رواية سيدرا الفصل الثالث 3 بقلم أحمد سعد
رواية سيدرا الجزء الثالث
رواية سيدرا البارت الثالث
رواية سيدرا الحلقة الثالثة
( احمد بيدخل عليهم المكتب )
احمد : مساء الخير
سيدرا : كده كتير الصراحه . !
سليم : اهلا ! تعالى يا احمد دى الموظفه الجديده سيدرا وده يبقي ….
احمد : احححم .. نورتى الفندق واحنا هنا كلنا زمايلك
سيدرا : ( بغضب ممزوج تعجب من جراته انه ماشي وراها ) متشكره .. طيب حضرتك يا مستر سليم اقدر امشي . ؟
سليم : اه طبعا .. اتفضلى
سيدرا : عن اذنك ..( بتبص لاحمد بطرف عنيها من فوق لتحت )
………….
سليم : ايه يابنى نويت على ايه . ؟
احمد : هه
سليم : هو ايه اللى هه . ؟ نويت على ايه هتشتغل فين .. هتمسك المشتريات ولا هتبقي ف الاداره هنا ولا تمسك ايه
احمد : الاستقبال
سليم : نعم . ؟
احمد : هشتغل ف الاستقبال يا عم
سليم : استقبال ايه ياعم دانت صاحب الفندق
احمد : والاستقبال بردو اهم شغلانه هنا ف الفندق وانا عاوز ابدا منها . وبعدين فاهم فيها يعنى وكنت بقف كتير
سليم : ايوه بس هتقف ف الاستقبلا تهبب ايه يعنى . مشرف وكده ولا ايه
احمد : لا هشتغل ف الاستقبال نفسه . اهو ابقي ماسك الليله وفاهم كل حاجه
سليم : والله براحتك ..
احمد : هو الاستقبال فيه كام شيفت . اتنين ولا تلاته
سليم : لا اتنين .. فيروز وهدى …. وكان عمرو لوحده ف شيفت بالليل بس جيبناله الانسه اللى انت لسا شايفها دى .. تشتغل مع مين
احمد : خلينى بالليل . انا مابقومش كتير الصبح ف خلينى براحتى بالليل .. وعمرو خليه يساعد فيروز وهدى
سليم : ( بتعجب وغيره مش مفهومه ) يعنى هنوقف اتنين لسا بيتدربوا مع بعض ف شيفت مهم زى شيفت الليل ده
احمد : يا سوس مشيها بقي تدريب ايه يابنى منا بقولك فاهم الليله والشغلانه
سليم : اهو ابوك جه اهو … تعالى ياحاج شوف احمد نوى على ايه
عزيز : على ايه . ؟
سليم : عاوز يقف ف الاستقبال
عزيز : وماله .. خليه يقف اهو يفهم ويعرف الليله ماشيه ازاى ويعرف حجم الاشغال ويبقي معاك يبعتلك كل التقارير دايركت على طول
سليم : انت شايف كده
عزيز : اه خلينا نشوف اخره ايه . ناوى على شغل بجد ولا يومين تلاته وهيقولنا انه زهق
احمد : ههههههههههه لا مش هزهق ان شاء الله .. انا هسيبكو بقي وهروح لمستر محمد ابلغه بالموضوع ..
…………….
( ف سكن الفندق … شقه البنات )
فيروز : بس ايه العسل ده يا سيدرا جايباه منين
سيدرا : ههههههههههه عسل ايه بس انتو العسل كله
فيروز : لا بجد احنا فرحانين بوجودك جداااا وحاسه ان وجودك هيفرق معانا .
سيدرا : يارب اكون كده .. بس على فكره .. الفندق فيه شوية ناس مش لطيفه
فيروز : ناس مين دول
سيدرا : والله ما عارفه .. من اول اليوم لاخره وفيه واحد شغال ف الفندق معرفش مين ده ومتابعنى وماشي ورايا من اول اليوم لاخره
ليلى : ههههههههههههههه ده تلاقيه معجب ياعم .. مانتى تعجبى بردو . ع العموم ماتخافيش .. الموضوع ده ممنوع عندنا . وفيه مستر احمد ومستر سليم مابيهزروش ف الموضوع ده
سيدرا : ياريت لانه كان بايخ بصراحه
فيروز : ههههههههههه ماتشيليش هم .. ويلا يا حلوين بقا تنامو عشان احنا ميعادنا هناك الساعه 8 الصبح .. 3 ايام يا سيدرا تعرفى فيهم الشغل وبعد كده هتمسكى مع عمرو بالليل
……………
( تانى يوم )
سليم : اما عجيبه . ؟ الاستاذ احمد بذات نفسه موجود ف الفندق الساعه 9 صباحا ؟ ياللهول
احمد : ماتتريقش بقا ياعم .. والله قولت اجى اقعد معاكو شويه واهو بقي
سليم : تقعد معانا شويه . عليا انا يالا ؟ دنا اللى مربيك . عليا النعمه هتلاقيك ملاغى واحده اجنبيه ياواطي وجاى سارح وراها ولا عاوز تشقطها . اتنيل
احمد : ايه ده ؟ هو انا مفقوس اوى كده
سليم : دانت مفضوح ههههههههههههه
احمد : ما علينا يا سيدى . خلى اللى يقول يقول . انا نازل افطر ف مطعم الاستاف
سليم : استاف ايه يابنى ماتنزل تفطر ف المطعم بتاع الجيست
احمد : لا لا . عاوز افطر مع العمال النهارده
……….
