رواية حكاية كفيفة الفصل الرابع 4 بقلم خوخة

رواية حكاية كفيفة الجزء الرابع

رواية حكاية كفيفة البارت الرابع

رواية حكاية كفيفة الحلقة الرابعة

ماما فتحت الباب لقت عمتي في وشها وبتصتنع الحب ليا وقالت ازيك يا عشق يا بنتي , في ميزة في كتير من المكفوفين بيقدرو يميزو الشخص البيتكلم معاه بيحبه ولا لا , فرحان انه بيتكلم معاه ولا بيصطنع الفرح وكل دا من نبرة الصوت , رديت عليها وانا طيرة من الفرحة ان واخيرا حد من اهلي كلمني , وجوايا عقلي بيديني انزارات ان الهعمله دا غلط ومن نبرة صوتها بيدل على ان في مصلحة , لكن قلبي رفض كل دا وانها اكيد هي بتحبني ، وسمعت لقلبي ويمكن دي اكتر حاجة بعملها غلط اني بعتمد على قلبي في حاجات كتير وبمسح اي شعور جويا بيبين الحقيقة , ماما دخلت جابتلها حاجات حلوة وضيافة , لقيتها بتقول بحزن مصتنع ايه يا ام عشق هنفضل متخاصمين لحد امتة , ماما قالت ببرود لحد متحترمو بنتي زي مبحترم اولادكم , عمتي لا والله يا اختي محسسانا اننا بنهينها , ماما دا اسوء من الاهانة انتو بتحسسوها انها غريبة في وسط اهلها بالرغم انكو تحسسوها بالامان بينكم مش القسوة كده هتخاف منكم وهتدور على الآمان والحب والاهتمام بعيد عنكم , عمتي وهي تستاهل كل دا يعني المهم خطوبة ندى الاسبوع الجاي وقالت بستهزاء عقبالك يا عشق , ماما قالت بغيظ الف مبروك عقبال الفرح في حاجة تاني , عمتي قالتلي بتمسكن عيزة منك طلب يا عشق , قلت بابتسامة صافية وبراءة اامريني يا عمتو , قالت انتي طبعا عرفة ان كل حاجة غليت فالزمن دا , قلت بعدم فهم وانا مالي بكل دا يعني , قالتلي عيزاكي تطبخي في الخطوبة اكلك طعمه حلو واحنا معناش فلوس نجيب طباخ , ماما ردت بعصبية انتي بتستهبلي بنتي انا تطبخ وليه ولمين , ليكي ولبنتك وارايبك ويا ترا هتعرفيها بصفتها بنت اخوكي ولا خدامتك , عمتي بنت اخويا طبعا , ماما قولي الكلام دا لحد تاني انا فهمة انتي عيزة ايه وبتعملي كده ليه , عمتي لا والله معلش اظن اني بكلم بنت اخويا مش انتي , ماما بنت اخوكي الهي بنتي وانا ادرى بمصلحتها اكتر منها هي شخصيا , عمتي عيطت باصتناع وقالت يرضيكي كده يا عشق ترفضي اول طلب اطلبه منك , قلت عمتو انا لقيتها مشيت , ماما قالتلي بهدوء بصي يا عشق انتي متعرفيش عمتك كويس اد مانا عرفاها ولا شفتي الخبث الجوى عنيها ونبرة صوتها , فبلاش يا بنتي تعملي كده , قلت بحزن بلاش نظلمها يا ماما هي بتتكلم عادي مفيش خبث ولا حاجة وغير كده مفيش واحدة بتكره بنت اخوها صح , ودا اول طلب تطلبه مني فمينفعش ارفض , ماما اولا هي مش بتحبك , ثانيا ودي الاهم انا لو عرفة انها ناوية على خير كنت سبتك تطبخي ومش هقولك اي حاجة , قلت كفايا بقى يا ماما , ماما قالتلي انتي حرة متعيطيش بعد كده , قلت تمام عن اذنك , ودخلت اوضتي وكلمت عمتي وعرفتها اني موافقة لقيتها فرحت وقالت اخيرا فكرتك هترفضي ابتسمت وقلت مش للدرجة دي , انتهى الاسبوع اخيرا مفيهوش احداث تذكر غير تجهيزات خطوبة ندى ومحاولات مام اني مطبخش في الخطوبة واقول لعمتي اني مش هساعدها , كنت مستغربة جدا من اسرار ماما عليا اني موافقش , كنت بقول يمكن ماما مش عيزاني اخطلط باهلي , طيب كلامها مع عمتو دا ايه , دي كلها كانت اسئلة بتدور في دماغي اثناء ما ماما تكلمني في الموضوع دا , كنت برفض وفي مرة قلتلها ماما انتي بتكرهي عمتو ليه مش فهمة , قالتلي بحزن وانا اكرهها ليه يا بنتي , عمتك في يوم من الايام كانت البيست بتاعتي , قلتلها بفضول طيب ايه الغير كل دا , قالتلي بشرود انا وعمتك كنا في section واحد فاتعرفنا على بعض وبقينا صحاب جامد , الكنت معرفوش ان عمتك بتحب تمتلك الحاجة وتكون ليها لوحدها , وانا كان ليا صحاب غيرها لقيتهم فجءة بيبعدو عني ومن غير اي سبب , كنت بسالهم مالكو انا عملت ايه مكنوش بيردو الا واحدة عرفتني ان عمتك قالت عليا اني مش كويسة وبكلم ولاد بس دا محصلش , مصدقتش في البداية لاني كنت بحبها جدا ومتوقعتش منها كده , المهم باباكي كان بيجيبها في فترة وتقابلنا وحبينا بعض , رحت عرفتها بحبي وفكرتها هتفرح لاننا هنكون سوى لقيتها اتعصبت وقالت اخويا بيحب واحدة تانية ومتحلميش انه يتجوزك , وباباكي عرفني انه كل لما كان يسال عليا تزعقله وتقوله اني بحب واحد غيه , لما اتقدملي حاولت تفرق بيننا بس حبنا كان بيصمد ادام الشر , ولما اتجوزت لقيتها بعدت عني وبانت على حقيقتها الشرانية , كانت بتوقع بيني وبين حماتي وتسخنها عليا , انا عانيت من عمتك كتير اوي يا عشق حتى بعد ماتجوزت وخلفت بنتها ندى وما زالت , مجيها انهرده مش علشان تعزمنا دي بتشمت فينا انك لسا متخطبتيش لدلوقت بس انتي لسا صغيرة على الكلام دا دلوقت , بس هي متعرفش كده , لما لقت ان الموضوع دا مفرقش معانا حبت تنتقم مني فيكي انك تطبخي وفي الآخر تهينك ادام كل الموجودين , قلت بحزن للدرجة دي , قالت باسى واكتر من كده كمان , قلت معلش يا ماما سيبيني براحتي ولو لمرة ممكن , قالت بحزن تمام , دخلت اوضتي وعيطت كتير على معاناة ماما , بس مينفعش ارفض لاني لو رفضت ممكن تاذي ماما ودا المش هقدر اتحمله ابدا , وجا يوم الخطوبة stop , اتوقعو ايه الهيحصل كل دا هنعرفه البارت الجاي باذن الله

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية حكاية كفيفة)