رواية زوجي كريم وصاحبتي الانتيم الفصل الأول 1 بقلم عادل عبدالله
رواية زوجي كريم وصاحبتي الانتيم الجزء الأول
رواية زوجي كريم وصاحبتي الانتيم البارت الأول
رواية زوجي كريم وصاحبتي الانتيم الحلقة الأولى
ندي بنت عندها ٢١ سنة عسولة جدا كل حياتها كانت جامعتها وصاحبتها .
ندي عشان معندهاش اخوات بنات كانت ليها صحبات كتير اوي .
الفرق بينها وبين اغلب صحباتها ان صحباتها كان اغلبهم ليهم علاقات مع شباب. بس هي كانت مبتعملش كده .
من ناحية كانت خايفة من باباها ومن اخواتها عمر ووليد .ومن ناحية تانية كانت مقتنعة ان الشباب بيكون هدفهم هو التسلية مش اكتر وهي مش بتحب تكون اداة لتسلية شاب يتسلي بيها وقت ما يحب ويرميها وقت ما يحب هي كانت شايفه نفسها اغلي من كده.
شباب المنطقة كلهم كانوا هيموتوا ويكلموها بس هي كانت مبتعبرش حد.
كمان شباب الجامعة كانوا بيحاولوا يكلموها وهي كان اقصي حاجة ممكن تعملها انها ترد علي حد بصباح النور.
من بين كل صحباتها كان في تلات بنات قريبين منها اووي
الاولي نرمين ودي كانت بالنسبة ليها زي التؤام بالظبط من اول ما فتحت علي الدنيا وكانت معاها في المدرسة .كانوا بيروحوا المدرسة مع بعض ويذاكروا مع بعض وكل حياتهم مع بعض .مينفعش يعدي يوم من غير ما يكونوا مع بعض .كتير حاولوا يوقعوا بينهم بس محدش قدر يفرقهم ابدا. حتي لما دخلوا الجامعة ودخلت كل واحدة فيهم كلية غير التانية متفرقوش بردو وكانوا بردو بيتقابلوا ويذاكروا مع بعض كل واحدة فيهم بتذاكر منهجها.وكمان كانت كل اسرارهم مع بعض.
التانية كانت رحمة ودي زميلتها من اعدادي .اكتر حاجة جمعتهم هي اقتناعهم ان المشي مع الشباب عيب وانهم مش حاجة سهلة يتسلي بيها الشباب شوية ولما يزهئوا يرموها وبعدين يشوفوا غيرها يتسلوا بيها بردو.
التالتة كانت رحاب ودي كانت بنت عم رحمة وجارة ندي في نفس العمارة ودي كانت الموس بتاع الشلة واشطر واحدة فيهم وكان بيجمعها مع ندي المذاكرة وخفة الدم اول ما يجتمعوا الاتنين مع بعض في مكان مبيخلاش من الضحك .
ندي من وهي صغيرة والشباب بيطاردوها وفضلت متعبرش حد فيهم لحد ما في يوم وهي في الجامعة وبتفطر مع زمايلها في البريك بين المحاضرات جه ولد وسيم جدا وكان بيعرف بنات من شلتها.
من اول ما شافته عنيها دق قلبها .
بقت بتبصله من تحت لتحت .
اكتر حاجتين لفتوا انتباها له وسامته وان اغلب اصحابه بنات.
بعد ما خلص كلام مع صحباته اللي في شلتها اتفاجأت ندي بالولد ده بيمد ايده ليها وبيقولها فرصة سعيدة يا ندي .
ندي رغم انها مش بتسلم علي شباب بالايد الا انها مقدرتش تقاوم حركتها اللاارادية في مد ايدها والسلام عليه .
بعد ما مشي الولد ده سألت ندي صحباتها اللي كان واقف معاهم عن انه عرف اسمها منين.
عرفت ندي من صحباتها ان اسمه كريم . كان كريم بيبصلها طول ما هو بيتكلم معاهم وقبل ما يمشي سألهم عنها وعن اسمها.
ندي لما سمعت الكلام ده كانت هتطير من الفرح لأنها لفتت انتباهه رغم انه بيعرف بنات كتير زي ما هو لفت انتباهها .
فضلت ندي بتفكر في كريم وصورته مش بتفارق تفكيرها لحد ما روحت البيت وكان مظاهر السعادة واضحة عليها اوووووي .وكل اللي يشوفها في البيت يسألها عن سبب السعادة الاوفر دي النهاردة.
اتصلت ندي بنرمين صاحبتها الانتيم وطلبت تشوفها دلوقتي .
وفعلا بعدها بدقايق كانت نرمين عندها في البيت.
قفلت ندي اوضتها عليهم .سألتها نرمين اول ما شافتها عن سبب سعادتها الظاهرة اكتر من كل يوم .
وبدأت ندي تحكي لنرمين عن هذا الشاب الذي دق له قلبها من اول نظرة .
فضلت ندي تحكي لنرمين عن وسامته وشياكته وجاذبيته وحركاته وتصرفاته.
نرمين سمعت من ندي كلامها عن هذا الشاب وانبهارها به .نرمين كانت مرت بعدة تجارت حب من قبل كده .
