رواية سلمى وفارس الفصل الثالث 3 بقلم هاجر

رواية سلمى وفارس الجزء الثالث

رواية سلمى وفارس البارت الثالث

رواية سلمى وفارس الحلقة الثالثة

(3)
فريد بعصبية:-“كنتي فين ”
سلمي بارتباك:-“كنت في التواليت ايه ”
فريد بعصبية اكبر :-“قومي طيب عشان نمشي ”
سلمي:-“اوكي ”
نظرت بطرف عينيها الي فارس ليومئ لها يطمئنها بعينيه
فريد وهوا يتحدث الي الهاتف:-“وانت ازاي متقوليش أن الحيو’ان دا رئيس مجموعات الديب ولحق ازاي يعمل كل دا في عشر سنين بس ”
سلمي بسخرية :-“هوا حلال ليك وحرام عليه ”
فريد بخبث:-“تفرق انا ابن باشا هوا هيفضل ابن بواب ”
سلمي باستفزاز:-“بس ابن البواب يقدر يشتريك انت ويخليك علي الحديدة”
نظر لها بعصبية وركن السيارة ثم
جذبها من شعرها بقوة :-“لا عاش ولا كان اللي يقدر يشتريني وانا هدمره متقلقيش ”
سلمي بوجع:-“سيب شعري يـَ حيوان ”
فريد بغضب :-“انزلي غوري من قدامي ”
سلمي باحتقار:-“هتفضل ندل ومتخلف طول عمرك يابن عمي ”
فريد بعصبية وجنون:-“انت اللي بتضطريني لكدااا قدمتلك كل حاجه محبتنيش ليبيه اشمعنا هوااا ”
سلمي بدموع:-“انت عمرك ماكنت زوج ولا حتي اب لبنتك حياتك كلها غلط ومتنساش انت خدتني بالاجبار وغصب عني وبقرف من نفسي كل ما بشوف نفسي في المراية أو افتكر اني متجوزاك لاء وكمان مخلفه منك بكره كل حتة فيااا بسببك بكرهك يافريد بكرهككك ”
نظر لها بذهول ثم تركها ودلف للداخل يتركها أرضا تبكي علي سوء حظها
ميار بخوف :-“بابي هيا مامي فين ”
فريد :-“تعالي ياميمو اومال فين جدو ”
ميار :-“هوا نايم فوق ، تمسكت في جدار تخفي نفسها عنه وتسأله بخوف مجددا”مامي فين”
نظر لها بدهشة:-“انتي واقفه بعيد كدا ليه قربي ”
ميار بعبوس:-“لاء انت وحش انا مش بحبك عايزة مامي ”
فريد باختناق وعصبية :-“براا روحي شوفيها ”
ذهبت ميار الي الخارج لتجد والدتها تجلس أرضا تبكي
ميار :-“مااامي انتي هنا بتعيطي ليه بابي ضربك تاني ”
سلمي تمسح دموعها :-“لاء ياحبيبتي مضربنيش انا كويسة اهو ”
ميار بنوم:-“طب يلا عايزة انام ”
سلمي :-“يلا ياحبيبتي ”
*****************************************
طنط سلمي طنط سلمي اصحي بقااا
يـَ ماااااامي اصحي
تقلبت علي السرير بكسل ثم فتحت عيناها لتجد ادم فوق رأسها هوا وميار
سلمي:-“فيه ايه علي الصبح ،ازيك يادومي ”
ادم :-“الحمدلله قومي بقا ياطنط احنا جعانين اوي ”
سلمي :-“اومال امك فين ”
ادم :-“مامي مش بتعرف تعمل اكل وبعدين انا بحب الاكل بتاعك انتي ”
سلمي :-“ماااشي حاااضر”
ميار:-“مامي هنروح النادي النهاردة ناخد ادم معانا ”
سلمي :-“انتو الاتنين سوااا ايه اللي حصل كدا ”
ادم:-“انا بحبها ومش هزعلها تاني ياطنط انتي اختي ياميار صح ”
تحتضنه ميار بطفولة وتقول:-“وانت اخويا حبيبي ”
نظرت لهم سلمي بحب وقامت قالت يالااا بينا نعمل فطااار ”
ميار :-“بابي وطنط داليا تحت وجدو مشي ”
****************************************
سلمي باستغراب :-“اومال فين داليا ميار قالتلي انها هنا ”
