رواية زين الصعيد الفصل الحادي والستون 61 بقلم دودي

رواية زين الصعيد الفصل الحادي والستون 61 بقلم دودي

رواية زين الصعيد الجزء الحادي والستون

رواية زين الصعيد البارت الحادي والستون

رواية زين الصعيد الحلقة الحادية والستون

زين اول ما بيسمع الكلمة دي بيقرب من جنة وبيشلها ويلف بيها …مبروك ي جنتي وخلاص بقيتي مراتي وبقيتي ليااا …
جنة بحب :الله يبارك فيك ي زين بس فجأة جنة بتعيط …
زين :مالك بتعيطي ليه …
جنة بتنهيدة : مفتقدة بابا اوي ي زين …متعرفش ازي كان نفسه يشوفني وانا عروسة كدا …
زين بحب وبيطبطب عليها وبياخدها في حضنه :م انا موجود جمبك اووي …وصدقيني هو دلوقتي حاسس بيكي وفرحان كمان …ربنا يرحمه ويجمعك بيه …
جنة :ياارب ي زين …الله يرحمك ي بابا …
جميلة بتقرب من جنة وبتاخدها في حضنها. ..الف مبروك ي قلب ماما …افرحي كدا وانبسطي …بابا في مكان احسن من هنا بكتير …ربنا يفرحكم ي رب انتي وزين وتبقا حياتنا كلها فرح. وحب …
بعد كدا المأذون بيخلص ويمشي …وعاصم وسليم بيسيبوا زين علشان يبقا قاعد مع جنة براحته …
بيجي زين مطلع الحاجات اللي جابها ل جنة واد ايه بتكون فرحانة بيها اووي بالذات الكورة الثلجية…
جنة ب فرحة :الله ي زين دي جميلة اووي …
زين :عجبتك بجد …
جنة :دي تجنن …ربنا يخليك لياا ي حبيبي انت …

زين بيقرب منها وبيبوس جبهتها …ده انتي اللي حبيبي وروحي ودنيتي …
زين :أن شاء الله بعد بكرا اعملوا حسابكم انكم خلاص هتيجو معايا الصعيد علشان الفرح … ويا ماما جميلة…هتفضلي مع جنة
جميلة :ازي ي زين مينفعش ي بني … اقعد عندك في بيتك ليه وبيتي موجود لا ي زين لا …انت اتجوز انت وجنة وربنا يهنيكم…مش عايزة اتقل عليكم …
زين :تتقلي علينا …طاب والله عيب اللي بتقوليه ده …ده البيت هينور بيكي والله …وبعدنا مين قالك أنني ممكن اسامحلك اني تقعدي في البيت ده لوحدك كدا اصلا …انتي هتبقي مع جنة وتفضلي معاها … وزي م هو بيت جنة هيبقي بيتك انتي كمان…صدقيني مش هتحسي بأي فرق…
جميلة:بس …
زين:مفيش بس …خلاص دي اوامر ولازم تتنفذ
جنة :والنبي ي ماما وافقي …وافقي….علشان خاطري …
زين :اه والنبي ي ماما والنبي والنبي …
جميلة بتضحك ع منظر زين وهو بيقلد جنة …
وبعد تفكير …اممم موافقة …
زين وجنة بيفرحوا وهم الاتنين بيقوموا يحضنوها…
جميلة بحب :ربنا يسعدكم ي حبايب قلبي ي رب ..
زين :ياارب ي ست الكل …تسمحيلي بقا اخد حبيبتي جنة ونخرج سوا …
جميلة:طبعا ي بني م خلاص بقت مراتك
زين :بقولك ايه م تيجي معانا…
جميلة:لا ي حبيبي روح انت وجنة انا مش فياا حيل أخرج ف يلا يلا روحوا انبسطوا…
زيم:طيب اللي تشوفيه …يلا بينااا ي جنة
جنة بحب :يلا ي زين …باي ي ماما …
بيركب زين هو وجنة العربية …هااا تحبي تروحي فين ي حبيبتي… ايه رايك نروح ناكل عايزة تأكلي ايه …
جنة :اي مكان ي زين شوف انت عايز تروح فين وانا معاك …

