رواية سلف ودين الفصل السابع والستون 67 بقلم لولو محمد
رواية سلف ودين الجزء السابع والستون
رواية سلف ودين البارت السابع والستون
رواية سلف ودين الحلقة السابعة والستون
الحلقه التاسعه و العشرون
فى الشركه عند حسام
انجى / ليش لا
حسام / مش هقدر اطلع مؤتمرات و اسافر و اغيب كل الفتره دى
انجى / هادول ٣ ايام مو اكتر فيها تبدر حالا يعني
حسام / افرضي حاجه حصلت حبيبه سخنت
انجى / لا تعتل هم فيها تكلمها للماما راح تساعدها عالاكيد
حسام / مش عارف مش مرتاح
انجى/ هايدى فرصه ما فيك تعوضها يا حسام هيدا المؤتمر راح يكون مجمع لكل شركات الادويه العالميه و راح تكسب كتير خبرات و علاقات
حسام / انتى بتدوريلى على شغل بعيد عن ابوكى و لا ايه
انجى / بلا غلاظه اكيد مو هيك قصدى انا بقصد انك اكيد راح تستفيد و اكيد كمان البابا ما هيلاقي احسن منك يمثل الشركه بهيك ايفنت مهم
حسام / يا سلام
انجى / ذكى و لبق و كتير مرتب مين فيه يكون احسن منك يعني و بعدين انا كمان راح اجى معك يعني فيك تعلمنى كتير اشيا غيرك ما راح يفهم عليي متلك
حسام / طب بصي هحاول هرتب برده البيت مع ندى و اشوف
انجى / ندى ما فيها تقول لا وانت بتعرف هالشي راح تودعك و كيف ما بتقولوا طريق السلامه
حسام يبص لانجى و يبتسم بطرف بقه
انجى / اسفه ما كنت اقصد اضايقك بس انا و انت بنعرفها لندى راح تفرح بالمصارى بس ما راح يفرق معها الكام يوم اللى راح تغيبهن عنها
حسام / و هيفرقوا معاكى انتى
انجى / عن اذنك البريك خلص
انجى تسيب حسام و تمشي و هو متابعها
………………..
فى المستشفي
عمر / ما انا مش هفضل رايح جاى كدا اكيد فى حل مسكن و لا اى حاجه
الدكتوره / مسكن ازاى بس يا استاذ عمر
عمر / انا خايف تيجي فى مره و تفضل تعيط و تتوجع كدا و مش هنصدقها و نقولها استحملى و يطلع طلق بجد دى حرفيا النهرده اترمت فى الارض
الدكتوره / اقول لحضرتك ايه بس … بص هى كدا كدا خدت حقنه الرئه و البيبي طلعت فوق تانى اول ما تنزل تحت تانى هديها حقنه طلق و اولدها تمام كدا
عمر يبصلها و يسكت
الدكتوره / مع ان حالتها والله ما محتاجه استعجال البيبي فى بطنها بيكبر كل يوم احسن مليون مره من الحضانه
عمر / عارف والله بس اعمل ايه قوليلى
الدكتوره / و لا اى حاجه خلينا نتابع زى ما احنا وان شاء الله خير
عمر / انا اسف جدا بجد انا عارف اننا تعبينك جامد
الدكتوره / لا ابدا اهم حاجه سلامتها
عمر يبتسم و يقوم يطلع بره يلاقي على واقف
عمر / جيت برده
على / ايه طلعت فوق تانى
عمر/ بنت كلب شقيه فكراها مراجيح مولد النبى جوه هى باين مش عارف
على / هو الحمل تقريبا لازم يبقي ابن كلب
عمر / ما كانتش هتبقي الجنه تحت اقدام الامهات لو ما كانش زفت بس على العموم الدكتوره قالت لو اتكررت هتولدها
على / طب ما تولدها دلوقت البت صعبت عليا من كتر العياط فوق
عمر / الدكتوره بتقول لو ولدت دلوقت هتولد قيصرى و ان يوم جوه
على / احسن من عشره بره عارف
عمر / تعال نطلعلهم هيكتبولها خروج خلاص مش هتولد النهرده
على / الناس دى هتبنى مستشفي تانيه من ورانا
عمر / يبقي بفايده بس يا عم مش عاوز حاجه تانيه و لا فلوس ولا نيله هى بس تقوم بالسلامه
على / امين … امين
………………..
فى المؤتمر بعد فتره
حسام / انا تعبت جدا النهرده هطلع انام
انجى / تنام شو الليله ما فيها نوم راح فرجيك اماكن بحياتك ما شوفتا
حسام / يا ستى لبنان كلها تهبل بس انا بجد تعبان و مصدع جدا من كتر الرغى اللى اتقال ده
انجى / خلاص بضهر لحالى بس اذا حدا بن حرام اتحركش فيني انت المسؤل
حسام يبتسم و يبص الناحيه التانيه
انجى/ شو ؟ هتنام ؟
حسام / انتى مفتريه عارفه كدا و لا لا
انجى / نحنا هون من الصبح بكير كام مره دقت عليك
حسام / و لا مره
انجى / كام مره دقيت عليها
حسام / مرتين اول ما وصلت و من شويه بقولها هطلع انام
توصل لحسام رساله واتس يفتحها يلاقى صوره لعدنان من العين السحريه مبعوته من رقم ندى
حسام / ثوانى راجعلك
حسام يروح فى جنب و يتصل بندى
حسام / الو
ندى / طبعا جاى يطمن عليا لانى لوحدى و اكيد خايف يكون ناقصنى حاجه
حسام / ما تفتحيش
ندى / ما اكيد مش هفتح يعني بس تعمل حسابك لو ما مشيش هطلع فى البلكونه و اصوت حرامى و اوديه فى ستين داهيه
حسام / اقفلى الباب بالمفتاح و ما تعمليش اى حاجه عيشي كانه مش موجود
ندى / يعني هتسكت هتسيبه يخبط على الباب كدا و تعمل كان ما فيش حاجه حصلت
حسام / خلاص يا ندى هتصرف
ندى / هاين عليا ابعت الصوره لمراته و بنته بس عارفه انهم هيلاقوله مليون مبرر
حسام / و لا انجى و لا غيره و لا تديله اهتمام اصلا
ندى / انت فين دلوقت
حسام/ فى الفندق
ندى / و انجى هانم فين
حسام / طلعت اوضتها انا مالى بيها اصلا
ندى / ما لكش هتيجي امتى
حسام / بعد بكره الصبح همشي
ندى / تمام هستناك
حسام / لسه على الباب
ندى / ثوانى … لا مشي
حسام / صدقيني مش هتعدى بالساهل بس ثقى فيا
ندى / ما هو انا مش هخاف على شرفك اكتر منك
حسام / روحى ارتاحى و ما تفكريش و لا تحرقى دمك تمام
ندى / تمام
حسام / تصبحى على خير
حسام يقفل و يقف انجى تروحله
انجى / شو صار شكلك كتير مضايق
حسام يتنهد
حسام / ندى هانم بتتخانق معايا ما انا هنا بتفسح بقولك ايه انا مخنوق و مش طايق نفسي اجليها و لا … اقولك ماشي انا هسيبلك نفسي شوفى هتعملى ايه و انا معاكى بجد بجد مخنوق و محتاج افصل
انجى / لا تعتل هم راح نسيك حتى اسمك
حسام يبتسم انجى تمسك ايده و هى مبتسمه و تمشي يمشي وراها
……………….
