رواية ذات الوجهين الفصل الثاني 2 بقلم منة محمد

رواية ذات الوجهين البارت الثاني

رواية ذات الوجهين الجزء الثاني

رواية ذات الوجهين الحلقة الثانية

مع الايام بدئت العلاقه بين نور وذات تتعمق اكتر فسح سهر سفر وذات كانت بتحاول تثيره بمفاتنها وكان هو بيحاول يحافظ ع المسافه ما بينهم حتي لو هيموت عليها لكن دايما ربنا قدام عيونه اي نعم هو سافر وعاش في عالم مفتوح وكل شئ فيه مباح لكن كان بيحاول يبعد دايما وعمره ما دخل في علاقه مع بنت ابدا كان دايما بيرفض وبيحاول يصلي فروضه عشان يحمي نفسه من طريق الشيطان وذات حست انه خام جدا وده في حد ذاته حسسها انها امتلكته وفي يوم قررت تروح فرح صاحبتها الي متأكده ان هتشوف الراجل الي حلمت دايما بيه وقفت قدام مرايتها تكمل باقي زينتها دخلت عليها امها
جيهان :ها خلصتي يا قلب ماما
ذات : ايوه خلصت(لفت عليها) ها ايه رايك
جيهان ببتسامه: فلقه قمر
ذات بدلع رخم: واظن فلقه القمر دي لازم يوصلها للحفله شوفير مش انا الي اسوق
جيهان :اطمني زمانه واقف تحت مستني القمر ينزله
ذات :هو مين ده يا مامي
جيهان :نور انا كلمته وطلبت منه يوصلك وبالمره تتقربوا اكتر من بعض
ذات: ليه مقولتليش وهو كمان متصلش بيا ليه
جيهان كشرت: يعني ده بدل ما تشكريني تلوميني يابنتي ده الولد ما صدق حتي جاي من شغله ع هنا يله اجهزي وهنزل اشوفه
ذات :لاء انا جاهزه وهنزل معاكي
جيهان: كدا يله
ذات نزلت السلم ولقته بالفعل منتظرها التف هو بسرعه وركز عيونه عليها وابتسم اول ما شافها قربت عليه بخطوات تعالي وهي حاطه ايدها على وسطها بغرور: ها ايه رايك جميله
نور بأعجاب واضح من نظره عيونه: جميله اوي بس معلش عندي تعليق تسمحيلي اقوله
ذات: اتفضل
نور: يعني هو الفستان يجنن عليكي وانتي مذهله فيه بس لو كان متغطي شويه مش كان هيبقي اجمل
ذات ضحكت اوي: ايه ده يا نور انت منهم
نور بصلها مستغرب: منهم هما مين دول
ذات ضحكت اوي: الراجعين والمعقدين وكدا
نور بصلها مستغرب : انا لا راجعي ولا معقد بس عمتا لبس الفساتين الضيقة او المكشوفه بتبين مفاتن ومحاسن الست مش اكتر
ذات ابتسمت ابتسامة واسعة: خلاص متتحمقش اوي كدا انا هحط شال ع كتافي بس مش عشان سمعت كلامك وهنفذه لاء عشان هعتبرها غيره بس مش الي بتخنق
جيهان حمحمت :عامل ايه يا نور
نور :الحمد لله يا طنط بخير
جيهان: ايه رايك في ذات مطلعه القمر وصيفها
نور ابتسم احلى ابتسامة:طبعا لانها جميله الجميلات
جيهان :معلش يابني اني اتصلت بيك بس انا مش حابه ذات تروح الفرح لوحدها وعمك مهدي مسافر مش هنا فقلت انت توصلها وتجيبها كدا مش هبقي قلقانه
نور: مفيش مشكله ومش عاوز حضرتك تقلقي وانا من المفروض اشكرك لانك وثقتي فيا اني اخد بالي من ذات
جيان :ميرسي يا بني
