ايه
اسلام: هو انت مفكرني نصاب مثلا تمام نفرض اني غلطان بخصوص علاقتك مع مراتي ممكن اقدم الادله لمجلس اداره المستشفي
ابهم وقف بعصبيه :مش ممكن
اسلام ببرود : اهدي يا شبح مش انت لسه قايل ملكش علاقه معها
ابهم :قطعت العلاقه معاها!
اسلام :للسبب ده جاي اتكلم معاك انت عارف اني كنت بحبها كتير وانفصلت عني لانها حبتك انت برغم عارفه انك متجوز اظن ده مش عدل هي الي تبذل كل حاجه عشانك
ابهم: عايز ايه
اسلام :عليك نور الي طلبه سهل وبسيط لو مش عايز تطلع بفضيحه طلق مراتك واتجوز هاله
https://www.facebook.com/قصص-منه-محمد-كاتب-110808814814076/
كارمن رجعت البيت بعد يوم طويل وشاق دخلت الحمام تاخد شور لقت موبيلها بيرن لقته نوح يتصل بك رفضت ترد عليه فضل يتصل بأصرار اخر ما زهقت اغلقته تماما وراحت سندت ع الحوض ورفعت وشها للمرايا وافتكرت كلام الجده وكلام خلود وكلام ابهم زحمه افكار في دماغها مدخلها في حيره اخر ما زهقت خرجت تاخد غيار في نفس اللحظه ابهم دخل مخنوق فك الجرافته وفضل يمسح جبينه وبيفكر في المصيبه الي حلت عليه
كارمن شافته: ابهم انت جيت امتي؟
ابهم لف وبصلها : جيت من ثواني
كارمن نخت ع ركبها قدامه بتحاول تقرب منه وتبعد نوح وصورته تماما: لسه عايز تخلف مني طفل
ابهم: طبعا بتمني يكون عندنا طفل
كارمن: ايه رايك نسافر ع اخر الاسبوع اجازه في اي حته
ابهم ابتسم شبح ابتسامه وهز دماغه بالموافقه
https://www.facebook.com/قصص-منه-محمد-كاتب-110808814814076/
في غرفه هاله متعصبه علي الاخير فضلت تجمع هدومها وتحدف في الشنطه ولنفسها: بتعمل كل ده ايه يا اسلام وليه ابهم مجاش
لقت خبط ع الباب فرحت تلاشت فرحتها لما لقتها الممرضه بتقولها: اتفضلي الدواء الي لازم تاخديه معاكي البيت ومعاهم الفاتوره

هاله: فين الدكتـ
الممرضه جاوبت بسرعه:الدكتور ابهم اتصل وطلب مني اقولك
هاله: انه مش جاي مش كدا
الممرضه: ايوه
هاله بضيق: تمام انا مش حالته وكنت مبسوطه انه كان لطيف معايا بما فيه الكفايه وكان كتير خيره بيجي يطمن عليا اشكريه بالنيابه عني
الممرضه: هترجعي البيت ازاي تحبي اتصل بأوبرلو مفيش حد يوصلك
اسلام فتح الباب ودخل: انا هاخد اختي بنفسي لحد البيت شكرا لانك مهتميه بيها هو انتي اسمك ايه
هاله بحده وغيظ: ممكن تجيب لي كرس متحرك عايزه ارجع البيت بسرعه
الممرضه: امرك يا هانم
هاله خلت اسلام بيلف بضهره ينقر الممرضه حدفته بالشنطه بغل وغيظ
اسلام ضم الشنطه لصدره: اه ايه فيه ايه ليه ضربتيني عشان قلقان عليكي
هاله: قلقان انت بتقلق عليا من امتي الحنيه انت قلقان ع الفلوس الي هتهفها مني
اسلام ببتسامه صفرا: وحياتك قلقان عليكم انتم الاتنين فين الفلوس
هاله: بزمتك عندك الجرئه تسأل بص حواليك انت شايف الدكتور هنا
اسلام رفع حواجبه بندهاش: ايه ده هو مجاش بعد ما هددته
هاله: لو جه كنت سيادتك شوفته( رفعت الشنطه وبتتحرك)
اسلام وقفها: استني رايحه فين يا طعمه فين فلوسي ولا انتي ضحكتي عليا
هاله ضربته في دماغه: انت عندك عقل في دماغك دي اتفقنا تجب لي الدكتور لحد هنا تاخد فلوس وهو مش هنا عشان كدا اخرج برا
اسلام خبط ع دماغها نفس ما عملت: استخدمي انتي عقلك هددته اني هبلغ عنه مجلس الاداره ولسه مجاش لانه زهق منك ومل
هاله بصرخه: اخرس
اسلام صرخ فيها: لاء انتي مجرد صيده سهله بالنسبه له وعقل ورجع لمراته