فى شقه نور
نور بتتكلم فى التليفون
نور / دا حيوان و ابن كلب و ما ينفعش يتسكتله اكتر من كدا
ندى / بفكر ابعت الصوره لانجى بس حسام قالى لا
نور / الله يعينها على ده اب
ندى / انا مش فاهمه كنت بفكر فى ايه و انا بجيب بابا هنا كان زمانى انا و حبيبه مع حسام دلوقت بدل الرعب اللى عايشه فيه ده
نور / رعب ليه بس ما الراجل مشي
ندى / طب ما هو ممكن يرجع
نور / لو رجع اطلبى البوليس و صوريه تانى و صوتى و افضحيه و انا اللى بقولك
على يدخل
على / مساء الخير
نور / حمد الله على السلامه ايه الاخبار
على / على وضعها
نور/ يا ربى بقي
على / بتكلمى مين
نور / ندى
على يهز راسه و نور تكمل التليفون
نور / ايوه يا بنتى و بعدين
ندى / خليكي مع جوزك وانا هروح اشوف لو فى شغل و لا حاجه اشغل نفسي بيها
نور / تمام هكلمك بكره الصبح اشوف لو فى جديد
ندى / صحيح أية ولدت؟
نور / لا لسه روحت برده
ندى / ربنا يتملها على خير اخر مره كلمتها كانت تعبانه خالص
نور / اللى يشوف بلاوى الناس تهون عليه بلوته
ندى / ربنا يتملك على خير انتى كمان هسيبك بقي اكيد على عاوز يرتاح يلا سلام
نور / سلام
نور تقفل و تبص لعلى ممدد جنبها و بهدومه
نور / مش هتاكل
على / مش جعان … مين فيكوا اللى متصل
نور / هى كان عندها حوار كدا و بتاخد رايي فيه
على / تتصل بيكي دلوقت !!! شكله موضوع كبير و مستعجل بس انا مش عاوز اعرف ما تحكيليش حاجه مش عاوز اعرف مش قادر اعرف
نور / مالك
على / مالها ندى ايه الحوار اللى عندها
نور / الراجل اللى اسمه عدنان ده بيتصرف بتخلف راجل متصابى اصلا نوعيه تقرف كدا
على / و الباشا فين
نور / باشا مين
على/ اخوكى موقفه ايه يعني عامل من بنها و لا بيعمل ايه
نور / هيعمل ايه يعني اهو شيل دا من ده يرتاح ده عن ده الراجل واصل و بعدين المشكله ان كل ما يواجههوا يقول دى قد بنتى و يجيب الغلط على ندى و الناس هناك مش بتفكر زينا
على / ينزلها مصر
نور / قالتله والله و بعدين ما اعرفش غيرت رايها و قالت ليا مين فى مصر و بابا و علاجه و اخيرا بدا يتحسن و كدا يعني
على / انا تعبان اوى و مضغوط و مش طايق نفسي
نور / ليه بس يا على مالك يا حبيبي فى ايه بقالك فتره متغير
على / العادى بتاعى بس الفتره دى زياده حبتين
نور / و العادى بتاعك انك مش قادر تتكلم و لا تحكى برده
على / احكى اقولك ايه بس و بعدين الحكى هيغير ايه يعني
نور / هتفضفض هتفضفض و هسمعك و هحاول اخفف عنك هو انت ليك غيرى يا على … هو اه ربنا يخليلك عمر اللى انا متاكده انك حاكيله و متاكده انى لو اتصلت بأية هلاقيها عارفه مشكله جوزى اللى مش عاوز يحكيهالى
على / عشان حملك عشان انتى ما ينفعش تضايقي او تشيلى الهم عشان بخاف عليكي وعلى اللى فى بطنك مش عشان هم اغلى عندى منك تمام
نور / و انا يعني مش هضايق لمجرد انك مضايق مش هحس انك متغير مثلا مش هحس انك بتسرح كتير و بتفكر كتير من يوم ما عرفت ان احمد بيسرقك
على / هو سرقنى بس دا ماسك ودان الرجاله و عمال يقلبهم عليا واحد ورا التاني يا يشاركوه فى محله الجديد يا يشتغلوا عنده بمرتب اعلى حتى المورد اللى كان بيجبلى الخامات اتفقوا عليا بجيب خامات اغلى دلوقت و ده ماثر على الشغل العمال شغالين على ما تفرج يمشوا
نور / شغل عمال كتير جداد
على يبصلها
نور / مرنهم مستحيل ياخد كل العدد ده خلى اللى شغالين القدام يشوفوا انهم لو مشيو انت جاهز و بالمره تفتح بيوت ناس غلابه و بالنسبه للمورد مش مهم السعر المهم الجوده و هتعمل ايه بسعر قليل ما هو كان بياخد حقه بطريقه تانيه كان بيسرقك
على / بس انا مش هقدر ادفع المرتبات دى كلها كان اولى ازود مرتبات القدامى
نور / مهما زودتهم هيمشوا لان همهم القرش و بس
على / حقهم كل واحد منهم بيجرى ورا لقمه العيش بيدى عرقه للى يدفع اكتر و دا حقه ما اقدرش اللومه
نور / افتح الدولاب
على / فلوس حسام
نور/ انا ما قولتلوش حاجه عنها
على / لا يا نور و لا يعني لا
نور / طب سيبك من الفلوس دى هتلاقي جنبها الشكمجيه بتاعتى
على / اكيد لا طبعا
نور / لا اله الا الله خد شبكتك بس ما انت اللى جايبهالى
على / لا
نور/ دخلنى شريكه معاك بالفلوس بتاعتى
على / لا
نور / ليه بقي ان شاء الله
على/ هو كدا و خلاص
نور / اقولك حاجه قوم اتشطف و نام ما توجعش دماغى
على يبصلها
نور / انت اصلا مش عاوز تحل فبراحتك بقي اعملك ايه
على يبتسم
نور / ما تتعدل جنبى و تخليني اللعبلك فى شعرك … الحركه دى كانت بتهديك بقالنا ياما مش بنعملها
على يقرب منها و يحط راسه على رجليها تقعد تلعب بصوابعها فى شعره
نور / خد الفلوس و زود المرتبات كل حاجه غليت على الناس و شغل ناس جديده اللى خلاك ترجع الفلوس لاخويا مش هترجعهالى طب والله فلوسى حلال و فيها البركه و هتفرق معاك فى شغلك هتخليك مش ملاحق على الزباين
على / خليها لوقت عوزه
نور / خدهم يا على خدهم و كبر شغلك هو انت بتعمل ده لمين مش ليا و لعيالنا … على … حبيبي … ابو عيالي … انا استحمل اى حاجه الا انى اشوفك شايل الهم يا روح قلبي
على يمسك ايدها و يبوسها
نور / خد الدهب بيعه او خد الفلوس او خد الاتنين فك زنقتك و كبر شغلك واقف على رجليك من تانى ما تخليش واحد حيوان زى ده يشمت فيك
على / هعرف اتصرف
نور / انت هتاخد الفلوس دى و لا اعيطلك و اقلبها نكد للصبح
على يضحك
نور / انا مش بهزر انا حامل و هرموناتى مبهدلانى و ممكن اغرقلك المكان انا بقولك اهو
على / نامى يا نور نامى احسن
نور / هنام و انت فكر فى اللى قولته
نور تبوس على من اورطه
نور / تصبح على خير يا قلبي
على يتعدل و نور تعدله الغطا و تنام فى حضنه
على / لو خدتهم هكتبلك نصيبك بيهم
نور/ انت نصيبي يا على اكتبه لولادك … اسكت بقي خليني انام
على يطفى النور
…………………..
