رواية رب صدفه بالحب نلتقي الفصل الثالث 3 بقلم هدير أيمن
رواية رب صدفه بالحب نلتقي الجزء الثالث
رواية رب صدفه بالحب نلتقي البارت الثالث
رواية رب صدفه بالحب نلتقي الحلقة الثالثة
هدير ردت بضحك : لا لا فهمتني غلط انا بس بحب ياسمين وعارفه أن وليد كويس اوي بس عايزاه يتجرئ ويروح يتقدملها علشان هو متوتر من أنه ياخد الخطوه دي لتطلع ياسمين مش بتحبه ، ف انا بخليه ميشوفهاش علشان توحشه اكتر ،خطه ف منتهي الذكااء مش كده ! سقفلي بقي
ضحك وسقفلي سقفه صغيره علشان الناس وبعدين قال :طمنتيني
هدير : بتقول حاجه ؟
هاني : اي اه هي بتحبه بقي ؟
هدير : ياه من واحنا ف ثانوي بس مش معرفاه ولا معرفه حد غيري وانا طبعا عمري ما اروح اقول لحد
هاني : طبعا طبعا
ضحكوا سوا لما خدت بالها انها حكتيله الاه
وصلوا الشركه
هاني : ابقي استني لما تخلصي متمشيش
ومستناش ترد عليه حتي وراح ع مكتبه وبدأوا ف الشغل
بعد كام ساعه جه وقت مرور المدير وعجبه شغل هاني وهدير وقالهم خلصوا وتعالوا ع المكتب واداهم فلوس كحافز زي ما قال
طبعا هدير كانت ناويه تخلص وتمشي ومتستناش زي ما قال بس الحظ له رأي تاني وطلعوا سوا
هاني : وشي حلو عليكي النهاردة
هدير : لا انا الي شطورة بس
هاني :غرور ده
هدير : لا ثقه بالنفس
هاني : طب الثقه تحب تروح فين ؟
هدير : اي ده انت مش هتروح البيت ؟
هاني : لا هعزمك بمناسبه الحافز
هدير : لا لن اقبل خليني ادفع انا المره دي
هاني : المره الجايه
هدير : كلام رجاله ؟
هاني بضحكه بسيطه : كلام رجاله ،تحبي تروحي فين
هدير : اقولك ومتضحكش عليا ؟
هاني : قولي
هدير : عند عمو جمال بتاع الايس كريم
هاني بابتسامه لطيفه : انا كمان بحب الايس كريم يلا بينا
وصلنا لعمو جمال
هاني : طعم اي ؟
هدير : شوكولاته
ف قال لعمو جمال اتنين شوكولاته
هدير : بتقلدني ؟
هاني : لا انا بحب الشوكولاته من زمان
هدير : اتفقنا ف حاجه
وخدنا الايس كريم واتمشينا وحكتله أن دي خروجتي المفضله مع ياسمين دايما وتقريبا عقبال ما وصلنا البيت كنا حكينا لبعض قصه حياتنا اكيد اكيد الايس كريم هو السبب !
اول سلمه احط رجلي عليها :
اااه البيت ملهاش الا بيتها وجوز الدره
هاني بضحك : أأهي؟
هدير بابتسامه: أأهي اسبق انت بقي
وصلنا البيت وفضلنا ع كده اسبوووع كامل يوم اعزمه ويوم يعزمني وحقيقي اكتر اسبوع بقيت شاطره فيه ف الشغل مجيته فيها سحر بس سحر لذيذ
اليوم الثامن :
بعد ما اتغدينا ياسمين اتصلت عليا وعرفت انها هتستناني نروح سوا الشغل وهاني وماما فهموا من مكالمتي مع ياسمين أن خلاص الاسبوع خلص والايام هترجع زي ما كانت وأنه هيرجع يمشي لوحده !
هدير : هترتاح مني خلاص زمانك بتقول هترحم من الصداع
هاني بنبرة هاديه : لا والله كان وقت ممتع هفتقده
معرفش ليه حسيت بحزن حقيقي ، يمكن علشان اتعودت ع وجوده وكلامه وضحكه حتي الفضفضه ! انا بجد معاه بنسي نفسي وبتكلم كتير وعمره ما اشتكي أو سكتني !
