رواية حياة موتي الفصل الثاني 2 بقلم نوران خلف
رواية حياة موتي الجزء الثاني
رواية حياة موتي البارت الثاني
رواية حياة موتي الحلقة الثانية
2
صحيت لقيت نفسي مرمي على الارض زي ما انا فى نفس المكان فى المشرحة وكأن كل اللى انا كنت فيه دا كان حلم قمت وقعدت ابص واحاول استوعب اللى حواليا واللة بيحصل ولقيت درج رامي مفتوح احساسي كان بيدفعني اني المس الجثة تاني واشوف ايه اللى هيحصل لي بس مقدرتش لكن عملت حاج تانية
فتحت درج جثمان تاني فتحي اسماعيل راجل كبير فى السن ميت موتة ربنا يعني ومن غير ضحك جثة متخوفش لا وايه ميت وهو مبتسم لمسته دوخة ونفس الدجيج في وداني واسودت الدنيا فوقت فى بيت فتحي وكان هو راقد على السرير غير قادر على التنفس تقريبا وفجأة خضني خبط حد على كتفي لفيت لقيت قرين امين حط صباعوا على فمه وقالي هش تعالى ورايا
خرجنا لقينا بسمة ونسمة ولاد فتحي لفيت لقريني ولسه بسأله بناته بهمس كدا
سمعت صوت غليظ بيقول
هو لما يموت هنورث صح
رد صوت اكثر غلظة
متقاطعيش بس وقولي ربنا يسرع ويريحوا
لما لفيت للاسف دا كان صوت بناته بسمة ونسمة
سعيتها بس عرفت سبب الابتسامة اللى كانت على وش الراجل لما فارق الدنيا اكيد سعيد انه تركها لهم
قرينة قال لي
يلا بينا
لما بصيت له لقيت الغريب ان رامي كان معا كنت هتجنن مسكت دماغي وقعدت اصرخ اصرخ واغمى عليا
صحيت لقيت نفس جوه المشرحة زي ما انا واقع جنب الدرج اللى فيه جثة الراجل الكبير
قمت سندت ضهري للحيطة وهاتك يا عياط
بعد يجي ساعتين ونص عياط متواصلين تمالكت نفسي اخيرا
وساعتها عرفت اني اسمي صحيح هو اسم على مسمى انا حقيقي امين وكمان وحيد واللى اكتشفته مؤخرا اني فريد من نوعي
بدأ افتح ادراج الجثث واقرا سبب الوفاة وبعدين المس الجثث واشوف اذا كنت هشوف المشهد اللى ماتوا فيه ولا لأ
علي ابراهيم
سبب الوفاة
(جريمة قتل تم القاءه من اعلى بنايه)
شفت علي وهو واقف هو ورفعت راجل شكله اقل ما يقال فيه انه مجرم على مسك ايد رفعت وحطها على صدره ثم قفز دون ان يكون رفعت قد دفعه لكن معظم من رأهم من الاسفل تخيل ان رفعت هو من القى به وصعدت الناس بكثرة على السلم ومن كثرة الخوف حاول رفعت الهرب الا انهم امسكوه ونزلوا بيه ونزلت معاهم واول ما وصلت للشارع وشفت جثة ابراهيم قربت منه اتضايقت منه اوي كان نفسي اسئله هو ليه عمل فى الراجل كدا بس الغريب اني لقيت صورة واقعه من جيبه لما بصيت فيها لقيتها صورة بنت ومكتوب عليها بحبك بس الغريب في الامر ان البنت دي كانت جثتها كانت فى المشرحة عندي بردو وفجأة لقيت جنبي قريني ورامي وقالولي يلا يلا
لما فوقت قمت بسرعة ادور على جثة البنت
مريم اسماعيل
سبب الوفاة انتحار
عرفت انها انتحرت زعلا على رميو قصدي على بس المفجأة كانت في تاريخ الوفاة اللى لقيته قبل تاريخ وفاة على يعني هي انتحرت قبل وفاة على طب ليه ؟
لمت الجثة بسرعة لقيت نفسي معاها فى الحمام كانت قاعدة فى البانيو وماسكة موس ومقربة من شراينها وبتستعد بس في الاخر مقدرتش بس دخل رفعت من وراها بهدوء وكان معاه موس بردو وبعدين مسك ايديها بعنف وقام قاطع شراينها وبعدين مسح دمها فى الموس اللى عليه بصامتها
اشمئزت من البشر واللى بيعمله دا لسه من دقايق كان صعبان عليا دلوقتي انا نفسي بس اشوفه وساعتها مش هلبسه قضية زور دا انا هقتله
شكل الدم كان مرعب مانقذنيش منه غير قريني اللى غمى عينيا وسمعت صوت رامي جنبي بيقول سيبك منهم خليك فى قضيتي قام رد عليه قريني وقاله انا اصلا كنت عايز اعمل كدا قضيتك هي الاهم
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حياة موتي)
تعليق واحد