رواية عشقت منتقبه الفصل الثامن 8 بقلم وفاء رشدي

رواية عشقت منتقبه الجزء الثامن

رواية عشقت منتقبه البارت الثامن

رواية عشقت منتقبه الحلقة الثامنة

بعد ما رن جرس الفيلا وكلهم استغربو ياتري مين اللى جاين لنا واحنا منعرفش حد راحت عنايات تفتح الباب وقفتها رحمه
رحمه:- استني انا اللى هفتح
فتحت رحمه الباب وإتفاجأت باللى شافته …… شافت مين اه تخمنها طلع صح الشاب اللى قابلته لا لا مش تخمين دا إحساس انه هو اللى على الباب ممكن يكون جاي عشان العقد اللى نسيته معاه ومشيت
*************
هيثم:- مساء الخير انا أسف أن انا جيت فى وقت زي دا من غير استأذان
رحمه:- مساء النور ماتقولش كدا البيت بيتك اتفضل تشرف فى أي وقت
هيثم:- شكرا ليكي دا وائل صديقي وصاحبي واخوايا ومحامي شركتي
رحمه:- اهلا بحضرتك تشرفنا
……. الشك عند رحمه زاد جايب صاحبه معاه وكمان محامي فى ايه بدأت تقلق وكمان …….مين دي مراته ودا ابنه ممكن لحق تفكيرها هيثم .
هيثم:- ودي هند مرات وائل صاحبي ودا كريم ابنهم
رحمه:- سمعت اسم كريم وركزت معاه
رحمه:- اهلا بيها اتفضلوا
دخلت هند اول واحده حضنت رحمه وباستها
هند:- اهلا بيكي ياقمر احنا اسفين أننا جينا كدا بس موضوع ماينفعش يتأجل
رحمه:- اهلا بيكم فى أي وقت تسمحيلي بالأمور دا … تقصد كريم
أخدت رحمه كريم وشالته وقعدت تبوس فيه ودخلو كلهم على الفيلا شافوا الحاجه عليه وندى أخت رحمه
الحاجه عليه:-اهلا وسهلا اهلا وسهلا
ندى:- اهلا بيكم نورتنا
رحمه:- امي الحاجه عليه ودي اختي ندى الصغيره
دول بقي الأستاذ. ….. انا معرفش اسم حضرتك
هيثم:- هههه تصدقي صح اسمي هيثم
رحمه :- اهلا بيك الأستاذ هيثم صاحب الكومباوندا اللى احنا ساكنين فيه وصاحب الشركه اللى اشتريت منها الفون والأستاذ وائل المحامي بتاعه والاستاذه هند مرات المتر والأمور دا كريم ابنهم وقعدت تبوس فيه
لاحظت والدتها الحاجه عليه وندى أن رحمه اتعلقت بكريم وعيونها فيها دموع والاغرب من دا أن كريم ساكت معاها ومش بيتكلم بالعكس بدأ ياخد عليها وحاضنها ودا سبب استغراب الكل حتي هيثم
الحاجه عليه:- اهلا بيكم شرفتونا والله
هيثم:- الشرف لينا يا أمي طبعا تسمحيلي اقولك امي
الحاجه عليه:- طبعا يابني انت زي ابني عادل ربنا يرجعه لينا بالسلامه
ندى:- اهلا بيكم بس اللى اعرف أننا منعرفش حد هنا ولا حد يعرفنا وبصراحة دخلتكم دي تقلق
بصت رحمه لندى بصه يعني ايه اللى بتقوليه دا مهما أن كان هم يعرفو فى الأصول كويس وكمان ساكنين فى كومباوندا يعني كل اللى فيه معروفين ناس كويسه مش أي حد وعليه أمن مافيش حد بيدخله
رحمه:- معلش ندى ماتقصدش حاجه احنا بس استغربنا مين اللى هايجي واحنا فعلا مانعرفش حد بس هم مايعرفوش أن انا قابلت أستاذ هيثم وبصت على هيثم
هند:- لا عادي ولا يهمك بصراحه انا معرفكمش بس سمعت عنكم كتير وخصوصا انتي يارحمه
هنا بصت رحمه لهيثم أن هو اللى اتكلم عليها
هند:- وبصراحة انا كمان معرفش حد كتير هنا ومن كتر ماسمعت عنك حبيت اعرفك عن قرب وكانت فرصه بالنسبالي أن انا اجي مع هيثم واتعرف عليكي
وائل:- مافيش حاجه حصلت احنا جينا مع هيثم لأننا عايزن حضرتك فى موضوع
رحمه:- ممكن بقي احنا هنتعرف وهنتكلم وكل حاجه بس قبل أي شئ لازم واجب الضيافة تشربو ايه
هيثم:- ولا حاجه احنا بس الموضوع اللى جاين فيه وهنمشي على طول صح كدا يا وائل
وائل:-ايوة
هند:- امشوا انتو انا مالياش دعوة بيكم انا ماصدقت الاقي حد اتكلم معاه?