نور ابتسم ومد ايده لكفها تغرق جوه كفه وخرج وفتحلها باب العربيه تركب: ذات يله اركبي
ذات وقفت مكانها و بصتله من فوق لتحت لان جايلها بلبس الشغل وطبعا كان في الموقع والشوز كله تراب
ذات: نور معلش الفستان طويل ممكن اقعد وري براحتي وانت طبعا مش هتضايق
نور اغلق الباب وابتسم: لاء ياقمر مش هزعل _فتحلها الباب) اتفضلي يا باشا
ذات برقه: شكرا لذوقك
ثواني ووصلوا الفرح وذات دخلت لوحدها ونور قالها انه هيستناها في لوب الفندق ع ما تخلص لان لبسه مايسمحش يدخل معاها وهي دخلت لكن وهي ماشيه خبطت في شاب انيق جدا عن قصد والشال وقع من ع كتافها وهو بصلها اوي وابتسم ابتسامه جميله
الشاب: سوري مخدتش بالي
ذات ابتسمت وهزت له دماغها : ولا يهمك انا كمان مخدتش بالي
الشاب: حيث كدا تسمحيلي بالرقصه دي واعتبريها اعتذار
ذات حركت شعرها بطريقة جذابة وابتسمت بغراء : اوك معنديش مانع
الشاب اخدها ووقفوا في نص القاعه وبدؤا يرقصوا وهي قربت منه ورفعت ايدها فوق كتافه وهو قرب عليها وتاه في عدسه عيونها
الشاب بصوت مبحووح : اظن الي حصل مجرد صدفه
ذات بهمس : وياتري صدفه سيئه
الشاب: بالعكس صدفه جميله جدا لان جمالها مش عادي
ذات ابتسمت له بدلع وبثقه: ميرسي ع وصفك ليا
الشاب: كدا تسمحيلي اندهلك ذات وبس!! وانا كمان اسمي محمد وبس
ذات: ماشي يا محمد حتي كدا هناخد ع بعض بسرعه
محمد ضحك: انا كان نفسي من زمان اتعرف عليكي وانتي الي رفضتي ولا نسيتي
ذات: لاء منستش يا محمد بس المشاكل الي حصلت بين بابا وباباك بعدتنا عن بعض وانا مرضتش ازعل بابي مني واظن انت لازم تقدر موقفي
محمد: مقدر يا ذات بس ممكن بعد الحفله توافقي اوصلك
ذات : سوري يا محمد بس معايا عربيه بسواقها بابا بيعد عليا النفس وجيت شويه وماشيه
محمد كشر: ياخساره ملحقتش اشبع من الكلام معاكي يا ذات
ذات: صدقني الايام جايه كتير عن اذنك اروح ابارك لصديقتي لاني مضطره امشي ع طول
ساب ايدها وهي مشت من قدامه بسرعه و راحت هنت صديقتها ووقفت شويه معاها ورجعتله
محمد: ماشيه خلاص
ذات: ايوه خلاص فرصه سعيده يا محمد
محمد: انا اسعد بس تسمحيلي اطلع اوصلك لحد عربيتك
ذات بتوتر: لاء بلاش
محمد بتعجب: ليه خايفه
ذات: لاء مش خوف بس بابا لو عرف انك وصلتني ولا كلمتك هيبهدلني
محمد: انتي بس قوليلوا قابلت محمد الكاشف ابن اعز اصدقائك
ذات: هعمل كدا بس خليها لوقتها يله لازم امشي
محمد: تمام زي ما تحبي
ذات ودعته وراحت لنور الي رفع عيونه وبصلها وقام: لحقتي تخلصي؟
ذات: ايوه باركتلها وخرجت
نوربقلق عليها: ليه تعبتي ولا ايه
ذات بتوتر وعيونها ع محمد: لاء بس مينفعش اتأخر
نور: اوك هروح اقرب العربيه
ذات لفت وبصت لمحمد الي خرج وراها وابتسامتله وهو بادلها الابتسامه وخرجت لنور
…………ذات قصص منه محمد كاتب……….