زين:لا النهاردة…يومك وانتي العروسة …يبقا انتي اللي تختاري …وبيضحك …
جنة :مصمم يعني…
زين:ايوه يستي مصمم …هااا بقا عايزة تروحي فين …احلمي وانا انفذ…ع طول…
جنة بضحك :طيب بصراحة كدا …نفسي دلوقتي رايحة علي طبق كشري …بالدقة وبعده بقا اخبط شوب عصير قصب كدا كبير …وبعد م اخلص اروح اتمشي علي الكورنيش …واكل حمص الشام…وانا بأكله كدا افضل باصة للنيل وللسماا…
زين بحب:وانا افضل باصص ل عيونك …يلا بينا نروح فوراً…
جنة :ايه ده بجد هنروح
زين :ي سلام اكيد هنروح طبعا …منرحش ليه يعني…
جنة:بس انت مش بتحب الكشري ي زين ازي بقا هتأكله…
زين:ايوه مش بحبه…بس خلاص حبيته من النهاردة…مش أنتي بتحبيه يبقاا انا كمان احبه…
جنة بتبتسم …
زين:يلا بقا بلاش كلام كتير علشان نلحق نعمل كل اللي قولتي عليه…وبيتحرك زين بالعربية …وبيروح هو وجنة ع محل الكشري وبيطلب كشري هو كمان…رغم أنه فعلا مش بيحبه… ابدا…
بس لمجرد أنه جنة بتحبه حبه …اوقات كتير اووي من حبنا لأشخاص معينة ممكن نغير اس حاجة مكناش بنحبها…قبل كدا بس نحبها لمجرد أن الطرف التاني بيحبها …الناس دي جميلة اووي بجد
زين كان عايز يشارك جنة في كل لحظة …يستمتع معاها بكل ثانية …وكل دقيقة…
بعد م خلصوا راحوا …شربوا عصير قصب …وطلعوا ع الكورنيش …وقاعدين وكل واحد فيهم ماسك كوباية الحمص بتاعته …
وجنة بتأكل …لحظت أن زين عمل يبص لها …
جنة :ايه ي زين مبتاكلش ليه …هو حمص الشام مش عجبك ولا ايه
زين :لا ب العكس ده جميل اوي …
جنة :اومال ف ايه …
زين :عايز افضل باصص ليكي كدا وبس …
جنة بضحك :ي بني طاب كل طيب …
زين :اعتبريني كلت … م دام انتي بتأكلي …
جنة :الله ايه ده بقا وبتضحك …
زين :أنتي بتضحكي …فصلتيني والله ي بت …
جنة :م انت اللي عمل تعمل محن من ساعة م قاعدنا ايه ي زين يحبيبي مش كدا وبتضحك …
زين :يخربيت الفصلان…بتاعك انا جوزك يلي تنشكي …

جنة :ياااه تعرف ي زين والله انا بجد دلوقتي مش مصدقة انا خلاص كتبنا الكتاب وفعلا قاعدين القاعدة دي …بعد كل اللي حصل ده …
زين :لا صدقي …اللي مرينا بيه مش شوية …وتعرفي أنا فرحان علشان خلاص ارتحتي من كل حاجة كانت مأثرة عليكي …وبقينا لبعض …وبقيتي مراتي ع سنة الله ورسوله…
بكرا بقا هجاي اعدي عليكي انتي وماما جميلة علشان نروح الصعيد وتجهيزات الفرح يعني عايزاكم بقا تجهزوا نفسكم …واوعوا تنسوا اي حاجة هنا علشان خلاص كلنا هنعيش في الصعيد …ماشي
جنة بحب :ماشي ي زين …
زين :بقولك ايه تعالي اصورم …وبيطلع زين الفون من جيبه وبيصور جنة …وبيتصوروا هم الاتنين كمان وقد ايه زين شخص كدا فوق الوصف كان بيصور جنة بوضعيات مختلفة مرة يقولها اعملي نفسك مش واخدة بالك علشان اغفلك… اضحكي … صورة بقا يلا اكنك بتفكري…
فرحته ب جنة كانت خيال وخلاص خلصوا واستمتعوا بوقتهم … بعد كدا زين وصل جنة ع البيت وبيتفق معاها هيعدي بكرا الساعة تسعة عليهم…بعد كدا بيمشي زين وجنة بتطلع …
تاني يوم
زين كان راح ل جنة وجميلة …وكانوا جهزوا …وخدهم وسافروا علي الصعيد …كان موجود في الدوار مودة ورحيم وسام وراضية قاعدين …
زين وصل … تعالي ي جنة سلمي ع حماتك …
جنة بحب :اذيك ي طنط …
راضية :ايه يختي طنط دي
جنة بتبص ل زين …
زين :طيب ي جنة تعالي تعالي سلمي ع مودة دي كانت بتسأل عليكي …
مودة بحب :اذيك ي جنة…والله منورة الصعيد كله … ي مرات اخويا لا فعلا عرف يختار صح
جنة بحب :ربنا يخليكي ي مودة والله ده من ذوقك وعيونك اللي قمرين …
مودة :رغم أن زين مش خلانا نحضر كتب الكتاب وزعلت منه …
زين :م خلاص بقا ي بت وبيضحك …م كل حاجة جات فجأة كدا وبعدنا عايز اتجوز ي ناس عايز اتجوز …
جنة بضحك :معلش بقا ي مودة حقم عليا يستي انا …
مودة بحب :لا م دام انتي يبقي في قلبي خلاص …
جميلة :اذيك ي ام زين
راضية :الحمد لله بخير
جميلة:والله متعرفيش انا مبسوطة بإني اتعرفت عليكي ازي ده غير كلام زين عنك طول الوقت خلني احبك من قبل م كنت اشوفك …
راضية :ربنا يخليكي ي ام جنة …وانا بحبك برضوا ربنا يعلم …
زين :يلا ي مودة خدي جنة وماما جميلة وورينهم اوضتهم …
مودة :حاضر ي زين …وبيطلعوا …

