رواية ذكريات لا تموت الفصل الرابع 4 بقلم مروة مرزوق

رواية ذكريات لا تموت الفصل الرابع 4 بقلم مروة مرزوق

رواية ذكريات لا تموت الجزء الرابع

رواية ذكريات لا تموت البارت الرابع

رواية ذكريات لا تموت الحلقة الرابعة

انا نجحت في الثانوية وجبت مجموع دخلني كليه طب وكنت مبسوطه جدا حسيت ان تعبي مرحش على الفاضي سهر الليالي و تحمل تعبي وإرهاقي واحساسي الدائم اني عايزه ارتاح وشعوري احيانا بالياس واني مستسلمتش لدا كله جاب نتيجة ودلوقتي انا على بعد خطوات من تحقيق حلم بابا…………. روحت الجامعة و كنت انطوائيه لا بحب حد يكلمني ولا اكلم حد وفي يوم كنت قاعدة في كافتيريا الجامعه براجع المحاضره لقيت شخص جاي يكلمني وبيقول…… هاي انا ليث زميلك بالجامعه ممكن اطلب منك طلب، مردتش عليه وفضلت مركزه في المحاضره بس لقيته جاب كرسي وقعد على نفس الترابيزه اللي كنت قاعده عليها ولقيته بيقول….. بصراحة انا معجب بشخصيتك وحبيت التزامك و عايز اتعرف عليكي ممكن سبته وقومت علشان امشي بس لقيته مسك أيدي وقال….. بلاش شغل اتقل دا خلينا نكشف ورقنا بصي تعالي معايا البيت وانا اوعدك اني مش هقول لحد على اللي هيحصل هااا قولتي ايه وهتيجي امتى محستش بنفسي غير وانا رافعة أيدي

وبضر*به قلم وقولت…….قولت انك انسان مريض ومحتاج تتعالج اشكالكوا هي اللي مو*سخه بلادنا ايوه والله بسببكوا البنت بقت تخا*ف تتعلم تخا*ف تشتغل تخا*ف تعمل اي حاجة تفكيركوا المر*يض دا انتوا محتاجين تصلحوهه فاهم لأنك لو فضلت كدا مش بعيد بكره الاقيك اتجـ…ــننت وهقلك حاجة واحده بس حسبي الله ونعم الوكيل فيك وفي كل واحد بيفكر التفكير القذ*ر والو*سخ دا سبته ومشيت بس وانا ماشيه لقيته بيقول بصوت عالي هتدفعي التمن غالي ومعاه تمن الكـ…ـف دا يا قطه وضحك خلصت محاضراتي وبعدها روحت لقيت بابا قاعد في الصالون وماما قاعده جنبه وهما الاتنين بيبصوا ليا باصة غريبه دخلت وقولت….. السلام عليكم بس محدش منهم رد قولت…… من الواجب ان لما حد يقول السلام عليكم نرد ونقول وعليكم السلام فجأة لقيت بابا قام وراح نحيتي ومن دون مقدمات كان ضر*بني قلم من شددت وقعت على الأرض دا مكنتش صدمة قويه بس الي صدمني كان اللي جاي لقيته بيقول…….ليه يا مريم ليه ليه عملتي كدا ليه بعتي شر*فك ليه سلمـ…ــتي نفسك ليه يا مريم جبتي لينا العا*ر حرام عليكي حرام مستحيل تكوني بنتي لا مستحيل بصيت ليه وقولت بدموع وصدمه….. بابا انت بتقول ايه لقيته بيقول بغضب…… اخرسي متقوليش بابا دي واحدة زيك متستحقش تقول كدا ابدا و بعدها رما صور ليا الصور كانت عبارة عن أوضاع قذ*رة لشخصين والصدمه اني كنت في الصور دي ومع مين مع الشب اللي ضر*بته قلم في الجامعه النهارده الصبح بصيت لبابا بدموع وبحاول اكد*ب عقلي واصدق قلبي ان بابا مش مصدق دا قولت…… وانت اكيد مش مصدق دا صح بابا انا مريم بنتك اللي ربتها على ايدك انا تربيتك ردت ماما بغضب ودموع…….من اول ما اتولدتي والمصا*يب بتنزل علينا من كل ناحية دا انتي نحـ…ــس علينا يا شيخا بس استحملنا بس تجيبي العا*ر لينا ليه يا جز*مه ونزلت فيا ضر*ب انا مكنتش حاسة باي أ*لم الصدمة اللي اتعرضت ليها كانت كافيه انها توقف كل حواسي ومحسش باي حاجة ماما كانت جايه تضر*بني تاني بس لقيت حد مسك ايديها بصيت لقيت محمد اخويا واقف ويدافع عني انا الدموع سبتها تنزل وتعبر عن و*جع قلبي سمعته وهو بيقول……..انتوا الزاي تفكروا بكدا الزاي دي مريم مريم يا بابا الزاي تفكر كدا الزاي مخطرش على بالك ان الصور دي ممكن تكون مفبركه مخطرش على بالك كدا خالص وبعدين وجه كلامه لماما