( مطعم العمال )
ليلى : ايه رأيك ف الاكل . ؟
سيدرا : حلو !! زيه زي الاكل ف المطعم الرئيسي
ليلى : لا هنا هتحبى الشغل والناس اصحاب الفندق دول ناس كبارات وفاهمين شغلهم وبيحبوه .. وكمان مش اللى هما متكبرين بقي وشايفين نفسهم . لا بالعكس روحهم حلوه ومستر عزيز بداها من تحت اوى
سيدرا : عزيز ده صاحب الفندق . اومال مين اللى ماسك الاداره
ليلى : مستر سليم ابنه .. هقولك .. مستر عزيز عنده ولدين وبنت .. سليم الكبير شخص لطيف جدا بس صعب ف الشغل ومابيتفاهمش واهم حاجه عنده الشغل ثم الشغل ثم الشغل .. واحمد بقي . دا سكر اوى ومكبر دماغه اوى هههههههههه بتاع بنات زى ما تقولى بس كل الناس هنا بيحبوه جداااااا لانه قريب منهم ويقعد يهزر معاهم ويزعل اوى من اللى يعمل بينه وبينه كلفه او يفخم فيه ويحترمه زياده عن اللزوم
وفيه بقي هند اختهم .. شخصيه صعبه موووووووووت والكل بيعملها ألف حساب وهى الوحيده اللى تقدر على مستر سليم وممكن تمشي كلامها عليه لكن ماتقدرش تكلم احمد نص كلمه هههههههههه
سيدرا : هههههههههه اشمعنى . ؟مش احمد ده الصغير . ؟
ليلى : الوسطانى .. سليم الكبير وهند الصغيره
سيدرا : طب وايه السبب اللى يخليها قويه على مستر سليم وضعيفه ناحيه احمد
ليلى : احمد مابيتفاهمش . وعصبي جدااااا وممكن يهفها بأى حاجه ههههههههههههه
سيدرا : ياساتر .. ليه
ليلى : هو كده .. على اد ماهو طيب وحنين وروحه حلوه على قد ما الجنونه لما بتطلع محدش يستجرى يقف قدامه .. حتى سليم .. اقولك . حتى ابوه زات نفسه .. وغير كده والاهم ان كلهم بيحاولو يتجنبو انهم يزعلوه لانه …
سيدرا : لانه ايه ؟
ليلى : عنده القلب … وبيخافوا عليه والمفروض انه يعمل عمليه قلب مفتوح بس هو رافض وخايف يعملها
سيدرا : يا ربنا …..
…………
( ف الكافيه جنب المطعم )
احمد : صباح الخير
سيدرا : ( بتبصله وهى بتشرب النسكافيه )
احمد : ايه ده . ؟ بقولك صباح الخير
سيدرا : انت عاوز ايه ؟
احمد : هعوز ايه ؟ والله ما عايز حاجه انا بصبح عليك مش اكتر
سيدرا : بتشتغل ايه هنا ؟ وكنت طالع لمستر سليم امبارح ليه ؟
احمد : انا . ؟ انا بشتغل ف المشتريات وكنت طالع اوقع ورق من مستر سليم
سيدرا : غريبه
احمد : غريبه ليه ؟
سيدرا : اصلك مكنش معاك ورق يعنى ولا حاجه ساعتها
احمد : هههههههههههه لا الورق كان موجود عنده ف المكتب وانا طلعت عشان اشوفه هو وقعه ولا لا واخده وانزل
سيدرا : اممممم . طيب .. انت عاوز حاجه ؟
احمد : لا
سيدرا : عاوز حاجه مُعينه يعنى اعملهالك . ؟
احمد : ابدا ( مركز ف عنيها )
سيدرا : طيب ياريت يا استاذ تلتزم بمسافة الزماله بينى وبينك وماتتعدهاش . انا شوفتك امبارح والنهارده ييجى 50 مره .. مش معقوله يعنى
احمد : انا اسف … عن اذنك
..
سيدرا : انت يا أخ انت
احمد : نعم . ؟
سيدرا : انت اسمك ايه ؟
…………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سيدرا)
تعليق واحد