رواية ذات الوجهين الفصل الثالث 3 بقلم منة محمد

رواية ذات الوجهين البارت الثالث

رواية ذات الوجهين الجزء الثالث

رواية ذات الوجهين الحلقة الثالثة

تاني يوم ذات اخدت امها وراحوا عشان تشتري خاتم بمناسبه عيد ميلادها وبعد ما اختارت وجات تدفع الحساب
محمد: حسناء خالي الفاتوره عليا
ذات لفت وبدهشه: محمد
محمد قرب عليهم وع شفايفه أجمل ابتسامة وسلم عليها ورجع سلم ع امها: ازيك يا طنط
جيهان: ازيك انت بس مين حضرتك عشان تدفع لبنتي الفاتوره
محمد ببتسامه: انا محمد الكاشف اظن كدا عرفتيني
جيهان: انت محمد ابن الكاشف معقول كبرت يا محمد وانا الي اتفاجئت وقلت مين ده عشان يدفع الفاتوره عارف لو واحد تاني مستحيل كنت خليت ذات توافق ع كدا ابدا
محمد: يا طنط ده مبلغ تافهه جدا
ذات: بتقول كدا عشان متحرجنيش صح
محمد: لاء والله بس فعلا المبلغ هايف وبعدين انا ليا نص المحل وياستي اعتبريه كاتوه اعتذار لاني قطعت فستانك في اليوم الي اتقابلنا فيه
جيهان شهقت بخضه: ايه قطعت الفستان
ذات: لاء يا مامي الشال بس
جيهان حطت ايدها ع صدرها: الحمد لله ارتحت اصل الفستان غالي اوي
محمد: ممكن بقي انتهز الفرصه واخد منك ذات اعزمها ع الغداء
ذات : انا لو حبيت اروح محدش يقدر يمنعني
محمد اتعجب شويه من اسلوبها
جيهان ابتسمت بحرج: فعلا احنا معودنها تتعامل لاننا واثقين فيها زياده عن اللزوم
……….ذات قصص منه محمد كاتب……….
في المطعم
ذات: المطعم ده شكله راقي جدا
محمد: وبيقدم اكل لذيذ جدا كلها اكلات غربيه تجنن
ذات: الله بحب الاكل الغريب ده جدا
محمد بتسامه عريضه: طيب دوقي ده كدا وجربيه هتعشقيه
ذات مدت الشوكه وبدئت تاكل وهو عيونه عليها
ذات: بجد تحفه طعمه حلو اوي اوي
محمد: وانا مبسوط لانك حبتيه عارفه المطعم ده متعودين عليه انا وعايلتي ولو حبتيه هجيبك دايما هنا
ذات فكرت: وهتقدر تجبني هنا كل ما اعوز اكل
محمد بتلميح: والله لو حبيتيه هجيبك وقت ما تطلبي
ذات: طيب افرض زهقت منه وحبيت اروح مكان تاني اغلي منه
محمد: لو مش هتزهقي مني انا شخصيا مستعد اخدك لـ اخر الدنيا انا عندي طوله بال ولو مش مصدقاني حاولي وشوفي
ذات بحماس: في الحاله دي عندي فضول اجرب لاني عايزه اطمن لو هتحب اسلوبي وتوافق تكمل معايا في طريقي وهتستحملني اد ايه
محمد: وانا عندي شغف اعرفك
ذات رفعت كاس العصير: كدا يبقي اتفاقنا
محمد قلدها ورفع كاس العصير وابتسم: اتفقنا
…………ققص منه محمد كاتب………….
ذات بعد ما رجعت من العزومه ووصلها محمد دخلت لقت ابوها قاعد
مهدي بغضب: ممكن افهم ايه الي بتعمليه ده؟!