راضية :انت كمان بتقولها ي ماما …
زين :وفيها ايه م هي فعلا امي مش تبقا حبيتي ومراتي خلاص تبقا امي كمان … والنبي يما بلاش الشدة دي معاهم … وبالذات جنة …عمليها احسن من كدا شوية…خلاص هي بقت مرات ابنك …وبتنهيدة…تعال ي رحيم معايا انت وسليم عايزاكم في كام مشوار كدا ل تجيهزات الفرح …
………………………………………………….
مودة :هااا ايه رايكم في الأوضة …دي اوضتك ي جنة …واوضة ماما جميلة جمبك ع طول …بس لو الأوضة دي مش عجباكي قوليلي فيه اوض كتير اووي في الدوار نقي اي واحدة تعجبك فيهم …
جنة :لا لا دي جميلة اووي ي مودة بجد وعجبتني …
مودة :طاب كويس …انها عجبتك …يلا انا هنزل بقا لحد م تغيروا وترتحوا وما تنسوش الغدااا …
جنة بحب :حاضر …وبتخرج مودة …
جميلة :مودة باين عليها طيبة اووي يجنة …
جنة :اه والله ي ماما كلها ذوق … وكلامها حلو ده يكفي انها اخت زين بس
جميلة :ربنا يهديها …ي بنتي ي رب …يلا انا هروح الأوضة اغير واخد شاور واجيلك علشان ننزل تحت …
وبتمشي جميلة … جنة بقا يترتب هدومها في الدولاب وبتدخل تاخد شاور وبما بتطلع مش كانت عارفة تلبس ايه لأنها طبعا مش كانت بتلبس عبايات فمش عارفة تنزل تحت ازي …وفضلت قاعدة في أوضتها شوية …بعد كدا افتكرت أنها كانت خدت رقم مودة منها …طلعت فوزها واتصلت عليها …بعد شوية مودة طلعت لها الأوضة …
مودة :خير ي جنة في حاجة …عايزة حاجة ي حبيبتي …
جنة :مش عارفة البس ايه ي مودة وانزل بيه …
مودة :ازي …هو مش انتي جايبة معاكي هدوم المفروض …
جنة :ايوه جايبة بس كله أطقم وترنجات …وانا بصراحة خايفة انزل في اي واحدة فيهم زين يزعق ليااا …
مودة :ايوه لا مينفعش …طاب بصي انا هروح اوضتي اجبلك عباية ومتخافيش هجبلك عباية جديدة خالص وراحت مودة الأوضة ورجعت وبتدي جنة العباية يلا خدي البسيها…
جنة ب إستغراب: عباية …بس انا عمري م ليست عباية ابدا …
مودة :دي هتبقى حلوة اووي والله عليكي…صدقيني كدا والبسيها ويا ستي لو مش عجبتك ابقي اقلعيها تاني …
جنة ب تنهيدة:ماشي …وبتدخل جنة الدريس روم ..وبتلبس العباية وبتطلع… حلوة
مودة بحب :حلوة … دي قمر والله عليكي…شوفتي بقا لما جربتيها بقت حلوة ازي …عجبتك …
جنة ب إبتسامة…حاسة براحة لما لبستها …بقولك ايه ي مودة …انا عايزة البس طرحة…
مودة ب إستغراب: طرحة…بس انتي مش محجبة ي جنة …
جنة :ايوه عارفة …بس عايزة اعملها مفاجأة ل زين …والبس طرحة وقررت اتحجب …
مودة بحب :بجد ي جنة عايزة تتحجبي ده احسن قرر اخدتيه والله …انا هروح بقا اجبلك طرحة ع ذوقي انا وبجد هتبقي بدر منور …وبتلبس جنة الطرحة…وبتنزل تحت هي ومودة وجميلة …
جنة :اذيكم
زين :اول م شافها كدا قام من مكانه وراح ناحيتها …ايه ده جنة …
جنة :ايه رايك ي جنة
زين :رايي ايه هو أنتي بجد جنة …
جنة :ايوه ي زين جنة انا واقفة قدامك اهو …ايه مش حلوة
زين :هو اللي مش حلوة …ده انتي تجنني بس اشمعنا …
جنة :اشمعنا ايه…
زين :اشمعنا الطرحة…ده غير أن أول مرة اشوفك لابسة عباية دي تجنن اووي اووي عليكي ي جنة …
جنة:انا قررت اتحجب ي زين

