رواية سلف ودين الفصل السابع والخمسون 57 بقلم لولو محمد

رواية سلف ودين الجزء السابع والخمسون

رواية سلف ودين البارت السابع والخمسون

رواية سلف ودين الحلقة السابعة والخمسون

الست / انا فيروز مرته لرامى حسون
حسام / اهلا و سهلا اقدر اقدملك ايه
فيروز / ما بعرف ان كان وصلك الخبر و لا لا بس هم حاولوا يقتلوا رامى
حسام / ازاى و امتى دا انا كنت معاه امبارح
فيروز / النهرده الصبح اتنين رجال هجموا عليه فى الحمام و تشارعوا و بعدين واحد منهم خنقه بالزنار تبعيتو فقد الوعى فكروه مات الحمد لله و تركوه مرمى فى الارض هو هلا فى المشفى الحمد لله لساته عايش لحقوه
حسام / الحمد لله الحمد لله
فيروز / رامى تلفنلى لما فاق و خبرنى اعطيك اوراق مهمه
حسام / اوراق ايه دى
فيروز / والله ما بعرف شو فيها كل اللى اعرفه انه عطانى رقمك و قالى اكلمك و قال ان هيدى الاوراق راح تساعدك كتير فى القضيه انا بعرف رامى منيح رامى انسان محترم و بيخاف الله بعمره ما يسوى هيك اشيا
حسام / اكيد طبعا اقدر اقابلك فين
فيروز / انا ما بقدر اضهر و اسيب الاولاد لحالهم راح ابعتلك الاوراق على العنوان على الواتس تبعيتك مع واحده من رفقاتى
حسام / مسافه السكه و اكون عندك … مع السلامه
حسام يقفل و يجرى على الاوضه و ندى وراه تلاقيه بيلبس
ندى / خير فى ايه
حسام/ واحد زميلى فى الشغل اللى كنت بزوره امبارح نقلوه المستشفي و مراته كلمتنى
ندى / لا اله الا الله
حسام / انا مش هتاخر
ندى / خد بس بالك من نفسك
حسام ياخد الموبايل و المفاتيح و يمشي اول ما يقفل باب الشقه توصله رساله فيها اللوكايشن يفكر ثوانى و بعدين يتصل بعدنان
حسام / مساء الخير مستر عدنان اسف جدا على الازعاج
عدنان / مساء النور حسام خير بيك شي
حسام / مدام فيروز كلمتنى و قالتلى ان رامى بريئ و معاها ورق مهم جدا هيثبت برائته و يدين المجرمين الحقيقين فى الشركه
عدنان / اى اوراق !!!
حسام / انا الحقيقه مش عارف انا هروحلها اجيب منها الأوراق دى
عدنان / من ورين راح تقابلها
حسام / هروحلها البيت حالا
عدنان / تمام اى جديد خبرنى
حسام / اكيد طبعا هستاذنك عشان ما اتاخرش
عدنان / طبعا طبعا
حسام يقفل و يركب العربيه و يمشي
………………….
فى الفندق
نور لابسه فستان اسود قشر سمك مقفول و قاعده قدام المرايه بتظبط مكياجها على يطلع من الحمام لابس القميص و بنطلون البدله و مسرح شعره يروح يلبس جاكت البدله و يقعد على كرسي يلبس الشراب و الجزمه
على / انا جاهز
نور / و انا كمان فاضلي بس ثوانى … ثانيه … تمام جاهزه
نور تقوم تقف و تروح تلبس الجزمه
نور / ايه رايك
على يبتسم و يقوم يمسك ايدها و يلفها
على / قمر طبعا
على يمسك ايدها و يانجها و ياخدها و يروح يفتح الباب
على / عاملين حفله فى الدور الاخير يعني هتشوفى مصر كلها من فوق
نور / لا الصرف باين الصراحه
على و نور يركبوا الاسانسير
على / عشان تعرفى غلاوتك بس
نور / بصراحه حاسه انى بحلم و لسه مش مصدقه
على / احلمى براحتك لسه قدامنا لحد بكره الضهر قبل ما نصحى و نرجع لحياتنا تانى
نور / دا مش وقت قليل على فكره
على/ ما انا ناوى استغله لاخر ثانيه
باب الاسانسير يتفتح قاعده فخمه و فرقه موسيقيه بتعزف فى جنب على يانج نور و يروحوا يقعدوا فى جنب
……………………..
فى كافيه
حسام يدخل تليفونه يرن رقم غريب يرد
حسام / الو
حسام يبص يلاقى بنت قاعده على ترابيزه بتشاورله يقفل و يروحلها تقوم تقف و تفتح شنطتها
البنت / استاذ حسام مو هيك
حسام / ايوه
البنت تديله ظرف
حسام/ ايوه
البنت / اتفضل هاى الاوراق … بستاذن لانى اتاخرت كتير
البنت بتمشي حسام يقعد يبص فى الاورق باهتمام شديد
………………….
فى فيلا عدنان
حسام داخل جنينه كبيره يلاقي عدنان قاعد تحت برجوله يروح يقعد قدامه و يحط الظرف
حسام / الورق يا عدنان بيه
عدنان يبص لحسام و ما يبصش فى الورق حسام يبتسم
حسام / واضح ان حضرتك عارف اللى فيه
عدنان / انت بتعرف اللى فيه ؟
حسام / و الا ما كنتش جبته لحضرتك
عدنان / انت بتعرف مع مين عم تلعب
حسام / اكدب لو قولت اه بس انتوا طلبتوا منى اللعب و انا ما اقدرش اكسرلكوا كلمه
عدنان / و هلا شو
حسام / احنا حبايب يا عدنان بيه بس زى ما حضرتك شايف انتوا اكيد ماسكين عليا حاجات و انا بقيت ماسك عليكوا حاجات و على فكره اللى قدام حضرتك مش الورق بتاع رامى بس لا دا انا برده حطيت التاتش بتاعى افتح شوف هتنبسط اوى من شغلى والله
عدنان / مانك خايف يعني
حسام/ زى رامى بالظبط امنت نفسي و نسخت الورق ده عشر نسخ و وزعتهم مع ناس ثقه فى لبنان و بره لبنان اصل العالم دلوقت بقي قريه صغيره زى ما حضرتك عارف
عدنان يبتسم
حسام / اى حاجه هتحصلى انا او حد من عيلتى حتى لو قضاء و قدر الورق ده هيكون فى ايد الدنيا كلها
عدنان / بتظن ان مو كان اذكى ان رامى بدل ما يسلمك ها الورقات كان عطاهم للشرطه
حسام / ما اهو كدا يبقي بيدين نفسه اكتر و بدل ما كان ياخدله كام سنه سجن يبقي اعدام
عدنان / من اول مره شوفتك فيها عرفت انك واطى بعت المرا اللى لجاتلك
حسام / انا ما اتكلمتش عنها غير معاك لو كان جرالها اى حاجه كانت هتبقي دليل ادانه اضافى فى ايدي على حضرتك
عدنان/ بس انت طلعت غبى
حسام / ليه بس الغلط ده ما قولنا خلينا حبايب
عدنان / انت بتصدق اى حدا يقولك اى شى … الو دكتور حسام انا فيروز مرته لرامى
هدايه تطلع من الفيلا شايله كاسات عصير
