رواية نظرة أمل الفصل الأول 1 بقلم هيام ختعن

رواية نظرة أمل الجزء الأول

رواية نظرة أمل البارت الأول

رواية نظرة أمل الحلقة الأولى

الحلقه(1)
في يوم ما فاقت من نومها لاقت نفسها ع فراش في مستشفي بدأت تفتح عيناها تدريجيا، ونظرت الغرفه ووجدت نفسها في العنايه موضوعه تحت اجهزه بدأت تفكر ماذا حدث معها ؟
فلاش باك
قامت من نومها ع رنت هاتفها المحمول.
ندي. : الوو
ياسين. : اي ي روحي انتي لسه نايمه
ندي. : بصوت هادئ. ايوه كسلانه جدا لدرجه اني مش عايزه اقوم من السرير.
ياسين. : يلا قومي انا اخدت اجازه من الشغل ويلا نخرج.
ندي. : بلاش نخرج بجد مزاجي مش احسن حاجه وحاسه أن في حاجه حتحصل وقلبي مقبوض.
ياسين. : ياستر ي رب اي ي بنتي مالك قومي كده وفكيها انا خلاص قررت أننا نزل قدامك نص ساعه تكوني جاهزه.
ندي. : باستسلام تمام
وانهت ندي المكالمه مع خطيبها ،وكان احساس الخوف أن في حاجه حتحصل مسيطر عليها ،وفعلا قامت من غرفتها وطلعت لوالدتها.
ندي. : صباح الخير يا ماما
منال : صباح النور ي حبيبة ماما وبابتسامه كل دا نوم ي نودي
ندي. : والله يا ماما انا حلمت حلم وحش اووي قومت من النوم مخضوضه جدا وعندي احساس أن في حاجه حتحصل وياسين كلمني وعايزنا نخرج وانا الصراحه ماليش مزاج بس مش عايزه ازعله
منال. : خدتها في حضنها خير ي حبيبتي قومي انزلي مع خطيبك وغيري جو.
ندي. : بدلتها نفس الحضن حاضر ي حبيبتي
وفعلا قامت ندي لبست وجهزت ،وكانت واقفه في نافذ غرفتها تنتظر ياسين بس كانت شارده في الحلم، وكان خوفها مسيطر على تفكيرها وفاقت من شرودها ع صوت جرس هاتفها نظرت لي وفصلت المكالمه وخرجت من غرفتها وودعت والدتها ونزلت لياسين.
ياسين. : اي الجمال دا
ندي. : بابتسامه شكرا
ياسين. : مد ايديه ليها يلا هاتي المفاتيح بتاعت العربيه
ندي. : مدت ايديها لي بالمفاتيح اتفضل
وركبوا العربيه وبدأ ياسين يتحرك وأخذها وذهبوا الي سينما وقضوا وقت جميل وكان ياسين سعيد بالفيلم وخرجوا من السينما وركبوا العربيه
ياسين. : وهو بيحرك ايديه قدام عنيها اي ي بنتي انتي فين
ندي. : انتبهت لي بتقول حاجه
ياسين. : بقول حاجه انتي مش معايا خالص في أي مالك
ندي. : مافيش ماانا قولت للك اني حلمت حلم وحش
ياسين. : حلمتي باي طيب
ندي. : بصت لي حلمت اني في مكان مهجور وكنت بصرخ وماحدش كان سامعني لحد ما أغمي عليا
ياسين. : مسك ايديها ماتخفيش ي روحي انا جنبك
ندي. : ديما ي رب جنبي
ياسين. : بابتسامه انا عارف ايه اللي هيخليكي مبسوطه
واتحرك ياسين اتجاه البحر ،وركن السياره ونزل ،واتجه اتجاه باب السياره اللي راكبه في ندي وفتح لها الباب ونزلت و مسك ياسين ايديها وكان ماشى وهي خلفه وكان بيعدي طريق البحر ويأتي موتوسيكل مسرع يخبط ندي يدفعها لمسافه بعيده تسقط ع الأرض اتجه نحوها ياسين
ياسين. : بعيون مليانه دموع ندي رودي عليها
ندي: نظرت لي بنظره وداع وصوت متألم ياسين انا بحبك
واغمضت عيناها وفقدت وعيها وفضل ياسين يصرخ باسمها واجتمعت الأشخاص واتصل أحدهم بسياره الإسعاف