فى كازينو
حسام عند البار بيجيب ٢ عصير و يروح على ترابيزه فاضيه و يطلع ورقه من جيبه مطبقه يفتحها فيها بودره يفضيها فى كاسه انجى و يقلبها و يتعدل انجى تدخل
حسام / معلش طلبتلك على زوقى يارب يعجبك
انجى / اكيد راح يعجبنى يكرم زوقك
انجى تقعد
حسام / المكان هنا مهيبر اوى
انجى / بس عجئه
حسام / حلوه العجئه ما حدش بياخد باله من حد
انجى / ايي و بيكون مليان صبايا مناح
حسام / ما لبنان كلها صبايا مناح بس هى فين العين اللى تبص
انجى / بدك ترقص معى شوي
حسام / طب مش لما نشرب العصير الاول يعني ناخد على الجو و كدا اصلي بصراحه عمرى ما رقصت قدام الناس
انجى / مو لساتك قايل بالعجئه ما فى حدا لحدا
حسام/ هشرب العصير بس بصراحه شكله حلو اوى
انجى تدوق
انجى / معك حق كتير بيعقد
حسام / انا بقى بعرف اعمل احسن منه
انجى / عن جد !!
حسام / لا دا انا فى المطبخ ما حصلتش
انجى / انت ما فى متلك اصلا
حسام / دوقى بقي و استطعمى كويس عشان لما ادوقك بتاعى تعرفى الفرق
انجى / امتين ؟
حسام/ لما الاقى مكان فيه مطبخ و فاكهه هعمله هنا فين يعني
انجى / جاى ببالي ارقص بليز حسام بليز
حسام / يا ستى هنرقص و نخربها بس اشربى العصير دا غالى وربنا
انجى / هههههههههههههههه قديشك مهضوم
حسام / لا دا انا هبهرك النهرده
انجى تشرب شويه و حسام متابعها
حسام/ اخبار كرم ايه
انجى / اوووووف ليش هالسيره خربتلى السهرايه
حسام / بطمن بس لسه عدنان بيه بيزن
انجى / و امتين البابا حط شي براسه و سكت عنه شو فيني قول بس يا حسام صداع صداع كبير براسي اسمه كرم ما فيني اتزوجه لكرم يا عالم ما فيني اقبله قديشه غليظ بكرهه يا ناس
حسام / طب اهدى اهدى و روقى كدا و اشربى العصير احنا خارجين ننبسط مش نتعصب اشربى اشربى و روقى
انجى تشرب باقي الكاسه
انجى / عن جد عصبتني
حسام / ما تهونيش عليا قومى نرقص و نفرفش قومى
حسام يمسك ايد انجى و يروحوا يرقصوا وسط الناس
…………………….
فى المستشفي
على يدخل بيجرى
على / ولدت
عمر / لا دخلت العمليات بس
على / ان شاء الله خير دا الواحد ما لحقش يروح
عمر / اعمل ايه بس اعمل ايه
على / خير ان شاء الله خير ادتها حقنه طلق و لا عملت ايه
عمر / لا حقنه طلق ايه الميه نزلت اصلا بقولك دخلوها العمليات
على / ان شاء الله خير امال الحجه فين
عمر / سبتها فى البيت ما كنتش اعرف انها هتولد و الست صعبت عليا ما بترتاحش بس بعتلها اوبر يجيبها يعني بشنطه الولاده زمانها جايه
على / طب ما كنت جبتها انا يا عمر بدل ما تبهدلها
عمر / انا ما كنتش هكلمك اصلا بس لما قالوا هتولد خفت ما عرفتش اعمل ايه كلمتك الاول و بعدين هى اتصلت و انا دماغى مش فيا و لسه على ما تلم الحاجه انا بجد مش عارف
على / طب اهدى بس خير ان شاء الله
عمر / ما كنتش عامل حسابى على كدا خالص دلوقت دماغى عماله تودى و تجيب و دراستها و العيله دى و الحضانه و
على / يا عم تيجي بالسلامه و مش مهم اى حاجه تاني اهدى انت بس
عمر / ادعى معايا يا على ابوس ايدك ادعى ما لهاش غيرنا يدعياها
منال تدخل بتجرى شايله شنطه عمر و على يجروا ياخدوا منها الشنطه و على يسندها تقعد
منال / ولدت
عمر / لسه ثوانى هديهم الشنطه و لا اشوف هياخدوا منها ايه و ارجعلك
عمر ياخد الشنطه و يجرى
على / اجبلك ميه و لا عصير و لا اى حاجه تبل ريقك
منال / ياريت ريقي ناشف من الخضه انت اصلك ما شوفتش المنظر انا كنت هعملها على روحى
على / اهدى بس و ان شاء الله خير
منال / يارب دى يتيمه يارب و ما لهاش غيرك
على/ هجبلك حاجه تشربيها ثوانى
منال تهز راسها تمشي و عمر يرجع بالشنطه مفتوحه
عمر / خدوا غيار للبيبي بس و قالوا لو احتاجو حاجه تانى هيطلبوها
منال / يطلبوا اى حاجه هنجيبها بس ان شاء الله يقوموا بالسلامه
عمر / ادعيلها يا طنط بالله عليكي
منال / بدعى يا ابنى والله بدعى
عمر / يا رب
…………………
فى اوضه حسام
انجى تصحى تلاقي نفسها لوحدها عريانه فى السرير و هدومها منطوره فى الارض تتخض و تلف نفسها بالغطا و تقوم تلم هدومها و تبص حواليها مفيش حد تليفونها يرن تجرى تدور عليه و تجيبه من تحت السرير بابا تفكر ثوانى و ترد
انجى / الو
عدنان / قلقتينا كتير انجى وينك
انجى / كنت نايمه
عدنان / لهلا
انجى / ايي والله حتى لهلا لساتني بالتخت
عدنان / هيك عالاكيد غلطى انا انى اعتمدت عليك مو هيك
انجى / انا حضرت الايفنت البارحه
عدنان / و اليوم شو القصه ها
انجى / حسيت حالى تعبانه شوي شو فيني ساوى
عدنان / شو تعبانه شو فيك
انجى / شي صداع و وجع ببطنى يمكن كلت شي عاطل اور ثامثينج ما بعرف
عدنان / تمام يا قلبه للبابا فيكي ترتاحى هلا حسام بيدقلى راح شوف منه الاخبار و بدقلك من جديد لاطمن عليك اشربي شي دافى يا قلبي
انجى / تمام حبيبي لا تعتل هم
انجى تقفل و تنفخ
انجى / و هلا شو يا زينه الصبايا الله ياخدنى على هيك موقف كيف فيني اطلع فيه هلا
انجى تقوم تدخل الحمام
………………..
