رواية حكم القدر الفصل الخامس 5 بقلم أمنية أشرف

رواية حكم القدر الجزء الخامس

رواية حكم القدر البارت الخامس

رواية حكم القدر الحلقة الخامسة

الحلقة الخامسة
تاني يوم مودة راحت المستشفي وبالصدفه قابلت دكتور محمد اللي حس بالحرج جدا لما شافها
موده ابتسمت : صباح الخير يا دكتور
محمد ضحك بحرج : صباح الخير يا دكتوره
والله انا مش عارف اقولك ايه
موده ردت بهدوء : متقولش حاجه يا محمد
حصل خير
محمد ابتسم وسكت
موده : احم ..محمد كنت عاوزه اقولك نصيحه من اخت لو فعلا بتفكر في الجواز بشكل جد صدقني مش هتلاقي احسن من الدكتورة سارة
محمد بدهشه : سارة
موده ابتسمت : صدقني ساره هي اكتر واحده مناسبه ليك ومش بقول كدا عشان هي صحبتي لا والله
لأن فعلا ساره بجد تستاهل كل خير
محمد : اكيد طبعا دكتوره ساره معروفه بأخلاقها العاليه وخفه ودمها ووعد مني هفكر في الموضوع بشكل جد واكيد مش هلاقي أفضل منها
موده ابتسمت : ان شاء الله ربنا يقدم اللي فيه الخير
لسوء حظ موده مالك كان داخل مكتبه في المستشفي تفاجأ بيها واقفه مع محمد
قرب منهم بغضب ومسك ايد موده دليل علي الملكية
ووجه كلامه لمحمد : ازيك يا دكتور محمد
محمد بحرج : بخير يا دكتور ..عن اذنكوا عشان عندي مرضی
مالك بغضب شد ايد موده ودخل مكتبه وقفل الباب
مالك : ممكن اعرف يا هانم كنتي واقفه معاه ليه
موده ببردو : شئ ما يخصكش
مالك اتجنن اكتر واتكلم بصوت عالي : نعم هو اي اللي ما يخصنيش ..انتي كلك علي بعضك تخصيني
موده سكت وحاولت تخرج من المكتب مالك منعها بحزم : مش هتطلعي من هنا غير لما اعرف كنتي واقفه معاه ليه …كنتي بتتأسفي له وبتقوليله معلش مش هعرف اتجوزك لأني اتجوزت مالك غصب عني
موده بغضب : انت اتجننت انت ازاي تسمح لنفسك تقولي كدا
مالك : اومال اقولك اي لما اشوفك واقفه مع واحد وبتتضحكي معاه وكمان مش اي واحد دا واحد كان عاوز يتجوزك وجه طلب إيدك مني
موده : لآخر مره يا مالك هسمحلك تكلمني بالأسلوب دا وتتخطی حدودك معايا
مالك : اتخطی حدودي هو انا كمان ليا حدود ومينفعش اتخطاها …طالما بتكرهيني لدرجه دي وافقتي ليه ع جوزانا
موده بهدوء : وافقت عشان انس وحط تحت عشان انس مليون خط لأني مستعده اعمل اي حاجه عشانه
مالك بحزن لأنها ما نافتش كرهها ليه : وانا يا موده مليش اي خاطر عندك او اي مكان في حياتك
موده بوجع : انت خسرت كل حاجه كانت جوايا ليك
بعدما خدعتني واوهمتني بحبك وبعدها خطبت أختي واتجوزتها
مالك بلهفه : انا عمري ما خدعتك ولا اوهمتك بحبي
انا عمري ما حبيت حد غيرك
موده بسخريه مره : واضح فعلا انك محبتش حد غيري
مالك : موده اسمعيني كل اللي حصل سوء تفاهم
موده : انا مش عاوزه اسمع اي حاجه …ارحمني بقا وكفاية وجع لحد كدا
مالك : لا هتسمعيني موده اقسملك بالله عمري ما حبيت ولا بحب ولا هحب غيرك اللي حصل زمان إني قررت اني اخطبك بعدما اشتريت شقتي ووضبتها
فاتحت والدي في الموضوع وقولتله عاوز أخطب بنت الأستاذ عبدالرحمن وهو رحب جدا وفرح وكلم والدك
ويوم ما جيت عندكو كنت جاي ع أساس اخطبك وكنت أسعد واحد في الدنيا فجاءه كل دا اتغير لما لقيت بابا بيقول احنا جاين نطلب ايد رحمه لمالك
موده بصتله بعدم فهم فمالك كمل : لأني محددتش عاوز أخطب مين بابا فكر انها رحمه لأنها الكبيره
موده بذهول : انت عاوزه تفهمني ان كل دا حصل بسبب سوء فهم
مالك : والله العظيم دا اللي حصل ..وقتها اتصدمت ومبقتش عارف اعمل ايه أقف وأقول لا انا عاوز مودة
واحرج أهلي وكل الموجودين ولا اسكت واشوف الأمور هترسی علي اي وللأسف سكت