عدنان / بس عجبتنى حركه انك تخبرنى اتاكدت انك بتعرف عنى
حسام / انت و خيالك بقي
هدايه / كان المفروض تسمع كلامى
هدايه تحط الصينيه و تروح تقعد جنب عدنان
هدايه / الورق كان مجرد طعم كنت عاوزه اعرف انت هتعمل ايه
حسام / انا معايا تسجل بصوت رامى بيقول ان مستر عدنان هو اللى بيخطط لعمليات السرقه و الحريق اللى بتحصل فى شريكاته عشان يغطى على تهريبه للادويه المخدره
عدنان يبتسم
حسام / و معايا كمان ورق ممضى من حضرتك بيثبت تلاعب فى كشوفات الجرد و التوريدات و الازونات و الفواتير ما شاء الله شغل عالى
هدايه / مستحيل يكون معاك حاجه مستر عدنان ما لوش دعوه بالهبل ده
عدنان / خلاصنا يا هدايه خلينا نلعب عالمكشوف
حسام / ياريت اهو ابقي عارف مين عدوى من حبيبي
عدنان / حبيبى يا حسام
حسام / حبيبي يا عدنان بيه
حسام يبص لهدايه
هدايه / قولتلك فى حاجات كتير الافضل انك ما تعرفهاش
حسام / ما قالك نلعب على المكشوف و تانى اى حد شيطانه يوزه يلمس أهلى عليا و على اعدائي انا مسجل كل اتفاقاتنا نحطهم و نشرف سوا فى ابو زعبل اللبنانى
عدنان / ما كان بدى ابدا العلاقه بيناتنا توصل لها الحد
حسام / بص يا مستر من الاخر كدا انا مش طمعان فى اى حاجه و لا بهددكوا لا ناوى اغدر لا سمح الله هو الموضوع كله انى اطمن على نفسي وسطيكوا ما شاء الله كلكوا حيتان و انا حيالله حته بسريايه صغيره
هدايه / و ما دام انت عارف ده ليه بتحشر نفسك فى السكه دى
حسام / كنت مزنوق فى قرشين و انتوا مشكورين ساعدتونى و جميلكوا على راسي
عدنان / امال شو بدك هلا حسام
حسام / يا تكبرونى وسطيكوا يا تطلعونى منها
هدايه / كل ما بتكبر كل ما بقي سهل صيدك يا حسام
حسام / ما احنا هنحلق على بعض تستروا عليا و استر عليكوا تنضفوا ورايا انضف وراكوا و ان كان على الفلوس انا مش طماع و انت يا عدنان بيه ابو الكرم كله
عدنان / ولو تقبرنى
حسام / بعد الشر عنك يا باشا
عدنان / من هلا كل تعليماتك اللجديده راح تاخدها منى انا
حسام / على راسي
حسام يبص لهدايه يلاقيها مبتسمه يبتسم
……………….
فى شقه ندى
ندى قاعده على الكنبه فى الصاله بتعيط و ماسكه الموبايل فى ايدها حسام يفتح الباب تمسح وشها و تقوم تجرى على الحمام حسام يقفل الباب و هو مستغرب
حسام / ندى … ندى
حسام يروح يخبط على باب الحمام
ندى / ثوانى بطنى بتوجعنى
حسام / خير اجبلك مطهر معوى و لا ايه
ندى / خمس دفايق بس
حسام / تمام
حسام يروح يغير هدومه ندى تدخل
ندى / احضرلك تتعشي
حسام يحاول يحضنها
حسام / احسن دلوقت
ندى تبعد
ندى / شكلى اخدت برد فى معدتى هنام شويه و بكره ان شاء الله هبقي كويسه
حسام / تمام تصبحى على خير
ندى تبتسم و هى بتبصله و تروح تاخد حبيبه فى حضنها و تنام و حسام متابعها باستغراب
حسام / مش هتساليني عن صاحبى
ندى / اه صحيح معلش اصلى اتلخمت فى وجع بطنى فبجد مش مركزه خالص سورى
حسام / خلاص ارتاحى و لما تتحسنى نبقي نتكلم لو احتاجتى اى حاجه ناديني انا فى الصاله بره
ندى تهز راسها مع ابتسامه حسام يبتسم و يطلع بره و ندى متبعاه الابتسامه تروح من وشها و تظهر مكانها نظره قرف
……………………..
فى الفندق
الستاره مقفوله و الاوضه فيها اضاءه خفيفه نور نايمه و على لابس خروج و بيلم الحاجه فى الشنطه و ياخدها يحطها عند الباب مفتوحه و يروح يمدد فى السرير جنب نور نايمه خالص
على / نونو … قلبي
نور تتمطع
على / اصحى يا نور يلا الساعه عشره
نور تفتح بالراحه
نور / بالسرعه دى
على / يلا يا سندريلا قومى اجهزى قبل ما الساعه تدق اتناشر
نور تقوم تقعد
على / انا لميت كل حاجه و طلبتلنا فطار ادخلى يلا خدى دوش كدا و اللبسي عشان نفطر قبل ما انزل اعمل شيك اوت
نور تهز راسها و تقوم تدخل الحمام الباب يخبط على يروح يفتح الباب يلاقي الروم سيرفيس بيزق ترولى ياخده منه و يديله تيبس و يقفل الباب و يروح يفتح الستاره و هو مبتسم
………………………
فى كافيه مرسال
ندى شايله حبيبه فى الشياله على صدرها تروح تقف قدام المحل زياد يشوفها يروحلها
ندى / انا عارفه انك اتاذيت بسببى
زياد / اقدر اساعدك ازاى
ندى / انا ما عدتش انا و حبيبه بس بابا قعيد جه من مصر
زياد / روحى عند الميدان و انا هحصلك
ندى تهز راسها و تمشي و تروح تقف عند الميدان تلاقي عيل صغير بيديها ورقه تفتحها جواها رقم تليفون تبص للولد يمشي تطلع الموبايل و تتصل يكنسل تتصل تانى مغلق تستغرب تليفونها يرن رقم غريب ترد
ندى / الو
زياد / اول مكان جوزك هيدور فيه عندى
ندى / زياد
زياد / فى كاميرات قدام المحلات و فى كل الشوارع روحى و ابعتيلى عنوانك هبعتلك عربيه تنقلك انتى و والدك و حاجتك لو حبيتي تاخديها
ندى / هنروح فين
زياد / مكان بعيد لحد ما نشوف هتعملى ايه هترجعى مصر و لا هتطلقي
ندى / باسبورى مش معايا مع حسام
زياد / بسيطه ان شاء الله نلاقيلها حل
ندى / ماشي هبعتلك اللوكايشن بتاع البيت .. على الرقم ده صح
زياد / ايوه
ندى / تمام … هو انت بجد هتساعدنى
زياد / باللى اقدر عليه
ندى / ليه
زياد / المفروض اشوف واحده محتاجه مساعده و اغمض عيني يعني
ندى / انت مقدر انا يأسه قد ايه انى اطلب من واحد غريب يساعدنى
ندى تعيط
زياد / الوقت مش فى صالحنا لازم نلحق قبل ما حسام جوزك يرجع من الشغل
ندى / انا هركب تاكس دلوقت و هروح اللم حاجتى انا و بابا
زياد / تمام
ندى تقفل و تشاور لتاكس و تمشي
…………………….
