رواية زوجة رجل ضعيف الفصل الثامن 8 بقلم عادل عبدالله

رواية زوجة رجل ضعيف البارت الثامن

رواية زوجة رجل ضعيف الجزء الثامن

رواية زوجة رجل ضعيف الحلقة الثامنة

شادي أنتي السبب .
دعاء أنا
شادي أيوه أنتي .
دعاء بتعجب ليه يا حبيبي
شادي احنا كان تحت أيدينا كنز وانتي اللي ضيعتيه .
دعاء بتعجب واستنكار أنا !!!! كنز أيه وضيعته أزاي يا عم شادي
شادي الراجل الاهبل اللي اسمه كامل ده أنتي كنتي ممكن تاخدي منه كل الفلوس اللي عايزينها وزيادة لكن أنتي اللي طلعتي هبلة .
دعاء بذهول أنت قصدك أيه يا شادي كنت عايزني ابيع شرفي
شادي أيه اللي بتقوليه ده ! يا بت أنتي متعرفيش المثل اللي بيقول شووق ولا تدووق
دعاء يعني ايه
شادي يعني تغريه وتعشميه وتاخدي منه كل اللي انتي عايزاه بدون ما ياخد منك غرضه .
دعاء أخس عليك يا شادي !! أنت بتتكلم بجد عايزني اعمل كده
شادي يا بت انتي غبية لو كنتي عملتي اللي بقولك عليه كان زمانا لسه في الشغل وبناخد منه كل اللي عايزينه ومكنش لمس منك شعرة واحدة انما شوفي بغبائك وصلنا لأيه !!
دعاء أنا مش مصدقة اللي بسمعه منك دلوقتي !! معقول أنت شادي اللي حبيته وبيعت الدنيا كلها علشانه !! أكيد أنا بحلم !!!
شادي مش بقولك أنتي غبية !!
دعاء وأنا اللي كنت مستغربة من رد فعلك لما عرفت أن كامل اڠتصبني !! دلوقتي عرفت أن الحاجات دي عندك عادي !!
شادي قصدك أيه يا بت
دعاء مفيش مش قصدي حاجة هات فلوس أنزل أشتري أكل .
شادي خدي دي أخر فلوس معايا هاتي شريط برشام وعلبتين سجاير والباقي هاتي بيه الاكل .
دعاء هو بعد البرشام والسجاير هيتبقي فلوس !!
شادي أتصرفي علي قد الفلوس اللي معاكي .
دعاء ما تبطل البرشام يا شادي أحسن أحنا ظروفنا زفت خالص .
شادي تاني هترجعي تقوليلي بطل الزفت البرشام من الأخر يا دعاء أنا مش هبطل برشام ومتتكلميش في الموضوع ده تاني .
دعاء طيب قولي مش عايز تبطل البرشام ليه
شادي من الأخر كده يا دعاء أنا ضعيف قدام الكيف وعندي أستعداد أعمل أي حاجة علشان أكيف دماغي الا أني أبطل البرشام أنا الحياة بالنسبالي هي البرشامتين اللي بأخدهم والسيجارتين اللي بشربهم .
دعاء يا خسارة يا شادي !! يا ألف خسارة !!!
شادي خسارة ليه
دعاء خسارة علشان مش أنت شادي اللي حبيته أنا أتخدعت فيك !!
شادي كل ده علشان بكلمك بصراحة لازم اخدعك علشان تبقي مبسوطة !!
دعاء خلاص يا شادي مفيش فايدة دلوقتي من الكلام .
خرجت دعاء وجاءت له بالحبوب المخدرة والسچائر والطعام .
و بعد تناول الطعام أشعل شادي سېجارة واخرج قرص مخدر وتناوله فأمسكت بيده دعاء وقالت له هات واحدة .
شادي ليه
دعاء أشمعني أنت يعني أنت تتبسط وانا أفضل كئيبة ! ومتنساش أن أنا اللي دفعت تمن الفلوس دي .
شادي تقصدي ايه !
دعاء هات واحدة الأول وأنا أقولك .
وبعد أن تناولت قرص المخدر قالت له أنت نسيت أن الفلوس دي اللي أنا بيعت بيها شرفي !!
شادي پغضب أنتي مصممة تعكنني علينا وتفصليني !!
دعاء لا يا حبيبي متفصلش كمل شحن يا حبيبي يلا .