فى المستشفي
أية نايمه فى السرير و الكل حواليها و نور قاعده فى جنب شايله بيبي
منال / انتوا هتفضلوا تتخانقوا كتير سموها اى حاجه ما كلها اسامى حلوه اهى
نور / طب ما تعملوا قرعه و خلاص و هى ة رزقها بقي
أية / عملنا مليون مره من ساعه ما عرفت انى حامل فى بنت
عمر / عشان كل ما نرسي على اسم تقعد تدور لحد ما تلاقي اسامى جديده و ترجعنا لنقطه الصفر تانى
على / و بعدين بيرين ايه اللى عاوزين تسموه بس
عمر / اسم تركى يا عم
أية / هندلعها بيرى يعني توته
نور / نعمل قرعه اخر مره اخر مره
أية / انا امها من حقى اسميها انا طلعت عيني لحد ما جت
عمر / لوحدك يعني
أية / و انت كنت اتوجعت معايا اخرك مشجع انا اللى جبت الجون
على / ماشي يا فرود تحبى تسمي ايه
أية / بيرين
على يبص لعمر
عمر / خلاص يا عم ريح الزبون بيرين بيرين بس تعيش
منال / هتعيش و هتكبر و تبقى احلى عروسه و تفرحوا بيها و بعوضها ان شاء الله
الباب يخبط و ليلى تدخل شايله شنطه هدايا
ليلى / الف مبروك
أية / ازيك يا طنط
على / اتفضلى
ليلى / طقم سبوع هديه منى
عمر / تعبتى نفسك تسلم ايدك
ليلى تدى البوكس لعمر يفتحه و أية تتفرج و هم مبسوطين و ليلي تروح تقعد جنب نور و تلاعب النونه
أية / حلو اوى احلى من اللى كنت شرياه تسلم ايدك يا احلى ليلى فى الدنيا
ليلى / تعيش و تدوبه ها سميتوها ايه بقي
عمر / بيرين
ليلى تبصله
عمر / قولى بيري او توته او انتى يا بت عادى
على / ههههههههه بيرين يا ماما اسمها بيرين
ليلى / يا خويا دا الواحد كل يوم فى المحل بيسمه اسامى اشكال واللوان ما جتش على ده
منال / و بعدين ما هو حلو يا اختى قولتيلى معناه ايه
أية / قطن ابيض
ليلى / قطن ابيض يا اختى الكل بطل ينجد من زمان
أية / دا بيعبر يعني عن النقاء والعفه و كدا يعني
عمر / بس ايه احساسكوا بقي بعد ما بقيتوا جدات
ليلى / انت هتكبرنى ليه يا وله انا لسه قدامى حبه
الكل يبص لبعضه و ليلى بتضحك
منال / انا بقيت احلى تيته فى الدنيا
على / تشربوا ايه صحيح اجبلك حاجه تشربيها يا ماما
ليلي / لا يا حبيبي شكرا مش عاوزه اقعد ارتاح .. اكلوكى و لا لسه
أية / و لا بق ميه حتى
عمر / محاليل زى ما حضرتك شايفه كدا
ليلى / حمد الله على سلامتك
أية / الله يسلمك عقبال نور
أية و نور يبصوا لبعض و يبتسموا
…………………
فى المطعم بتاع الفندق
انجى تدخل تلاقي حسام قاعد بياكل تسحب الكرسي و تقعد و هى متردده
حسام / ما حصلش حاجه
انجى / شو
حسام / امبارح مش عاوزه تسالي عن امبارح ما حصلش حاجه ما حصلش بينا حاجه
انجى / عن جد كتير اسفه ما عم اتزكر اى شي و
حسام / مش عارف كنا بنرقص و بنت معديه بصينيه عليها كاسات كدا خدتى واحد و شربتيه و فجاه هيبرتى و سكرتى خدتك اوضتك ما عرفتش اطلع المفتاح من شنطتك دخلتك اوضتى و فضلت انا فى اللوبى و زى ما انتى شايفه بهدومى من امبارح
انجى / عن جد كتير اسفه
حسام / اجبلك حاجه تاكليها ابوكى قالى انك بطنك وجعاكى بس اكيد انا مش اهبل و فهمت بس ما تخافيش ظبطلك الدنيا
انجى / انا اول مره يصير معى هيك
حسام / خلاص بقي ما تافوريش الحمد لله عدت على خير
انجى / عن جد كتير اسفه
حسام / ما خلاص بقي يا عم الحج انت اهدى كدا ما حصلش حاجه هجبلك حاجه تاكليها دا انتى على لحم بطنك من امبارح و بالمره اجبلك عصير و لا اى حاجه تهديكي شويه
انجى تبتسم
حسام يقوم تليفونه يرن
حسام / حبي
ندى / بتعمل ايه
حسام / فى المطعم بتغدى و هطلع اللم حاجتى عشان اجى
ندى / كنت بفكر فى الكلام اللى قولته امبارح
حسام / انا قولت كلام كتير إمبارح
ندى / مش قادره اصدق اننا سهرنا طول الليل نرغى فى التليفون
حسام / كان نفسي فيها من زمان اوى حركات المخطوبين دى
ندى / تحب اعملك حاجه على الغدى بكره
حسام / اى حاجه من ايديكي يا قلبي و لو حبايتين منوم بقي لعمى و بيبو تبقي جبرت اوى
ندى / بس يا حسام بقي الله حرام عليك يا اخى
حسام / والله حرام اللى بيحصل فيا انا هنا ده دا لو تعذيب كفار قريش مش هيبقي كدا
ندى / امال انجى فين
حسام / بتتغدى بس انا لسه بملا الطبق اصلها راحت عليها نومه و ما حضرتش لسه صاحيه دلوقت مش عارف تاعبه نفسها ليه
ندى / اصل انا رنيت عليها ما ردتش
حسام / خير كنتى عاوزه منها حاجه … و لا بتشيكي عليا
ندى / لا كنت هسالها على بلسم كدا كانت قالتلى عنه و نسيت اصل البلسم خلص
حسام / لو تحبى تكلميها دلوقت تمام
ندى / او ابقي اسالهالى انت عادى و ابقي هاتهولى و انت جاى لو حلو اكيد انت بتفهم فى الحاجات دى صح ؟
حسام / ماشي يا ستى ممكن اكل بقي
ندى / سورى بالهنا و الشفا سلام
حسام يبوس الموبايل و يحطه فى جيبه و انجى متبعاه و باين عليها الضيق
…………………..
