رواية حكايات سنفورة الفصل الرابع 4 بقلم روان رمضان

رواية حكايات سنفورة الجزء الرابع

رواية حكايات سنفورة البارت الرابع

رواية حكايات سنفورة الحلقة الرابعة

_انا طالب ايد الانسه روان
_طالب ايد مين ياعنيا
_فيه حاجه غلطت قولتها يا شيخنا
هي مش الانسه مش مخطوبه برضو؟
_لا ومش هتخطب
_نعم؟
_لسه هتكمل تعليمها وانا مش موافق دلوقتي
_انا ممكن استن…
رديت عليه بعصبيه وصوت عالى
_وانا قولت مش موافق دلوقتي وياريت تقفل ع الموضوع بقى
_انا اسف بس هو الموضوع مش محتاج للعصبيه دي كلها دا غير اني اول مره اشوف حضرتك متعصب بالشكل
طول عمرك هادي ومتفهم ومعتقدش اني قولت حاجه فى كلامي غلط ولا اى يا دكتور
كلامه صح انا إنفعلت واتعصبت
بقيت عصبي ومبقتش عارف اتحكم فى غضبي رغم اني مش كدا
يمكن عشان اللي بيطلبه مني مستحيل
جاى يطلب مني روحي؟
حاولت اهدي نفسي وانا بعتذرله عرفته انها لسه هتكمل تعليمها وانا رافض المبدأ حاليا
ومشيت وسبته اقبل ما اديله فرصه اني افهمه
_مالك يا زين شكلك تعبان ومرهق ليه كدا
_مفيش حاجه ياحبيبتي ادخلي ارتاحي انتِ
_مفيش ازاي بس وانت حالتك بالشكل دا مش احنا واخدين عهدك اننا هنحكي كل حاجه لبعض ومش هنخبي على بعض حاجه؟
وبعدين انا واثقه إن الموضوع يخص روان
صح ولا لا
_احمد جارنا اتقدملها وقال بيحبها
سمعت الاسم من هنا وانا بحاول اكدب اللي سمعته
_بتقول مين اللي اتقدملها
_المهندس احمد اللي فى العماره اللي جنبنا
اكاد أُجزم إني فى اللحظه دي سمعت صوت تكسير
زي ما يكون حد مسك كبايه إزاز ورماها ف الارض
بس صوت التكسير مكنش للازاز كان لقلبي
ضحكت فى نفسي بسخريه اواسي اخويا الوحيد على الحاله اللي هو فيها
ولا اواسي قلبي المسكين؟
طبطت عليه وانا بحاول اتحكم فى دموعي
حاولت اتكلم بس حتى الكلام مش بيخرج مني
ملقتش قدامي غير إني احضنه
يمكن الحضن دا الحاجه الوحيده المريحه لينا احنا الاتنين
كنت محتاجه الحضن دا يمكن اكتر منه
هديت شويه وبعدها اتكلمت
_انا عارفه يازين إن اللي هقوله دا صعب عليك
بس روان كبرت ولو انت رفضت دا هييجي بعده
وكدا انت بتظلمها وبتظلم نفسك
ياما تتشجع وتتقدملها سواء وافقت او رفضن يا تسيبها تشوف حياتها وتشوف انت كمان حياتك
_معاكي حق يا ياسمين
ربنا يقدم اللي فيه الخير
_بابا مالك ياحبيبتي انت كويس
_ايوه انا كويس يا حور الحمد لله
_شكلك تعبان اووي انت خدت الدو
_ايوه ياحبيبت..
_مش دي العبله هي خلصت؟
ليه مقولتليش يابابا سايب نفسك لحد ما تتعب بالشكل دا
_يبنتي مش كفايه اني مش قادر اشتغل واصرف عليكي
هشيلك هم علاجي كمان
حضنته وانا بعيط
_متقولش كدا ياحبيبي متقولش كدا ياعمري
انا لو هقطع من جسمي عشان دا انت كل اللي ليا
وبعدين ما حضرتك طول عمرك بتصرف عليا
_انا اسف ليكي ياحور مكنتش الاب اللي تستحقيه