ذات قلبت عيونها بستفزاز: عملت ايه
مهدي: انك تخرجي مع راجل غريب ولوحدكم
ذات: وفيها ايه احنا كنا في مكان مفتوح واتغدينا ورجعني فين المشكله
مهدي: لا مفيش مشكله ده حتي انا المفروض ابقي اب فري خالص واصهين
ذات: ولازم تتعامل معايا كدا ع الاقل لحد ما اروح المنتجع بتاعه في مارينا
مهدي هنا ووطفح الكيل قام وقف بغضب شديد و زعقلها: ذات انا بسمحلك تخرجي تروحي سينما مسرح مع صحابك وترجعي في نفس اليوم لكن تروحي معاه منتجع وتباتي هناك كدا الوضع ذات عن حده
ذاب: بابا انا هروح معاه كضيفه وهبقي في اوضه لوحدي مش هنام معاه في اوضته وممكن ابعتلك فيديو تشوف اني نايمه لوحدي
مهدي: خلاص خدي ياسمين معاكي كدا هبقي مطمن
ذات: انت مش واثق فيا ومفكرني واحده منحله
جيهان: ذات هو ميقصدش المعني
مهدي: جاوبيني الاول خروجك مع الي اسمه محمد وضع نور ايه فبلاش تحطيني في وضع محرج مع رفعت ابوه
ذات : عشان اريحك نور مجرد صديق لا اكتر ولا اقل اما محمد صديقي المقرب حاليا ومش بعيد يبقي زوج المستقبل مين عارف
مهدي جز ع اسنانه وقال بانفعال: كدا زودتيها
ذات بنفعال مماثل: بابا متقلقش انا هكمل الكليه قبل الجواز ولحد ما يتجوزني محمد هعرف اسيطر ع وضعنا وصدقني مش هكسر شرف العيله ولا احط راسك في الارض ولا هحطم امالك فيا اتفاقنا
جيهان: ذات بلاش تتكلمي كدا
ذات ضربته بنظرات صارمة قاسية وسابتهم ومشت
مهدي: عجبك اسلوب بنتك
جيهان: ده كله بسببك انت شديد اوي معاها عشان كدا ردت عليك بالاسلوب ده
مهدي بضجر: انا برضو
جيهان: بنتي عمرها ما اتكلمت بالشكل الفج ده الا منك لانك مش واثق فيها
مهدي: الامر ملوش دعوه بالثقه انا في النهايه اب ولازم اخاف ع بنتي الوحيده الكاشف رباه ابنه محمد ع اللعب مع الستات هو نفس ابوه ميتخيرش عنه مفكر نفسه كازانوفا بلغي بنتك ترجع في نفس الليله والا وديني ه*طربق الدنيا عليها
خلص كلامه و شد مفاتيح عربيته وخرج لانه مسافر لشغل
……….قصص منه محمد كاتب………
تاني يوم وصلت ذات مع محمد الي وصلها بعربيه احدث موديل قدام الفيلا ونزل وسلم عليها وضمها وباس خدودها وياسمين كانت منتظرها و شهقت وبرقت عيونها وبصت لجيهان الي ووشها احمر واتغير
جيهان برتباك واضح: اه ده محمد وابوه كان صديق لعمك مهدي
ياسمين لسه واقفه مندهشه مستغربه
جيهان: هجبلك عصير من المطبخ
ذات دخلت : ياسمين انتي هنا
ياسمين: جيت اسأل عليكي لقيتك بايته برا من امبارح وفيه شخص راجع معاكي
ذات: ده محمد بس بقولك ايه لو بابا سألك اني كنت بايته معاكي تقوليله ايوه
ياسمين: عندي انا
ذات: ايوه عندك انتي
ياسمين: عاوزاني اكدب ليه
ذات ضحكت اوي: يوه لان كدبك هينجيني من فتح تحقيق ووجع دماغ انا في غني عنه بكدبه
ياسمين: انتي عاوزني اكدب ع عمو مهدي وانتي بتضحكي
ذات: ياشيخه انتي مكبره الوضوع اوي دي كدبه بيضه
ياسمين: طيب ممكن اسألك عن محمد
ذات: محمد يا ستي ابوه كان صديق لوالدي واظن كدا معجب بيا
ياسمين: وانتي معجبه بيه
ذات بصت في ضوافرها : لاء انا عندي نور ازاي اعجب براجل تاني اما بتسألي اسأله غريبه (قربت عليها بخبث) بس ياتري السؤال لانك قلقانه ع نور
ياسمين هزت دماغها: ايوه
ذات: من ايه بقي القلق