كلهم مع بعض ضحكوا
رحمه:- اكيد ياقلبي تشرفيني فى أي وقت انا معاكي للصبح
هند:-?حبيبتي وربنا انتي عسل وقلبي اتفتحلك وانا مش همشي من هنا
وائل:- طاب وانا وكريم ?
هند:- كريم معايا اهو انت مع نفسك ههههههههه
الحاجه عليه:- يووووه يا ولاد ضحكتوني والنبي انت على راسنا فى أي وقت احنا فديك الساعه أن احنا نتعرف على حد ويطلع كويس من كتر مابنسمع وكمان رحمه بنتي صممت أنها لازم تشتري فيلا فى البتاع دا اللى بتقولو عليه عشان بيكون فيه ناس كويسه وعليه أمن مع انها اتعرضت عليها فيلل فى اماكن تانية بس هي رفضت
هيثم:- فى نفسه دا من حظي انا وطول القعدة وهو عينه على رحمه مانزلهاش ودا خلي هند تاخد بالها منه …..
هيثم كان جايب معاه ورد وشكولاته واداهم للحاجه عليه لانها الكبيره وهو بيعرف فى الاصول او كدا اضمن من رحمه
الحاجه عليه :- ليه كددا يابني تاعب نفسك ليه
هيثم:- دي حاجه بسيطه اول مرة ندخل عندكم
الحاجه عليه:- لرحمه خدي انتي دي تقصد الشكولاته انتي مدمنها
رحمه:- بصت لوالدتها دي العشق كله
ابتسم هيثم لما عرف انها بتحبها وانه عرف حاجه عنها
…….رحمه:- استأذانكم انا
دخلت رحمه المطبخ ومعاها كريم عنايات جهزي حاجه ساقعه بسرعه
جت وراها هند ….. هند جريئة جدا وعندها فضول هيقتلها أنها عايزة تشوف رحمه وكانت هي سبب فكره أنها تيجي مع هيثم ويكون معاهم وائل عشان يفهم رحمه اللعبه اللى اتعلبت عليها وماتقفش على هيثم … ورحمه لما شافت انه مش لوحده رحبت بيهم بس خمنت تخمينات كتير والحاجة الوحيدة التي مجتش فى بالها انه ممكن يكون جايب فلوس
هند:-انا أسفه جيت وراكي بس قولت يمكن كريم يعمل حاجه معاكي
رحمه:- ماتقوليش كدا البيت بيتك فى أي وقت وانتو والله شرفتونا وكريم دا عسل دا زي ابني وعيونها اتملت دموع
هند:- تسلميلي يارب فى طلب بس مش عارفه هتوافقي عليه ول لا
رحمه:- أخص عليكي طلب انتي ما تطلبيش انتي تقولي على طول وانا انفذ
هند:-تسلميلي يارب ايه العسل دا
معامله رحمه مع هند خلت هند تعشم اكتر أنها تتعرف على رحمه وتقرب منها خصوصا أن رحمه بتعاملها بكل ذوق وأدب وحب واعتبرتها واحده منهم وهند تستاهل
هند:- انا كنت عايزة اشوفك من غير نقاب انا بنت والله مش راجل
رحمه:-ههههههههههههه وربنا انا عارفه انك بنت واحلي بنت كمان حاااااااضر بس كدا ياغاليه