وبعد يومين خلصت الأموال فقالت له دعاء هات فلوس يا شادي .
شادي أجيب فلوس منين مفيش !!
دعاء يعني أيه مفيش معرفش أتصرف مش أنت راجل البيت !!!
شادي مفيش فلوس يا دعاء أعمل أيه يعني !!
دعاء أنا معرفش بقي أنت الراجل أتصرف زي ما تتصرف وخلاص .
شادي طيب يا دعاء أنا هتصرف .
عجز شادي عن
—
التصرف وضاق بهم الحال كثيرا حتي أضطروا للعودة الي مدينتهم ولكنهم سكنوا بعيدا عن أهلهم .
مرت أيام صعبة حاولوا فيها البحث عن عمل دون جدوي !!
خرج شادي من المنزل وغاب عدة ساعات ثم عاد ومعه طعام وفاكهة والسچائر والحبوب المخدرة .
دعاء جيبت فلوس منين يا شادي
شادي أتصرفت يا حبيبتي مش أنتي قولتيلي أتصرف !!!
دعاء أنا بسألك أتصرفت أزاي يعني
شادي أتصرف وخلاص بقي المهم دلوقتي تعالي ناكل ويلا جهزلنا الجو علشان نسهر سهرة حلوة .
أعتاد شادي علي البقاء بدون عمل وكل عدة أيام حين يتعثر يختفي لعدة ساعات ثم يعود ومعه المال وكل احتياجاتهم .
تكرر نفس الشئ عدة مرات حتي جاء ذات يوم و لم يستطع الخروج من المنزل لمرضه فقال لها أنا تعبان يا دعاء ومش قادر أنزل .
دعاء وهنعمل أيه والبيت مفيش فيه رغيف عيش ولا جنية واحد !
شادي هتروحي لواحد صاحبي هيعطيكي فلوس .
دعاء صاحبك مين ده
شادي الواد خالد اللي بيقف علي أول الشارع .
دعاء خبر اسود !! لا مش رايحة .
شادي ليه
دعاء ده كل الناس عارفين أنه بتاع بنات وبيبيع مخډرات !! يعني وقفتي معاه شبهة من كل ناحية .
شادي أنتي مش هتلحقي تقفي معاه أنا هكلمه في الموبايل وبمجرد ما تروحي هناك في دقيقة واحدة هيعطيكي الفلوس وشريط برشام .
دعاء وهيعطيني الحاجات دي بدون فلوس ببلاش كده !!
شادي أيوه .
دعاء فهمني طيب أزاي ده
شادي ملكيش دعوة فيه مصالح بيني وبينه .
دعاء مصالح أيه اللي بينك وبينه يا شادي
شادي قولتلك ملكيش دعوة .
خرجت دعاء وذهبت الي خالد وحدث ما توقعته تماما وبمجرد ذهابها اليه جذبها من يدها وحاول التحرش بها !!
عادت دعاء خالية اليدين تحمل داخلها ڠضب هائل !!
دعاء مجبتش حاجة .
شادي ليه
دعاء صحبك شدني من أيدي وأتحرش بيا .
شادي يعني أيه
دعاء يعني ضړبته بالقلم و تفيت في وشه ومشيت .
شادي يخربيتك يا دعاء أنتي مچنونة يا بت !! كل الناس بتعاكسك وعايزاكي ولا دي خيلات في دماغك
دعاء يعني أنا كدابة يا شادي !
شادي أنا معرفش يا دعاء اللي أعرفه حاجة واحدة بس دلوقتي أننا لازم نجيب فلوس النهاردة .
دعاء وأنا أعمل أيه
شادي بعصبية أنزلي أتصرفي و هاتي فلوس بأي طريقة وانتي راجعة هاتي معاكي أكل للعشا وعلبة سجاير وشريط برشام .
دعاء اتصرف ازاي وهجيب فلوس منين
شادي معرفش يا دعاء أتصرفي !! المهم ترجعي ومعاكي فلوس وتجيبي كل اللي قولتلك عليه
دعاء أنا معرفش اجيب فلوس منين دلوقتي
شادي اتصرفي زي ما تعرفي اعملي اي حاجة المهم هاتي فلوس يلا اتفضلي مشفش وشك الا ومعاكي اللي قولتلك عليه .
دعاء طيب ما تتصرف انت
صفعها شادي پعنف علي وجهها وامسك بيدها وسحبها واخرجها من باب الشقة ثم اغلقه !!!