رواية رب صدفه بالحب نلتقي الفصل الثاني 2 بقلم هدير أيمن
رواية رب صدفه بالحب نلتقي الجزء الثاني
رواية رب صدفه بالحب نلتقي البارت الثاني
رواية رب صدفه بالحب نلتقي الحلقة الثانية
سهيله : خلاص ي هدير قولتلك مكتبك اتغير وبقي جنب ياسمين مش كنتي نفسك تبقي جنبها اهو نقلناكي جنبها
هو : انا ممكن اروح ع المكتب التاني مفيش مشكله وهي ترجع مكانها هو فين المكتب ؟
سهيله : جنب باشمهندسه ياسمين هناك اهو
هدير : لا انا هروح جنب ياسمين اقعد انت هنا
يقعد جنب ياسمين اي معرفتش اربي انا معرفتش اربي !
بدأ كل واحد ف شغله وبعد مرور أربع ساعات :
سهيله : كله يحضر حاجته المدير هيلف يشوف عملتوا اي علشان لو فيه اضافات يضيفها
سهيله طلعت من هنا وكل الي ف الأوضه بقوا يجروا الي يشيل قصاقيص ورق مش عايزه والي يظبط مكتبه من الزحمه الي عليه وهكذا
كله ظبط حاجته وقعد ، باشمهندس ي ولااا ف نفسك كده ف اي
وجه المدير وبيعدي ع مكتب مكتب
الشغل ده يقرف، وده عايز اهتمام اكتر ، وده مفهوش لمسه فنيه
كل واحد فينا باصص ع الارض مستني دوره ف التهزيق وهو عمال يلف ع المكاتب
الشغل ده كويس من مستجد ،بدايه مشرفه ي باشمهندس ….
_ هاني ي فندم
كلنا بصينا له ورجعنا بصينا للأرض تاني ،وخلاص فاضل ياسمين و انا
جه عند ياسمين :
الشغل مش بطال كملي وهوووووب جالي
_شغل باين عليه المجهود براڤووو
هدير :شكرا ي فندم
وقال عايز كل واحد يبذل احسن ما عنده والي هلاقي شغله كويس بعد كده هيبقي له حوافز ،ومشي وانا منشكحه والإبتسامة مش مفرقاني
ياسمين : ي بنتي فوقي وقومي علشان نمشي مش وقته انشكاح
هدير : عجبه شغلي اخيرا ! مش مصدقه انا متهزقتتتتش !
لاقيت الي ف المكتب واحد بيقول لا حول ولا قوة الا بالله والي بيضحك وحاجه ف قمه الاحرررراج
قومنا نروح وطلعنا من الشركه
ياسمين : ها هنروح فين ؟
هدير : عمو بتاع الايس كريم
ياسمين : روح الطفله الي جواكي دي مش هتكبر ابدا !
هدير : تصدقي كنت هعزمك بس ان..قطعت كلامي بسرعه
ياسمين : فراوله ولا شوكولاته !
ضحكنا وروحنا لعمو بتاع الايس كريم هو خلاص حفظنا من ايام ثانوي واحنا بنروحله هو فيه زي ايس كريم عمو جمال ! واتمشينا شويه وروحنا
وانا طالعه ع السلم :
ااه ي رجلي ااه ،البنت ملهاش الي بيتها وجوز الدره اااه
سمعت ضحكه ببص لاقيته هو
هدير : مش اخلاق جيران ابدا دي ازاي تتصنت عليا وانا ب أاهي ؟
هاني : أأهي ؟ ع العموم انا كنت طالع وسمعتك بالصدفه
هدير : ماشي اتفضل اطلع علشان اكمل
هاني : تكملي اي ؟
هدير : أأهي اي عندك مانع ؟
هاني بضحك مكتوم : لا لا عن اذنك
وطلع وانا كملت : ياناااا ي ماااا ااااه
دخلت بيتنا سلمت ع ماما ودخلت ع سريري حبيبي ،الواحد لازم يشتم نفسه كل يوم أنه بيسيبه وينزل وهوووبا نمت
صحيت ع صوت ماما :
أبيعك واجيب مروحه افيدلي ؟
هدير : ي اماا مش اسلوب ده الناس تقول صباح الخير
ماما : صباح الزفت ع دماغك قومي يلا اعملي الغدا
هدير : طب أفطر طيب ي حجه
ماما : ولا لقمه علشان تتعلمي تصحي بدري بعد كده
طبعا قومت وعملت الاكل
ماما : خلصتي ؟
هدير : اه هحط الاكل اهو
ماما : طب خدي البسي الاسدال
هدير : إسدال اي ي أمااا
سبتني وطلعت وشويه ولاقيتها بتقول اتفضل يبني
قومت لابسه بسرعه وطلعت احط الاكل ،وقعدت ومسكت الرغيف يلا بسم الله
ماما : مش تسلمي ع جارك
هدير : ازيك ، ناولني المخلل الي هناك ده كده
ماما : مفيش فايده مفيش فايده
هاني بضحك : اتفضلي
بعد شويه :
ماما : كل يبني كل متتكسفش ،اتعلم من هدير كده من ساعه ما قعدت مبطلتش
هدير : اي ده انتوا بتبصولي ف اللقمه طب مش واكله
ماما : بعد ٣ ارغفه مش واكله اه !