زين :تتحجبي …طاب ليه
جنة :معرفش بس لقيت نفسي عايزة البس طرحة واتحجب …
زين :جنة اوعي يكون حد قالك حاجة علشان كدا لبستي الحجاب …لو مش مرتاحة خلاص …
مش مهم تلبسيه …انا مش هتكلم معاكي في حاجة …ودي حرية شخصية وانا من يوم م عرفتك وانتي من غير حجاب …
يعني مش علشان هتعيشي هنا في الصعيد لازم تبقي زيهم لا براحتك انتي المهم …راحتك انتي وبس …
جنة :لا والله ي زين صدقني انا مرتاحة …اووي في الحجاب …وفي العباية كمان …ومقتنعة بيهم …انت قولي انا حلوة فيهم ولا لا …
زين :مش حلوة وبس …ده انتي ست البنات انا بجد فرحان بيكي اووي ي جنة… وانك خدني خطوة زي دي والحجاب م زادكي الا جمالا والله…
جنة :ربنا يخليك لياا ي زين …والكل بقا بارك ل جنة علي الحجاب وفعلا اد ايه كانت جميلة بيه …
وبعد كدا بيقعدوا يتغدوا …
……………………………………….بعد يوم زين خد جنة ومعاهم كمان مودة وقمر وازهار وراحوا كلهم يتفرجوا علي المعابد يعني يتفسحوا واتغدوا برا كلهم وبعد كدا رجعوا الدوار …وكان موجود تفيدة مع راضية ….اول م تفيدة شافت زين …اذيك ي زين
زين :الحمد لله
تفيدة بخبث :انا عارفة انك زعلان مني من آخر مرة بس والله ي بني انا عرفت غلطي وجيت النهاردة علشان اصفي كل حاجة م بينااا …عرفت من راضية أن جنة هنا قولت لا لازم اجاي واتكلم معاك واصفي كل حاجة وأسلم عليها كمان… بس لو لسه مش صافي خلاص ي بني انا همشي ومش هتشوفوا وشي هنا تاني …
زين :ايه اللي بتقولي ده بس ي مرات عمي …مهما حصل انا عمري م اقدر ازعل منك وعلي العموم حقك عليا انا كمان …لو كنت كلمت وانا متعصب بس انتي عارفة كل اللي حصل …انتي برضوا غالية عندنا ومينفعش ازعل منك
تفيدة بتمثيل :يعني صافي من ناحيتي
زين :والله صافي …بس نفسي انتي اللي تفهميني أن دي حياتي انا وانا اللي هعيش وكل واحد خد نصيب وقمر كمان خدت نصيبها…
تفيدة بخبث:وانا خلاص عرفت كدا …وحاسة ابارك واهني…وبتبص ناحية جنة …الف مبروك ي عروسة وبتقرب ناحيتها … وبخبث … والله هتنوري الدوار كله والبلد كمان …فعلا زين عرف يختار …
وبخبث … ربنا يهنيكم ي رب ويبعد عنكم العين
……………………………………………………..وصباح يوم جديد ع ابطالنا وهو يوم فرحهم ودوار حسن الجبالي مليان بالفرح والزغاريط…
زين بيكون جايب ل جنة كل حاجة من الفستان والمكياج وازهار وقمر ومودة معاها …
مودة :هتلبسي الطرحة ي جنة ولا عايزة تبقي بشعرك …
جنة :لا عايزة ألبسها …النهاردة عايزة ابقي جميلة بيها …