باك
الممرضه. : حمدالله علي سلامتك
ندي. : بصوت متعب الله يسلمك هو ياسين فين
الممرضه. : متساله ياسين مين ؟
ندي. : خطيبي
الممرضه. : اها الاستاذ اللي جابك المستشفي هو بره وولدتك كمان موجوده
ندي. : طيب عايزه اشوفهم
الممرضه. : الدكتور مانع عنك الزياره هقوله انك فوقتي وارجع للك تاني
خرجت الممرضه من العنايه ونادت علي الدكتور ودخلها الدكتور وخرجها من العنايه لاوضه خاصه
منال. : حبيبتي الحمد لله انك فوقتي انا كنت هموت من غيرك الف حمد وشكر ليك ي رب
ندي. : الحمد لله انا كويسه اطمني هو ياسين فين
منال. : بره مع الدكتور
وفي الوقت دا دخل ياسين والدكتور الي الغرفه اللي فيها ندي
الدكتور. : عامله اي
ندي. : الحمد لله بس مش حاسه برجلي خالص
منال. : بصت لها بخوف ازاي يعني ي حبيبتي
الدكتور. : لحظه من فضلك ووجه نظره لندي انتي عارفه أن اي حاجه ربنا بيديهالنا بتبقي خير لينا ولازم نبقي راضين عنها صح
ندي. : بصت للدكتور بنظرت استغراب من كلامه وكانت خايفه تسمع الكلام اللي جاه في بالها
الدكتور : مع الاسف انتي النخاع الشوكي بتاع انقطع ومش هتعرفي تمشي تاني
نزل الكلام كالصاعقة علي آذانهم وكان عقولهم غير مدركه باللي حصل
منال. : بدموع لا الله الا الله ي رب صبرنا وقوينا علي ابتلائك
ندي. : بانهيار شديد انت اكيد بتكدب عليا خرجوني من هنا ودوني لدكتور بيفهم انا مش هقدر ي رب انا مش هستحمل دا انت عاطيني حاجه اكبر مني
الدكتور. : اهدي شويه انا عارف انها حاجه صعبه عليكي بس دا بلاء من عند ربنا وان شاء الله تكوني قده
ندي. : بصت لياسين اللي ساكت انت اكيد هتسيبني صح
ياسين. : لا انا جنبك ماتخافيش
وبدأ ياسين يطمنها أنه معاها ومر اسبوع وخرجت ندي من المستشفي و روحت بيتها
منال. : تحبي تأكلي اي ي حبيبتي
ندي. : اي حاجه
منال. : قعدت جنبها علي السرير انا حاسه بيكي وعارفه أنه صعب عليكي بس دا أمر ربنا واحنا لازم نكون راضين بيه وملست علي شعرها انتي بنت جميله وقلبك طيب وربنا اخد مننك حاجه اكيد هيعوضك بحاجه تانيه ارضي يا بنتي
ندي. : حضنت امها ونزلت دموعها انا حياتي وقفت خلاص بقيت شخص عاجز مافيش منه اي منفعه وخوفي أن ياسين يسيبني وانا مش هقدر علي دا احنا كان فرحنا كمان شهرين وكنا بنجهز شقتنا دلوقتي انا بقيت في السرير وبتشاور علي الكرسي المتحرك اللي قدام سريرها حتي عشان اقعد ع دا لازم حد يشيلني
منال. : الحمد لله ي ندي احنا مش بأيدينا حاجه نعملها غير أننا نصلي ونقرب من ربنا وتدعي أنه يهون علينا ويجعلنا راضين وصابرين علي اقدارنا
وقطع حديثهم صوت جرس الباب وقامت منال فتحت الباب وكان ياسين
ياسين. : عامله اي
منال. : الحمد لله بخير انت عامل اي
ياسين. : بخير الحمد لله ندي عامله اي
منال. : بحزن نفسيتها وحشه اووي ي ياسين ماتعالي ناخدها نخرجها
ياسين. : بدأ يبان عليه علامات توتر وتردد في ملامحه مش هتكون مبسوطه عشان وضعها وجودها في البيت احسن
منال. : بصت لي باستغراب وسألته انت محرج انك تخرج معاها كده؟