فى المحل عند على
على بيستلم توريدات فتحى يدخل
فتحى / الله ينور يا رياسه الشغل الجديد عظمه
على / ما هو سعره عظمه برده و لا ايه
راجل / الحاجه كلها درجه اولى قدامك اهى لا فى طمطمايه طريه و لا خياره دبلانه
على / تسلم المجايب
على يمضي على ورقه و الراجل يمشي
فتحى / حطينا اللحمه و الفراج فى التلاجه و شغالين على الخضار دلوقت
على / الله ينور كنت عاوزنى فى ايه
فتحى / و انا ما جيش اقف جنبك الا لما اعوز يعني ما انا من الصبح بشيل و احمل مع العيال
على / ايه يا عم كل ده عشان بقولك عاوزنى فى ايه خلاص يا سيدي حقك عليا
على يدخل يشاور لسيد
على / لو هتعمل شاي اعملى ضايع
سيد / عنيا يا مريسه
على يدخل المكتب يلاقي فتحى داخل وراه على يبتسم
على / طبعا انت جاى ورايا تريح عشان تعبت من الشيل و الحط صح
فتحى / ما تبقاش غتت بقي يا مريسه الله
على / يا عم هو انا هعرفك النهرده هتقعد تلف ورايا طول اليوم و فى الاخر مش هتقول برده
فتحى / اصل الحوار ما يخصنيش الصراحه بس يعني
على / طب قول و انجز ورانا شغل
فتحى / انت صحيح شاركت سيد
على / اه حصل جالى و جابلى تلاتين الف و قالى اديني بيهم نسبه من المحل و اديته
فتحى / و هى التلاتين الف دى تعمل نسبه كام اصلا
على / عاوز ايه يا فتحى
فتحى / هديك تسعين الف و تكتبلى تلت اضعاف نسبه سيد بحق الله
على / و انت معاك تسعين الف غير اللى هتشارك بيهم احمد
فتحى عنيه توسع
على / ايه مالك استغربت ليه كنت فاكرنى مش عارف و لا اكمنى سايبك تاكل عيش لحد ما التانى يفتح
فتحى / يا مريسه ما انا لو كنت عارف انك
على / ما انت لو كنت جيتلى زى ما سيد عمل كنت عرفت بس انت بقي يا خويا يا عشره عمرى
فتحى / و هو احمد ايه ما هو عشره عمر برده يا مريسه
على / انت عارف احمد جاب الفلوس اللى معاه منين او عشان ما اظلموش جزء منها احمد مشي مش عشان اتخانقنا و لا عشان هيفتح محل جديد انا اللى طردته عشان حرامى … انت عارف ايه اغرب حاجه فى اللى حصل
فتحى / يا مريسه لو كانت المسأله
على / المساله ان ما حدش فيكوا كلكوا اخد باله و اللى اخد سكت و قال انا مالى انا كدا كدا بقبض مرتبى ما حدش وقف جنبى و لا خاف عليا يا فتحى خصوصا انت
فتحى / لا يا مريسه و لا مؤاخذه انا لا شوفت فواتير و لا اعرف الكميات اللى داخله خارجه انا شغلى هنا معروف و بعدين انا احمد عارض عليا نسبه عشرين فى الميه و النسبه معاك اكيد هتكون اقل
على / هتجيب سمك فى ميه جنب شبكه معبيه من خيرات الله انت عارف المحلين هنا و عارف الرجل عليهم و سمعتهم انما التانى لسه فى علم الغيب و كلها ارزاق و لا ايه
فتحى / و عشان كدا جيتلك
على / بس انت مضيت العقد يا ابنى و اديتله الفلوس خلاص جايلى ليه دلوقت و لا تكون فاكر انك هتعرف تاخدهم منه تانى
فتحى / و انت عرفت انى مضيت العقد كمان
على / و عرفت كمان الرجاله اللى انت كنت بتتفق معاهم تاخدهم فى ايدك و انت ماشي تحب اقولك اتفقت معاهم على مرتب كام
فتحى يبص فى الارض
على / لم حاجتك و امشي يا فتحى اكرملك عشان مش عارف انت هتقدر ترفع عينك فى عيني ازاى بعد النهرده
فتحى يبص لعلى و يقوم يمشي سيد يدخل بالشاي
على / فتح عينك يا سيد انا ما عدتش عارف العيال اللى ماليين المحل دول معايا و لا عليا
سيد / ما تقلقش يا مريسه دا انا صاحيلهم اوى
على / اشرب انت بقي الشاى ده و انا هروح مشوار كدا و راجع مش هتاخر
سيد / فى حفظ الله يا مريسه فى حفظ الله
على يمشي و سيد يقعد مكانه و يحط ايديه على المكتب
………………………
فى اوضه انجى
الباب يخبط تروح تفتح تلاقي حسام ساند على الباب
حسام / قافله على نفسك و منزلتيش العشا ليه
انجى / اتفضل
حسام يدخل و انجى تقفل الباب
انجى / ما فينى اطلع حتى بحالى انا مانى بنت عاطله انا مو هيك بالعاده بتصرف
حسام / انتى مش محتاجه تقوليلى الكلام ده انا عارف على فكره انا كنت مكانك مره الزفت ده لما بيتشرب … امال ربنا حرمه ليه
انجى تتنهد و تروح تقعد
انجى / بتشرب شي
حسام / لسه واكل و بطنى مليانه لميتي حاجتك هنسافر الصبح
انجى / ايي جاهزه
حسام / انا مش هقول لحد على اللى حصل لو ده هيطمنك شويه هو اصلا مفيش حاجه حصلت يعني عادى شويه هبل بسبب الزفت اللى شربتيه فعادى يعني
انجى / شو صار لما كنت مطرحى
حسام / لا انا ما نمتش فى اوضتك انا نمت فى اللوبى تحت
انجى تضحك
انجى / هلا خبرتنى انك كنت مطرحى و سكرت مره
حسام / اااااه لا الحمد لله بسيطه قلعت و اتصورت و اتبعتت لندى بس مش اكتر
انجى / بسيطه يعني ههههههههههههههه
حسام / اتلمت فى الاخر
انجى تمسك ايده
انجى / الحمد لله انك كنت معى
حسام / انا هفضل ديما معاكى
انجى تبتسم و تبصله حسام يقوم يقف
حسام / بقولك ايه احنا هنسافر بكره الصبح خليهم يبعتولك حاجه تاكليها و نامى بدرى و انا هصحيكي بكره قبل ما نمشي تمام
انجى / مو فيك تضل شويي
حسام / ما افتكرش انها فكره كويسه … يعني احنا فى اوضتك و كدا حد يعرف يكلم باباكى و لا اى حد من اهلك مش هينفع اكون السبب فى اى حاجه وحشه او مشكله تحصلك
انجى / مو فيك حتى تستنانى باللوبى راح غير اواعيي و نسهر شويي سوا عن جد ما فيني ضل لحالى هلا
حسام / تمام بس مش هنسهر و لا نشرب حاجه قهوه ممكن يعنى
انجى / تمام عشر دقايق و بحصلك
حسام يبتسم و يمشي و انجى تقفل وراه الباب و تسند بضهرها على الباب
انجى / قديشه ظريف … اوووووف يا بيي
……………
فى شقه على
نور / بس انت كنت المفروض تلاعبه شويه عن كدا
على يبصلها
نور / تقوله هات الفلوس و تسيبه بقي يضرب فى احمد و لما يبقي يرجعلك لو عرف يخلع بالفلوس بقي و يخسر احمد ساعتها تطرده انما كدا هم لسه حبايب و بكره يتفقوا عليك
على / صحيح ان كيدهن عظيم
نور تبصله
على / هههههههههههههههه بهزر معاكى اوعى تزعلى منى دا انا حبيبك
نور / ما خلاص بقي يا عم الروش انا الغلطانه يعني انى بتكلم معاك