في العربيه
نور بصلها في المرايا: ذات شوفي دي كدا رسمتك وانا قاعد بجري الوقت ودلوقت ممكن ارسمك حتي وانتي مش قدامي لاني فاكر كل تفاصيلك
ذات اتأملت الرسمه وعوجت شفايفها : انت لطيف وفعلا شبهي كتير
نور ابتسملها: يعني عجبتك
ذات: طبعا عجباني( ورمتها ع الكنبه بأهمال)
شويه وصلت العربيه قدام الفيلا
ذات نزلت: شكرا انك وصلتني لفرح صاحبتي وفضلت معايا
نور: ع ايه انا دايما في خدمتك
ذات: عارف لو مكنتش معايا طول الطريق كنت زهقت وطقيت
نور: ذات انا كمان ع اتم استعداد اشاركك في كل حاجه
ذات: انت بجد جنتل مان يانور( باست خده
نورحط ايده ع خده لانه حس بحرارة تجتا ح جسمه بدون رحمة ونطق بسرعه: ذات انا عايز اتجوزك
ذات وسعت عيونها باستغراب : انت قولت ايه؟؟
نور: قولت عايز اتجوزك ولو موافقه من بكره اجي انا وبابا نتقدم
ذات: نور انت فاجأتني بس ممكن نأجلها لحد ما بابي يرجع وكمان لان عيد ميلادي بكره
نور: بجد كل سنه وانتي طيبه حيث كدا تسمحيلي اخدك واجيبلك هديه ع ذوقي بس حابب نختارها مع بعض
ذات بسعاده لا توصف: موافقه
………….ذات قصص منه محمد كاتب……….
في الجنينه
نوربحماس: بابا انا كنت جايلك في موضوع شخصي
رفعت ابتسمله : شخصي خير محتاج فلوس
نورببتسامه خلابه: لاء يا بابا الحمد لله معايا هو موضوع جواز
رفعت بسعاده حقيقيه :اخيرا نويت ومين بقي الي العين عليها
نور حك شعره بحرج:ذات
نورهان نفخت بضيق ورمت المعلقه بغل في فنجان الشاي واستغفرت بصوت عالي
رفعت بصلها :فيه حاجه يا نورهان
نورهان بضيق: لاء مفيش حاجه المعلقه وقعت مني غصب عني
رفعت بص لنور وسأله:وليه ذات بالذات
نور بصله بتعجب: هو ايه الي ليه ذات بالذات
رفعت: ولد انا سألتك بصراحه فجاوب عليا بصراحه
نور: لاني بحبها واخترتها تكون شريكه حياتي
نورهان ادخلت: بس كدا هنضايق ياسمين
رفعت مستغرب: وايه علاقه طلب ابنك بياسمين
نورهان: لان ياسمين وذات قريبين من بعض بس الفرق ان ياسمين بنت هاديه ومؤدبه حتي اهلها ناس في منتهي التواضع والبساطه
رفعت بملل: اختصري يا نورهان عايزه تقولي ايه
نورهان: بختصار كنت بتمناه ياسمين لنور
نور بهدوء:ماما نورهان انتي فكرتي لبعيد انا بعتبر ياسمين اختي الصغيره ايوه منكرش معاها بحس براحه لكن مع ذات بحس بالحب والاشتياق بحس ان قلبي لما بيشوفها بيدق بعنف وناره مش بتخمد لدرجه بتحرق كل خاليه في جسمي ودي من اول مره قابلتها حسيت اني مشدودلها
رفعت بتحذير اه واضح ان نارها حرقتك واستحوذت ع عقلك كله
نور: بابا انا بجد بحبها ونفسي يبقي فيه بينا ارتباط رسمي
رفعت: شوف يا نور يابني انت مش صغير عشان اقولك خد دي وسيب دي لان انا اب مش دكتاتوري وانت الي هتتجوز وتعيش معاها فلو شايفها تستاهل تاخد قلبك واسمك انا معنديش مانع اهم حاجه عندي راحتك وسعادتك
نور قام باس راسه وايده :متخافش ع ابنك ميقعش راكع
رفعت ضمه : مبروك يا حبيبي
رفعت بص لنورهان الي لسه مكشره وقال: يا وليه افرديها وليه تموت في الغم
نور: ماما اطمني ذات بنت كويسه
نورهان: ربنا يخيب ظني ويسعدك يا بني
نور طبطب ع ايدها وابتسم وسابهم وراح يكلم ذات
………ذات قصص منه محمد كاتب………….