هاله رفعت ايدها ولطشته حته قلم سقع
اسلام حط ايده ع خده: انتي عبيطه
هاله بنفعال: انت الي مش عارف حاجه عشان كدا اخرس خالص ولو كنت عايز الفلوس اجمعني مع ابهم
اسلام بنظرات احتقار: ده الي انتي عايزاه تمام حقوله انك بعتيني له اهدده
هاله: اتفضل حاول وهبلغ امك انك صرفت كل فلوس الايجار بالقمار في الكازينوهات
اسلام بصلها بغيظ وغضب وضرب السرير برجله
هاله: استخدم دماغك الصغيره وفكر في طريقه تجبلي بيها ابهم عندي غور
اسلام بصلها من فوق لتحت بنظرات كلها احتقار وسابها وخرج
هاله لنفسها: مستحيل استسلم وكارمن تاخده مني ابدا مستحيل
https://www.facebook.com/قصص-منه-محمد-كاتب-110808814814076/
في شرم كارمن قاعده قدامه لقته سرحان وكأنه بيفكر في امرعويص!!!
كارمن اتكلمت تخطفه من تفكيره وسرحانه: مفيش ناس كتير ولا انت ايه رايك
ابهم فاق من سرحانه: كارمن انتي جعانه تحبي نخرج ناكل ولا ناكل في مطعم الفندق
كارمن بستغراب: بس انا مكنتش بسألك عن الاكل
ابهم ابتسم برتباك: بجد انا اسف يمكن عشان انا جعان
كارمن: خلاص قوم نروح ناكل شكلك فعلا جعان
ابهم هزلها دماغه وقام معاها كارمن سبقته ومشت قبله وهو مد وحصلها وشبك ايده جوه ايدها
وهما قاعدين بياكلوا تلفونها رن بصت للشنطه بقلق وابهم قاعد بترقب
ابهم: مش هتردي عليه
كارمن: اظن انا نادرآ لما باخد اجازه مش عايزه ازعاج
ابهم بشك: طيب ع الاقل شوفي حتي مين بيتصل
كارمن: اكيد رغده حيكون مين غيرها وانت عارف ماليش حد لانها صديقتي الوحيده
ابهم: برضو لازم تشوفي مين قدري مش هي (وقام وقف) بس لو مش عايزه انا ممكن اشوف
كارمن خطفت الشنطه: لاء هشوف انا
ابهم رجع مكانه وعيونه علي الموبيل وكارمن فتحت الشنطه لقته نوح عملته بسرعه ع الصامت وحدفته تاني جوه الشنطه
كارمن بصتله: قفلت الخط خالص عشان ناكل براحتنا
ابهم هز دماغه لكن الشك مالي قلبه ورجع بصلها بصات كلها شك وحيره