ياسين. : بابتسامه بيداري فيها توتره لا خالص انا عامل عليها هي مش اكتر
بدأت منال تفكر هو محرج أنه يخرج معاها وهي كده مش المفروض هو اللي يعمل دا من نفسه مش المفروض هو يكون الدعم النفسي ليها وفاقت من شرودها ع صوت ياسين
ياسين. : هي ندي صاحيه ادخل لها
منال. : هزت راسها ايوه ادخل لها وانا هجيب لها حاجه تاكلها
ياسين. : لا انا جايب اكل من بره ندي بتحبه ممكن تعملي عصير
منال. : طيب
ودخل ياسين لندي وذهبت منال للمطبخ تعمل العصير بس كان مسيطر عليها رد فعل ياسين
ياسين. : بيخبط ع الباب ادخل ولا اي
ندي. : بابتسامه طبعا ادخل
ياسين. : القمر بتاعي عامل اي النهارده
ندي. : بحزن هكون عامله اي يعني زي ما انت شايف
ياسين. : بيشاور عليها انا شايف قمر قدامي وفتح الكيس الورقي اللي فيه سندوتشات ومد ايديها ليها بساندوتش
ندي. : مدت ايديها لي شكرا
ياسين. : بقولك ي روحي كنت عايز منك مبلغ كده عشان لسه ماقبضتش
ندي. : حاضر افتح الدرج اللي وراك هتلاقي فلوس خد اللي انت محتاجه
وفعلا فتح ياسين الدرج واخد فلوس منه وفي الوقت دا دخلت منال بالعصير وقفل ياسين الدرج بسرعه وكان متوتر جدا
منال. : بصت لي نظرات كلها شك العصير
ياسين. : قام اخد منها الصينيه تسلم ايدك
منال. : بنفس النظرات الف هنا ووجهت نظرها لندي أكلتي ي حبيبتي
ندي. : ايوه الحمد لله
منال. : الف هنا طيب انا هقوم اعمل كام حاجه في البيت وانت يا ياسين خلي بالك منها
ياسين. : بيشاور ع عنيه في عنيا طبعا
وخرجت منال من الغرفه وكانت بتفكره هتعمل اي لو ياسين دا طلع مكمل مع بنتها عشان الفلوس وكانت بتقول لنفسها انا لازم اعمله اختبار والتأكد
ياسين. : انا حاسس ان مامتك اخدت بالها اني اخدت منك فلوس
ندي. : لا ي روحي مااعتقدتش ماما مش يتركز في كده
وفي الوقت دا جاه لياسين رساله ع الواتساب
سلمي. : اي ي روحي انت فين
ياسين. : انا في مشوار نص ساعه واجي
سلمي. : يعني اجهز واستناك
ياسين. : ايوه
وفاق ع صوت ندي
ندي. : بتكلم مين
ياسين : بتوتر لا دا في الشغل عايزين ضروري
ندي. : بزعل انت هتمشي وتسيبني
ياسين. : مسك ايديها مااقدرش اسيبك ي روحي بس غصب عني عندي شغل بقولك اي ي روحي كنت عايز اطلب منك طلب
ندي. : اتفضل
ياسين. : كنت عايز مفاتيح العربيه لو ينفع عشان عايزين ضروري وانا كده هتاخر في المواصلات
ندي. : بابتسامه طبعا عندك المفاتيح علي الترابيزه خدها
ياسين. : قام طيب ي روحي ربنا ما يحرمني منك هاجبهالك بكره
ندي. : ماشي
وودعها ياسين ونزل واول ما نزل وقفت منال في النافذه تنظر منها وشافته وهو بيركب السياره وبدأ الشك يزيد جواها وفضلت شارده لحد ما فاقت ع صوت ندي بتنادي عليها
ندي. : من جوه الأوضه ماما ماما
منال. : نعم ي حبيبتي انا جايه اهو
ودخلت منال ليها
ندي. : متساله انتي كنتي فين
منال. : كنت واقفه في البلاكونه بس لاقيت ياسين ماشي بالعربيه فاستغربت
ندي : ايوه ما هو جاله شغل ضروري وطلب العربيه فقولت له ماشي