فى الشركه
حسام شغال و هدايه شغاله كل واحد فى جنب و كل شويه يبصوا لبعض حسام يعدل هدومه و يروحلها
حسام / هو انتى زعلانه منى
هدايه / اكيد لا الاهم ما تكونش انت زعلان
حسام/ ابدا هزعل من ايه
هدايه تبص الناحيه التانيه و ترجع تبصله
هدايه / ولا حاجه عن اذنك ورايا شغل كتير
هدايه تسيبه و تمشي و هو مستغرب
……………..
فى شقه نور
على يفتح الباب و نور تدخل
نور / بجد انبسطت اوى
على / مضطر اسيبك و اروح اجيب الولاد من عند طنط
نور / تحب تاكل ايه
على / هجيب اكل معايا و انا جاى انتى النهرده اجازه
نور تبتسم
نور / الدكتوره بتقول
على / بقولك اجازه يعني ما تفكريش فى حاجه حتى تمام
نورتبتسم و تهز راسها على يمشي نور تروح تقعد على الكنبه و هة مبسوطه ثوانى و تقوم تدخل الاوضه باب الشقه يخبط تروح تفتح تلاقي امانى
امانى / بقي ده اسمه كلام يا نور تاخدوا العيال و تختفوا كدا و تسيبونى قلقانه عليكوا
نور / فى ايه بس يا ماما مش كلمتك و انا فى العربيه و قولتلك على عاملى مفاجاه
امانى / و هو فين سى على
نور / راح يجيب يس و نغم من عند طنط
امانى / المهم هتعملوا ايه فى اللى الدكتوره قالت عليه
نور / ما كلمتوش لسه بس هو مش هيعترض عادى يعني
امانى / الله مش لازم يعمل حسابه من بدرى عشان الفلوس
نور / حاضر لما يرجع هكلمه اصل الكام ساعه دول هيفرقوا
امانى / انتى حره انا نازله اشوف الاكل اللى على النار
امانى تمشي و نور تقفل الباب و تتنهد
………………..
فى عربيه على الطريق
ندى راكبه و حبيبه على رجلها و مصطفى قاعد جنبها يمسك ايد ندى تبصله و تمسك ايده
ندى / انا عارفه انى ما كانش ينفع اجيبك هنا بس انا كنت محتاجاك معايا و جنبي عارفه انى ببهدلك معايا و عارفه ان ليك علاج و جلسات
مصطفى يهز راسه و يشاور عليها
ندى / انا بس محتاجه ابعد شويه عشان افكر هعمل ايه
مصطفى يفتح ايد ندى و يكتب جواها حسام بصابعه
ندى / ايه رايك لما امورنا تستقر انا و انت نتعلم لغه الاشاره
مصطفى يبصلها باستغراب ندى تبتسم
ندى / تفتكر هلاقى شغل بسرعه تفتكر المكان الجديد اللى احنا رايحينه ده
العربيه تقف فى منطقه فاضيه ندى تتخض
ندى / وقفت ليه
السواق / وصلنا اللوكايشن بيقول هون
ندى تبص فراغ عربيه تانيه توصل تركن و تنزل منها ست كبيره و تروح ناحيه العربيه
الست / استاذه ندى
ندى تهز راسها الست تبتسم
الست / زياد تلفنلى و خبرنى القصه اتفضلوا حدى
السواق ينزل يطلع كرسي مصطفى و الشنطه من شنطه العربيه و يساعدهم يركبوا العربيه التانيه الست تحاسبه
ندى / انا معايا فلوس
الست / بقلبي شو نحفانه !!! انا اسمى خديجه هلا بننزل عالضايعه راح دوقك احلى مناقيش بالزعتر ما اطيبهم اتفضلى اتفضلى
ندى تركب هى و مصطفى
خديجه / يا ربى نسيت .. زياد نبهنى تزتى الكارد تبع الموبايل هون قبل ما نتحرك على الضايعه بالله ما صار فيني عقل كل شئ عم يتنسي
ندى تفتح الموبايل و ترمى الشريحه فى الشارع و خديجه تسوق
………………..
فى شقه ندى
حسام يفتح الباب و يدخل هدوء
حسام / انا جيت
حسام يروح يبص الشقه فاضيه يبص فى كل حته يفتح الدولاب فى هدوم بسيطه يبص فوق الدولاب فى شنطه ناقصه يروح اوضه مصطفى الادويه كلها مختفيه يبدا يتعصب و يطلع الموبايل و يتصل بندى غير متاح يتصل تانى غير متاح يتصل بهدايه
حسام / كلامى كان واضح اللى هيقرب من اهلى عليا و على اعدائي
هدايه / كنت فاكر انك هتلعب عليا و اسكتلك
حسام / لاخر مره ندى فين
هدايه / و انا اعرف منين ندى فين
حسام / ما تستهبليش
هدايه / والله ما اعرف هى فين انا بس بعتلها كام رساله امبارح فيهم كام صوره لينا سوا
حسام / ايه !!
هدايه / هى سابتك و هربت حقها بصراحه ما هو مفيش راجل محترم يعمل كدا مع مراته
حسام / دا انا هولع فيكي
هدايه / ما قدرش على الحمار روح اتشطر على مراتك اللى مدوخاك دى الاول لا و جايلنا فارد صدرك و انت حتى بيتك مش عارف تلمه
حسام / كدا ما عدش عندى اللى اخسره نشرف كلنا فى السجن و نتربى على اخطائنا مع بعض
هدايه / يعني بدل ما تدور عليها هتروح تحبس نفسك انت دخلت صيدله ازاى بمعدل غبائك المرتفع ده
حسام/ انطقى قولى ندى فين
هدايه / اقسم بالله ما اعرف و لا اعرف انها هربت انا حتى كنت متوقعه انكوا تتخانقوا امبارح و تيجي الشركه تتخانق معايا و استغربت من هدوئك ما اعرفش حاجه عن ندى
حسام / جبتى رقم تليفونها الجديد منين
هدايه / سر يعني ما انت مسجله على موبايلك
حسام/ قسما بالله لدفعكوا تمن الحركات دى غالي اوى
هدايه / تمام انت غلطت و انا غلطت بس اقسم بالله ما ليا علاقه باختفاء ندى بس اقدر اساعدك تلاقيها
حسام يهدى و يسكت
هدايه / بس مفيش حاجه ببلاش
حسام / ترجع و نتحاسب
هدايه / هترجع
……………………
فى قريه ريفيه
ندى قاعده فى اوضه مع باباها و حبيبه باب الاوضه يخبط ندى تقوم تتفزع تفتح تلاقى خديجه
خديجه / حدا بيريد شاى طازه
ندى / ميرسي هو زياد هيجي
خديجه / لا ما خبرنى انه جاى بس ما تعتلى هم شو ما بتريدي انا بسويلك اياه
ندى / ربنا يخليكي بس انا كنت عاوزه افهم انا وضعى ايه هنا .. يعني هفضل هنا لحد امتى هعمل ايه .. هدفع كام
خديجه / اعوذ بالله انتن على راسنا البيت بيتكون ما بدى منك اى شى
ندى / ربنا يخليكي بس اكيد انا برده مش هفضل هنا علاطول يعني افهم
خديجه / والله ما بعرف اشي زياد تلفنلى و قالى ببعتلك ضيوف قولتله على راسي زياد و ضيوف زياد
ندى تبتسم و تهز راسها
خديجه / ميتا ما بدك تعى حدى فى اللجنينه و الله الجو عم بيعئد بدك تجى
ندى / تمام
ندى / تحب تيجي يا بابا
مصطفى يهز راسه لا و هو حزين ندى تشيل حبيبه و تروح مع خديجه يقوا فى الجنينه
ندى / المكان حلو فعلا و الجو مختلف
خديجه / اى والله بعيد عن الدخان و العجئه
ندى تهز راسها
ندى / هو انا اقدر الاقى شغل هنا
خديجه / كل شى ممكن بس شو بدك تشتغلى
ندى تبص حواليها و تفكر
ندى / مش عارفه
خديجه / اسمعى يا ندى انا ما عندى حدا و ما تعتلى هم المصارى
ندى / ربنا يخليكي بس اكيد
خديجه / بدك ترجعى على مصر
ندى تسكت و تبص فى الارض
خديجه / لو بدك خبريني شو القصه يمكن اقدر اساعدك