https://www.facebook.com/قصص-منه-محمد-كاتب-110808814814076/
نوح راح المستشفي يطمن عليها ويعرف ليه مش بترد عليه ومعاه ورده بيضه بسيطه
نوح بص للورده وكلمها: ايه ده يا نوح تشتري ورده واحده ليه مجبتش مجموعه ورود بس هي قنوعه وورده كفايه كتعبير لاء هتهزقني(قعد ع الكرسي وهرش في شعره) لا التعامل مع البنات طلع صعب اوي
شافته قربت عليه بعصبيه وسألته: ياتري الورده دي لكارمن
نوح قام وقف وبص للورده ورجع بصلها
رغده ربعت ايدها قدام صدرها: هي في اجازه مع الدكتور ابهم جوزها
نوح من كلمه جوزها وشه اتغير وبهتت ملامحه: همشي انا
رغده: استني كارمن والدكتور ابهم رجعوا لبعض
نوح: لو ده حصلها انا افرحلها
رغده: هي قالت لي انك ساعدتها انها تصلح علاقتها مع الدكتور والحمد لله رجعوا لبعض اظن من المفروض تسيبها في حالها بقي
نوح: الراجل لما يبقي زير نساء صعب نعالجه زي السرطان بيمشي في العروق هو قال انه نهي العلاقه بس ازاي ممكن تعرفيني بس احب اقولك هو شايف واحده تانيه وراه ظهر كارمن وعارفه كمان امر انه ينهي علاقه مع ست تانيه امر صعب
رغده: بس احنا بنتكلم عن مراته هنا هما متقبلوش في غرفه طوارئى واتجوزوا هما الاول عاشوا فتره حب لحد ما ارتبطوا سوي الناس بتغلط بس مع الحب بتيجي المغفره وهما في اجازه سوي اعتقد كارمن سمحت الدكتور ابهم والست التانيه سلمت ومبقاش فيه مشكله تفرق بينهم
نوح اخد الكلام والقهر والحزن وخرج برا في الشارع وسند ظهره ع عربيه وبص للورده لقاه حد بينداه عليه بأسمه: نوح
نوح رفع عيونه وبصلها: امي انتي خرجتي
هاله: اه راجعه البيت بس لمين الورده دي

نوح: ليكي ومدهالها
هاله اخدتها منه وابتسمت ابتسامه مزيفه
نوح: كويس اننا اتقابلنا هنا كنت مش هلقيكي
هاله بشك: بس ليه جبت لي ورده
نوح: ابدا واحد معدي اخدتها منه حبيت اساعده
هاله: والله بس ممكن تألف قصه افضل من دي ع اي حال انا سعيده انك جيت تزورني ياتري سامحتني
نوح: انتي لسه خارجه بس هو الدكتور مش معاكي
هاله: هو كان مهتم بيا
نوح: هو ليه مش معاكي هنا
هاله: نوح هو دكتور عنده حالته ومرضي تانين غيري متقلقش يمكن هو مش موجود هنا دلوقت بس هيجي ويتجوزني ويفضل طول الليل معايا
نوح بهتمام: هيفضل معاكي طول الليل
هاله ابتسمت بثقه: ايوه لانه بيحبني ومستحيل يسبني
نوح: تمام يله خليني اركبك تاكسي تروحي ترتاحي
https://www.facebook.com/قصص-منه-محمد-كاتب-110808814814076/
نوح الي اتقهر انها اغلقت الخط نهائي حط الموبيل في جيبه الوراني وراح للموتسكل تلفونه رن : نعم عايز ايه؟؟
تامر طقطق بلسانه: طق طق دي تحيتك للبنات بترد عليهم بالنبره دي ع العموم كنت عايز اطلب منك طلب تقابل زبونه الليله
نوح: اظن سبت الشغلانه دي
تامر: عارف انك سبتها بس الست دي هتتهبل عليك بقالها مده والله صعبت عليا طب بص تعال اشرب معاها كاسين وزحلقها
نوح: اسف انا بجد بعدت عن الطريق ده وكمان انا مشغول الليله
تامر مسح وشه وشعره بنرفزه: هتعمل ايه الليله
نوح: مسافر شرم سلام واغلق ع طول
https://www.facebook.com/قصص-منه-محمد-كاتب-110808814814076/
في بيت ابهم رجعت هدي وبلغتها الشغاله انهم سافروا وهدي استقلبت الخبر كأن مصيبه حلت فوق دماغها
هدي: امتي ابني سافر
الشغاله: من بدري اول ما حضرتك روحتي المصنع
هدي: سافر مع مراته