فريد :-“في المطبخ بتعمل قهوة ”
اومأت له ببرود ثم ذهبت تجاه المطبخ لتجد داليا تصنع القهوة
سلمي :-“غريبة يعني تيجي البيت دا ”
داليا :-“بتعود عشان هيبقي بيتي قريب ”
سلمي بعدم فهم :-“ازاي يعني ”
داليا بخبث:-“اصل فوفي هيتجوزني ”
نظرت لها لثوانٍ معدودة ثم قالت :-“احلفي قولي وربنا هيتجوزك وكدا ”
داليا باستغراب :-“انتي فرحانه كدا ازاي ”
سلمي بفرحه:-“دا انا ازغردلك كمان يابت بس يلا الطيور علي اشكالها تقع”
داليا باستغراب :-“تزغردي بجد انا شايفه فرحه كبيرة في عيونك ”
سلمي :-“اكيد هفرح فريد ميهمنيش علفكرا بس بقولك ايه تعالي أعلمك تعملي أكلة كدا عشان لما تيجي تطبخي لادم ”
داليا بضحك :-“انتي بتهزري بجد انتي ازاي مسالمه اووي كدا ”
سلمي :-“ومبقاش ليه ياختي بصي انا اساسا مرتحالك وكفاية ادم السكر دا هحكيلك كل حاجه بس يلا عشان العيال جعانين”
بدأت سلمي تعلمها عمل المعكرونه البشاميل والفراخ وداليا اندمجت بعد فترة من استغرابها لسلمي ولكن لأول مرة تحب قضاء الوقت معها
داليا بضحك :-“انا تعبت حقيقي ايه داااا كله ”
سلمي :-“هتشوفي هتطلع الاكله تحفه يبنتي ”
كادت داليا أن تتحدث ولكن فوون سلمي يرن
سلمي :-“ثواني هرد علي الفون ”
الو
“وحشتيني ”
تدفقت الحمرة علي وجهها لترتبك من وجود داليا بينما نظرت لها داليا بشك
سلمي :-“احمم روان ازيك ”
ليجيبها بغضب:-“هوا عندك النهاردة في البيت مراحش الشركه ”
كادت أن تفلت ضحكتها :-“ايوا داليا وفريد هنا ”
-مممم انا هستناكي في النادي النهاردة ”
سلمي :-“خلاص تمام نتقابل في النادي ”
وأغلقت الهاتف بسرعة عندما لاحظت نظرات داليا التي توحي باالشك
داليا بشك:-“مال وشك قلب طماطم كدا ليه ”
سلمي بثبات:-“فين دا احنا جمب البوتجاز والنار يبنتي والجو حر ”
داليا:-“اهمممم ماشي انا عندي فضول اعرف بقا فريد عمره م حكالي حاجه”
سلمي :-“ايه الي حصل عشان فريد يقرر يعترف ب ادم ”
داليا باررتباك :-“يعترف ب ادم ازاي يعني ”
سلمي :-“داليا مش عليا انا عارفة أن فريد متجوزك عرفي ومعرفش انت ازاي قابلة علي نفسك وع ابنك أنه يقول لباباه ياعمو وساكته كدا ”
داليا بحزن:-“غصب عني أنا بحب فريد جدا وبعمل اللي هوا عاوزه ”
سلمي بحب :-“الحب وسنينه هييححح”
داليا باستغراب :-“انا بجد مش فهماكي ازاي كدا انتي وكمان انتي بتحبي حد غير فريد ”
سلمي بسخرية :-“انا عمري ما حبيت فريد انا قلبي ملك لواحد بس وقريب هطلق من فريد بس ياريت الكلام دا بيني وبينك ”
داليا:-“بس فريد قالي مستحيل يطلقك”
سلمي باستهزاء:-“يبقي عبيط وانا هخلي المستحيل دا حقيقه”
داليا:-“يعني ايه هتعملي ايه ”
سلمي بغمزة:-“هفاجئك بس افرحي دلوقتي هتبقي مراته لوحدك ”
داليا :-“طب وانتي لما تتطلقي تعملي ايه ”
سلمي :-“امممم يلا نشوف ادم وميار “وخرجت مسرعة لتنظر داليا في أثرها بشك واستغراب
*************************************
سلمي :-“علفكرا يـَ دومي مامي اللي عامله الاكل دا ”
ادم بانبهار طفولي :-” بجد يـَ مامي انتي عامله دا بتعرفي تعملي اكل حلو اهو ”