ياسمين: لاني شوفت الي اسمه محمد بيبوسك حطتيت نور مكانك لو شوفته عمل كدا مع بنت تانيه ردي فعلي هيكون ايه وكنت برضو هسأله نفس ما عملت معاكي كدا بالظبط لاني هقلق عليكي نفس قلقي عليه
ذات ابتسمت بغرور وقربت اوي منها: ليه هو نور عنده حبيبه غيري
ياسمين عيونها ذاغت : معرفش ومشفتهوش مع ست تانيه بس الي شوفته هو انتي ومحمد
ذات: اظن جاوبتك وقولت لك هو معجب بيا وبس وانا مش بفكر غير اني اتعرف عليه وبس ومتقلقيش لان نور شخص مهم جدا بالنسبه لي يعني تقدري تقولي لحد دلوقت لكن لو اتغيرت الامور في المستقبل انتي اول واحده هتعرفي والكلام انتهي تمام
…………قصص منه محمد كاتب………
في بيت ياسمين دخلت اختها مدخنه ع اخرها وندهت عليها بعلو صوتها
ياسمين بفزع:: ايه في ايه القيامه قامت
ضحي بتكشيره ومدا البوز: تعالي وانتي تعرفي في ايه_ صدرت الفون ليها_ اتفضلي
ياسمين بتعجب: ايه ده
ضحي زعقت: تلفون
ياسمين نفخت: يا رخمتك منا عارفه انه تلفون امال تلفزيون اعمل بيه ايه؟؟!!
ضحي: افتحيه كدهوا واتفرجي وقوليلي الشاب الحليوه والانسه ذات بيعملوا ايه مع بعض ده كان فضلهم شويه وياكلوا بعض
ياسمين: الصور دي جبتيها منين؟
ضحي بتهكم: متغيرش السؤال قوليلي تعرفي عنهم ايه
ياسمين: ده محمد الكاشف صديق ذات
ضحي رفعت حاجب: وانتي قولتي عنه لنور
ياسمين لسه هترد قاطعهم دخول نور وببتسامه: ايه ياحلوين بترغوا في ايه
ياسمين رسمت شبح ابتسامة ع شفايفها وضحي خبت الموبيل ورجعت كام خطوه ع وري
نور رفع السبابه بشك: بنت يا ضحي مخبيه عني ايه وري ضهرك هاتي اشوف
ضحي برتباك :ده تلفوني مالك انت (بصت لـ اختها) ياسمين انا رايحه اخد شور
ياسمين: بسرعه للميه هتقطع
نور حط ايده الاتنين في جيوبه:تصرفها مريب للشبهه كانها بتقولك انا عامله كارثه بت مصيبه
ياسمين : طمني ذات عامله معاك ايه يانور
نور اخد نفس بعمق: اه يا ياسمين بجد محتاج نصيحتك
ياسمين وشها اتاخد و بتساؤل مقلق: بخصوص ايه
نور بأبتسامه عريضه:مالك اتخضيتي كدا اطمني بخصوص زواجي من ذات
ضحي كانت بتتسمع ومن الخبر سنتدت ع السجاده المحطوطه ع الحيط فوقعت فوقيها
ضحي اتحرجت جدا وقامت :اسفه وقعت فكرتها حيطه
نور بطريقة مستفزّة كغلاسه:حيطه يا حيطه ولا واقفه تتصنتي كالعاده
ضحي ابتسمتله بسماجه :دايما رخم معايا يانور
نور ضحك وكرر سؤاله: ها يا ياسمين ممكن تفكري معايا وتساعديني في قراري
ياسمين: حاضر هحاول
نوربصوت عالي: ضحي هاتي اتنين شاي وتعالي الجنينه
واخدها وطلعوا برا في الهواء الطلق وااعد نور قدامها ع الكرسي
ياسمين قلبت الشاي وقدمتهوله: يعني انت ناوي تطلب من ذات الجواز ع طول
نور: ايوه بصراحه كنت ناوي اخطبها الاول ولما تخلص كليتها نتجوز
ياسمين: نور انا طبعا مش عايزه اكسر حلمك بس سبق وسألأت ذات عن رايها يعني لو كانت موافقه تتجوزك
نور: ياسمين ايه السؤال ده
ياسمين: السؤال ده انت لازم تجاوب عليه وتسأل نفسك يعني لو رفضت الجواز قبل ما تخلص انت وقتها هتزعل للرد والحرج
نور :لاء ذات لما طلبت منها مرفضتنيش بس الي متاكد منه انها بتحبني زي ما بعشقها
ياسمين :وامتي ناوي تفتح معاها الموضوع
نور :كمان يومين او ثلاثه وبصراحه عاوز افاجئها بس قبلها هتصل بيكي تسبقيني ع هناك ها موافقه
ياسمين ؛موافقه
……………قصص منه محمد كاتب…….
