رواية زوج بالخطأ الفصل التاسع 9 بقلم حنين الماضي

رواية زوج بالخطأ الفصل التاسع 9 بقلم حنين الماضي

رواية زوج بالخطأ الجزء التاسع

رواية زوج بالخطأ البارت التاسع

رواية زوج بالخطأ الحلقة التاسعة

عدا حوالى شهر على طلاق مايا والشهر كان من اسوأ ايام حياتها ،لانها كانت عايشة فى بيت اهلها زى الخدامة واصعب كمان ، وبقوا كل شوية يجيبوا عريس ليها لحد ما صمموا انها تتخطب وفعلا اتخطبت لكن للأسف مقدرتش تكمل فالخطوبة اكتر من ٣ شهور وفسختها ، ورجعت المعاملة اسوأ من الاول لحد ما مامتها جت فى يوم وقالتلها 👇
سماح : فى واحدة حبيبتى جيبالك عريس كويس
مايا : كفاية بقى انا زهقت
سماح : انتى مش مكسوفة من نفسك ،انتى مطلقة يعنى اللى هيتقدملك دة المفروض تشكرية انة هيبصلك اصلا
مايا : 😭 لية يعنى وانا مالى ،انتى كان عاجبك العيشة دى
سماح : انتى اللى عاوزة حد تمشية على مزاجك ومافيش راجل يرضى بكدة
مايا : حرام عليكى بقى انتى بتعاملينى كدة لية ،انا زهقت من حياتى كلها 😭
سماح : الواحد بقى مكسوف منك مش ممكن عارف يقول للناس ايه ،مطلقة !؟
مايا : خلاص انا موافقة على العريس ويارب يكون عدل عن بتاع المرة اللى فاتت
سماح : هيجى بكرة اقعدى معاة وشوفية ،هو كبير عندك شوية لكن راجل
مايا : كبير كام سنة
سماح : عندة ٣٩
مايا : 😳 ايييية انا عندى ٢٢ انتى عارفة فى فرق كام سنة وبعدين هو مش متجوز
سماح : لا وعريس لقطة سيبك من السن
مايا : 🙂🙂
———————-

بعد مقابلة مايا للعريس هانى
سماح : ها خلاص نتفق معاهم
مايا : طب اسألوا علية الاول
سماح : دة من طرف صاحبتى مش محتاجين نسأل
مايا : ماشى يمكن يطلع كويس معايا
سماح : انتى حاولى تعيشى بس
———————
يوم الفرح
——–
موكا : ياريت المرة دى تعمرى
مايا : 🙂
موكا : لان لو اتطلقتى تانى ،الناس هتقول انك انتى اللى فيكى حاجة غلط
مايا : وفرى نصيحتك
موكا : هو دة اللى انتى شاطرة فية عشان كدة هتفضلى طووول عمرك كدة
سماح : يالا الفرقة واقفة برة وهانى واقف مستنيكى
مايا : انا جاهزة
—————–
هانى : اية القمر دة
مايا : شكرا 🙂
هانى: تقريبا كدة زى ما فهمت ان محدش لمسك بالشكل الطبيعى
مايا : لا
هانى: طيب دى حاجه كويسة
مايا : فارقة معاك
هانى : انا علشانك عشان هتحسى احساس دلوقتى كنتى محرومة منة
مايا : انا كل اللى يهمنى انك تعوضنى عن اللى عيشتة قبل كدة وانا عارفة ان فى فرق كبير بينى وبينك فالسن لكن مش مهم عندى مدام هكون مرتاحة معاك
هانى : اة طبعا ان شاء الله
—————-
هانى : ها قوليلى مبسوطة
مايا : الحمد لله
هانى: كدة بقيتى مدام رسمى
مايا : ان شاء الله احاول اسعدك
——————-