ندى / انا ما ليش حد فى مصر و لا ليا هنا كل اللى ليا فى الدنيا ابويا و بنتى دول لو نزلت مصر هيلاقيني و لو فضلت هنا برده هيلاقيني لو مش النهرده يبقي بكره مش عارفه اعمل ايه و لا اروح لمين
ندى تعيط خديجه تقوم تحضنها
خديجه / ربك بيهون الصعب ما تعتلى هم
ندى تمسح دموعها
ندى / انا مهما اشتكى ما حدش بيصدقنى الكل بيقول انى بدلع ما تحمدى ربنا انتى عايشه ملكه … بس ما حدش حاسس بيا انا عاوزه ايه مش مهم … انا عملت حاجات … دوست على نفسي بالجزمه و فضلت اضغط و اضغط … بس على مفيش
خديجه / شو بيفيد الندم بس بتعرفى شو انتى لساتك صغيره و احنا بنتعلم من اخطائنا
ندى / انا حياتى ما لهاش دعوه بيا بنتى اللى ما لهاش اى ذنب و لا بتفهم اى حاجه و ابويا … اهو تصدقى بقي ان ابويا السبب فى كل ده بس للاسف مش قادره اسيبه يعانى او يدفع التمن عجزه عجزنى اكتر
خديجه / والله ما عم بفهم عليكي بس شكلها حكايه كبيره اسمعى انتى هلا مانك بوعيك يومين تلاته بتهدى و بتروقى و بتفكرى على رواق و بتعرفى شو راح تعملى و شو راح تساوى
ندى / دا لو عدوا على خير اليومين تلاته دول
خديجه / ربك كبير ما تعتلى هم
ندى / و نعم بالله
……………………….
فى كافيه مرسال
حسام يدخل زياد يستقبله
زياد / اهلا جارنا العزيز نورت
حسام / بص انت واضح انك مش عارف انت بتتعامل مع مين
زياد / لا عارف و جتلى و مشيتها
حسام يبص لزياد
زياد / المدام جتلى النهرده و طلبت اساعدها و قولتلها انى مش هقدر و مشيت ولو مش مصدقنى تقدر تقعد على جهاز الكومبيوتر بتاع الكافيه تراجع بنفسك الكاميرات
حسام / راجعتها
زياد يبتسم و يبص الناحيه التانيه
حسام / انا همشي بس قسما بالله لو عرفت ان ليك يد
زياد / دكتور حسام اسف للمقاطعه هو بغض النظر عن اى تهديات من حضرتك بس انا رايي انك ما تضيعش وقتك معايا تحب اجبلك حاجه تروق دمك عشان تعرف تفكر
حسام يبص لزياد بغل و يمشي و يركب عربته و يطلع التليفون و يتصل بنور فيديو كول
نور / حبيبي ازيك
حسام / كلمتى ندى النهرده
نور/ ايه ده مالك فى حاجه حصلت و لا ايه
حسام / ندى هربت
نور / تانى يا حسام
حسام / اقسم بالله هربت خدت أبوها و حبيبه و شنطتها و ركبت عربيه و هربت
نور / عملت ايه يا حسام قولى
حسام / والله ما عملت حاجه صحيت و سلمت عليا قبل ما انزل و بعدين ظهرت فى الكاميرات انها جت للزفت زياد و بعدين رجعت البيت و بعدين جت عربيه ركبوا فيها و مشيو و انا بدور على العربيه و السواق دلوقت
نور / و ايه اللى هيوديها لزياد ده تانى
حسام / انتى بتساليني انا اقولك انا مهما أقول مش هتصدقى انا هبعتلك تسجيلات الكاميرات و مكتوب فوق التواريخ و تشوفى بنفسك ما انا كل حاجه فى الدنيا السبب فيها
نور / انا مصدومه و مش عارفه اتكلم طب راحت فين دى ما تعرفش حد خالص
حسام / يعني ما اتكلمتش معاكى ما قالتلكيش اى حاجه
نور / لا انا اخر مره كلمتها كانت امبارح الصبح قبل ما اروح للدكتوره و كانت عاديه جدا و بتعمل اكل تقريبا كلتوا بانيه و مكرونه صح
حسام / يعني فجاه كدا
نور / انا مش فاهمه اى حاجه انا هحاول اكلمها
حسام / تليفونها مقفول
نور / و الفايس
حسام / ما اعرفش
نور / طب حاول توصل للسواق مش معاك رقم العربيه
حسام / معايا و بندور عليه
نور / باذن الله خير و انا هحاول اكلمها اكيد عندها تفسير لجنونها ده
حسام / شايفه الهنا اللى انا فيه شايفه جنانها بعد كل اللى بعملهولها
نور / انت لسه بتخونها يا حسام
حسام يبص فى الارض و يسكت
نور / ندى قالتلى كذا مره على اللى بينك و بين هدايه على فكره
حسام / اقسم بالله قطعت علاقتى بيها من يوميها بقت مجرد زميله فى الشغل
نور / بس ندى ما كانتش شايفه ده فى مره كنت بكلمها فى التليفون و انت نزلت قالتلى انها كانت لسه بتكلمك
حسام / مجرد شغل والله والله اقسم بالله هدايه كانت فتره صعبه و خلصت انا مش عارف اشرحلك بس انا و ندى عدينا خلاص المرحله دى و الحمد لله بقت كل حاجه تمام
نور / والله مش عارفه بقي حاول تكلمها و تشوف
حسام / و انا عارفلها طريق عشان اكلمها
نور / يووووه بقي طب شوف نمره التاكس شوف البوليس اعمل اى حاجه
حسام / دى لا معاها ورق و لا باسبور و لا نيله يعني لا هتعرف تاجر شقه و لا تنزل فى اى فندق و لو اتمسكت هتتبهدل بالاتنين اللى سحباهم دول
نور / طب اهدى و حاول تكلمها
حسام / هحاول
تليفون حسام يرن و الاتصال مع نور يتقطع حسام يرد
هدايه / جبتلك عنوان الشوفير اللى ركبت معاه ندى و بياناته و خليت حد يكلمه فى الاول انكر بس بعد كدا قال ان واحد جاله طلب على الابليكاشن يروح عنوان معين ياخد ناس يوصلهم و بعتله لوكايشن البيك اب و الدروب اوف
حسام / الخلاصه عرفتى المكان اللى سابهم فيه
هدايه / سابهم فى وسط الاوتوستراد فى طريق بره البلد هو نفس المكان اللى موبايل ندى قفل فيه حتى الشوفير نفسه كان مستغرب ان المكان فاضي لحد ما جت عربيه تانيه خدتهم و كان راكب فيها ست ريفيه
حسام / طب ما فيش رقم تليفون للى عمل الطلب على الابليكاشن ده
هدايه / فى طبعا بس لما سالنا عنه طلع باسم واحد متوفى و حاليا غير متاح
حسام / يعني ايه خط باسم واحد متوفى و لسه شغال
هدايه / الخط بيفضل شغال طول ما فيه رصيد و بيطلع منه و بيوصله مكالمات يا حسام
حسام / تمام ممكن بقي نشوف اى حد من عيله صاحب الخط نقدر نوصلهم يعني ما اكيد اللى معاه الخط دول اهل الميت يعني
هدايه / اخر مكان الخط كان شغال فيه لما عمل الاوردر من نفس اللوكايشن اللى ندى نزلت فيه
حسام / نعم يعني ايه
هدايه / يعني حد راح للوكايشن عمل الطلب و قفل الخط اقولك ايه اكتر من كدا
حسام / طب الخط قبل ما يعمل الطلب ما كانلوش خط سير
هدايه / لسه بندور
حسام / و الست الريفيه اللى اخدت ندى و العربيه بتاعتها ما لهمش نمر
هدايه / لا ما بصش على النمر بس ادانا مواصفات العربيه و الست و الناس هنا مش ساكتين
حسام / طب يعني اروح فين دلوقت
حسام يجيله وايتنج عدنان
حسام / مستر عدنان بيتصل
هدايه / تمام روح رد سلام
حسام يرد على عدنان
عدنان / وينك حسام
حسام/ فى الشارع
عدنان / تعا حدى ليك عندى اخبار عن مرتك
حسام / خير
عدنان / لما تجى راح تعرف يلا ناطرك
حسام / مسافه السكه
حسام يقفل و يسوق
حسام / لما الاقيكي بس
………………….