دخلت ياسمين الفيلا بعد ما استقبلتها الشغاله وشافت دعوه زفاف اخدتها وفتحتها وانصعقت: حفل زواج ذات مهدي ع محمد الكاشف
في نفس اللحظه دخل نور ومبتسم للشغاله ولف شافها: ياسمين جيتي
ياسمين شهقت و لفتله وشافته قدامها وشافت الفرحه في عيونه بتضحك قامت من مكانها بخضه وخبت الدعوه وري ضهرها: نور ذات مش هنا
نور: عارف الشغاله قالت لي
ياسمي: طيب يله نمشي ونبقي نجيلها في وقت تاني
نور: لاء هستنها وافاجئها
ياسمين :هو انت هتتقدم النهارده
نور جث جبينها :مالك يا ياسمين مش ده كان اتفاقنا _طلع علبه حمره) بصي ايه رايك سحبت فلوس واشترتلها الخاتم ده لانه كان عجبها من فتره(فتحه) ها جميل
ياسمين: ايوه جميل
نور اتنهد: ع فكره انا انسان محظوظ لانك هتشهدي لما توافق ذات نتجوز
ياسمين بلعت ريقها: ايوه فعلا
نور: تخيلي ماما نورهان بتقولي مش هترضا تتجوزك غير بعد ما تخلص الجامعه وابقي شوف بزمتك ايه رايك فيها بتحطمني وش بس امانه يا ياسمينا اول ما توصل ذات وتوافق سجلي فيديو افرجهولها عشان تصدق ان ذات هتتجوزني وباذن الله بعد ما توافق اجبهم بربطه المعلم يطلبوا ايدها بشكل رسمي
ياسمين انخلع قلبها لكلامه وفي نفسها ((اه يا مسكين متعرفش ان احلامك هتتحطم وان طنط نورهان معاها حق))
نور حرك ايده قدام عيونها:مالك وشك متوتر وبعدين مخبيه ايه وري ضهرك انتي اتعديتي من البت ضحي
ياسمين بقلق وظهر ده على ملامحها: لاء بس مش مخبيه حاجه يانور
نور :طيب هاتي اشوف ايه الي وراكي يله بالذوق كدا
ياسمين برتباك :مجله بس جريئه شويه
نوربيحاول يشدها منها: لاء اشوف بقي
ياسمين: لاء يانور ممكن ترجعهالي
نور شدها منها عافيه وضحك:دي دعوه فرح ياتري مين الي هيتجوز ليكون عم مهدي ولا تكوني انتي وانتي مقولتليش والله اخنقك فيها
ياسمين برجاء وتوسل بتحاول تشدها منه: نور لو سمحت هات الدعوه
نور ضرب ايدها:استني بقي ده انتي رخمه
نور فتح الدعوه ووسعت عيونه بصدمه ونطق بدهشة : ذات ومحمد الكاشف ياسمين مين محمد الكاشف ده
ارتبكت ياسمين للحظة وبصت لنور
اثناء كلامهم سمعوا صوت عربيه وقفت وطلعت الشغاله: ذات هانم الانسه ياسمين والبشمهندس نور بينتظروكي جوه
محمد :ياسمين دي صديقتك الانتيم الي دايما بتكلميني عنها
ذت بمنتهي البرود:ايوه هي
محمد :بس مين الباشمهندس نور
ذات: يله ندخل
ودخلو ع سؤال نور: مين محمد الكاشف يا ياسمين ردي
محمد: انا محمد الكاشف_ بصلها_انتي بقي انسه ياسمين سمعت اسمك الايام الي فاتت كتير بس دي اول مره اشوفك فيها وسعيد بمقابلتك
ياسمين واقفه ساكته ودموعها حفرت خنادق ع خدودها