ضحك عليا ورد ع ماما : تسلم ايدك ي طنط
ماما : بالهنا بس انا معملتش حاجه دي هدير
هاني : اكيد طالعه لحضرتك وحقيقي متشكر اوي مش عارف اقول اي ع الي بتعمليه معايا
ماما : مفيش شكر واي حاجه عايزها خبط ع الباب علطول هيطلعلك جعفر الي جوه ده
بعد ما لبست وطلعت : بتقولي حاجه ي أمااا ،ودخلت اوضتي تاني احضر شنطتي
ماما شاورتله وبتقوله: شوفت !
سمعت صوت ضحكهم من بره ،انتوا جايبني هنا تهزقوني ولا اي !
قعدوا يتكلموا وماما عرفت أنه بيشتغل ف نفس مكاني
طلعت من الاوضه: مش عايزه حاجه ي أماا ؟ انا هنزل
ماما : استني هتروحي مع هاني النهارده
هدير : انا بروح مع ياسمين ي ماما
ماما : ياسمين مش رايحه النهارده نسيت اقولك هي اتصلت وانتي غيبوبه ولا سامعه التليفون وبتقولك استأذنت وسافرت البلد مع اهلها اسبوع وجايه
هدير : ماشي ي ماما وليد هيوديني
ماما : يبنتي ما هاني معاكي اهو يلا بطلي كلام علشان متتاخروش
ماما :خد بالك من نفسك يبني
هاني بلطافه : حاضر ي طنط
هدير : طب وانا ؟
ماما : لا انتي ميتخافش عليكي
هدير : طب س سلا سلام
نزل هو اودامي وانا وراه بشويه ، ووليد طلع هو عارف مواعيدي ف بيطلع كل مره
وليد : ازيك
هاني : بخير تسلم
وليد : مش هتستني اوصلك بقي ؟
هدير ب دربكه : اي لا لا أصل ماما عايزاك فوق يلا سلام علشان متاخره ونزلت السلم بسرعه وسبقت هاني ذات نفسه وبقيت ع اول الشارع وفأجاه لاقيته جنبي
هاني : بر.. براااحه هتقطعي نفسي
هدير : منا براحه اهو الاه
بيتكلم وهو بياخد نفسه : كده براحه ! طب كويس أن الموقف اهو يلا نركب
ركبنا مفيش غير كرسين جنب بعض الاه بقي ع الاحراج ، روحنا قعدنا وبطلع الفلوس لاقيته بيقولي عيب ودفع
هدير : خد الفلوس مبحبش حد يدفعلي معلش
هاني : منا مبقتش حد
هدير : اي ؟!
هاني : اق ..اقصد يعني أننا جيران وكده
_المهم مين وليد ؟
_ ابن خالتي بتسأل ليه
_ اول مره اشوفوا وكده عادي
_ هتشوفوا كتير بعد كده
_ وانتي نازله الشغل صح ؟
_اه
_مش بتخليه يوصلك ليه
_علشان بروح مع ياسمين
_ السبب ده بس ؟
_اه ، سكت شويه وبعدين اتكلمت :
بص هو بيحب ياسمين صحبتي ف بيقول يوصلني علشان بيبقي عايز يشوفها وانا بتلكك كل مره علشان كده
لاقيت ملامحه اتغيرت واتكلم
_ بتحبيه ؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية رب صدفه بالحب نلتقي)
تعليق واحد