فى شقه نور
على / يعني ايه هربت يعني ايه مش لاقيهم
نور / ما انت شوفت الفيديوهات اللى بعتها
على / و المفروض نصدق تلاقيه عمل بلوه تانيه زمانها مرميه فى اى صحرا دلوقت بتنازع
نور / انت مش شوفت التوقيت اللى على الفيديو يا ابنى
على / انا هتجنن هطق انا حاسس انى عاجز و متكتف
نور / ممكن تهدى انا متوتره بما فيه الكفايه
باب الشقه يخبط على يجرى يفتح
امانى / فى اخبار بكلم حسام ما بيردش
على / اتفضلي
امانى تدخل
امانى / قولت بلاها البت دى مطيوره و ما تنفعش
على / انا نازل عن اذنكوا
على يفتح الباب و ينزل و يرزع الباب وراه يقابل محمد على السلم
محمد / مفيش اخبار يا على
على / علمى علمك والله يا عمى
محمد / انا مش مصدق اللى حصل ازاى ندى تعمل حاجه زى دى
على / والله اللى اعرفه انها مش اول مره حسام يقول ان ندى سرقته و هربت
محمد / و الفيديوهات
على / لو عاوز سيناريو اقلها بعتلها عربيه توديها الجلسه بتاعه عمى هى ندى تعرف حد هناك
محمد / و الواد بتاع الكافتريا
على/ اهو ده اللى مجننى دا ندى مبهدلاه اخر مره قبل ما تنقل ايه اللى يرجعها ليه
محمد / طب حد حاول يكلمها
على / التليفون مقفول و مفتحتش الفايس
محمد / انا هتجنن هى تعرف مين هناك و بعدين ابوها عيان و البت صغيره و هى نفسها لا ليها فى الطور و لا فى الطحين
على / هو حضرتك يعرف ان حسام كان بيخون ندى و كذا مره حد يبعت لندى رسايل و مره منهم كانت بصور حسام و واحده شمال معاه فى الشغل
محمد / حسام ما يعملش كدا
على/ حسام نفسه ما انكرش و بعدين بقول لحضرتك متصورين سوا
محمد/ انا ما عدتش مصدق الكابوس اللى انا عايش فيه ده … انت كنت رايح فين
على / والله ما عارف انا كنت بقول اروح للمحامى يشوف لو يقدر يعمل حاجه
محمد / و هو حسام هناك ساكت يعني
على / و ان لقيته راجع زى المره اللى فاتت
محمد يبص الناحيه التانيه
على / انا مش قادر اكدب على حضرتك انا مش واثق فى حسام شعره
محمد / بس
على/ يعني هى هتهرب كدا من الباب للطاق ما عملش حاجه نور تكلمها اكتر من مره تشتكى من خيانه حسام و نور ما كانتش بتحكى حاجه هى ندى ليها حد تشكيله غير نور و نور تسمع من هنا و تعدى من هنا لو كانت قالت مش كان حد ادخل بدل اللى احنا فيه ده
محمد / طب هنفضل على السلم كدا لا هنقدم و لا هناخر خلينا نطلع نشوف هنعمل ايه
على/ اعذرنى يا عمى انا الحيطان طابقه على نفسي و فى شياطين بيلعبوا فى دماغى هروح احاول اشوف اى سكه امشي فيها
محمد / ربنا معاك لو فى اى جديد هكلمك
على / ياريت عن اذنك
على ينزل و محمد يطلع
……………….