نور قاطعه بحزم وبعصبيه: بطل رغي وجاوبني ايه ده ( بصوت مخنوق) ذات ايه ده جاوبيني دي دعوه زفاف ايه ده ياذات ارجوكي فهميني
محمد وقف قدامه:انا هرد عليك انا وذات هنتجوز
نور بصلها بصدمه: جواز طيب وانا ايه يا ذات ازاي هتتجوزي براجل تاني واحنا بنحب بعض أأأأزاي
ذات عقدت ايدها ع صدرها و قالت ببرود واستهتار: لاء يا نور انت فهمتني غلط بأني بحبك مش معني اني اتعاملت معاك برقه وبلطف اني لازم اكون بحبك وانا مش هتجوز راجل تاني لان محمد الاولاني الراجل الي اخترته اكون شريكه لحياته
نور :قصدك انك مخترتنيش والي حصل كان ايه تهيؤات من وحي خيالي ولا كنتي حطاني ع دكه الاحتياط للي يدفع اكتر
ذات: انا مش هسمحلك سااامع
نور مسكها وهزها جامد: ردي عليا
ذات قربت منه اوي : ايوه انا من حقي اختار وانا اخترت الافضل لنفسي ايه الغلط الي ارتكتبته او الجرم الي عملته
نور: الجرم انك خدعتيني وكدبتي عليا لعبتي بمشاعري(هجم عليها) انتي غشاشه كدابه
محمد شد ذات وياسمين بتشد نور من فوقيها وكل واحد بيشد الي يخصه
محمد ذقه: ابعد عنها يا مجنون ولو عندك مشكله تعال وضحها معايا انا!!!
نوربتحذير: ده بيني وبينها وانت متدخلش
محمد: لاء هدخلك
نورصرخ فيه بنبرة مخيفة : قلتلك متدخلش (سحبها من كتافها بشراسه وبيجر فيها ع برا) انتي تعالي معايا
ذات صرخت بغضب: سيب ايدي
نورصرخ : ردي جاوبني؟؟؟؟!!!!!وضحيلي ايه الي بيحصل
محمد مسكه من ضهره بعصبيه ونرفزه وضربه بالكمه طار ع الارض وياسمين عيطت وراحت سحبت نور وقفته
نور قام واندفع ناحيته بشراسه يهجم ع محمد ذات قربت ووقفت في وشه وبتهديد: اياك تلمسه سامع وانا مكدبتش عليك ومخدعتكش سبق ووعدتك بأي حاجه او قولتلك هتجوزك اقبل الامر الواقع وافهم يانور انا مش بحبك الراجل الي بحبه (شبكت صوابعها جوه صوابعه بنبرة مستفزة) هو محمد وبس
محمد دقق في ملامح نور اوي: ذات افتكرته مش ده سواقك الي كان معاكي اول مره شوفتك فيها
ياسمين شهقت وبصتلها بغضب ونور لجمته الصدمة وحس كأن حد ضربه قلم ع وشه بقسوه و افتكر لما طلبت منه تركب في الكنبه الورانيه عشان تبين انه شوفير ياه ع غبائه
مهدي دخل: ايه الي بيحصل هنا
جيهان: فيه ايه ياذات صوتكم واصل لـ اخر الدنيا
ياسمين بخفوت: يله يانور نرجع البيت ونتكلم بعدين
نور بصوت كله قهره ووجع: مش هنتكلم يا ياسمين الكلام انتهي لان الامر واضح واظن كلنا شوفناه
واتحرك بخطوات بطيئه مغادر المكان
مهدي بص لبنته بقرف: حصلت المشكله في النهايه
ياسمين بصتلها بحده: ذات لازم نتكلم