على / انا الفتره الجايه هبقي ملخوم فى الشغل لشوشتى فتره الدلع خلصت و اللى انا متاكد منه انهم هينشغلوا بازيتي اكتر ما هيحاولوا ينجحوا نفسهم
نور / يبقي زى ما عملت مع سيد تنقى اتنين تلاته كدا و تضمن ولائهم
على / و هو انا كنت بثق فى حد قد احمد و لبسني الخابور الماتين
تليفون على يرن فى الشاحن يقوم يجيبه
على / دى شركه كاميرات المراقبه ثوانى و راجعلك
على يطلع بره
على / ايوه يا باشا سلام عليكم
راجل / بكلمك فى وقت مش مناسب و لا ايه
على / لا ابدا الموبايل كان فى الشاحن بس على ما جبته
الراجل / انا جهزتلك الكاميرات الجديده و هبعت حد يركبها بكره الصبح
على / لا الصبح ايه المحل الصبح زحمه و عمال و زباين انا عاوز الحاجات دى تركب الفجريه النهرده بكره وقت ما تظبط و ما تقلقش هراضي الرجاله و احلى اوفرتايم
الراجل / هشوفلك حد و اظبط و اكلمك تانى
على / هستني على رنه لو ظبطت النهرده كلمنى انزلهم افتحلهم
الراجل / تمام ساعه كدا و هرد عليك
على / فى حفظ الله مع السلامه مع السلامه
على يقفل و يس يدخل
يس / هو انت هتنزل تانى
على / احتمال ليه
يس / كنت تاخدنى معاك انا بقالى كتير مش بقعد معاك حتى التمرين عموا عمر ما عدش بيوديني و اكيد الكابتن زعلان منى
على / معلش يا ياسو يا حبيبي انت عارف الظروف و عمتوا أية كانت تعبانه و النونه اللى جت شغلتهم
يس / و انت كمان بكره النونه الجديده تيجي و تنشغلوا عننا خالص
على ف النونه الجديده ده يبقي اخوك الصغير انت اللى هتنشغل بيه عن الدنيا
على يقعد و ياخد يس جنبه فى حضنه
على / بكره لما تكبر هتعرف انك لو ما لكش اخ ما لكش ضهر يا يس الصحاب مهما طالت العشره هيجي يوم و المصالح تفرقكوا انما اخوك ده حاجه تانيه تتخانقوا و تقطعوا بعض لكن فى الاخر ما لكوش الا بعض
يس / بس انت واحشني اوى
على / و انا هنا اهو قوم وصل البلايستايشن و تعال اما اقطعك جيمين
يس / انسي انسي انا هكسب برده زى كل مره
على / لا ما انا اتمرنتلك
يس / ماشي هنشوف
يس يجرى على جوه على يعدى على اوضه نور تبتسم
على / هلعب مع يس شويه
نور / نغم نايمه جوه خليه يوصله بره احسن
على / انتى صح هروح اللحقه بقي قبل ما يصحيها
………………………
فى الشركه عند حسام
حسام يخبط على مكتب عدنان و يفتح الباب و يدخل
حسام / فاضي خمسه يا بوس
عدنان / تعا حسام
حسام يدخل و يقفل الباب
حسام / ازيك اخبار مزاجك ايه
عدنان / شو القصه فرحنى معك شكلك كتير رايق
حسام / هى انجى ما حكتلكش و لا ايه
عدنان/ لا … شو ؟
حسام / يبقي اكيد عملاهالك مفاجاه بس ما تقلقش انا هحرقهالك
عدنان / شو ها الحكى يا حسام نئزتلى خلقي احكى شو في
حسام / انا بس عاوزك تتفرج على الفيديو ده الاول
حسام يدى لعدنان الموبايل يشغل فيديو و يطلع صوت
صوت انجى / انت ليش مو حاسس فيني انا بحبك يا حسام
صوت حسام / عيب يا انجى اللبسي انا متجوز
عدنان يبص لحسام بغضب
انجى / بحبك كتير يا حسام بحبك
عدنان يقفل الفيديو
حسام / فى الوقت اللى كنت بتخبط فيه على مراتى بنتك كانت بترقصلى استربتيز
عدنان يفتح الخزنه و يطلع المسدس
عدنان / يا كلب يا واطى راح اوصك و
حسام / صوتك للشركه تعرف و لا حد ابن حرام يبعت الفيديو الجميل للصحافه و قبلهم كرم
عدنان يقف و هو متعصب و حسام بارد
عدنان / بتعرف مع مين عم تلعب انت هلا حكمت على حالك بالموت انت و مرتك و بنتك يا واطى
حسام / تفتكر هيرضي يتجوز بنتك و لا يبصلك بعد ما يشوفها و هى بتبوس رجلى عشان … و لا بلاش احنا عندنا ولايا
عدنان / راح ابعت الفيديو بنفسي هلا لندى
حسام / اخرها ايه هتطلق فى داهيه هتبقي فضيتلى السكه انا و نوجه نتجوز و نبقي نسايب يا دون ههههههههههههههههه
عدنان / عم تحلم انا راح فرجيك حالك راح خليك عبره هلا بفرجيك
عدنان يمسك التليفون و يتصل بحد
حسام / انا يا عم ما كنتش ناوى اعاديك انت اللى اضطريتني اعمل كدا انت اللى فضلت تعاكس فى مراتى و تتحرش بيها و انا اديك فرصه ورا التانيه دا راجل كبير دا عدنونه حبيبى دا هيبقي شريك المستقبل دا اكيد هيعمل حساب للتسجيلات اللى عندى اللى هتوديه ورا الشمس و فوقيهم فضيحه بنته الجميله
عدنان يبص على حسام بغضب و يقفل السكه
عدنان / خلصنا من هالحكى شو بدك و تمسح هالفيديو من الوجود
حسام / على فكره الفيديو ده واحد من فيديوهات كتير و من كذا زاويه اصل انجى كانت شقيه اوى دى ما سابتش ركن فى الاوضه قطعت نفسي جرى شكلها طلعالك يا خلبوص
عدنان يروح ناحيه حسام زى الطور و يشده من هدومه بغضب
عدنان / شو مفكر حالك ها شو مفكر حالك
حسام / كدا البدله الجديده طب لما اطلع لانجى دلوقت و تشوفنى كدا اقولها ايه اقولها ايه يا ابو نسب
الباب يخبط
حسام / اكيد انجى .. على فكره هى ما تعرفش حاجه عن الفيديو
عدنان يهدى و يبص لحسام انجى تفتح الباب
انجى / شو فى صوتكون هيك عالي
حسام / مستر عدنان مش مبسوط بالديلز اللى عملناها فى الايفنت بيقول ما جابتش همها مع انى شايف انها فاير ديل يعني ما هو ما حدش بياخد كل حاجه و احنا مش الوحيدين اللى بنعرف نخطط و نظبط اكيد فى اذكى مننا او على الاقل فى نفس المستوى
عدنان / بلا حكى فاضي
انجى / حسام تعب كتير يا بابا من شان يخلص هيك شغلات و انا شايفه انها حلوه كتير
عدنان / تمام يا انجى اطلعى بره بليز من شان اتكلم مع حسام شوي على رواق
انجى / تمام بس بليز روق ما فيك تتحمل العصابيه من شانى بليز
حسام / من شانها بليز و من شانا كلنا ما كلنا هنا اهل و محتاجينك
عدنان يبص لحسام بغل
حسام/ انجى بليز كبايه لمون لبابا يروق دمه و انا هقعد معاه على رواقه اشرحله وجهه نظرى فى الديلز دى اكيد حد ابن حرام وقع بنا و سخنه عليا
انجى / تمام ثوانى و برجع
انجى تمشي
عدنان / راح دفعك تمن اللى عملته غالي يا حسام راح فرجيك مين انا
حسام / عارفك و حافظك صم عشان كدا بقولك عيب لم نفسك و انا كمان هلم نفسي و خلينا نرجع حبايب هتعاديني هتخسر و عليا و على اعدائي انا ما عنديش اغلى من الشرف
عدنان يبتسم بسخريه
عدنان / شرف ها !!