وقالها……. دي بنتك مش بنت الجيران والله دي قطعه من روحك حرام عليكي كل يوم نازله فيها عذ*اب نازله كلام يجر*ح ويا*ذي وهي مستحمله ثم مين قلك انها نـ…ــحس مين قلك كدا انا محظوظ ان مريم دي بتكون اختي بالعكس احنا اللي نـ…ــحس لأنها جات في عيله زينا كدا ام نازله كلام جا*رح كل يوم ليها وأب اول ما شاف شويه صور متفبركه با*ع بنته و موقفش جنبها واخ كان بيعامل اخته بطريقه زبا*له دا كان بيعامل الكلب احسن من المعامله دي بس بفضل اخته هو عرف غلطه وصححه حرام اللي احنا بنعمله فيها دا والله حرام ماما انتي مقلتيش لمريم مبروك لما نجحت وحققت حلمكوا ودخلت طب ما عن دا مكنش حلمها وهي ضحت بحلمها علشان سعادتكوا اصحوا وفوقوا بقى حرام اللي بتعملوه ده والله حرام لقيت بابا بيقول بغضب……..انا بيتي ميتشرفش ان واحدة زي دي تقعد فيه ابدا وبعدين وجه كلامه ليا وقال ارجع من برا ملاقيش وشك في البيت فاهمة واعرفي من النهارده لا انتي بنتى ولا انا ابوكي ولو انا بين اني اختار المو*ت ولا اختار اعيش معاكي هختار المو*ت لانه ارحم ليا بيانه وسابني ومشي لقيت ماما بتقول بدموع وكسر….. حسبي الله ونعم الوكيل فيكي ومشت هي كمان انا انهرت بمعنى الكلمه فضلت اعيط كتير وحاسة احساس ما*لم جدا خلاص كل ذرة تحمل فقدتها سبت العنان

لدموع انها تنزل زي الشلال لقيت اخويا بيطبطب عليا وبيقول بابتسامة بسيطة………..يلا يا مريم احنا ملناش مكان هنا خشي جهزي شنطتك وخلينا نروح ردت جنه بدموع…….انا مش هقدر ابعد عنك انا مصدقاكي يا مريم وربنا هينصر الحق على الباطل بس خلينا نتخلى بالصبر ونقول يا رب رديت وانا دموعي لسه بنتزل…….. يا رب وفعلا انا قومت وجهزت شنطتي ولقيت اخويا واختي مستنين على الباب رديت وقولت…….. خليكوا انتوا هنا انا اللي همشي رد محمد وقال…….رجلي على رجلك يا مريم المكان اللي هتروحيه انا هروح ماشي وكلام كتير مش عايز يلا دمعت على الرغم من كسر*تي و و*جعي الا اني مبسوطة لان فعلا اخويا طلع سندي وضهري ومشينا من البيت
عدي على اللي حصل دا شهر بابا مجربش فيه بتصل علينا ولا حتى يدور علينا معقول في كدا شهر عدي وانا بشتغل وبصرف على البيت اللي احنا فيه بيت بسيط بالاجار دا غير مصاريف الدروس بتاعت خواتي اخويا كا بيقسم يومه الصبح مدرسه وبعد العصر شغل حسيت بالذ*نب لأنهم أصروا يجوا معايا وانا محولتش اوقفهم قررت اروح لبابا واطلب منه السماح حتى لو انا مش غلطانه روحت وهناك سمعت بابا بيقول لواحد صاحبه………انا عيالي كلهم ما*توا الكلمه دي نازلت زي الصاعقة عليا شهر اعتبرت فيه اننا مو*تنا سبته ومشيت كنت ماشيه على البحر وانا شايفه امواجه بتخبط في الصخور والجو كان بدأ يضلم وانا واقفه سرحانه شريط حياتي بيتعرض قدامي من اول ما اتولدت لحد النهارده كل لحظة فرح كل لحظة زعل كل لحظة كانت بتمر قدامي وفجأة سمعت صوت بيقول نطي نطي اخلـ…ـصي من الدنيا دي اخلصي من القسا*وة دي دا حتي عيلتك محبو*كيش يبقى بالعقل كدا هتلاقي الغريب بحبك نطي يلا نطي بقيت واقفه وباصة للبحر ولامواجه العاليه ولسه جايه اتحرك سمعت صوت الأذان بياذي أذان العشاء بياذن الأذان اذن وانقذني من ارتكاب جر*يمة بشــ…ــعة جدا كنت همو*ت كا*فرة ليه لا انا متمنتش اني امو*ت كا*فرة ولا هتمني كدا وقفت وبصيت للبحر وقولت……. هما شايفين امواجك وهيجانك دا شي جميل بس ميعرفوش ان دا اشبه بعاصفه في قلب إنسان مجر*وح ومش عارف يداوي الجر*ح دا ومشيت وانا ماشيه لقيت واحدة قاعدة في الشارع وبردانه الجو كان ساقعه كنت لابسه جاكت وقلعته واديته للست دي وابتسمت ابتسامة صافيه ليها ومشيت روحت البيت وكنت تعبانه وباين التعب عليا لقيت جنه بتجري ناحيتي وبتقول كنتي فين قالقتينا عليكي جيت ارد لقيت توازني اختل ومحستش بنفسي غير وانا بقع وجنه بتنادي على محمد يلحقني وانا غيت عن الوعي
فوقت ولقيت نفسي في مستشفى باين عليها انها غاليه ولقيت محمد اخويا قاعد على الكنبه اللي في الأوضة وبيقرا قرآن وجنه موجوده في ركن وبتصلي نديت على محمد وقولت……. محمد انا فين وايه اللي حصل لقيته بيقول…… صدق الله العظيم، انتي في المستشفى يا مريم بقالك تلت ايام فيها، الحمدلله على السلامه يا حبيبتي خضتينا عليكي لقيت جنه خلصت صله وجات نحيتي وقعدت تعيط وتحضن فيها وكانها كانت بتغر*ق ولقت اللي ينقذها رديت بابتسامة بسيطة…….