وبالفعل شالت رحمه النقاب من على وشها وإتفاجأت هند بشكل رحمه الحلو الجذاب والعيون الجريئة الجميله اللى مليانه حزن
هند:- فى حاله ذهوووووول ايه دا لا لا لا انتي خليكي مغطيه نفسك احسن بالنقاب ايه دا ايه الجمال دا هو فى كدا
رحمه:- هههههههههههههههه عيونك انتي جميله عشان كدا شيفاني جميله
هند:- لا انتي بالفعل جميله الله عشان كدا انتي لبستي النقاب؟؟؟
رحمه:-يووووووه حكايه لبسي للنقاب حكايه طويله هبقي اقولك عليها بعدين لما تيجي تاني ولا انتي مش هتيجي تاني
هند:-اجي تاني انا هنقل واسكن معاكم هنا انا فعلا معرفش حد ومش بخرج من البيت غير نادرا وكمان معايا وائل خصوصا أنى وحيدة وماما متوفيه هي وبابا
رحمه:- الله يرحمهم من النهارد احنا أهلك ولو زعلك الراجل اللي برا دا احنا معاكي
هند:-? تسلمولي يارب
*************
هناك عند الجماعه
الحاجه عليه:- اهلا وسهلا والله انتو شرفتونا
هيثم:- الشرف لينا يا امي الا قوليلي يا امي انتي بتقولي ابني عادل ربنا يرجعه بالسلامه هو مسافر؟؟؟
الحاجه عليه:- عيونها اتملت دموع ولاحظ هيثم ووائل دا
مش عارفين يابني
هيثم ووائل بصو لعبض
هيثم:- ازاي مش عارفه
وائل :- هو فى حاجه يا امي
الحجه عليه:- عادل ابني له 7 سنين منعرفش عنه حاجه من بعد الغزو بتاع ليبيا وكل اخباره انقطعت ومنعرفش اذ كان مات ولا حي بس قلبي رافض فكره انه مات وقلب الام عمره مايخيب واقعدت تعيط
هيثم:- اهدي اهدي بس يا امي وخير باذن الله
وائل :- متخافيش احنا هنحاول نعرف اي معلومات عنه بس عايزك تقوليلي القصه بتاعته كلها واسمه بالكامل ايه والمنطقه اللى كان فيها
………… هنا دخلت رحمه ومعاها هند وعنايات بحاجه ساقعه
قدمت ليهم وشافت رحمه ووالدتها بتعيط راحت عندها وحضنتها
رحمه:- مالك يا غاليه فى ايه بتعيطي ليه
وائل:- انسه رحمه
رحمه :- بصت لوائل بصت استنكار (انسه) نعم
وائل :- عايزين نعرف حكايه اخوكي عادل ايه والمنطقه اللى كان فيها فى ليبيا
…. هنا عرفت رحمه والدتها الحاجه عليه بتعيط على ايه
رحمه:- حاضر ماتعيطيش ياغاليه ربنا يرجعه بالسلامه هي امي قالتلكم على عادل اخوايا
هيثم:- ايوة واحنا باذن الله هنحاول نعرف اي خبر عنه
رحمه:- احنا دورنا كتير وتعبنا ومنعرفش اي حاجه ومش عارفين اذ كان حي ولا….