منال. : هو ياسين بياخد منك فلوس
ندي. : سكتت وكانت بتفكر لو قالت إنه بياخد منها فلوس ع طول هعمل مشكله بيني وبين ماما بياخد بس مش ديما ولو اخد بيرجعهم تاني
منال نظرت لعيون بنتها وكانت عارفه انها بتكدب عليها عشان تداري علي ياسين وذاد الشك جزاها اكتر
منال : انتي مافيش حد من صحابك كلمك
ندي. : بيكلموني وانا مش يرد
منال. : ليه مش بتردي
ندي : بحزن مش عايزه اشوف نظرات شفقه منهم اني عاجزه
منال. : انتي لي ي حبيبتي بتفكرني كده ماتعالي نشوفها أنهم بيحبوكي وعايزين يكونوا جنبك
ندي. : بعيون دامعه انتي حاسه بيا
منال. : قربت منها وخدتها في حضنها طبعا حاسه بيكي وبحلول اساعدك بس انتي رافضه تساعدي نفسك
ندي : مش هعرف اعمل حاجه خالص حياتي وقفت
وفي الوقت دا رن هاتفها باسم ياسن مسكت الهاتف ونظرت لوالدتها
ندي. : دا ياسين
منال. : قامت طيب رودي عليه انا قاعده بره لما تخلصي نادي عليا
ندي. : حاضر
وفعلا خرجت منال وسابتها تكلم ياسين وقعدت منال تفكر وتقول لنفسها هعمل اي معاك ي ياسين ي خوفي لو طلعت عايز تكمل مع بنتي عشان فلوسها هتبقي صدمه كبيره اووي ليها ي رب دبرني اعمل اي معاه ي رب هون علينا واقف معانا احنا مالناش غيرك وفاقت من شرودها ع صوت ندي
ندي. : ماما
منال : نعم ي حبيبتي انا جايه
ودخلت منال ليها
منال. : بقلق مالك في اي
ندي. : بحزن ياسين بيقفل معايا في الكلام مش عارفه لي
منال. : بيقفل معاكي ازاي
ندي. : قالي أنه روح وهينام ولاقيته اون لاين ع الواتساب
منال. : طيب ممكن في شغل أو حاجه
ندي. : تفتكري
منال : حطت ايديها ع ايد ندي وبابتسامه ايوه ويلا نامي وريحي جسمك
وفعلا نامت ندي وفضلت منال تفكر ازاي تكشف ياسين علي حققته وازاي تخلي بنتها تبقي احسن ومر الليل بهدوءه واني نهار مشرق ملئ بالأمل والتفاؤل
ندي. : بصوت متألم ماما ماما
منال. : قامت مخضوضه اي ي حبيبتي مالك
ندي. : جسمي تاعبني اووي
منال. : طيب اهدي هجبلك حاجه تاكليها واديللك العلاج بتاعك
ندي. : ماشي
وقامت منال تحضر الفطار ومسكت ندي هاتفها وبدأت تفتح الرسائل بتاعت صحبها ودخلت علي رساله صحبتها المقربه نرمين
نرمين. : ندي حبيبتي طمنيني عليكي انا حاولت كتير اجي للك بس ياسين كان بيرفض يدخلني وحاولت اوصل لمامتك ماعرفتش انتي خرجتي من المستشفي ولا لا اول ما تشوفي الرسايل وتقومي بالسلامه كلميني
ندي. : انا كويسه ي نرمين والحمد لله خرجت من المستشفي وفي البيت ابقي تعالي
نرمين. : حمدالله علي السلامه انا هموت من القلق عليكي انا هلبس واجيلك
ندي. : ماشي مستنياكي
منال. : حبيبة ماما بتكلم مين
ندي. : دي نرمين بتقولي انها جات المستشفي وياسين ماخلهاش تشوفني
منال. : باستغراب لي
ندي. : معرفش هو مش بحبها وطول الوقت مش بيبقي عايزني اكلمها
منال. : غريبه رغم أن البنت كويسه
ندي. : مش عارفه
منال. : طيب يلا الفطري وانا هروح اخد شور واجي للك
وقامت منال وكانت بتفكر وبتربط كل الاحداث ببعضها ودخلت اخدت شور وفي الوقت دا جات نرمين
نرمين. : عامله اي ي طنط وندي عامله اي