عدا شهرين على زواج مايا من هانى
———————
مايا : هانى هانى
هانى : ابعدى عن وشى مش شايف قدامى وجاى تعبان
مايا : طيب انت اية اللى أخرك برة كل دة انا كنت قلقانة عليك وبتصل بيك مبتردش
هانى : ششششش مش عاوز اسمع صوت اخرجى خلينى انام
مايا : طب قوم غير هدومك واتشطف كدة وبعدها نام
هانى : يوووووه اطلعى برة انا تعبان بقولك
مايا : خلاص براحتك
———————–
بعد اسبوع
——–
مايا : انت كل يوم بقيت بتيجى متأخر لية
هانى : وانتى مالك هتحاسبينى
مايا : هو مش من حقى اعرف ايه اللى بيأخرك عن البيت كل دة ، وبعدين انا كنت تعبانة وكنت عاوزاك تيجى معايا اكشف
هانى : انا ززهقت من الرغى والمحكمة بتاعت كل يوم دى ،اييية مبتزهقيش
مايا : ايوة بزهق بس انت حس بيا شوية ،انا من حقى انك تتكلم معايا وتشوفنى مالى وعاوزة ايه
هانى : مبقاش غيرك انتى يا حتت عيلة اللى هتحاسبينى
مايا : دلوقتى بقيت عيلة ، انا مراتك ودة حقى وليا حقوق عليك
هانى : مدام بتتكلمى كدة وبتردى عليا كلمة بكلمة ومش محترمة يبقى لازم اربيكى
🥹🥹🥹🥹🥹🥹🥹🥹
هانى نزل ضرررب فى مايا ضرررب من ابشع ما يكون ، استقوى عليها بكل قوتة ولما اغمى عليها وبدأت تنزف ،جرى بيها من الخوف على نفسة على المستشفى ،وفالمستشفى اكتشفوا كلهم ان مايا كانت حامل والجنين نزل 😡
طبعا مايا رجعت بيتها وهى فى قمة الانهيار بس كانت لازم تفكر تعمل ايه معاة لان واضح ان دة اسلوبة وطبعة ومينفعش تطلب الطلاق لان كدة هتبقى مطلقة للمرة التانية واهلها مش هيرحموها وبقت تضرب وتسكت ،متقدرش تشتكى 😔
———————
مايا حملت اربع مرات ،وللأسف بسبب الضرب الكتير كان كل مرة ينزل الحمل ومكنش حد من اهلها بيقولة اية اللى انت بتعملة دة او ياخدوا موقف لصالح بنتهم واخر مرة الدكتور نبه علية وقالة ان مايا صعب تحمل دلوقتى خالص لانها سقطت اربع مرات وكدة هيبقى فى خطورة عليها وعلى الجنين ولازم فترة جسمها يستريح ويستعيد نفسة عشان تقدر تتحمل تعب الحمل .
———————–
راحت مايا للدكتور تشوف ايه الوسيلة المناسبة ليها عشان ميحصلش حمل فالفترة دى ، وفعلا عملت اللازم وكلة بقى تمام ،لحد فى يوم وهى راجعة من برة وبتفتح الباب ،لقت هانى قالب الشقة على بعضها
مايا : مين عمل كدة
هانى : شششش
مايا : انت بتدور على ايه عندك وفى هدومى
هانى : فين الدهب بتاعك
مايا: لية
هانى : خلصى دماغى هتتفرتك مش قادر استحملها
مايا : ايه علاقة الدهب بدماغك انا مش فاهمة حاجة

هانى : خلصى لازم اخد حقنة تفوقنى
مايا : 😳 حقنة
هانى : يووووة بقولك دماغى مش مستحملة الوش بتاعك دة خلصى مش قااااادر
مايا : انت …مخدرات
هانى بتبلد : اة كل انواع المخدرات ومن قبل ما اشوف وشك كمان هااا استريحتى هاتى بقى اى حاجة من الدهب بدل ما اموووتك دلوقتى
مايا : انت لازززم ترجع لعقلك
هانى : شكلك خدتى عالضرب
———————-
نزل هانى بعد ما مايا خدت علقة على اصولها ونزل يبيع الدهب وبقى كل يوم يصرف منة على كيفة والحقن والمخدرات وكل يوم من سوء لأسوأ وماية مش قادرة تتكلم ولا تشتكى لحد ولا عارفة تروح لمين ، خصوصا ان باباها تعب بالقلب جامد جدا واى حاجة تزعل او تخلية ينفعل ممكن تأثر علية .
اضطرت مايا تسكت عشان خاطر الحمل اللى سبحان الله بالرغم من كل الضرب دة ومنزلش .
الدكتور : المدام لازم تولد فى مستشفى خاصة مينفعش حكومة خالص لان ولادتها صعبة مش سهلة ومش كل حاجة متوفرة فى مستشفيات الحكومة
هانى : اة طبعا ان شاء الله
——————-
يوم الولادة
———
سماح : مايا تعبانة وشكلها بتولد ،هو الدكتور قالكوا ايه
هانى : وديها تولد ،كان قايل مستشفى خاصة
سماح : طيب يالا نوديها البنت تعبانة جدا
هانى : بنتك عندك شوفى هتولديها فين ، انا دماغى هتتفرتك انا ماشى
سماح : هتمشى ازاااى تعالى هنا
—————-
طبعا سماح كانت واقفة مش عارفة تعمل ايه ومش معاها فلوس للمستشفى الخاصة وهانى سابها ومشى .
اضطرت سماح تاخد مايا على مستشفى حكومة تولدها هناك ، وفعلا تمت الولادة بأعجوبة وكانت مايا وبنتها فى حالة خطرة جدااا .
خرجت مايا على بيت اهلها ومعاها بنتها اللى ملهاش ذنب يكون ليها اب مدمن مخدرات وقعدت عند مامتها شهرين ،وهانى لا حاول يسأل ولا حتى يجى يشوف بنتة وبالرغم من كدة ، مايا قالت ترجع بيتها يمكن لما يشوف بنتة قلبة يحن ويرجع يكون كويس معاها ،لحد ما فتحت باب شقتها 😳
مايا :😳 اية دة ،فين العفش
هانى : اية اللى جابك
مايا : رد عليا فين العفش
هانى : بعتة