نرمين : خلي بالك يا ندي علشان من كلامك الولد ده شكله بتاع بنات وانتي ملكيش تجارب قبل كده .خلي بالك ليلعب بيكي .
ندي : متخافيش عليا يا نرمين .الموضوع مش اكتر من اعجاب .
نرمين : لا يا ندي الموضوع واضح انه هيكون اكتر من اعجاب .
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
مرت عدة ايام دون ان تري ندي هذا الشاب مرة اخري.
لم تستطيع ندي ان تخفي نظراتها التي تبحث عنه طوال الوقت في كل مكان.
بعدها شافت ندي هذا للشاب علي بعد عدة امتار منها وكان واقف مع بنات مما جعلها تشعر بضيق كما انه لم يلتفت اليها.
وقفت ندي في مكانها وعلت صوتها بالكلام مع زميلاتها في محاولة منها لجذب انتباهه.
وقعت عين كريم عليها مما جعله ينهي حديثه مع من كان يقف معهم بسرعة وذهب اليها هي واصحايها .
وبدأ في الحديث معهم ولم تنزل عينه من علي ندي .
ثم اقترب من ندي وقال لها : ازيك يا ندي عاملة ايه ؟
ندي (بابتسامة ) : الحمد لله .
كريم : انا اسمي كريم وخلصت كلية من السنة اللي فاتت وبعمل مذكرات للطلبة بتفيدهم في المذاكرة والامتحانات. لو في اي حاجة محتاجاها قوليلي ومتتردديش .
ندي : ميرسي جدا ولو في اي حاجه هقول لحضرتك.
كريم ( بصورة مفاجأة ) : هو انتي مرتبطة ؟
ندي ( بارتباك ) : لا
يبتسم كريم : خدي رقمي اهو ولو في اي حاجة ابقي كلميني.
في اليوم ده روحت ندي مع نرمين وطول الطريق وهما بيتكلموا عن كريم.
بعد ما روحت انصلت برحمة وقالتلها عاوزه اشوف دلوقتي .
جت رحمة وعدت علي رحاب وطلعوا عند ندي.
رحمة : في ايه يا بنتي قلقتيني .
ندي قعدت تحكي لرحمة ورحاب عن كريم واعجابها بيه وبشخصيته وجاذبيته .
رحمة كان رأيها ان كريم ده عاوز يلعب بيها ويتسلي شوية .
رحاب كان رأيها حيادي وقالت انها متقدرش تقول رأيها الا لما تشوفه .
بعد ما مشيت رحمة ورحاب اتصلت ندي بنرمين .
نرمين : انتي جننتيني ووجعتي دماغي بسي كريم بتاعك ده .نفسي اشوف اللي وجعتي دماغنا بيه ده.
.وبالفعل رتبت ندي لنرمين مرة تشوفه فيها .
نرمين : بت يا ندي متضيعيش الواد ده من ايدك .ده مز اخر حاجة .
حاول كريم يتكلم مع ندي زي ما بيكلم بقية البنات بس ندي كانت مختلفة .
كريم كان حاسس بأن ندي بتبادله نفس المشاعر بس رفضت انه يتمادي معاها زي باقي البنات.
كريم عرف بنات كتير بس بالاخلاق دي والجمال والرقة دي مفيش .
كريم لقي فيها كل مواصفات البنت اللي بيحلم بيها اي شاب .
كريم لقي الطريق الوحيد ليها هو الخطوبة والجواز .
وبالفعل اتقدم كريم لخطبة ندي واستمرت الخطبة حوالي سنة ونصف حاول فيها كتير كريم انه يعمل مع ندي زي ما كان بيعمل مع البنات اللي بيمشي معاهم .بس ندي كانت مبتدلوش الفرصة دي ابدا .
ندي خلال فترة الخطوبة كانت بتغير علي كريم اووووي من البنات وكانت بتتجنن لو اتصلت بيه لقيت تليفونه مشغول .او لو شافت عنيه بتبص علي اي بنت .
لاحظت ندي خلال فترة الخطوبة تغيير في حياة كريم وانه مبقاش يكلم بنات زي الاول الا بحدود.
ندي فرحت اوووووي لما حسيت ان كريم قلبه مفيهوش غيرها وانه ملكها لوحدها .
كمان اهل كريم كانوا بيحبوها اووووي خصوصا مامته واخته شيماء .
الوقت اللي كانت بتقضيه ندي مع صحباتها نرمين ورحمة و رحاب قل عن الاول شوية وده خلي نرمين تحس بالغيرة .بس هي مش اظهرت غيرتها قدام ندي.
لحد ما جي ميعاد الزفاف .
وفي يوم الزفاف كان الكل فرحانين وندي كان اسعد يوم في حياتها بس هي كانت خايفة زي كل بنت يوم فرحها .
لحد ما خلص الفرح واهلها واصحابها واهله وصلوهم هي وكريم لحد بيتهم .
مشي الاهل والاصحاب واتقفل عليها باب واحد مع حب عمرها لاول مرة في حياتها …..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية زوجي كريم وصاحبتي الانتيم)