قمر :والله انتي جميلة اووي ي جنة …ربنا يسعدك انتي وزين ي رب …
جنة :ربنا يخليكي يقمر …
ازهار :أنا اصلا مرات زين هتبقي زينة البنات …الف مبروك ي جنة …
جنة :الله يبارك فيكي ي ازهار …والله انا مبسوطة اووي اني اتعرفت عليكم وبقا عندي اخوات كدا زيكم … طول عمري كان نفسي يبقا عندي اخت واحدة إنما دلوقتي بقا عندي تلات اخوات …زي القمرت كدا زيكم …
مودة بضحك :اي خدمة …يستي عدي الجمايل دي بقا …
جنة بضحك :حاضر هعدها…
ازهار :يلا بقا علشان ورانا حاجات كتير اووي …
وبعد شوشة الباب بيخبط …
مودة بتروح بتفتح الباب …وبتشوف زين …نعم عايز ايه …طالع هنا تعمل ايه ي زين …
زين :الله الله ايه ي بت عايز ايه دي …جاي اشوف عروستي …
مودة :لا مينفعش تشوفها دلوقتي …ممنوع
زين :هو اللي ممنوع …وسعي وسعي كدا …
مودة :ي غلس استنا رايح فين …
وبيدخل زين …
وبيبص ع جنة …الله الله ايه الجمال ده
جنة بكسوف :بس بقا ي زين البنات واقفة …
زين بضحك ونكش :ايه ي ستو انا انتي بتتكسفي ولا ايه …
قمر :يخي طاب راعي شعورنا طيب مش كدا وبتضحك …
زين :ده انا اللي تراعوا شعوري …ايه ي جنة م يلا بقا ي جميل انا بقول بلاش نعمل فرح زيلا ندخل وخلاص وبيغمز لها …
جنة وشها احمر من الكسوف …يخربيتك ي زين اسكت بقا …
مودة بتمسك زين …يلا اطلع قولنا ….
يلا ي بارد اطلع …وبتمسك ايد زين وتطلعه برا الأوضة …
زين :طيب طيب خلاص يختي …وسعي انا ماشي اهو… وبيبص ل جنة سلام ي ستو انا…
كلهم بيضحكوا ع منظره وكلامه …ودقيقة والباب بيخبط تاني …ومودة بتلاقي سليم …نعم خير انت كمان …عايز ايه مش كفاية اخوك …
سليم :ايه هو زين كان هنا هو كمان ولا ايه …
مودة :شوفت بقا هااا عايز ايه …
سليم :عايز اشوف خطيبتي يختي …ازهار عاملة ايه …

مودة :زي القردة جواه يخويااا امشي بقا …من هنا يخربيتكم مش عارفين نجهز …
سليم :طاب بقولك ايه م تكسبي فيا ثواب وتندهي ازهار اشوفها …
مودة :يلا ي سليم يحبيبي روح شوف انت رايح فين وبتزقه هو كمان …وبتطلعه برا …
مودة :يلهوي ايه العيال اللزقة دي
قمر ؛معلش معلش
مودة :يلا خلونا نجهز بقا كفاية تضيع وقت …
………………………………………………………………………..
بيكون وصل علي نجم وعاصم غيرهم من الضباط والعساكر اللي زيت عزمهم علي فرحه والعقيد نادر كمان…
زين كان عامل فرح كبير اووي الصعيد كله يحكي ويتحكي بيه …
وجاه الليل وخلاص بيكون زين بقا جاهز وجنة كمان …بيطلع زين ع اوضة جنة…علشان يخدها وينزلوا تحت في الفرح …وزين شايف جنة واقفة قدامه …وهي عروسة زي القمر لابسة فستان ابيض بديل طويل وطرحة منورة بيها … بيقرب زين منها …الف مبروك ي حبيبيتي ي تاج راسي ي ملكتي …وبيبوس رأسها …
جنة بحب :الله يبارك فيك ي زين …
زين :هو في عروسة قمر كدا لا انا يبختي بقا النهاردة …
جنة بكسوف:طاب بس بقا علشان بتكسف …
زين بضحك :يخراشي ي ناس ع اللي بتتكسف دي طاب يلا بينا …وبياخدها زيت وبينزلوا ع السلم …وسط الزغاريط
والاغاني بتشتغل أو م تشتغل من هنا هوب جنة بتقوم من الكوشه …وبتقوم ترقص ومهيبرة ع الآخر …
زين والله اتخض منها …
زين بضحك:ايه ده في ايه انتي اتحولتي ولا ايه ي بت ي جنة …
جنة بضحك :بحب أرقص ي زين اووي …والنبي ي زين تعال ارقص معايا …يلا
زين :خدي هنا ي هبلة تعالي ترقصي ايه …
عايزة تفضلي ترقصي والناس تبص عليكي
جنة :الله اومال فرحي ازي مش انا العروسة ولا ايه …
زين :الله يهديكي تعالي …
جنة :لا ي زين سبني ارقص كمان شوية علشان خاطري …وبتسيبه وتندمج مع الاغاني …
زين بيروح برضوا لها …استغفر الله العظيم طاب تعالي عملك مفاجأة…
جنة بفرحة :بجد ي زين …مفاجأة ايه دي…