الشغاله: ايوه
هدي اتعصبت: وليه مقليش
الشغاله: يمكن عايزك تتصلي بيه
هدي: دي نكته هو انا صحبتك
الشغاله: انا اسفه مش قصدي
هدي اخدت الموبيل واتصلت بيه: اهلا يابني انت سافرت تقضي اجازه رومانسيه ليه طيب مقولتليش هو انا مش امك ولا انت قلقان اجي وراكم(عوجت بؤها)
ابهم: لا يا امي بس انا وكارمن عندنا اجازه وقلنا نستغلها وسافرنا بعفويه واسف طبعا اني مبلغتكيش
هدي بغيظ مكتوم: ولا يهمك المهم انتم فين بالظبط يعني في فندق ولا منتجع واسمه ايه متقلقش مش هاجي وراكم الوقت اصلا متأخر انا بس بسأل يجيلك حاله طارئه ولا يحصلي حاجه ومقدرش اوصلك اعرف اتصل بمين انت فين
هدي اول ما اخدت العنوان طلعت بسرعه غيرت هدومها وجمعت شنطه ونزلت وراها الشغاله
هدي: استني بعد ما امشي اتأكدي ان كل الابواب والشبابيك مقفوله
الشغاله بطاعه: حاضر يا هانم اطمني بس انتي رايحه للدكتور دلوقت مش قلتي مش هتروحي وراهم
هدي بستياء: فضوليه
الشغاله: انا عارفه هتقولي كدا ع نفسك متطفله
هدي ضربتها بغيظ في كتفها: انا بقصدك انتي مش بقصد نفسي انا امه ليه مروحش اشوف ابني يله حطي الشنطه في العربيه
الشغاله: حاضر وسحبت الشنطه وهدي خرجت وراها
https://www.facebook.com/قصص-منه-محمد-كاتب-110808814814076/
ابهم قاعد بيفكر يعمل ايه لو اسلام نفذ تهديده وعرض الصور والفيديوهات لقاه موبيله بيرن
ابهم: خير
اسلام: انا اسلام طليق هاله سمعت انك سبتها ترجع البيت لوحدها مش ملاحظ انك قاسي عليها
ابهم اتعصب بصوت واطي: عندي ارتباطات تانيه مهمه
اسلام: قول ان هاله مبقتش تهمك خلاص طيب ليه اتورطت معاها واتجرأت وخنت مراتك خليك راجل واتحمل المسؤليه واتجوزها وارجع والليله تكون معاها ولو ده محصلش فضحتك هتبقي ترند بعد يومين
ابهم: اسمعني
اسلام اغلق الخط
ابهم قام بعصبيه وراح يفتح الباب
كارمن خرجت من جوه وسالته: ابهم رايح فين؟؟