مايا : بعتة !!! طب وانا وبنتك هننام فين دلوقتى
هانى : ارجعى مطرح ما جيتى ،انتى وشك فقر عليا ،اطلعى بررررة مش عاوزك .
نزل هانى ضرب فى مايا لحد ما خدت بنتها وجريت بيها عالشارع لما هددها انة هياخد بنتها منها وخافت منة ليعمل فالبنت حاجة .
وللمرة التانية مكنش ينفع بكل الاحوال انها تخبى على باباها اللى صمم انها تطلق وعشان مياخدش البنت منها ، تنازلت مايا عن كل حقوقها وتم الطلاق الفعلى بعد ٣ سنين ونص من العذاب مع مدمن المخدرات ورجعت تعيش فى بيت اهلها ومعاها بنتها
——————–
فكرت مايا تدور على شغل عشان تصرف بيه على نفسها وعلى بنتها ومتكونش تحت رحمه حد بفلوسة ،وعدت بالضبط سنة ونص من الطلاق لكن فالوقت دة مايا كانت بتشوف دايما سماح بتتكلم فالموبايل كتيير وكانت مستغربة بتكلم مين وللأسف من مراقبة مايا لسماح ،قدرت مايا تعرف ان مامتها عملت قرض من احدى البنوك واتعرفت على مدير فرع البنك دة وبقوا قريبين جدا من بعض
مايا : انتى رجعتى تانى للى كنتى بتعملية قبل كدة 😡
سماح : بلاش هبل دى صداقة عادية وبعدين انا اة عندى ٤٨ سنة بس لسة صغيرة
مايا : صغيرة اييية انتى بقيتى جدة
سماح : انا حاسة انى صغيرة خليكى انتى فى بنتك
مايا : انتى ازاى قادرة تعملى كدة تانى ، انتى على طول كنتى بتتكلمى فالموبايل معقولة كل الفترة دى كنتى بتكلمية طب وبابا مش عاملة حسابة للدرجادى .
سماح : يووووة انتى رجعتى وهتعمليلى وش فى دماغى لية ،لا انتى تتجوزى احسن
مايا : عشان طبعا تعيشى على مزاجك زى قبل كدة ،مش خايفة اقول لبابا ولا لاخواتى وانتى عارفة كويس انهم لو عرفوا مش هيرحموكى
سماح : انتى اجبن من انك تقولى لحد والا لو عندك الشجاعة كنتى قولتى زمان على الشيخ مبرووك وانتى شايفة كل حاجة قدام عنيكى وانا من غيظى منك كملتلك كل اللى حصل بالضبط عشان تعرفى العمل وصلنا لحد فين
مايا : انتى لسة مصدقة ان معمولك عمل 😒
سماح : انا دلوقتى عايشة حياتى بس انتى عملى الاسود اللى كل شوية قاعدلى ، وبعدين انا كنت عاوزة فلوس منك
مايا : ماهو دة كمان اللى مصدقتهوش، يعنى عاملة علاقة معاة وبتصرفى علية من فلوس بابا وكمان عاوزة فلوس منى عشان تصرفى علية ، مش كفاية رصيد بابا اللى مضيعاة على اتصالك بالصايع دة
سماح: اخرسى اوعى تقولى علية صايع دة مدير فرع من زى ابوكى رجل برة ورجل جوة ،عالاقل بحس انى ست وانا معاة
مايا : انا المرة دى مش هسكت وهقول على كل حاجة واللى يحصل يحصل
سماح : ورينى هتعملى ايه
مايا : للدرجادى مش همك
سماح : لا مش هممنى
——————
فلاااااش باااااك
°°°°°°°°°°°°°°°°°°°°°°°°°°°