شعور حلو أنك تحس من الي اودامك بقبول وانك مش تقيل ساعتها بتبقي كأنك طير واقف ع الارض وجناحته واصله السما
قومنا ننزل سوا واحنا عارفين أن اخرنا السلم
لاقيت وليد ، طبعا انتوا عرفتوا وظيفتوا خلاص
وليد : استنوا
وليد : ازيك ي هاني
هاني : الحمد لله
وليد بلهفه ف الكلام : هدير هاتي رقم والد ياسمين
بصيت ل هاني بصدمه معقوله !
اتكلمت بفرحه : اخيرا ي راااجل ،ناويت خلاص ؟
وليد : اه وبسرعه لأرجع لتوتري بقولك اهو
هدير : اكتب عندك 012…
واستنينا لما عرفنا أنه خد معاد من والد ياسمين وهيروح يقابله واول مره اشوف وليد بيطنط كده من الفرحه وخد هاني بالحضن واتوشوشوا شويه كده
هدير : الله الله بقينا بنخبي وكده ؟ بتقولوا اااي
وليد : هش يلا ع شغلك
هدير : بقي كدددده ؟ طيب انا هقول لياسمين متوافقش
وليد : هجبلك شوكولاته كتير خلاص قلبك ابيض
هدير : بالبندق ؟
وليد : بالبندق
هدير : كده اتفقنا ، مبتجيش غير بالعين الخضره
هاني : الحمرة تقصدي
هدير : لا الخضره لون عيون ياسمين
وليد بخجل : خدها بالله خليها تنزل يلا توكلوا ع الله
نزلنا وهاني سبق وانا قابلت ياسمين
اتكلمت بحماس : وليد كلم باباكي وخد منه معاد
ياسمين : بجد ؟ مش بتعملي فيه مقلب صح صح ؟
هدير : سيد عيب متقولش كده احنا هنبقي أهل
وروحنا الشركة وياسمين كانت بتشتغل وهي بترقص من الفرحه وخلصت شغلها اول واحده فينا وكان بيرفكتووو
ده الحب مفعوله قوي بقي ع كده !
خلصنا شغل وروحنا نجيب ايس كريم حجنا
هدير : اتنين شوكولاته
ياسمين : بس انا باخد فراوله !
هدير : ها ؟ اومال انا قولت اي
ياسمين : ما علينا وجيبنا الايس كريم واتمشينا وانا سرحانه وحاسه بحاجه ناقصه ف يومي
ياسمين راحت ع بيتها وانا وصلت للعماره
هدير : ااااه البنت ملهاش الا بيتها و…
لاقيته قطعني ف الكلام وكمل
هاني : وجوز الدره وادهولي وسبق ع فوق
هدير : الاه هو فيه جمال كددده !
دخلت بيتنا وانا فرحانه اوي وشويه ونمت
صحيت قبل الخطبه النهارده الجمعه اليوم الوحيد الي بصحي فيه بدري وشغلت قرآن ماما كانت حضرت الفطار فطرنا ووضبت الشقه وولعت بخور زي ما ماما كانت بتعمل كل جمعه وانا صغيرة وبقت عادتي انا دلوقتي
خلصنا صلاه وطلعت البلكونه لاقيت هاني جاي وشكله لطيف اوي ف الجلابيه البيضه ،دخلت بسرعه قبل ما يشوفني ، اي ده ف اي عبده موته الي جوايا راح فيييين !
جريت ع المطبخ احضر الغدا
ماما : بقينا بنعمل الغدا بروقان كل يوم وبتغمزلي
هدير : بس ي ماما الله
ماما : ومبقاش فيه ي اماااا ولا صرعه ولا حاجه
هدير : انا اصلا طول عمري من جوايا بنت كيوت
ماما : طبعا اوماااال،وضحكنا وكملت عمايل الاكل ولاحظت انها فعلا عندنا حق انا بقيت اعمل الاكل بمكون سري قربوا ودانكوا علشان اقولكوا عليه كده :
أنه الحب ي سادة
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية رب صدفه بالحب نلتقي)
تعليق واحد