فى فيلا عدنان
حسام/ و انت جايبنى هنا عشان تقولى استنى
عدنان / محتاجين شويه وقت ليراجعوا كاميرات كل الطرق الواصله بهاد الاوتوستراد احنا همنا مو سياره بعيناتها نحنا بندور على ابره بكومه قش
حسام / بس اوصاف الست معانا يعني
عدنان / شو اوصافها قلى بالله شو … لا تعتل هم انا خبرتك راح نلاقيها بس بدى شويه وقت
حسام / انا متاكد ان زياد الكلب ده له يد فى الموضوع
عدنان / و انا مانى ساكت و حاطه تحت عيني بس هو اكيد مانه غبى ليروحلها هلا لازمن يطمن انه مافى حدا بيتبعه
حسام / احنا نجيبه نديله علقه موت لحد ما يقر بمكانهم
عدنان / بدك تضيعهم من بين ايديك الله معك بدك تلاقيهم اصبر
حسام يبص الناحيه التانيه و ينفخ
…………………
فى القريه
ندى بتتمشي فى الاوضه حبيبه تعيط ندى تجرى تشيلها و تهزها و تتمشي بيها و تطلع بره تلاقى خديجه نايمه فى اوضتها تروح تقعد جنب الشباك بره و تبص على الجنينه ضلمه خالص
///////////////////////
ندى / يا ترى اخره اللى بعمله ده ايه … طب انا كدا بظلمك و لا بعمل لمصلحتك … اكلم مين و لا اروح لمين بس يا ربى … ما انا اكيد مش هفضل هنا علاطول بابا و علاجه و لا حبيبه .. طب لو عيت منى و لا الفلوس اللى معايا خلصت … طب لو بلغ البوليس … ارفع قضيه و اطلق … طب لو خد منى حبيبه … و ان خلتنى مداريه و لقيت شغل ما هيجي يوم و حبيبه هتدخل المدرسه … انا ايه اللى عملته فى نفسي ده بس يعني ما كانش فى طريقه اربيه بيها غير دى… انتى هتنخى من اولها عاوزه ترجعيله عشان يفضل يديكي فى بلابيع تانى كان بيتفرج عليا و انا زى العروسه فى ايده بيحركنى على مزاجه … ازاى اعيش معاه و انا مش حاسه بالامان … و انتى من امتى حسيتي معاه بالامان يعني ايه اللى جد … يعني دى حلاوه روح بشحطط نفسي انا و اللى معايا دول على الفاضي … هلف الف و ارجعله تانى … هتفقدى الامل كدا من اولها اصبرى حاولى مره و اتنين و تلاته و مليون لازم تحاربى عشان تبعدى الحيوان ده عن حياتك… ازاى بس ازاى
خديجه تطلع من اوضتها
خديجه / لساتك فايقه يا ندى
ندى تبصلها
ندى / صحيتك انا اسفه
خديجه / لا والله كان بس بدى كاسه ماى
خديجه تروح تقعد جنب ندى و تبصلها
خديجه / لساتك عم تفكرى فى اللى راح يجرى
ندى / خايفه اوى و حاسه انى تايهه هو زياد جابلك بنات زيي قبل كدا
خديجه / لا بس زياد ساعدنى كتير هون بالضيعه وقف حدى وقت ما كان حدا لحدا تكرم عينه شو ابضاى
ندى / طب تعرفى هيجي امتى
خديجه / لا ما بعرف حتى لما تلفنلى ما كان رقمه و خبرنى انه هو اللى راح يكلمنى لما يطمن ان ما فى حدا بيلاحقه
ندى / يبقي عمره ما هيجي انا جوزى عمره ما هيسكت و لا هيسيبنى
خديجه / ما فى حدا بده يترك هالجمال
ندى / تعرفه انه ابن عمى
خديجه تستغرب
ندى / بس ما فيش حد اذانى قده خلانى افقد الثقه فى كل الناس كل كلامه كدب و كل حياتى معاه مؤامرات دا كان بيحطلى ادويه فى الاكل و الشرب عشان يجبرنى اعمل حاجات انا مش عوزاها
خديجه / شو هيدا
ندى / اجبرونى عليه عشت معاه اسوء ايام حياتى ما خلاش حاجه ما عملهاش بس كل ده مش مهم المهم انه قدام الناس احسن زوج فى الدنيا احلى اكل و اغلى لبس و اريح عيشه بس طول ما انتى بتقولى حاضر و نعم زعلتيه بقي دا لو قدرتى يبقي تنضربى و انتى اللى نرفزتيني لكن انا عمرى ما هاذيكي انا بحبك مره تكتشفى انه بيحط منوم و مره حبوب هرمونات دا خانى بقولك ما سبش حاجه ما عملهاش حتى الاغتصاب اقولك حاجه انا شلت الرحم رمانى فى الصحرا و البت دى فى بطنى فى الامارات و قطع بسبورى و ضربنى و سابنى و انا فيا الطلق على الطريق و نزل مصر فضلت انزف ساعات بموت لحد ما ربنا بعتلى اللى ينجدنى انا و البت دى عشان لينا عمر
خديجه تطبطب عليها ندى تنفعل
ندى / لا انا ما صدقت حد يسمعنى انا ما صدقت اتكلم انا ما حدش بيسمعنى ما حدش بيصدقنى الكل بيسكتنى عيشي ربى بنتك دا نزل مصر و اتجوز بنت عمتى و قالهم انى هربت مع عشيقي سرقته و هربت قتلنى و نزل يتجوز و يغلط فى شرفى سبيني اتكلم ابوس ايدك يمكن ارتاح يمكن لما افتكر اللى عمله فيا قلبي يقوى و اخلص من الحيره اللى جوايا دى انا تعبت
خديجه / اهدى يا بنتى روقى والله
ندى تعيط
ندى / حتى لما نزلت مصر ما سابنيش جبرنى ارجعله تانى شل ابويا و موت امى بقهرتها فرق بيني و بين الانسان اللى حبيته بس حتى ده ما كانش يستاهلنى قعد يقولى بحبك بحبك و فى الاخر راح اتجوز اخت جوزى و متهنى انا اللى بعانى هنا انا الوحيده اللى بتعذب
خديجه تاخدها فى حضنها
خديجه/ لا تعتلى هم والله ما بسمحله يقرب منك لا تخافى
ندى / انا تعبت تعبت اوى تعبت
خديجه تطبطب عليها و هى بتعيط
…………………….
فى المحل عند على
على واقف فى الشارع بيبص على بلكونة ندى
/////////////
على/ سامحيني يا ندى سامحينى على عجزى و ضعفى … ضغطت عليكي خليتك تبعدى و سبتك تحت رحمته لما خلاكى تهربى … سامحيني يا ندى سامحيني
///////////////
عمر يركن العربيه و ينزل منها على يشوفه يستغرب
عمر / انت كويس يا ابنى
على / انت ايه اللى جابك
عمر / اول ما عرفت الخبر جيت جرى قولت اكيد مش هتسكت
على / انا بموت يا على هتجنن المحامى ما ريحنيش بس قالى السفر للبنان مش محتاج تاشيره بفكر اسافر ادور عليها
عمر / رجعنا للجنان تانى طب المره اللى فاتت كنت عاذب و هو كان هنا انما دلوقت هو قالب عليها الدنيا هناك و هنا نور تقدر تقولى هتعمل معاها ايه هتقولها ايه انا جيت مخصوص طيران من اسكندريه عشان افوقك من الجنان اللى انت فيه ده
على يصرخ فيه
على / و ان ما كانتش هربت ان كان قتلهم و لا اذاهم ان كان بيكدب عاوزنى اثق فيه ازاى كان بيخونها يخلص منها و يكمل حياته معملهاش قبل كدا ما عملهاش ما رمهاش و ما بصش وراه انت ايه ما بتحسش
العمال و الناس كلهم مركزين مع على عمر يشده يركبه العربيه و يسوق و على نازل ضرب فى الباب و التابلوه
عمر / و انت فاكر ان جنانك ده هيوصلك لحاجه اهدى كدا و خلينا نعرف نفكر
على / اعمل ايه قولى اعمل ايه اعمل ايه
عمر / تهدى و تفكر
على / مش عارف
عمر / ما كلمتش أية من فتره و أية حاولت تكلمها ماسنجر كذا مره مش اونلاين
على / عارف نور كمان حاولت كتير اوى
عمر / طب انت وضعك مع نور ايه قولتلها ايه هتقولها ايه طب هى عامله معاك ايه وضعها ايه
على / كلنا منهارين كلوا متوتر و فى عرض خبر
عمر / طب اهدى كدا و خلينا نعرف نفكر هتقول ايه لنور ما تنساش انها مراتك مش طبيعي ابدا انك تكون قلقان على بنت عمها بالشكل ده
على / انا ما عدتش عارف هعمل ايه
عمر / هنروح البيت هقولها ان أية هتتجن عليها و خلتنى انزل مصر مخصوص لو عاوز تسافر لبنان لازم تاخد نور معاك نور هى اللى هتدور عليها عشان حسام ما يبقاش لوحده هناك انت فاهم و لا لا
على / أية كان عندها حق والله كان عندها حق
عمر / مش فاهم
على / كنت مستنى يعمل ايه اكتر من كدا عشان اقتله كان عندى ايه اخاف عليه
عمر / على اعقل انت متجوز و فى رقبتك عيلين مسنودين عليك مش هتستفيد حاجه من جنانك ده
على / و هو خلى فيا عقل خلى فينا عقل هو انت ما اتاذتش منه ما خسرتش ابنك بسببه ما اتعرتش بسببه
عمر يركن العربيه و يبص لعلى على يبصله
عمر / انت عاوز ايه قولى عاوز ايه عمال تخبط يمين و شمال و هتضيع كل اللى بنيته انا مقدر خوفك على ندى مقدر كرهك لحسام بس نور بتحبك و انت كمان بتحبها و فى طفلين زى الملايكه روحت جبتهم و علقت حياتهم بيك انت عندك عيله و انا كمان أية حامل و هيبقي عندى عيله انا و انت ما عدناش اتنين بطولنا لازم نهدى و نفكر انا هاخدك للبيت اتكلم مع نور بهدوء قولها لو عاوزه تسافر لبنان تقف جنب اخوها انت مستعد خليها تيجى منها هى
على ساكت و باصص قدامه
عمر / ندى بخير انا متاكد انها ما عملتش الخطوه دى الا اما درستها كويس اكيد مش هتبهدل ابوها و بنتها يعني
على يبتسم
على / ليه مش هى نفسها ندى اللى خدت بنتها لحمه حمره و نزلت فى نص الليل هربانه من البيت … يا ريتني سبتها تهرب وقتها ياريتني ساعدتها
عمر / يا ريتنا عملنا حاجات كتير كان ممكن تفرق معانا دلوقت بس ياريت مش بتقدم و لا تاخر لازم نهدى و نركز و نشوف هنعمل ايه لازم نهدى
على / اطلع بينا على البيت
عمر / تمام لعل و عسي يكون في اى اخبار
على يبص من الشباك عمر يسوق
………………….