وائل :- باذن الله حي
ندا:- يارب والله الواحد لا عارف يضحك ولا يفرح من قلبه من يوم ماغاب
هند:- ربنا يرجعه بالسلامه
رحمه:- يارب بس حضراتكم هتدورو فين احنا تقريبا قلبنا الدنيا عليه
هيثم:- دي مصادرنا احنا الخاصه هنعرف باذن الله
وائل :- اوعي تستقلي بينا انتي لسه ماعرفتيناش ومع الوقت هتعرفي كلامنا
رحمه:- انا فعلاً ماعرفتكمش واتمني انكم تكونو كدا
بص ياسيدي اخويا عادل سافر على لبيبا قبل الثورة بتاعتهم بشهر تقريبا استقر فى مكان هناك فى طرابلس بس مش فاكرة اسمه ايه وكان زي اي شاب من الصعيد مسافر عشان يشتغل ويكون نفسه لما سافر كان فى سن 24 سنه وليه 7 سنين دلوقت يعني عمره دلوقت 31 سنه وكان بيكلمنا ديماً يطمن علينا واحنا بنطمن عليه وبعد الثورة بتاعت ليبيا والغزو اللى حصل فى مصرين رجعت وفى اللى رجع من عندنا بس هو لا خصوصاً ان المنطقه اللى كان فيها اتعرضت لتفجيرات كتير حاولنا نعرف عنه حاجه مافيش حد يطمنا عليه يمكن انتقل لمكان تاني مافيش طاب يكون متصاب وفى مستشفي بردو لا طاب يكون اتسجن مافيش يكون راح مع تنظيم داعش تعبنا من كتر الاحتمالات والتخمينات خصوصاً اننا بنات مافيش راجل معانا واعمامنا. ربنا يسامحهم قفلو كل السكك علينا انه لا قدر الله مات خصوصاً ان مافيش اي اخبار عنه وادينا عايشين على امل انه ممكن يرجع…
هيثم:- انا مش عارفه اقول ايه بصراحه كل دا ربنا يسهل ونعرف نوصل لحاجه
وائل :- هو فى احتمالات كتير زي انتي ماقولتلي انه ممكن يكون مسجون وانتو ماعرفتوش توصلوله او ممكن ودا انا استبعده انه ممكن يكون مع داعش لانهم مش بياخدو اي حد
الحاجه عليه:- لا ابني مايروحش معاهم ابني انا عارفاه بيعرف ربنا كويس دا خريج ازهر مايعملش حاجه تغضب ربه ابداً.
رحمه:- يعني فى امل اننا ممكن نعرف اي خبر عنه
هيثم:- الامل فى ربنا كبير وربنا يسهل ونعرف
وائل:- ان شاءالله
هيثم:- احنا اخدنا الكلام ونسينا الموضوع اللى احنا جاين فيه
رحمه:- اتفضل انا بسمعك العقد. معاك انا نسيته
هيثم:- اه العقد معايا اهو وكمان دي
…. شنطه سوده
رحمه:- ايه دي
هيثم:- حقك فلوسك
رحمه:- نعم حق ايه وفلوس ايه انا مش فاهمه حاجه
هيثم:- دا حقك دي فلوسك. اللى انتي دفعتيها. زيادة فى الفيلا دي
رحمه:- فى ذذهول ازاي دا فهمني انا مش فاهمه
وائل:- انسه رحمه
رحمه:- فى نفسها انسه يارتني كنت لسه انسه
رحمه:- اتفضل انا بسمعك
وائل :- انتي اشتريتي الفيلا دي من وليد عز والكومباوندا بكل اللى فيه ملك هيثم باشا الشناوي وهيثم ماكنش يعرف بدا واول ماعرف كان متاكد ان وليد عز سمسر عليكي فيها واخد زياده عن حقه وهنا هيثم موحد السعر النهاردا زي بكرة زي بعد سنه للى يبيع او يشتري وفى شرط جزائي ان اللى يخالف دا يطبق عليه انه يدفع 50 مليوون جنيه
…. وبعدها هيثم حكي اللى حصل معاه هو وليد عز……
ندى:- ايه دا على كدا استاذ فؤاد المحامي بتاعك يارحمه طلع نصاب
رحمه:- ممكن كل شئ جايز
ندى:- دا محمد لو عرف هيوديه ورا الشمس
هيثم:- سمع اسم محمد محمد مين ممكن يكون جوزها ولا خطيبها
هيثم:- ساب الحوار كله محمد مين
ندى:- محمد جوزي انا وهو اللى جايب المحامي دا لرحمه
هنا هيثم اخد نفس عميق
هيثم:- اه تمام وبس ياستي وفلوسك وحقك رجعلك اهو