موده بدموع : هو انت فاكر انك اللي بتقوله دا هيبرئك قدامي دا انت كدا بثبتلي ان حبك لي مكنش كفايه عشان تدافع عنه انت مكنتش شجاع كفايه عشان تاخد اللي انت عاوزه
مالك كمل الحكايه من وجهه نظره من غير ما يرد علي موده : كان عندي أمل ان رحمه مش هتوافق وهتديني فرصه أرتب اوراقي من جديد بس وافقت واضطريت أكمل الخطوبه فضلت ع أمل ان هيجي يوم ونختلف فيه وكل واحد يروح لحاله بس اللي حصل العكس كل يوم بيعدي رحمه كانت بتتعلق بيا عن اليوم اللي قبله وانتي اختفيتي تماما بتتهميني إني مش شجاع ما انتي كمان مش شجاعه انتي فضلتي الهروب علي انك توقفي وتواجهي
موده : انا فكرت انك خدعتني ومكنتش هقدر استحمل اشوفكم مع بعض فبعدت لأني شوفت ان بعدي هو الحل
مالك : وانا شوفت ان اكمل في خطوبتي مع رحمه لأني مكنتش هقدر اكسر قلبها زي ما قلبي وقلبك اتكسروا لأن رحمة مكنتش هتقدر تستحمل
رحمه عكسك تماما يا مودة ..رحمه كانت بريئه وهشه زي الأطفال كانت بثير جوايا مشاعر الابوة والحماية …ومشاعر الابوة عندي اتغلبت علي اي مشاعر تانيه جوايا فدفنت قلبي وكملت معاها
خلص كلامه وموده انفجرت في العياط
قرب منها وضمها ليه : انا عارف ان كل اللي مر علينا مكنش سهل نهائي وعارف انه كان الأصعب بالنسبالك
بس كل اللي أقدر اقوله أنها أحكام القدر واحنا راضين بالقدر خيره وشره
موده بدموع : مش قارده اصدق ولا استوعب …سنين وانا عايشه عن انك خدعتني وكسرت قلبي فجاءه اكتشف ان كل اللي حصل بسبب سوء تفاهم
سوء تفاهم دمر حياتنا
مالك : خلاص يا موده بلاش تفكري بالطريقه دي الماضي عمره ما هيرجع تاني حاولي تنسي وخلينا نبدأ من جديد
موده باستنكار : انسی بسهوله كدا انسی …انت فاكر
ان مشكلتنا هي بس في اللي حصل زمان
لا المشكله الأكبر هي رحمه ..رحمه اللي هتفضل بينا دايما وهتخليني أفضل طول عمري حاسه بالذنب لأني خدت حاجه كانت ملكها في يوم من الأيام
وقبل ما يتكلم ويرد عليها كانت خرجت وقفلت الباب
عند سارة في الصيدلية كان في دوا موجود علي رف عالي فوقفت علي كرسي عشان تجيبه
دخل محمد وهي ما اخدتش بالها منه فاتكلم فجاءه : احم ..دكتوره ساره
ساره اختل توزانها وكانت هتقع بس محمد سند الكرسي قبل ما تقع نزلت وقعدت علي الكرسي وحطت ايديها علي قلبها من الخضه
محمد ابتسم بهدوء : انا آسف اني خضيتك
ساره بلهفه : لا ولا يهمك ما حصلش حاجه
محمد : طب الحمد لله …كنت عاوز اقولك ياريت تخديلي معاد من والدك عشان اطلب إيدك
ساره بدهشة : انت بتهزر
محمد : نعم
ساره : قصدي هو انت قولت ايه
محمد ضحك : بقول أجي امتي اطلب إيدك
ساره : تطلب أيدي انا
محمد هز رأسه بمعني ايوا
ساره : قول والله
محمد ضحك : والله ….أجي امتي بقا
ساره وهي بتحاول تبين انها مش ملهوفه : هشوف بابا الأول وأبلغ حضرتك
محمد ابتسم : وانا مستنيكي
وطلع بهدوء زي ما دخل
موده دخلت والحزن باين عليها
ساره جريت عليها حضنتها : مودة الحقيني
موده بخوف : في اي يا ساره خوفتيني
ساره : حاسه ان قلبي هيقف من الفرحه
موده : في اي يا ساره ما تنطقي
ساره ابتسمت : محمد طلب مني معاد عشان يقابل بابا ويطلب أيدي
موده ضحكت : مبرووك يا حبيبتي الف مبروك
ساره : الله يبارك فيكي يا قلبي
انا حاسه إني هموت من الفرحه
موده ضحكت : بعيد الشر ربنا يتمم بخير يارب
ويسعدك ويفرح قلبك
ساره : يارب ..يارب
بعد اسبوعين كانت خطوبه ساره وموده كانت فرحانه جدا عشان صاحبتها
مالك : شكلك مبسوطة اوي النهاردة
موده : ايوا جدا ساره البيست بتاعتي وزي اختي بالظبط وانا فرحانه لفرحتها
مالك : محمد بردو كان باين عليه الفرحه
موده ابتسمت : ايوا ربنا يسعدهم
مالك : يارب….موده مش ناويه تديني فرصه تانيه نبدأ فيها من جديد
موده : ……..