منال. : الحمد لله بخير وبحزن ندي مابقتش بتمشي
نرمين. : بصدمه لي
منال. : الحادثه كانت قويه والنخاع الشوكي انقطع
نرمين. : دموعها نزلت زمانها تعبانه اوي ونفسيتها وحشه
منال. : ايوه بس هنعمل اي دا قضاء ربنا كنت عايزه أسألك عن حاجه
نرمين. : اتفضلي
منال. : هو لي ياسين ماخلاكيش تدخلي اندي
نرمين. : الصراحه ي طنط ياسين مش بيحب ندي هو بيستغلها وبياخد منها فلوس ديما وانا حذرتها كتير منه بس هي ماكنتش بتسمع كلامي وهو عشان كده مش بيحبني وكمان كان في حاجه عاوزه اقولها لك
منال. : بقلق قولي في اي
نرمين. : انا شوفت ياسين امبارح مع بنت وكانت راكبه معاه عربيه ندي وانا استغربت
منال. : بصدمه انتي متاكده
نرمين. : اه والله متاكده
منال. : انا شكي في محله انا حسيت بدأ وقلبي مكانش مطمن بقولك ي نرمين ماتقوليش حاجه اندي
نرمين. : اكيد طبعا مش هقول حاجه
منال : طيب يلا ادخلي اندي عشان ماتحسش بحاجه
وفعلا دخلت نرمين اندي واول ما شافتها ندي صعبت عليها نفسها ونزلت دموعها زي الشلال ونرمين ماعرفتش تمسك دموعها وقربت منها وقعدت جنبها ع السرير
نرمين. : سلامتك ي نودي
ندي. : شوفتي حصل لي اي ي نرمين انا بقيت عاجزه خلاص مش همسي تاني
نرمين. : حضنتها الحمد لله ع كل حال انا جنبك ي روحي وهنعمل كل حاجه انتي عايزاه
ندي. : تفتكري واحده زي هتعمل اي وهي في السرير
نرمين. : ولي تفضلي في السرير مااحنا ممكن نخرج
ندي. : أخرج ازاي وانا كده عايزه الناس تشوفني كده واصعب عليهم
نرمين. : انتي لي بتفكري كده في ناس كتير بتنزل وعايشه حياتها
ندي. : بس ي نرمين انتي مش حاسه بيا
نرمين. : لا حاسه بيكي وانتي لازم تبقي راضيه بالواقع وتتعايشي معاه
منال. : صح انا بقول كده
ندي. : انا مش هنزل من البيت
نرمين. : لي
ندي. : مش حابه حد يشوفني كده
قامت نرمين وقفت وجابت الكرسي المتحرك وحطته قدام السرير
نرمين. : وجهت نظرها لمنال ممكن تساعديني نقعد ندي ونخرج نقعد في الليفنج بره
منال. : بابتسامه طبعا يلا
وفعلا ساعدت منال نرمين في أنها تقعد ندي ع الكرسي المتحرك ونجحوا في كده وخرجت ندي معاهم لاوضه الليفنج اللي مادخلتهاش من يوم الحادثه
قربت ندي من النافذه ونظرت منها وافتكرت نفسها وهي بتقف عندها ديما تنتظر ياسين لما بيجي ياخدها عشان يخرجوا وبدات دموعها تنزل وفي الوقت دا شافت العربيه بتاعها ونازل منها ياسين فابتسمت
ندي. : ياسين جه
نرمين. : طيب انا همشي عشان ماتحصلش مشاكل بسبب وجودي
منال. : باعتراض لا هتفضلي
ندي. : مسكت ايديها بنظرات كلها ترجي ماتمشيش ي نرمين خليكي معايا انا محتاجه ليكي بجد
نرمين. : بابتسامه انا جنبك وعمري ي ندي ماهتخلي عنك انتي اختي وانا بحبك وبخاف عليكي اووي
منال. : ربنا يخليكم لبعض وبس بقي هتخلوني اعيط
وفي الوقت دا رن جرس الباب وراحت منال فتحت وكان ياسين واول ما دخل الليفنج شاف ندي قاعده ع الكرسي المتحرك ونظرت لي بعيون عاشقه وعلي وجهها ابتسامه واتفاجا ياسين بنرمين اول ما التفتت لي