رحمه:- اولاً قبل اي شئ انا بشكرك على كل اللى عملته دا ثانياً انا قولتلك ان انا مش هسأل على الفلوس دي ودي خرجت من ذمتي خلاص
هيثم:- ايه هو اللى خرج من ذمتك دا حقك ومش هيجي واحد زي دا ياخد منك حاجه مش بتاعته وتخرج منك لحد يستاهل مش وليد عز واتنرفز
رحمه:- بصتله بصه تمام ماشي
وائل:- انسه رحمه دا حقك وانا محامي وافهم فى. كدا
رحمه:- انا فاهمه حضرتك بس انا فعلاً مش عايزاهم وخرجو من ذمتي شوف لييهم كام شهر بس خلاص هم هيرحو للي يستحقهم
هيثم:- تقصدي ايه!!؟؟؟؟
رحمه:- اللى اقصده انت مش جبتهم وتشكر على كدا انا هتصرف
هيثم:- ماشي. شكلك عنيده. ودماغك ناشفه هههه
الحاجه عليه:- جداً يابني محدش بيقدر عليها
رحمه:- ايه ياحاجه انتيي هتسيحيلي ولا ايه انا بنتك وربنا
هند:- وربنا دمك عسل
رحمه:- اهو انتي
ندى:- طاب وانا ايه
هند:- انتي بقي فى الشهر الكام
ندا:- فى السابع بس طالع عيني
هند:- تقومي بالسلامه يارب
وائل :- نستأذن احنا
الحاجه عليه:- على فين يابني نتعشي مع بعض
هيثم:- فى نفسه ياريت…… معلش مره تاني كفايه اننا جينا من غير معاد
الحاجه عليه:- عيب يابني ماتقولش كدا البيت بيتكم انا قلبي اتفتح ليكم والله ربنا يشهد وكاني شايفه عادل ابني فيكم
وائل :- ربنا يرجعه بالسلامه يارب يلابقي سلام عليكم
*************
وبالفعل خرجو من عندهم ومشيوا وائل ومراته على بيتهم وهيثم على بيته اللى من اول ماروح البيت وقابله عم عبده قالو مش عايز حاجه انا هنام ودخل على اوضته وسرحان فى. كل اللى حصل واللى فات المره دي تختلف عن المرة اللى فاتت قربت منهم وعرفتهم عن قرب. يكون سبب الحزن اللى فى عنيها دا غياب اخوها انا لازم اعرف اي خبر عنه واتمني مايكونش جراله حاجه هي فعلاً شخصيه عنيده ودماغها ناشفه بس عندها دا عسل بس انا مش عارف هي مش مدياني وش ليه هيثم لنفسه وتديك وش ازاي يابني دي منتقبه يعني تتكلم. مع اي حد وخلاص ربنا يسهل وفضل هيثم طول الليل وهو بيفكر فى رحمه وكلام رحمه وعقلها اللى يوزن بلد وعيونها الجريئة الحزينه بيفكر فى الايام الجايه انه عايز يقرب منها اكتر بس ازاي وهي تقريباً بتصده
*************
هناك عند رحمه
ندى:- ايه يابنتي دا معاملتك ناشفه كدا ليه الراجل ماغلطش واحد غيره كان قال وانا مالي لكن هو جابلك حقك
رحمه؛ – انا عملت ايه
الحاجه عليه:- كلامك مش كويس معاه انتي عاقله وذوق يارحمه ليه كدا دا بدل ماتشكريه كويس على اللى عمله يابنتي
رحمه:- يعني اعمله ايه اخده بالحضن مثلاً والله كلامكم غريب انا ماطلبتش منه انه يجيب حاجه
ندى:- بصراحه طريقتك اوفر اووي معاه وهو امور جداً وجنتل مان
رحمه:- بت اتعدلي عيب وربنا اقول لمحمد
ندى:- ههههههههههه محمد هو اللى فى القلب انا بس بعرفك هو ايه بزنس مان وكمان جنتل وعيونه لسه ماستوتش
رحمه:- وربنا رخمه وانا مالي بكل دا
ندى:- الا قوليلي هتعملي ايه بالفلوس ومين اللى يستحق بيها
رحمه:- هتعرفي كل حاجه فى وقتها
ندى:- مش هنتعشي ولا ايه
رحمه :- اتعشوا انتو انا مالياش نفس
الحاجه عليه:- اهااا هتاكلي شكولاته وكمان لسه جايه جديده صح يابنتي ارحمي نفسك شويه
رحمه:- ههههههه يا ست الكل ماتخافيش عليا