داليا بحنان:-“طنط سلمي ساعدتني فيه وهتعلم عشانك ياقلب مامي ”
ميار :-“تسلم ايدك ياطنط الاكل جميل ”
ابتسمت لها داليا ثم نظرت لفريد ليقول لها شئ ولكنه غير مهتم بهذا
داليا :-“عجبك الاكل يافريد ”
فريد ببرود:-“اه عجبني عادي ،المهم المأذون هيجي بكرا اعملي حسابك”
سلمي:-“مش هتعمل فرح ؟”
فريد بعصبية :-“هوا انتي ازاي باردة كدا بجد ”
سلمي ببرود :-“ومكونش باردة ليه أن شاء الله ”
قام من الطاولة بعصبية. وخنقة ثم ذهب إلي غرفة المكتب لتلحقه داليا
نظرت في أثره باستهزاء ثم أكملت طعامها
*************************************
ميار بفرحه طفولية :-“عمو الخارق انت بتعمل ايه هنا ”
فارس بضحك:-“جاي اتفرج عليكي مش عندك مسابقه النهاردة ”
ميار :-” جاي عشاني ”
نظر فارس بحب الي سلمي :-“اه جاي عشانك ”
خجلت سلمي بشدة :-“احمم يلا بينا يلا ياميمو عشان تغيري ”
ابتسم لها فارس ثم ذهب معهم ليشاهد اختبار ميار
***************************************
ميار ببكاء:-“بس انا عاوزة الاول مش التاني ”
سلمي تحتضنها :-“ياحبيبي معلشي والله حقك عليا انا ”
ميار:-“هوا مبيفهمش الحكم دا انا عاوزة اروح اضربه”
قهقه فارس عليها ثم جذبها من يداها:-“تعالي يابت كدا ياللي شبه امك ”
نظرت له سلمي بغرور :-“انا زي القمر اصلااا دا شرف ليها تبقي شبهي”
فارس بنظرة عبثية:-“مقلناش حاجه انتي احلي من القمر فعلا”
خجلت منه لتنظر في الجهة الأخري
ميار ببكاء:-“انا عايزة المركز الاول ”
فارس بجدية :-“فيه مسابقات تاني صح ياموري ”
ميار:-“ايوا بس ده انا المفروض اخد المركز الاول ”
فارس :-“مش كفاية واخدة المركز الاول لقلبي ”
ميار بعبوس:-“لاء مش كفاية ياعمو ”
ضحكت سلمي بشدة بينما نظر لها فارس باحراج
فارس :-“شكرا ياستي يلا بينا بقااا ياكئيبة زي امك كدا نروح الملاهي نلعب”
ميار بفرحه :-“بجد هييييييييييه يلا يمامي بليز ”
سلمي بعبوس :-“لاء أنا كئيبة ”
ليرفع لها حاجبيه بتسلية ويضحك عليها
سلمي بغيظ:-“والله !”
ليهمس لها :-“بحبك”
لتخجل منه وتبتسم
ميار:-“يالااا بقااا نروح الملاهي ”
سلمي بقلق :-“بس فريد ممكن ”
لتتغير معالم وجهه الي الغضب والغيرة لترتبك سلمي
لتهمس :-“احمم يالااا نروح الملاهي ”
ذهبوا جميعااا الي الملاهي وفارس يلاعب ميار بفرحه ويتجاهل سلمي لتتنهد بغيظ منه
سلمي:-“ممكن اعرف حضرتك. مكشر ليه ”
فارس بعصبية :-“هوا انا مش قلتلك متخافيش طول ما انتي معايا مش عايزة اشوف الخوف من فريد في عينيكي”
سلمي بدموع:-“غصب عني خايفه عليك هوا هددني أنه هيقتلك”
فارس :-“فريد دا حسابه تقل اوي معايا وبعدين هوا دلوقتي مشغول بالمناقصة اللي خسرها بسببي والشركات بتاعته وقعت خلاص ”
سلمي بدهشة:-“بتهزززر احلف ”
فارس بضحك:-“والله ما بهزر اساسا شركاته عليها ديون كتير ليا وهوا مكنش يعرف مين المالك ”
سلمي:-‘وبابا!؟”
فارس بجمود:-“ماله”
سلمي:-“بابا وفريد شركاء اصلا يعني كدا”
فارس:-“كل حاجه دلوقتي بقت بإسمي ”