فى شقه حسام
حسام قاعد فى الصاله و الغضب ماليه
////////////////////////
حسام / ماشي يا ندى اما دفعتك تمن غدرك ليا غالى اما خليتك تبكى بدل الدموع دم ما ابقاش انا … اهدى يا حسام اهدى و فكر الاول هتربى هدايه ازاى هدايه هى عدوتك الاصليه مش ندى … و هو مين وصل الصور دى لهدايه مش عدنان … لا انت انت اللى لعبت على كل الحبال فوقت واحد انت اللى كان عندك كل حاجه و ضيعتها … و هترجع كل حاجه هترجع
///////////////////////
جرس الباب يضرب حسام يقوم بلهفه
حسام / ندى
حسام يجرى يفتح يلاقي هدايه
هدايه / انا عارفه انك زعلان
حسام يقفل الباب فى وشها و يدخل
حسام/ و ليها عين تيجي لحد هنا كمان
………………..
فى شقه نور
امانى / تسافروا فين دا بدل ما توفروا كل قرش للعمليه و بعدين هى مش تايهه و انتوا رايحين تدوروا عليها دى هربانه قلبت الواد فى اللى حيلته و خلعت
عمر / ما هى قلبته قبل كدا فى الامارات مش كدا برده يا طنط
امانى / حسام هناك قالب عليها الدنيا انتوا بقي عاوزين تشحطتوا بنتى كمان معاكوا ليه
على يبص لنور
امانى / ما تبصلهاش عاوز انت تسافر سافر لوحدك
عمر / و على ماله اصلا الحق عليه يعني عاوز يخدم
محمد / كتر خيره
امانى / بيته اولى بخدماته
على / وبيتي مش ناقصه حاجه
محمد / ربنا يزيدك يا ابنى ما حدش يقدر يتكلم
على / احنا كلنا اتوترنا زياده عن اللزوم و كمان الوقت اتاخر انا بقول نرتاح كلنا و الصباح رباح
محمد / انا شايف كدا برده يلا يا امانى
عمر / انا كمان هستاذن
نور / هتروح فين دلوقت الوقت اتاخر و اكيد شقتك مكركبه خليك و لا ايه يا على
على / البيت بيته مش محتاج عزومه يعني
نور / انا هدخل انقل نغم معانا فى الاوضه و انت ادخل نام جنب يس السرير ميه و عشرين هيساعيكوا ما تقلقش و لو
عمر / لا هيساعى دا يس كله على بعضه قد كدا
على / هقوم اجبلك بجامه من عندى
على و نور يدخلوا جوه عمر يبص لامانى قاعده تقوم تقف و تمشي مع محمد
…………………
عند ندى تانى يوم
ندى نايمه جنب ابوها و حبيبه فى النص حبيبه تزمزق ندى تفوق و تشيلها مصطفى يصحى
ندى / صباح الخير يا بابا عامل ايه
مصطفى يهز راسه
ندى / انت ما خرجتش من الاوضه الجنينه بره حلوه اوى و الجو و الشجر منظر يرد الروح ايه رايك تطلع تقعد بره شويه تغير جو
مصطفى يهز راسه لا
ندى / انت زعلان منى
مصطفى يهز راسه لا
ندى / انت ما تعرفش كان بيعمل معايا ايه حاولت والله حاولت بس تعبت اتخنقت جيت على نفسي و كرامتى لما بقيت فى الارض ما حدش كان مصدقنى … نور … نور بتقول عادى بس اتاكد انى كنت صح ان احاسيسي العجيبه دى ما كانتش طبيعيه زى ما حاولوا يقنعونى رجع لحركاته الزباله تانى … عارف مين اللى قالتلى هدايه الكلبه اللى كان بيخونى معاها
مصطفى يعدى ايده من على شعر ندى
ندى / باسبورى معاه مش هعرف ارجع مصر و لو واجهته و اتعصب هيضربنى ما حدش هنا هيحوش عنى ما كانش قدامى حل تانى مش قادره اعيش معاه مش قادره
مصطفى يبص فى الارض و حبيبه تعيط
ندى / هرضعها و اقوم اجبلك تفطر اكيد يا قلبي جعان انت ما اكلتش حاجه و ليك دوا انا اسفه انى بهدلتك معايا اوى كدا بس خفت اسيبك ليه ينتقم منى فيك و خفت تقلق عليا و اهو نبقي مع بعض
مصطفى يطبطب على ندى تروح تقعد فى جنب
ندى / خلاص يا ستى معلش اتاخرنا على جنابك
ندى ترضع حبيبه
………………….
فى الشركه
حسام يدخل مكتب عدنان من غير استاذان يلاقي هدايه قاعده
حسام / اطلعى بره
هدايه / انت اتجننت
حسام يبص لعدنان
حسام / يا انا يا هى فى الشركه
هدايه تقوم تقف
هدايه / مش بقول اتجننت
حسام / انتى عارفه انى بعمل كل ده عشان ندى و بما انها راحت فما عدش عندى اللى اخسره و نروح كلنا فى داهيه و خلاص
هدايه / و من غيرى مش هتقدر ترجعها
عدنان / هدايه
هدايه تبصله
عدنان / اتركينا لحالنا شوي
هدايه تبص لحسام مبتسم
عدنان / سويلنا كاستين عصير من يديكى الناعمه تروق على قلوبنا
هدايه / عصير !!