اهدي يا جنه انا كويسة الحمد لله وبعدين وجهت كلامي لمحمد وقولت…طب ليه جبتني مستشفى زي دي يا محمد احنا مش هنقدر على مصاريفها لقيت صوت من ورا محمد بيقول…….انا اللي جبتك هنا يا مريم بصيت بصدمة وقولت……. انتي قالت……ايوه انا انتي ساعدتيني في البرد على الرغم من تعبك الا انك فكرتي في غيرك مريم انا معنديش عيله خالص وانا وحيدة ممكن تكونوا عيلتي ارجوكي انا بعتبرك حفيدتي وجنه ومحمد كدا انا وحيدة على الرغم من اني عندي فلوس كتيرة الا اني ملقتش السعادة بس اول ما شوفتك انا حسيت براحة ممكن ارجوكي تكوني حفيدتي وبنتي رديت بصدمة ومش قادره استوعب اللي بيحصل…….انا بس بس ردت عليا وقالت بابتسامة مبسش ماشي ويلا انا هنادي للدكتوره تيجي وتشوفك علشان تكتب ليكي على خروج ونروح ومفيش كلام حسيت من كلامها انها مبسوطة انها بقى عندها عيله وانها معتبرانا زي احفادها او عيالها فوقت وانا بسمع محمد بيقول………هي بجد ست طيبه سبحان الله رديت بابتسامه وقولت……..سبحان الله طلعت من المستشفى والست دي اللي عرفت اسمها بعدين واللي طلع ملاك خدتنا على بيتها وفضلنا عايشين هناك اسبوع وفيوم لقتها بتقول ليا………مريم اعملي حسابك ان انا سحبت ورقك من كليه الطب و حولته لكليه إدارة الأعمال علشان تحققي حلمك وتعيشي مع حلمك وانا مش عايزه اي نقاش قي الموضوع دا بصت ليا لقتني بدمع راحت ليا وقالت……. تصدقي أن دموعك دي بقت غاليه عندي وانا مش عايزه اشوفها تاني وخلي الفرحة مرسومه ديما ماشي رديت بابتسامة…………شكرا يا ماما ردت عليا وقالت بفرحة………..عيون ماما وحضنتني وجنه جات وكانت اتعودت على ماما ملاك وبقت تحبها كتير ومحمد كمان وبقينا أسرة سعيدة جدا

عدي على الأحداث دي كلها خمس سنين كنت بقيت سيدة أعمال ناجحة في مجلالي واخويا دخل كليه طب واتخصص وبقي تخصصه قسم جرا*حة وجنه دخلت كليه طب وبقت دكتوره أطفال وماما ملاك كانت معانا خطوة بخطوة وانا كنت مبسوطة بحياتي وحسيت ان ربنا عوضني عوض كبير بس خلف دا كله كان نفسي بابا وماما يكونوا معانا دلوقتي وشاركونا سعادتنا دي كان نفسي الحنان اللي بحسه مع ماما ملاك الاقيه مع ماما فريال بس دا محصلش فوقت وانا قاعدة في مكتبي في البيت على صوت الدادة سعاد وهي بتقول ان في ناس عايزنا انا و خواتي طلعت اشوف مين وهنا كانت الصدمة ليا

يتبع…

لقراءة الفصل التالي : اضغط هنا

الرواية كاملة اضغط على : (رواية ذكريات لا تموت)