زين :تعالي وانتي تعرفي وبيمسك اديها وراحوا قاعدوا ع الكرسي …بعد كدا زين شاور للراجل اللي متفق معاه ع المفاجأة …
فجأة النور بقا مطفي …وبيظهر شاشة … كبيرة اووي …بتشتغل وبيظهر صور جنة كلها علي شكل فيديو …من اول يوم زين شافها فيه لحد النهاردة …
جنة اول ما شافت الصور فرحت اووي…يااه ايه ده ي زين ايه المفاجأة دي تجنن انا فرحانة اووي بس جبت الصور دي كلها منين …
زين بحب :الصور دي كلها جمعتها وصورتها ليكي من اول يوم شوفتك فيه …في المول ل حد الآن …انا وقتها مش سبتك ومشيت لا فضلت مراقبك …وخدت صور كتير اوي ليكي …وأوقات واحنا في القطاع …علشان تعرفي انك مكنتيش بتغيبي عني ولو لحظة …انا بحبك اوي ي جنة اووي …ونفسي اخايكي أسعد واحدة في الدنيا دي كلها …معرفش من ساعة من دخلتي حياتي وانتي عملتي فيااا ايه …بس كل اللي انا متأكد منه …أنه يوم صدفتنا …كان اجمل ايام حياتي…
“حين يتحدثون عن اجمل الصدف …سأتحدث عن اليوم الذي جمعني بيكي …”
“وستبقي اجمل شئ ادخله القدر إلي حياتي …”
جنة بحب :بحب وجودك جمبي اوي ي زين …
زين :انا معاكي وجمبك علشان نكمل بعض …وبحتاجك زي م انتي بتحتاجيني ويمكن اكتر …
جنة :مبسوط وانت معايا ي زين …
زين :مبسوط بوجودك علشان انتي اللي محلية دنيتي كلها …
ونسمع ورا في الخلفية اغنية “خليني في حضنك ل تامر عاشور ”
وزين وجنة بيرقصوا عليها …وبياخدها في حضنه …
_خليني في حضنك يحبيبي
ده في حضنك بهدا وبرتاح
انا كل مشاعري معك راحوا
وكمان قلبي لقلبك راح
ولا بضحك وافرح من قلبي
غير لو جنبي إذا كانوا عينيك
لو تبعد عني ولو ثانية
بتجنن ي حبيبي عليك
_وبتحلي الدنيا ف عيني
وانا جنبك فما تبعدنيش
حبك فعلا بيخليني
اتمسك بالدنيا واعيش
وفي قربك بيروح خوفي
وده وعد وملزم انا بيه
مهما اكون يحبيبي ظروفي

قلبك عمري م هجاي عليه
_انا مكسب عمري اني قابلتك
غيرت ف عيني الايام
طمنتني ع الباقي ف عمري
حقق لياا كل الاحلام
اول م عيونك دي بشوفها
مش بعرف اشوف غيرها خلاص
انت هدية ربنا لياا
انت حبيبي واغلي الناس
بعد م الأغنية بتخلص زين بيشيل جنة وبيلف بيها وبتكون الفرحة مش سايعه …وكل اللي حواليهم فرحانين مودة مع رحيم …سليم مع ازهار كل واحد منهم بيتكلم مع التاني…
مودة :انا مبسوطة جوي ي رحيم واخيرا زين اتجوز وقمر كمان مرات عمي خلاص شالت موضوع زين من دماغها وكل واحد شاف حياته …
رحيم :يااارب يصلح حالها ي مودة …والله وانا كمان مبسوط جوي …علشان كل حاجة بقت زين من حوالينا…المهم انتي مالك قمر النهاردة كدا ليه …
مودة بضحك :ي سلام …يعني قمر النهاردة بس
رحيم بضحك :النهاردة ويكره وبعده وكل السنين الجاية ي احلي واحدة في الفرح كله …بقولك ايه ك تيجي نروح بلا فرح وبيغمز لها…
مودة بكسوف :ي رحيم بطل بقا قلة ادب
رحيم بضحك :انتي اللي دماغك راحت لسكة تانية