احمد زميل مايا فالشغل واكبر منها بخمس سنين
احمد : مالك يا مايا على طول قاعدة لوحدك وحزينة فى ايه شاركينى معاكى
مايا : انا مش عارفة اقولك ايه بس انا عندى هموم الدنيا
احمد: طيب تحبى ندردش شوية
مايا : انت يا احمد حد كويس وصديق فعلا وانا بحترمك بس مش عاوزة اشغلك بهمومى
احمد: يا ستى لما اشتكيلك واقولك انى تعبت ابقى ابعدى
مايا : انا فعلا محتاجة اتكلم مع حد
احمد: وانا عندى استعداد اسمعك
——-
احمد من الاساس كان معجب بمايا جدا وكان مستنى الوقت المناسب يصارحها ولما لقى فرصة للكلام بينهم قال هو دة انسب وقت
احمد: يااااااة كل دة كتماة جواكى لوحدك
مايا : احمد انا معرفش انت من جواك دلوقتى بتقول عليا ايه بس غصب عنى انا مخترتش اى حاجة من كل دة ، كل حاجة اتفرضت عليا
احمد: محدش بيختار اهلة يا مايا وللأسف اللى زى مامتك عمرها ما هتحس بالامومة لانها بتحب نفسها اكتر من اى حد وانا بقولك انا بشكر كل الظروف اللى وصلتك لحد هنا عشان اتعرف عليكى
مايا : بلاش احس انى صعبانة عليك
الحمد: انا عاوز اتجوزك وانتى وبنتك فى عنيا ، انا حبيتك من قبل ما اعرف اى حاجة عنك وبعد كلامك دة ابقى مش راجل لو سيبتك وخدى كل الضمانات اللى عاوزاها واقسملك بالله انك انتى وبنتك هتكونوا فى عنيا
مايا : اقولك علي حاجه
احمد: قولى
مايا: انا كمان مشدودة ليك بس خوفت عشان كدة ساكتة
احمد: اوعدك انى هشيل الخوف كلة من جواكى وهعوضك عن كل اللى عيشتية والمرة دى انتى مختارة شريك حياتك بنفسك
مايا : عاوزة اعترفلك بحاجة اخيرة 😭
احمد: اية دة مالك
مايا : ماما جيبالى عريس عندة ٥٠ سنة عندة شقة وعربية وفلوس ،هو متجوز بس هيجيلى يومين فالاسبوع هى قالتلى كدة
احمد:😡 فى أم تبيع بنتها كدة ،لا هاتى رقم باباكى هكلمة واتفق معاة على كل حاجة، انتى لازم تخرجى من البيت دة بأسرع وقت
مايا : ياريت يا احمد
———————-
احمد متمسك بمايا بجد وعاوزها وهى كمان وعرف كل حاجه عن حياتها وبردوا مصمم يتجوزها لكن سماح واقفة عقبة فى طريقهم وعاوزة تجوز مايا لأبو خمسين سنة ويوميا ضرب واهانات من سماح واخوها حمودى اللى يوم ما كبر ،كبر على اختة وبقى يمد ايدة عليها بتشجيع من سماح 😊
===================