حسام / ما انت اوسخ منى و هتتجلط قدامى اهو … دلوقت قبل ما انجى تيجي لو عاوز الفيديو ده يموت و انجى تتجوز كرم هتطاطى و تسمع كلامى لو بقي ليك شوق فى حاجه تانيه اكمل معها لعب و هى اساسا خاتم فى صباعى دلوقت
اعدنان يحاول يمسك حسام
حسام / اهدى واعقل وفكر كويس عشان دى اخر فرصه ليك معايا و اى حركه غدر صدقني الفيديو ده عامله مليون نسخه هنا و فى مصر و لو مش مصدقنى جرب سلام
حسام يفتح الباب و يمشي و عدنان يقعد على اقرب كرسي و هو بيعانى انه يتنفس
عدنان / والله لفرجيك حالك والله لفرجيك مين انا يا واطى والله لفرجيك
………………..
فى شقه حسام
ندى / حرام عليك يا حسام
حسام/ لا فوقى كدا معايا الراجل قالهالى فى وشى هيوقع بينا لحد ما تروحى بنفسك تترمى فى حضنه فاختارى يا انا يا هو
ندى / انت بتهزر صح
حسام / براحتك بقي
ندى / انت بتعيد مصيبه أية فى انجى بالشكل ده ما ينفعش تفضل تاذى الناس بالشكل ده
حسام / ماشي يا ندى اقعدى خلينا نتكلم
ندى و حسام يقعدوا
حسام / اولا انا ما كنتش ناوى اعمل كدا هو اللى اجبرنى و البنت اللى صعبانه عليكى دى زى ابوها بالظبط بقالها فتره بتوقع بينا و انا عامل من بنها عشان عارف انك ما لكيش غيرها قبل ما تتصلى بيا بثوانى كانت بتتحايل عليا اخرج معاها و قد ايه انا استاهل احسن منك و قد ايه انتى مقصره فى حقي و اعتزرتلها و كنت هطلع انام لحد ما بعتيلى الصوره
ندى / قمت مديها من اللى كنت بتديهولى
حسام / من اللى قالوا انى كنت بديهولك من اللى اتهمونى بيه قبل كدا عشان يوقعوا بينا و هى كمان شربت كام كاس عشان تفك و تفرفش و ترقص انا ما سقيتهاش الخمره هى اللى سكرت بكيفها
ندى تبص الناحيه التانيه
حسام / انا ما قصدتش يحصل كدا فى أية انا عمرى ما تخيلت ان الحكايه توصل لكدا
ندى / و دلوقت ناوى على ايه
حسام / ناوى احمى شرفي باي تمن
ندى / تعال ننزل مصر
حسام / ما ينفعش امال هو بيتحرك عادى كانى مش موجود ليه عقدى فيه شرط جزائي بملايين و مش زى الامارات هاخد ممانعه لا دا انا هتحبس
ندى / طب وانجى
حسام / انجى ما تعرفش اى حاجه انا حكيتلك عشان انتى نقطه ضعفى اول ما هيضربوا هيضربونى بيكي و فيكي هيوقعوا بينا هيستغلوكى عشان تضغطى عليا
ندى / طب ما هو ممكن يحاولوا يقتلونا
حسام / لو قتلنى هيتفضح هو وبنته
ندى / انت فاكر انه يفرق معاه اوى
حسام / يفرق بنته البيضه اللى بتجبله دهب مواعد الكل انهم يتجوزوها و اولهم كرم
ندى / و اش عرفك انهم هيغيروا رايهم لما يشوفوا الفيديو
حسام / مش مهم رايهم المهم ان هى عمرها ما هتقبل بغيرى
ندى / و انا المفروض ارد عليك اقول ايه بقي ان شاء الله
حسام / انا ما عنديش سكه تانيه و الراجل مش راضي يتلم عنك قولتله هتقرب لمراتى هقرب من بنتك والبادى اظلم
ندى / طب وانا المفروض دورى ايه فى العك ده
حسام / و لا حاجه كل المطلوب منك تثقى فيا تثقى فيا انا و بس
ندى تمسح دمعه نزلت من عنيها
حسام / انا مش قد الناس دى و هم عارفين ده كويس انزلى مصر خدى حبيبه و عمى وانزلى مصر بس اوعى تفتكرى ان اللى بيعمله هنا ما يقدرش يعمله فى مصر
ندى / طب و بعدين هنفضل كدا لحد امتى
حسام/ طب اعمل ايه قوليلى اعمل ايه و انا اعمل طب اقولك حاجه … كلمى زياد قوليله تفتكر مين خرجك من السجن واداك الفلوس دى كلها ادوهالك ليه فوقى يا ندى الراجل بيدفع ملايين ويوصلك انا لومش بحبك و واطى وابن كلب و وحش زى ما انتى فاكره مش كان اولى انى اخد الفلوس دى و ارفع الاريال ها
ندى / و ايه اللى منعك
حسام / انتى عبيطه انتى شرفى يا متخلفه مراتى ام بنتى حب عمرى دا انا اموت و لا ان حد يمس منك شعره
ندى / انا تعبت ممكن ادخل انام
حسام / ارتاحى احسن حاجه فعلا دلوقت انك ترتاحى
ندى تبتسم بحزن و تدخل اوضتها و حسام متابعها
…………………….
فى العزبه
هدايه / اوووووف جامده اوى دى
عدنان / انجى ما بتعرف شي عن اللى صار معا ما بعرف كيف سواها و لا شو عطاها لتتصرف بهيك طريقه بس اللى بعرفه انه لازم يدفع تمن اللى صار
هدايه / تفتكر حسام لوحده و لا فى حد بيساعده يعني اقصد فى حد هنا فى لبنان بيثق فيه يسيب معاه نسخ من الفيديوهات دى و لا قال كدا و خلاص
عدنان / الفيديو مو بيهمنى انجى هى المشكله انجى متعلقه فيه كتير لاعبلا براسا و كتير واثقه فيه طول الليل بتخبرني قديشه كان محترم معا فى الايفنت و قديشه رجال ابضاى و كتير اشيا كتير قصص و ما بعرف شو
هدايه / طب اهدى انت بس تفتكر لو ندى شافت الفيديو
عدنان / الواطى قالى بطلقا و بتزوج بتك بدوه يتزوج بتى الكلب ابن الكلاب
هدايه / بص ما تتعصبش الواد ده طلع جامد جه بدور المسكنه و فجاه طيرنى و دلوقت بيلاعبك مش دى الدماغ اللى كانت عاجباك
عدنان / بدك هلا فش خلقي فيكي و ارتاح مو هيك شو عم تخبصي انتى مو وقتك هلا
هدايه / ما قدرش على الحمار … ايه اخبار زيزو صحيح زياد اخد الفلوس و نام عليها و لا ايه
عدنان يبصلها
هدايه / و انت كمان نسيته باين
عدنان يقوم يجرى يجيب التليفون
عدنان / اهلين فيك يا غالى … ايي منيح ايي الحمد لله … كان بس بدى اعرف ان كان فى جديد بقصه زياد هيدا صاحب كافيه مرسال … عن جد .. لا لا ما فى شي جديد بس بطمن .. ايي ايي خليك متابعه و اى جديد خبرنى
عدنان يقفل و يسند بايده على الترابيزه
هدايه / ايه ؟
عدنان يتصل بحد تانى
عدنان / هلا بتيجي على فيلا الضيعه … ايي هلا شو بك يا زلمه ما عم تفهم عليي هلا يعني هلا
عدنان يقفل التليفون هدايه تروح تديله ملف
عدنان / شو هيدا
هدايه / دا ورق يودى حسام ورا الشمس
عدنان / بدك ايانى جازف بسمعه بنتى و سمعتى و سمعه الشركه هيك عالفاضي