مودة :ي سلام اومال عايز نروح ليه ونسيب الفرح …يعني فرح اخويا وعايزاني أروح …
رحيم :علشان تعبان ومحتاج ارتاح ع ايدك ي جميل وبيضحك
مودة بخجل :بس بقا اسكت وبتروح خبطه في دراعه …
رحيم بضحك:اه ي دراعي بس بموت فيكي …
عند سليم وازهار
سليم بحب :مبروك ي زهرتي
ازهار :مبروك ايه ي سليم هو انا العروسة
سليم :يستي اهو مبروك مقدما لحد م يجي الوقت ونتجوز بقا
ازهار :بتحبني ي سليم
سليم :بحبك …دي كلمة قليلة جوي انا بموت فيكي ي زهرتي …أنني روحي وكل حياتي …وخلاص كلها كام شهر واتخرج من الكلية الحربية واتجوزك ووعد عليا لاعملك فرح احلي من ده كمان …
زهرة بحب :ربنا يخليك لياا ي سليم ويجمعنا ف بيت واحد ي رب …
……………………..
تفيدة :خدي هنا ي بت رايحة فين …
_نعم يست تفيدة
تفيدة:شايلة الصينية دي وواخدها ع فين
_طالعة بيها فوق في أوضة سيدي زين
تفيدة:مين قالك كدهااا
_ستي راضية علشان واكل العرسان
تفيدة بخبث :طاب هاتي الصينية وانا هطلعهاا
_مينفعش يستي
تفيدة :هو اللي مينفعش …هاتي الصينية انا كدا كدا كنت طالعة اجيب جاحة نسيتها فوق وهاخد الصينية هحطها في أوضة العرسان يلا يلا روحي …استني لو راضية سألتك قوليلها انك انتي اللي ودتي الوكل فاهمة ولا مش فاهمة …وبتطلع تفسدة فلوس وبتديهاا لها …
_فاعمة يستي فاهمة …وبتمشي …
تفيدة بخبث :بقا هو ده واكل العرسان …طيب ي زين ي ابن راضية انا هخلي النهاردة ليلتك سودة عليك ومع اهلك والزفته بتاعت مصر دي صبرك عليااا…
………………………….بعد رقص وفرح وزغاريط وزين وجنة اللي مش بطلوا رقص وفرحتهم ببعض …
عاصم :مبرك للعروسين بقا
زين :الله يبارك فيك ي واد ي عاصم
جنة :الله يبارك فيك ي عاصم

والعقيد نادر بيجي وبيسلم ع زين…الف مبروك ي زين الف مبروك ي عروسة …انا ادتك شهر إجازة يعم علشان عريس بقا وكدا وعايزاك بعد م تخلص شهر العسل ترجع وبقوة علشان عندك شغل كتير اووي …
زين :الله يبارك فيك ي فندم …والله شهر كتير جوي عليا بالكتير اخر الاسبوع وهتلاقيني نطيت عندك في القطاع …
عاصم :ايوه يفندم شهر فعلا كتير انا بقول كفاية يومين وبيضحك …
العقيد نادر بضحك :معلش بقا ي عاصم …خليها عليك المرادي وهنردهلك في فرحك … يلا عايزين حاجة انا لازم امشي مع السلامة ي زين …
زين :اطلع انت بس منها وهي تعمر
عاصم بضحك :الله هي بقت كدا يعني ماشي يعم …الله يكون في عونك ي جنة والله خلي بالك ده مش يتعشر ابدا
جنة. بضحك :انت حتي تبارك ولا تشعلل ي عم عاصم
زين :ي واد روح بقا امشي يلا من هنا
عاصم بيقرب من زين …طاب بقولك ايه هتعرف تقوم ب الليلة ولا تاخد ده وبيطلع عاصم شريط كدا من جيبه …
زين :الله يخربيتك ايه ده
عاصم:ده اللي هيجيب من الاخر مقويات وبيغمز له
زين :طاب شيل ابو اخر ده بقا وحطه في جيبك …انا واثق من نفسي يالا مش محتاج الحاجات الهايفة اللي معاك دي …
عاصم :حاجات خايفة …طاب ي خويا لما نشوف ي اسد…هترفع رأسنا ولا لا …
جنة بتبص ل زين …ايه ي زين في حاجة
زين ب توتر :لا ي حبيتي …مفيش ده عاصم واد غلس بقا م انتي عارفة …وبيبص ل عاصم يلا روح اقعد مكانك ي ابو مقويات روح وبيضحك …
عاصم :ماشي يعم والله ملكش في الطيب نصيب …
بعد كدا زين بيقعد جمب جنة …مش كفاية كدا بقا ي جنة
جنة :م لسه بدري ي زين
زين :بدري ايه ي جنة …انا بصراحة كدا زهقت وعايزاك نطلع فوق علشان نرتاح …وبيغمز لها
جنة بكسوف :اللي تشوفه ي زين …بس بطل كلامك ده علشان بتكسفني وانا اصلا مكسوفة خلقة
زين بضحك :ي واد ي مكسوف انت …
وبيطلعوا ع واضتهم وراضية وجميلة معاهم علشان بقا انتوا عارفين كلام الامهات …
جميلة بفرحة :الف مبروك ي حبيبتي …اخيرا جاه اليوم اللي خلاص بقيتي فيه عروسة وفي بيت جوزك وبتبص ل زين خلي بالك منها ي زين
زين :متخافيش ي ست الكل دي في عنيااا
جميلة بحب :ربنا يهديكم ويهنيكم ببعض ي بني ي رب …
راضية :مش عايز حاجة ي ولدي
زين :عايز سلامتك يما …
راضية :يلا ي جميلة احنا بقا ونسيب العرسان لوحديهم …وبيطلعوا من الاوضة …
بعد كدا زين قفل الباب وجنة واقفة بيبص ل جنة وبكل حب …واخيرا ربنا جمعنا ببعض ي جنتي وخلاص بقيتي ملكي وحلالي … وبيقرب منها وبيبوس رأسها …ايه مالك مش بتردي عليا ليه فيكي حاجة طيب …
جنة بتنهيدة :مفيش ي زين تعرف انا فرحانة اووي وبتبص ع كل شبر في الأوضة …مش مصدقة اني فعلا اتجوزت وبقيت ليكي وانت بقيت زين قلبي وحبيبي انا كل الحب والفرحة دلوقتي ف قلبي …بس …