فى يوم جت رسالة لحنين من واحدة بتقولها انا حياتى عذاب ومش عارفة اعمل ايه
حنين : اكتبى كل حاجه واقولك تنفع قصة ولا لاة
مايا : انا خلفت من مدمن مخدرات بس انا هحكيلك من الاول ،انا كنت …………..
——
مايا حكت كل حاجه لحنين بأدق التفاصيل مع طبعا الحبكة الدرامية لحنين عشان تقدر توصل الصورة للقراء وفضلت حنين مكملة كتابة الحلقات وهى يوميا فى صدمة من امور الحياة والبشر ،لحد الحلقة قبل الاخيرة ..
مايا : ارجوكى يا حنين انقذينى ،ماما مصممة خلاص على الراجل اللى عندة خمسين سنة،هى قررت تبيعنى خلاص انا وبنتى
حنين : طيب ابو بنتك فين
مايا :ولا نعرف عنة حاجه ،ولا حتى بيفكر يشوف بنتة ،بالرغم من انة بعد الطلاق اتعالج لكن للأسف هو مش عاوزنا
حنين : خلاص اتجوزى احمد ،مدام انتى واثقة انة بيحبك وشاريكى
مايا : وماما اعمل فيها ايه بالرغم انى هددتها اقول لاخواتى على علاقتها بمدير البنك لكن مش هممها وكمان هى شيفانى جبانة عشان مقولتش اول مرة ،وعاوزة اقولك حاجة يا حنين ، اول لما اتطلقت من بابا ،كانت بتقعد تتصل بيا وتقولى خربتى البيت خلاص ،واستريحتى لما خربتية لدرجة خلت كل اخواتى يصدقوها وكانت مقتنعة انها مش غلطانة وانا بردوا دلوقتى شاكة انها عملت نفس اللى عملتة مع الشيخ مبروك بس حاسة انى مكتفة مش عارفة اعمل ايه ؟؟
حنين : تابعى الحلقة الاخيرة وهقولك رأيى واسمعى اراء القراء والقرار ليكى فالاخر
==================
بسم الله ، رأيى الشخصى كحنين ،انك كنتى غلطانة من الاول لما خبيتى علاقة مامتك بالشيخ لانك ساعدتها على الغلط للأسف .
مامتك للأسف عندها مرض المراهقة المتأخرة ودة نتيجة انها اكيد اتعرضت لمواقف سلبية فى نشأتها .
للأسف هى مش هترجع عن الغلط بالسهولة دى ولا بتهديدك لان تعلقها بالشخص واصل لابعد الحدود ،دة غير انها من البداية مش مقتنعة بباكى ومتمردة على عيشتها،هى تتصف بالانانية وحب الذات لاقصى درجة حتى لو على حساب اقرب الناس ليها ..
بالنسبة لاختك ، اختك كانت فى سن مراهقة ومعتقدش انها حبت حسام ،بس واضح ان الغيرة اتزرعت بينكم من بدرى كأخوات وهى كانت غيرانة منك ،يمكن عشان كنتى قريبة من ربنا اكتر منها ،او عشان دايما بتتعاملى انك الاكبر ودى حاجات تولد الغيرة ،خصوصا لو اللى قدامك مفتقدها..
رأيى الاخير ؛؛ طلعت فتوى من مشيخة الازهر انة لا يحق للأم او الاب فرض أولادهم على اختيار شريك او شريكة حياتهم ولكن عليهم بالنصيحة والرأى والمشورة فقط واولادهم يتحملوا نتيجة اختيارهم ..
معنى كدة متزعليش منى باباكى اصلا من البداية واضح انة تعبان ومش هيقدر يقف قصادها بحكم سنة ومرضة واخواتك فارضين سيطرتهم عليكى بتشجيع من مامتك 🙂يبقى الحل الوحيد ابعددى عن البيت دة قبل ما مامتك تجوزك لشخص قد ابوكى غصب عنك ولو رفضتى هتتعجنى ضرب زى قبل كدة لحد ما توافقى ، معاكى شغلك وبنتك وشخص بيحبك بكل ظروفك وباقى عليكى ومصمم ،روحى اتجوزية على سنة الله ورسولة وعيشى يا بنتى حياتك بالشكل اللى انتى تحبية وحطيهم قدام الامر الواقع مدام مافيش حد يقف معاكى والكل مقاطعها ،دة الحل الوحيد للمأساة دى ..

اما بالنسبة لمامتك وطريقها الغلط ،بعد ما تتجوزى احمد لو تقدرى تسجلى مكالمة ليها مع مدير البنك دة مدام قولتى ساعات بتاخد تليفونك لما رصيدها بيخلص او تليفون باباكى ،سجلى مكالمة ليها او اعملى فخ ليها يوقعها ومن اى رقم غريب ابعتية على كل اخواتك وهى عمالة تحب فى واحد غريب وفى نفس الوقت تكونى فى بيتك وحياتك المستقلة ويبقى كدة انتى خلصتى ضميرك وراعيتى شكل باباكى لانة واضح انة طيب اوى والمرض كمان مخلية ساكت ..
——————-
خلصت حكايتنا المؤلمة وقولت رأيى كحنين ، وارد نتفق او نختلف لكن بالنهاية بحترم كل الاراء حتى لو ضدى لكن النقد يكون بنااااء وباحترام بدون تجريح من فضلكم ومايا هى راوية الرواية هتظهر حالا للرد على اى سؤال ولا ننسى ان الحبكة الدرامية للاحداث مطلوبة لكن الحدث نفسة واقع وصحيح ..

لقراءة الرواية كاملة اضغط على : (رواية زوج بالخطأ)