هدايه / تؤ انا بس بقولك تبعته لندى
عدنان / شو فى بالعالم اليوم ما فى حدا بيفهم و امخاخهم عاطله
هدايه / سبتلك المخ الشغال انا داخله اخد دش و افك نفسي بلا هم
عدنان / سوى كيف ما بدك مانى فايقلك
هدايه تبصله و تبتسم بطرف شفايفها و تمشي و عدنان يقعد يفرك
……………………
فى شقه نور
نور بتتكلم فى التليفون
نور / لا طبعا ليكي حق تضايقي
ندى / حاسه انى شريكته حاسه انى مجرمه و انى انسانه وحشه بس برده لما بفكر فى كلامه بقول اعمل ايه يعني ما الحيوان التانى فعلا مش مدي لحسام اى خيار تانى
نور / بس اللى حصل ده حرام و ما يرضيش ربنا
ندى / و انجى ما لهاش ذنب بس هو بيقول انها بتتقرب منه و بتحاول توقع بينا
نور / انتى اصلا الفتره الاخيره ما كنتيش مرتاحالها
ندى / ما يمكن هو اللى لعب عليها يمكن هو اللى
نور / و هو كمان اللى بعتلك عدنان يتحرش بيكي جرا ايه يا ندى
ندى / انا متاكده انه كان بيديني من اللى اداهولها بتخليكى بتخليكى … خلاص يا نور خلاص
نور / بس هو قال اكتر من مره انه ما اداكيش حاجه و انه اداها الحاجات اللى قالوا انه اداهالك يعني وقعهم فى شر اعمالهم انا مش بدافع عنه بالعكس حسام غلطان جدا اللى عمله حرام بس … اكيد ما لقاش حل تانى
ندى / و عدنان هيسكت بقي
نور / الحل انك تنزلى مصر وسطينا
ندى / بيقول انه يقدر يوصلى فى مصر حسام بيقول الافضل انى افضل تحت عينه و تصدقى انه نزل النهرده راح الشغل عادى
نور / انا مش عارفه اقولك ايه بصراحه الموضوع من اوله ملخبط
ندى / انتى كنتى بتلبسي نازله رايحه فين
نور / عندى متابعه بكره و طالبه منى تحاليل مستنيه على يجيبها من المعمل و يرنلى انزله و نروح للدكتوره
ندى / على خير ان شاء الله
نور / فكرى فيها يا ندى انزلى مصر انتى و حبيبه و عمى عيشي في شقتك احنا برده اهلك و مش هنسمح لحد يقرب منك او من حبيبه
ندى / و حسام هسيبه هنا لوحده
نور / اوبا بقي خايفه عليه يعني اهو
ندى / اكيد خايفه عليه انتى شايفه ان الموضوع عادى يعني دا لو واحد غريب مع ناس زى دول هخاف عليه
نور / على فكره مش عيب و لا حرام تخافى على جوزك ابو بنتك مش فاهمه انا الكبر اللى فيكي ده اخرته ايه
ندى / كبر !! ماشي يا ستى يلا يلا روحى كملى لبس و ابقي طمنيني عليكي
نور / حبيبي و انا هحاول اتكلم مع حسام يمسح الفيديوهات دى
ندى / تمام سلام
نور / سلام يا قلبى
نور تقفل و تقوم تكمل لبس تليفونها يرن ترد
على / عامله ايه
نور / تمام الحمد لله التحليل بان
على / اه جبته انا تحت
نور / خمس دقايق و هنزلك
على / اسندك ؟
نور / ما اتكسحتش للدرجادى يلا سلام عشان اللحق اخلص
على / تمام سلام
نور تقفل و تكمل لبس
…………………..
فى الشركه
انجى / و لهلا ما رد و لو مره عليي و لا على الماما طبعا مو فاضي اللنا حبيبه القلب معه بفيلا الضايعه
حسام واقف باصص بعيد
انجى / برائيك شو بيصير اذا هلا خدت حالى و طلعت عالضايعه
حسام يبصلها و يضحك
انجى / ما فيني شوفه بهيك وضع مو هيك
حسام / انا عاوز اتكلم معاكى فى حاجه
انجى / خير
حسام / مستر عدنان فاكر ان ليا دخل لرفضك لكرم
انجى / شو هالحكى الفاضي و انت شو خصك بكرم و لا بغيره انا اللى ما بدى اتزوج
حسام / هو لمح يعني … ان ممكن يعني
انجى / ممكن شو
حسام / انتى عارفه اننا قريبين من بعض و خصوصا الفتره اللى فاتت كل يوم بنقرب فيه من بعض اكتر و الكل واخد باله … دا حتى ندى بدات تضايق
انجى / تضايق منى !!!
حسام / مش منك يعني بس خايفه يكون فى حاجه بينا
انجى / و هو فى اى شي بيناتنا يا حسام
حسام / مش عارف
انجى عنيها توسع
انجى / شو … شو يعني ما بتعرف اذا فى شي بيتاتنا و لا لا
حسام / المشكله ان كل الحاجات بتبدا كدا
انجى / اى حاجات
حسام/ العلاقات … العلاقه بين اى اتنين بتبدا بالارتياح مرتاحه للشخص ده بتحبي تشوفيه بيفهمك بيريحك بيحس بيكي بيعرف انتى بتحبي ايه و بتكرهى ايه و واحده واحده الارتياح يتحول لتعود و التعود يقلب ل..
انجى / لشو ؟
صمت ثوانى و نظرات تلهف من انجى و تهرب من حسام
حسام / انا بفكر اقدم استقالتى و اخد ندى و حبيبه و عمى و ننزل مصر
انجى / شو هالحكى ما فيك تعمل هيك
حسام / انا مش هقدر اكمل هنا جو الشغل بقي متوتر اوى و كمان … على فكره انا ليا اهل فى مصر اختى هتولد فى اى وقت و امى و ابويا جامعه ندى و مدارس حبيبه
انجى / فى جامعات و مدارس كتير هون ان كان على بيي لا تعتل هم انا بتعامل معه انا
حسام / بس فى مصر فرصتنا اكبر
انجى / شو قصدك
حسام / اقصد ان فى شركات كتير فى مصر للادويه و انها سوق ممتاز بس ما اعتقدش ان الوضع المالى لوالدك يسمح بفرع تانى دلوقت
انجى / انا ما بفهم عليك انت بدك بيي يعمل شركه جديده بمصر و انت تشتغل فيها هيك تقصد يعني
حسام / نشتغل فيها نشتغل فيها سوا يا انجى انا و انتى بعيد عن كل الوش ده بعيد عن هدايه و مقالبها و علاقتها بابوكى يعمل هو هنا اللى هو عاوزه
انجى / بس انت هلا قولت ان بيي وضعه المالى ما بيسمح بهيك خطوه كمان ليش فينا ننزل بمصر اذا كان فينا نضل هون سوا
حسام يطلع موبايله و يورى انجى صوره عدنان اللى ندى بعتتها من العين السحريه
انجى / شو هيدا
حسام / احنا طيرنا هدايه عشان يحاول يحط ندى مكانها
انجى / اوعاك … حسام انت سامع شو عم تقول عن بيي
حسام / ايه اللى يوديه يخبط على ندى فى نص الليل و هو عارف انى مش موجود
انجى / اكيد القصه مانا هيك اكيد فى شي بالموضوع انا راح حاكيه و افهم منه اكيد الموضوع مو هيك
…………………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سلف ودين)
2 تعليقات