زين :بس ايه …
جنة :بس خايفة تبعد عني في يوم من الايام خايفة تتغير عليا أو يحصل حاجة تخلينا نبعد عن بعض …انا ي زين عمري م اقدر اتخيل حياتي من غيرك انت كل حاجة حلوة في حياتي …عارف انا اتخاذلت كتير اووي في حياتي والدنيا جات عليا وبزيادة اووي كمان وفقدت بابا ومبقاش لياا غير ماما وانت وبس …متسبنيش ي زين …
زين بحب وبيقرب منها وبياخدها في حضنه …ومين قال بس اني هسيبك ي قلب زين انا جمبك وهفضل طول عمري جمبك فاهمة …ولا ف قوة ف الدنيا تقدر تفرقنا ع بعض… وبعدنا بقا الجو قلب ع دراما كدا ليه وبيضحك وبخبث…ايه مش ناوية ترضي عني بقا …النهاردة ليلة دخلتنا وبيغمز لها …
جنة بكسوف :ي زين بقا بس انا بتكسف
زين بضحك :الله بقولك النهاردة دخلتنا تعالي تعالي بس اقلعك الفستان
وبيمسك اديها …
جنة بخجل وبتشد اديها من أيده …لا لا ملكش دعوة بالفستان انا هعرف تغيره لوحدي
زين بضحك :طيب طيب براحة …مال ايدك ساقعة كدا ليه …متخافيش مني ي جنة صدقيني انا مش هعمل حاجة غصب عنك أو انك مش تكوني راضية ع اي حاجة تحصل م بينا ف علاقاتنا سوا …
جنة :لا ي زين انا مش خايفة منك …انت بس عندي راهبة ومتوترة شوية… متزعلش مني علشان خاطري …
زين بحب :عارف ان الوضع جديد عليكي وان حياتك كمان اتغيرت كتير بس مش عايزاك تخافي وانا معاكي ولحد م تكوني انتي عايزاني قبل م انا م اكون عايزاك … يلا بقا اضحكي كدا وروقي …
جنة بحب وبإبتسامة وبضحك …انا هدخل اغير الفستان وبتقرب منه … علشان دخلتنا …وهعمل اللي انت عايزاه ده علشان بحبك وعلشان تعرف اني مش خايفة منك …
زين بحب :بجد …مش خايفة مني …
جنة :لا ي زين

زين :ياااه متعرفيش انا فرحان اد ايه دلوقتي …بصي النهاردة هخليها ليلة ولا الف ليلة وليلة وبيغمز لها …وبخبث هااا …اساعدك ف الفستان ولا لسه مصممة …
جنة بكسوف خليك انت هنا وانا هدخل الأوضة اغير الفستان بس اوعا تيجي غير لما اقولك
زين بضحك :لا متخافيش مش هجاي غير لما تقوليلي …انا هفضل هنا لحد م تخلصي براحتك …ومستنيكي ع نار …
جنة بخجل :ماشي … وبتدخل جنة الازضة تغير فيها …
**الدوار بيكون عبارة عن أدوار كل دور بيكون فيها اوض الاوض دي فيها كذا أوضة من جواه يعني أوضة نوم وحمام وريسبشن وجنة دخلت تغير ف أوضة النوم …
وزين قاعد وعد وقت ع جنة جوا بينادي عليها مبتردش …بيرجع ينادي تاني برضوا مبتردش وبيتجه ناحية الأوضة فجأة بيسمع صوت صرخ عالي اووي جاي من الاوضة بيجري ناحية الباب وبيفتح بيلاقي الباب مقفول من جوه …بيحاول يكسر الباب مرة ف مرة لحد م سمع صوت الباب بيتفتح وبينصدم لما بيلاقي …

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية زين الصعيد)