سلمي بعصبية:-“انت ازااااي كدا ليه عملت كل دا ”
فارس بحذر:-“وطي صوتك وخلي بالك انا معملتش حاجه ابوكي وفريد اللي عملوا كل حاجه فيا وفي اهلي زمان ”
سلمي بدموع:-“بابا لااااء يفااارس هوا اضحك عليه بسببي انا وفريد عشااانك ”
فارس بقهر:-“باباكي السبب في كل دا لما وافق علي جوازك من فريد وعايرني اني ابن بواب”
سلمي :-“انت فارس اسمعني بابا كلمني بعدها وقالي مش هيغصب عليا هوا بس كان خايف عليا انا اللي قلتلله هتجوز فريد مكنتش هقدر اشوفك غرقان دم قدامي واهلك كان هيأذيهم”
فارس :-“انتي بتدافعي عن ابوكي ولا دا الحقيقي ”
سلمي :-“والله ابدا مش بدافع بس دي الحقيقه”
فارس بلا مبالاة :-“عادي مش فارقه واساسا فريد كان واخد كل حاجه لنفسه كان بيضحك علي ابوكي ”
سلمي بذهول :-“خدت صتمه بجدد يخربيته”
فارس :-“يالااا نادي علي ميار عشان نااكل ”
سلمي بارتباك:-“فارس لازم اقولك علي حاجه”
فارس :-“ايه فيه ايه”
سلمي :-“طلبت الطلاق من فريد بس هوا قالي لازم بابا يدفعله خمسة مليون وممكن يحبسوا بسبب الوصلااات الامانه”
فارس :-“مش شاطر غير في التهديد بس ورحمه امي ما هسيبه ”
سلمي:-“انا ”
يحتضن كف يداها بيده وينظر لها بحنان:-“هخلصك من كل دا صدقيني ”
سلمي بدموع:-“واثقه فيك ”
فارس :-“ليه الدموع دي بقاااا بصي اتفرجي علي الفيديو دا بيعلنو فيه أن فريد أعلن افلاسه”
سلمي :-“ماشي وريني اول مرة اشوف واحدة بتفرح في جوزها ”
فارس :-“وحياة امك ”
سلمي :-“لسة مطلقتش منه الاااه”
فارس:-“بكرا طلاقك اكيد منه”
سلمي بفرحه:-“يااارب يفاارس ”
اخذت الفون تشاهد بفرحه لتجد مسدج من أحد ما لتتغير تعابير وجهها الي الحنق والغيرة
سلمي بانفعال:-“مين دي اللي بتقولك وحشتني يافوفو”
فارس بعبث:-“دي حياتي كلها ”
سلمي باختناق:-“فاارس انت بتضحك عليااا”
فارس بضعف:-“والله ما اقدر دي حماتك فيما بعد ياهبلة ”
نظرت له ترفع حاجبيها ليضحك بشدة
فارس:-“مش مصدقة استني هرن عليها “,
الوو
ولاا يافوفو انت مختفي فين ياواد
فارس بضحك:-“حرام عليكي يـَ أمي بريجتيجي طيب ”
فاطمه بضحك:-“بريجتيج ايه ياخويا تعال يالا عملت مكرونه بالبشاميل ”
فارس :-“جاي وجايبلك مفاجأة معايا”
فاطمه:-“طب تعال يلا ياحبيبي”
******************************
الو فريد بيه مرات حضرتك معاه وبنتك
فريد بجنون:-“اقتله سامع ملكش دعوة بمراتي وبنتي اقتل الحيو’ان دا ”
وقفل الفون
فريد بغيظ:-“شفتي بنت الكلـ’ب بتخوني مع عشيقها والله لاحسرها علي بنتها ”
داليا بخوف:-“فريد اهدي بلاش تخوفني منك كدا ”
فريد :-“ابعدي عني انتي كمان متخافي ولا تتنيلي هيا ناقصاكي ”
****************************************
فاارس انت كويس فاارس اصحي
يهمس بضعف:-“متخافيش مش همشي ”
تتحدث بدموع:-“انت لازم تقوم ميار مش معايا اخدوها”
فارس :-“متخافيش اااااااه ”
قربنا نوصل علي المستشفي صح
متقلقيش يامدام قربنا خلاص
سلمي :-“متغمضش عينك يفاارس ارجوك ”
الووو
هااا نقرأ الفاتحه علي روحه ولا لسة
فريد!
_______________________