تاني يوم راحت ذات مع نور لمحل مجوهرات وبعد نص ساعه ذات اختارت خاتم شيك وانيق جدا
نور بسؤال: ها في حاجه عجبتك
ذات: هو ده بجد ذوقه روعه
نور : يعني عجبك
ذات رمشت بعيونها : جدا جدا
نور سال البياع: سعره كام ده حضرتك
البائع: 30 الف يا فندم
نور :30 الف هو جميل لكن راي نشوف حاجه سعرها اقل
ذات بصاله بنظرات غضب بعد ما رفض يشتري طلبها وسابته ينقي خاتم ع ذوقه وجريت قبله برا المحل وهو دفع تمن الخاتم الي ع قد امكانيته وطلع وراها
نور شدها من دراعها: ذات ممكن افهم في ايه؟؟
ذات سحبت دراعها منه بهدوء: مفيش حاجه
نور: تمام يله بينا نحتفل في اي مطعم وبعدها نتعشا سوي
ذات بغيظ وقهر :يله
دخلوا المطعم ونور طلب الاوردر ولحظات ووصل الاكل وبدء نور ياكل بصلها لقاها مامدتش ايدها اخد من الاكل وبدء يحط قدامها وهي لسه مكشره في وشه
نور : ذات ليه مش بتاكلي
ذات :لان نفسي انسددت
نور: انسددت من ايه
ذات بمغزي: من كل حاجه في الاول الاكل كان حلو لمجرد انه مش اكل بيتي لكن بعد ما اكلته بقي عادي
نور اتنهد بهدوء: طيب تحبي تاكلي ايه وانا اجبهولك
ذات :المكان كله مش عاجبني
نور: تحبي تاكلي فين وانا اخدك ( وابتسم بمرح) بس اوعي يكون مطعم غالي انا راجل مش بحب البعزقه
ذات: لاء خلينا هنا لان كل حاجه هحبها هتبقي غاليه اوي
نور ابتسم لها بهدوء:ذات انتي فهمتيني غلط مش معني اني مش بحب البعزقه اني بخيل بس انا لسه بكون نفسي وبحط القرش ع التاني لحد ما استقر ووقتها اجبلك كل الي نفسك فيه فيلا عربيه مجوهرات اي شئ هتطلبيه هشترهولك بس حاليا ظروفي متسمحش بكدا
ذات بحده:ايوه بس انت باباك صاحب شركه
نور هز دماغه بضيق:انا مش بحب اخد حاجه منه خصوصا بعد ما اتخرجت
ذات: ايوه بس ده ابوك مش واحد غريب
نوركشر شويه: ايوه ابويا وايوه مش غريب بس انا حابب اعتمد ع نفسي واقف ع رجلي الراجل كتر الف خيره كبرني وعلمني وسافرني لحد ما رجعت باش مهندس وعمره ما بخل عليا بس انا حابب اكون نفسي وياريت تفهميني
ذات ربعت ايدها :خلاص بلاش تفكر في حاجه فوق اوي
نوربعدم فهم: قصدك ايه
ذات : قصدي ع الاقل يبقي معاك عربيه بدل الموتسكل لكن لو مش هتقدر تعمل كدا وقتها هتحرج نفسك معايا بزياده
نور بزعل: حاضر يا ذات هشتري عربيه رغم اني بعشق الموتسكلات بس عشان محرجش نفسي معاكي مبسوطه كدا
ذات نفخت وقامت بعدت عنه ثلاث خطوات وقالت وهي تبعد شعرها عن وشها: ايوه مبسوطه ويله عايزه اروح
نور شاور للمتر ودفع الحساب واخدها ووصلها لحد البيت ومشي من غير اي كلمه وهي اختفت بسرعه من قدامه ّ