*************
اخدت رحمه علبه الشكولاته وركضت على اوضتها فتحتها ريحتها برفيوم بردو ريحه برفيوم هيثم ملت الاوضه مش كفايه الفون اللى مش بيفارق ايدها من ساعه ماجبته كمان الشكولاته وفتحت العلبه اتفأجات انه النوع اللى بتحبه جداً كمان اليوم كله هيثم مش مفارق عقلها لا مش عقلها دا القفل اللى على قلبها بدأ يتهز شويه من مكانه وبتفكر فى كل اللى حصل هو بيعمل ليه كدا معاها وكان مصر. انه لازم يرجع الحق واهو رجعه وانا فعلاً كنت بعامله وحش ولا ايه
احساس رحمه متلغبط مش عايزه حد يدخل حياتها حاطه قفل على قلبها انا فيا اللى مكفيني مستحيل اني ممكن ارجع احب او اتجوز تاني بعد اللى حصل انا مجربتش الحب حتي مع ابوه اولادي بس بحسه مع اي حد بيحب وفى كلام اي حد وحسيت بحب جمال بس عمري مافكرت فيه حبيب انا جربت حظي مره فى الحوار مش هجرب تاني وانا مش عارفه بيعمل ليه كدا معايا
رحمه كانت حاسه باعجاب هيثم ليها بس دا شئ وارد واحده منتقبه جديده عليه ماشفش دا قبل كدا ممكن بس اللى ماكنتش تعرفه ان هيثم بالفعل بدأ يتعلق بيها وبيفكر ليل ونهار فيها وعايز اي وسيله انه يقرب منها
عدت الليله وجه تاني يوم ونزل هيثم على شغله.. كل نشاط وحيويه مش زي اي يوم ولاحظ دا عم عبده وبدأ اليوم عند الاتنين رحمه فى بيتها وهيثم فى شركته بس كل واحد فيهم بيفكر فى التاني وياتري ممكن يتقابلو النهارد
خرجت رحمه فى نفس الوقت اللى بتخرج فيه. كل يوم ونفس المكان اللى بترتاح فيه وهنا هيثم تعمد انه لازم يرجع من شغله بالرغم من الضغوط اللى عليه عشان يشوف رحمه وقف عربيته ونزل راح لرحمه
هيثم:- السلام عليكم
هنا رحمه صدقت لانها كانت بتقرأ قرآن وبصت فوق منها عشان تتقابل العيون تاني عيون هيثم اللى لسه ماستوتش اللى بتلمع و كلها حب وعيون رحمه الخجوله الحزينه
رحمه:- وعليكم السلام
هيثم:- اخبارك ايه
رحمه:- الحمدلله وحضرتك
هيثم :- الحمدلله وبلاش حضرتك دي انا شفتك قاعده قولت اجي اسلم عليكي واشوف اذ كانت الشكولاته عجبتك ولا لأ
رحمه:- تسلم ياارب اكيد عجبتني النوع دا انا بحبه جداً والله
هيثم :- ابتسم انه عجبها وطلع كمان اللى بتحبه الحمدلله انه عجبك
رحمه قاعده ومحرجه ومش عارفه تعمل ايه وتقريباً العيون ماتقابلتش تاني او هي تعمدت كدا
رحمه:- الف شكر ليك طبعاً
هيثم:- لا شكر على واجب
حس هيثم انها قاعده خجوله منه فانسحب بكل هدوء عشان كمان مايبانش قدامها انه رخم واستأذنها ومشي
هناك عند الحاجه عليه جت هند وكريم ورحبت بيها الحاجه عليه وندى ودردشوا مع بعض كتير وعرفت هند ان رحمة مش موجوده وعرفت بتعب ندى وطمنتها انها ماتخافش فى الولاده هتوديها للمستشفي اللى ولدت كريم فيها ودردشت مع الحاجه عليه على رحمه هند فضولها دافعها انها عايزه تعرف سبب الحزن اللى فى عيونها دا خصوصاً كريم وتعلقها بيها ودموعها اللى كانت ماليه عيونها اول ماسمعت اسمه
وهنا بدات الحاجه عليه تتكلم مع هند لانها اعتبرتها زي بناتها
الحاجه عليه :- رحمه يابنتي شافت كتير فى حياتها ربنا يصبرها على كل اللى شافته من اول جوازتها ومرضها لموت اولادها وجوزها دي من الجبال والله
هند هنا بدأت تستوعب حزن رحمه
هند :- كل دا ياقلبي ايه اللى حصلها يا امي
هنا بدات تحكي الحاجه عليه قصه رحمه