ابهم لف وبصلها: ماما اتصلت بيا بس الخط قطع يظهر الاشاره ضعيفه هنا قلت اطلع برا اكلمها
كارمن: طيب اتفضل
ابهم طبطب ع كتفها بسرعه: راجع ع طول
طلع برا فضل يتصل بهاله رفضت ترد عليه بمعني خاليه يرن لحد ما يجي لحد عندها في النهايه
ابهم رجع لكارمن لقاها بتمشط شعرها
ابهم: كارمن
كارمن سابت الفرشاه وبصتله: نعم
ابهم: تزعلي لو رجعت البيت الليله
كارمن: ليه فيه حاجه حصلت لولدتك
ابهم: اه اغمي عليها فجأه ومحتاج اطمن عليها
ممكن تستني هنا لوحدك ووممكن تنامي وتعوض السهر في الشغل
كارمن بلهفه: لاء انا جايه معاك استني بس دقيقه البس
ابهم: لاء لاء ياكارمن انا راجع الليله اطمني بس لازم امشي
كارمن فضل الشك يراودها من ارتباكه حاولت تنفض الافكار من دماغها وراحت قعدت قدام التلفزيون شويه حست بالجوع قامت فتحت الثلاجه الصغيره ملقتش غير ميه قررت تنزل لـ اقرب محل تشتري اكل وبالغعل لبست ونزلت في نفس الاثناء كان وصل نوح شرم عشان يدور عليها لقاه نفسه جعان وقف عند اول محل قابله طلب الاوردر وقعد وعشان المكان زحمه وكل التربيزات ماليانه قعد مع واحد وشاركه نفس التربيزه
الشاب: المكان النهارده زحمه هو انت من هنا
نوح بصله: لاء انا جي هنا ادور ع ناس قريبي
الشاب: امال انت منين؟؟
نوح ابتسم: انا من ميامي
الشاب: ياه طيب لو ملتقتش قريبك هتعمل ايه
نوح رفع كتافه لفوق: ولا حاجه هفضل الف لحد الصبح
الشاب: انا بقي هاكل واروح اقعد ع الشط لحد الفجر
نوح ضحك بغلب: احنا منفلتين جدا
الشاب ضحك: لاء اسمها احرار ولا انت هربان من بنت كسرت قلبك
نوح: لاء مش اوي كدا انا بس في اجازه وجيت هنا لان حبيبتي هي كمان في اجازه فكرت اروحلها وابقي معاها
الشاب: حبيبتك هنا
نوح: ايوه بس مقلتليش هي فين ويمكن هنا ومش هنا مش عارف
الشاب: انت ضايع وسيبها للقدر
نوح: لان القدر مش هيخدعني رغم محدش مهتم بيا
الشاب: لا ده انت مش مكسور قلبك ده انت قلبك متحطم اظاهر هطلبلك وسكي
نوح بعتراض: لاء انا مش بشرب بطلتها
الشاب: ليه خلينا نغرق في احزانك

نوح بيضربه بعينه لقاها واقفه تحاسب الكشير ومشت وهو قام بسرعه ومشي وراها خطوه بخطوه لقاها داخله الفندق دخل وراها لحد ما وصلت قدام الغرفه وفتحت بالكارت وهنا اتأكد ان الدكتور مش معاها وانه سابها عشان امه مره تانيه طلع موبيله وبعت لها رساله محتواها( عارفه انه ميصحش يبقي ليا اي مشاعر اتجاهك بس غصب عني مش قادر امنع قلبي من حبك لاني قلقان عليكي روحي للعين السحريه
كارمن قرت الرساله وجريت شافته واقف قدام الباب فتحت الباب بسرعه وبحده: انت مرقبني
نوح: انا قلقت مش اكتر والقدر رماني هنا ياتري هتصدقيني
كارمن: طبعا مش هصدقك
نوح: مين قالي انك هنا
كارمن: وانا ميهمنيش ازاي لقتني بس امشي قبل ما يشوفك جوزي
نوح: عارف انه مش هنا
كارمن وشها اتاخد وصدرها فضل طالع نازل
نوح: انتي مش قادره حتي تتكلمي وتردي وتقوليله انه هنا
كارمن زقته: امشي هو راح يشتري حاجه وراجع
نوح: مش هيرجع انتي كدابه
كارمن بغصب: انا مش كدا سامع مش كدا انا في اجازه سمعني ومحتاجه اكون لوحدي معاه وانا وجوزي اتصالحنا و
نوح شدها لحضنه وسحب شفايفها في بوسه رقيقه ناعمه وكارمن فضلت تعافر معاه لحد ما هي كمان استسلمتله وسابت نفسها في نفس اللحظه وصلت هدي وشافت المنظر وانصدمت شويه وبعدين تدراكت الجُرم المشهود الي هيخلصها من كارمن للابد بسرعه طلعت الموبيل وصورتهم وهما في احضان بعض عشان تبقي كارمن متلبسه بقضيه زنا وبكدا تسقط كل حقوقها وقررت تظهر في الوقت المناسب!!!!
كارمن لما حست بالغلط زقته لبعيد بنفعال: ليه بتعمل كدا
نوح: مش عارفه ليه
كارمن: امشي قبل ما يجي جوزي ويشوفك هنا
نوح: جوزك سابك ياكارمن سابك
كارمن بوعيد مصطنع: كدا انا بقي هتصل بيه ويجي يشوفك خليك لحد ما يجي يخلص عليك لو حابب خليك
زقت الباب ودخلت ونوح دخل وراها
نوح زعق فيها: اتصلي بيه وشوفي بنفسك انه مش هيرجع
كارمن رمت الموبيل ونزلت دموعها لانها عارفه ان كلامه صحيح
نوح قرب منها: كارمن ان عايز ابقي معاكي
كارمن بعدته عنها بقوه وصرخت فيه بجنون: اسمع انا متجوزه
نوح صرخ وعيونه نار شابه ورجع يقرب منها: وجوزك واحد خاين هو مع واحده تانيه ليه متحمله ده ليه وفيه راجل تاني عايزك وشاريكي
كارمن : بس انا مش عايزه راجل تاني وكل انسان ممكن يغلط وطالما قرر التوبه يستحق بدايه جديد
نوح هز راسه بضيق: بس هو مش تايب