عدنان / هدايه
هدايه / امرك يا عدنان بيه
هدايه تطلع بره عدنان يشاور لحسام يقعد حسام يقعد
عدنان / انا مقدر وضعك بس انا اليد اللى عم توجعنى بقطعها
حسام يبص لعدنان
عدنان / اللى صار هلا مو راح يتكرر اتفقنا حسام
حسام / احنا ما اتفقناش انكوا هتغدروا بيا
عدنان / هدايه ما سوت هالشى من حالها انا اللى خبرتها
حسام يبص لعدنان بغضب
عدنان / بالله ما كنت مفكرها راح تسوى هيك بس ما تعتل هم راح ردلك اياها سالمه غانمه
حسام / كتر خيرك اعرفلى بس مكانها و الباقي عليا
عدنان / خبرتك ما تعتل هم لو ابره بكومه قش هجيبلك اياها هاى ارضي و ما فى كبيره و لا صغيره بتجرا فيها ما بعرفها
حسام / و اديني مستنى
حسام يقوم يقف هدايه تدخل شايله صينيه العصير حسام يعدى من جنبها تروح تحط الصينيه على المكتب
هدايه / على اخر الزمن ده اللى هيمشينا
عدنان / مسكين بالله لا تكونى هيك قاسيه ههههههههههه
عدنان يقوم و ياخد هدايه فى حضنه
عدنان / حقك على راسي
هدايه / انت متمسك بالبتاع ده ليه هو فاكر نفسه واحد مننا بجد دا لسه جاى من يومين و ياما جه قبله و ياما هيجي بعده
عدنان / بس ما حدا فيهم وصل للى وصله حسام بهيك فتره قصيره لا تنكرى عليه ذكائه
هدايه / بس كدا هيشوف نفسه علينا مش هنعرف نحكمه بعد كدا
عدنان/ لا تعتلى هم انا بعرف كيف اتعامل معه
هدايه / انت حر
عدنان / ما بحب اشوفك مضايقه فرجيني اللؤلؤات البيض
هدايه تبتسم
عدنان / ناوليني كاسه العصير و روقى مانها مستاهله بكره راح فرجيكي كيف بساويه عالجوانب
هدايه تتعلق برقبه عدنان
هدايه / عارفه امال انا ليه بحبك اوى كدا
عدنان يبتسم هدايه تناوله العصير
……………….
عند ندى
ندى بترص الاكل على الترابيزه خديجه تدخل
خديجه / تكرملى عيونك تعبتى حالك
ندى / صحيت ما لقيتكيش يعني اعتبرت نفسي صاحبه مكان و عملت لقمه يارب اكلى يعجبك انا مش شاطره اوى فى شغل البيت
خديجه / هيدا موسم التوت هون اطيب توتات ما فيكي تلاقى متلون باى مكان جبتلك معى شوي تروقى على قلبك بس بعد ما راح ناكل هالاكل الطيب يابيى على هالريحه ما اطيبن
ندى / هههههههههه طب ما تقعدى ناكل سوا ثوانى هجيب طبق كمان بابا اكل و حبيبه نايمه يعني روقان السنين
خديجه / طبعا راح اقعد ما فيني فوت هالفرصه بعمرى
ندى / هههههههههههه
خديجه و ندى يقعدوا ياكلوا
خديجه / يا بيي يا بيي عم تضحكى علي قال مانك شاطره قال
ندى / الف هنا … انا عارفه انك اكيد ما لحقتيش بس يا ترى عملتيلى حاجه فى حوار الشغل انا مش هينفع اقعد فى البيت كدا و حضرتك اللى شيلانا و انا الفلوس اللي معايا مش هتعيشنا العمر كله و مش هقدر اتقل على حضرتك اكتر من كدا
خديجه / بالله نزعتى خلقى حتى اللقمه ما بتهنيني عليها هيدا بيتك ما تحكى حكى فاضي ما لى خلق اسمع بدى بس اكل
ندى / تمام
خديجه / على فكره المعلم ذكى صاحب الارض ابضاى ابن حلال خبرته عنك و وافق تنزلى معى الشغل
ندى / بجد هشتغل ايه … و حبيبه ما اعترضش انى معايا بيبي
خديجه / عنا بالضيعه هيك اشي عادى لا تعتلى هم
ندى / طب انتى قولتيله ايه عنى
خديجه / خبرته انك رفيقتى من مصر و جيتي هون و حابه تشتغلى شو فيها يعني
ندى / طب مش هيطلب ورق مش هيطلب اى حاجه انا ما عييش اى حاجه
خديجه / لا تعتلى هم ربك بيدبرها
ندى / و نعم بالله … هو زياد ما اتصلش بيتهيالى نشوف محامى شاطر نتكلم معاه عشان اقدر الاقى حل بس مش عارفه خايفه اخد اى خطوه حبيبه تدفع تمنها و اكيد مش هفضل هربانه علاطول
خديجه / والله ما بعرف فكرت كتير فى هالقصه بس
ندى / انا ممكن اخليني مداريه شويه لحد ما ارتب أمورى بس برده اكيد هحتاج لورق لازم حد يساعدنى اطلع ورق او الاقى طريقه اجيبه بيها من غير ما جوزى يعرف مكانى
خديجه / ما راح كدب عليكي مانها سهله بس ما فى شى اسمه مستحيل علالله ربك بيدبره
ندى / و نعم بالله
………………….
فى شقه اسماء
جرس الباب يضرب اسماء تفتح تلاقى أية شايله صينيه عليها رز بلبن
أية / انتى زعلانه منى
اسماء / ادخلى تعالى
أية / تعالى انتى تحت عمر مسافر مصر و لسه ما جاش تحت هنبقي على راحتنا اكتر ايه رايك
اسماء / ماشي ثوانى هجيب المفاتيح و انزل معاكى
اسماء تاخد الصينيه تحطها على السفره و تجيب الموبايل و المفاتيح تكون أية سبقتها على تحت و فتحت الباب أية و اسماء يدخلوا أية تقفل الباب و تقلع النقاب
اسماء / انتى عارفه انى زعلانه منك صح
أية / يا اسماء انا مش بنبسط وسط الناس
اسماء / ما انا ناس على فكره
أية / لا انتى واحده بس انا مش اجتماعيه التجمعات بتوترنى انا حتى مش بنزل السوق بخاف من الزحمه
اسماء / و اخرتها يعني ما حدش بيعيش لوحده
أية / يا ستى انتى شاغله نفسك بيا ليه ما ينفعش نبقي صحاب نتسلي شويه مع بعض بدل ما كل واحده قاعده لوحدها
اسماء/ يا أية انا عامله عليكي ما حدش طبيعي بيعمل كدا
أية / و مين قالك انى طبيعيه دا انا مجنونه رسمي يا بنتي ههههههههههههه
اسماء / لا و انا اشهد اوى
أية / هتفضلي واقفه كدا ما تقعدى
اسماء تقعد
أيه / هجبلك رز بلبن بقي تدوقيه و خلى اللى فوق لما استاذ شريف يرجع
اسماء / صحيح مش جوزك شغال فى الموبايلات اخويا كان عاوز واحد قسط و لا انتوا ما بتقسطوش
أية / و الله ما اعرف بس لما عمر يجي هساله ثوانى بقي اجيب حاجه نتسلى بيها على ما تشوفيلنا فيلم حلو نتفرج عليه
……………….
فى شقه نور
على يدخل نور تجرى عليه
نور / اتاخرت كدا ليه قلقتنى عليك و فين عمر
على / عمر رجع اسكندريه مش منطقى ابدا انه يسيب أية لوحدها هناك و جوده هنا مش هيفرق لا معانا و لا مع ندى
نور / كلمت المحامى
على / ايوه كلمتى حسام
………………….