كارمن كملت بصوت يتقطع على حالها: لاء هو تاب وبعد عنها
نوح صرخ بقوة : بطلي تكدبي ع نفسك بقي بطلي جوزك متغيرش هو مع ست تانيه
كارمن انتفضت بقوة: حتي لو كان كدا مش من حقك تعمل انت فيا كدا
نوح بقهر: ليه انا مقدرش
كارمن اتملت عيونها بالدموع: لاني مش عايزه راجل تاني انا روحت اقابلك لاني كنت عايزه استخدمك اوجع جوزي بس بعد ما قطع علاقته مع الست دي لازم ابعد عنك وانت تبعد
نوح بهدوء: انتي كدابه عارف انك عايزاني نفس منا عايزك
كارمن بانفعال حبت تقطع جواه وجواها اي امل: انت لسه بتلعب مع الستات عشان الفلوس انت جاي هنا عايز فلوس!
وفتحت البوك ورمت رزمه فلوس في وشه: خد فلوس وسبني في حالي
نوح رمش كذا مره من دفع الفلوس في وشه وبصلها بألم: ليه بتعملي فيا كدا
كارمن: لان ده شغلك انا دفعت لك عشان ليله واحده سريعه ده كل الموضوع
نوح كأنها قطعت قلبه بسكينه تلمه: خلصتي اهانه فيا اكتفيتي
كارمن بدموع متحجره:انا مش بهينك انا بقول الحقيقه ومتقوليش ليك مشاعر ناحيتي لاني مش هسيب دكتور عشان واحد زيك ومش عايز اشوفك بعد كدا
كارمن دخلت غرفتها واغلقت الباب بعنف وهو فضل واقف مكانه ونزلت دموعه وكأنّ المكان بيضق عليه
راح قرب من الباب محتاج يخبط عليها لما سمع صوت بكاها بنحيب لكن قوه نفسه وجر رجليه وخرج من الفندق وركب اول عربيه قابلته ونزلت دموعه زي الشلال وكارمن اعدت في الارض تتكوي بلوعه الفراق وكأن روحها بتروح منها

يتبع…

لقراءة الفصل التالي : اضغط هنا

لقراءة الرواية كاملة اضغط علي : (رواية صائد النساء)