بس اديكي زي ما انتي شايفه غصب عني ومنقدرش نعترض على قضاء ربنا الحمد لله على كل حال بس عارف انك ملكيش ذنب برضو
_انت بالنسبالي احلى اب فى العالم يابابا واكتر نعمه لو فضلت اوفي ربنا عليها مش هيكفي
مش كفايه انك عملتني وكبرتني
ربتني على قال الله وقال الرسول
انا بمشي وسط الناس افتخر انك ابويا
ودلوقتي كفايه كلام وانا هنزل اجيب الدوا
_بس انتي ممعكيش فل..
_متشغلش بالك سبيها لله
يلا هنزل على طول ومش هتاخر عليك
أستوعدك الله الذى لا يضيع ودائعه
نزلت وانا مش عارفه هجيب فلوس منين
بس كل اللي اعرفه اني مينفعش ارجع غير ومعايا العلاج
نزلت الصيدلة اللي فى الحاره وانا بغمض عيوني وبحاول اتنفس بشكل كويس من اللي انا مقبله عليه
_السلام عليكم ورحمة الله وبركاته
لقيته رفع وشه من على المكتب وإبتسامه إترسمت على وشه وبيبصلي بنظره كلها خبث
_وعليكم السلام ورحمة الله وبركاته
اتفضلي يا حوري قصدي يا آنسه حور
سكت مكنتش عارفه اقول اى العن الظروف اللي خلتني اروح لواحد زي دا
يمكن عشان مفيش قدامي غيره
اتكلمت وانا عيوني فى الارض وبحاول اتلاشي نظراته
_انا انا بس يعني كنت عايزه
_عايزه الدوا بتاع ابوكي بس مش معاكي فلوس صح
غمضت عيوني وضغط على ايدي وانا بحاول اتنفس من تحت النقاب
_هديك حسابهم اخر الشهر
_ولو قولتك اني هديهم ليكي ومش عايز فلوس
_انا مبشحتش وقولت لحضرتك هديك حسابهم اخر الشهر ياما اروح واشوف صيدله تاني
_بس انتِ عارفه إن مفيش حد هيديكي ويستني عليكي ف الفلوس بس عشان جدع هديكي
راح جاب الدوا المطلوب إستنيت يسيبه على الرف عشان اخده بس فضل ماسكه مصمم يخليني امد ايده اخده
مديت ايدي ومسكت طرف الدوا
ساب الدوا ومسك ايدي فجأه
_وافقي يا حور وافقي وسيبك من الفقر وعيشه ابوكي اللي مش جايبه همها دي وانا هعشيك ملكه
جسمي كله اتنفض حاولت اسحب ايدي منه فضل ماسكها
شدتها وبكل قوتي رفعت ايدي وضربته بالقلم
على ما هو إستوعب اللي انا عملته كنت مشيت من قدامه
_اااه يابنت ال***”
والله لندمك تمن القلم دا واخليكي تبكي بدل الدموع دم
كنت ماشيه فى الشارع بعيط
بعيط بسبب الظروف اللي خلتني اتذل لواحد زي دا
الظروف اللي خليته يتجرأ ويمسك إيدي
روحت البيت واول حاجه عملتها دخلت فضلت اغسل إيدي
رغم إني كنت لابسه جوانتي
إلا إن لسه حاسه بمسكه ايده ليا
فضلت اغسل فيها جامد وانا بعيط
قومت صليت ركعتين علشان ارتاح
هديت شويه وقومت خدت الدو وروحت لبابا
_الدوا ياحلى اب فى الدنيا
_عايزه اى يا حور
_ياحجوج هعوز اى يعني غير وجودك
_الدخله دي قلقاني
_حقك بصراحه عايزه الخلاصه؟
_بحبها
_فيه شركه لسه فاتحه جديد ومنزلين اعلان عايزين موظفين
_تاني ياحور مش اتفقنا نقفل الموضوع دا وهنستكفي بالمعاش؟
_عشان خاطري يابابا وافق المرادي واوعدك والله هخلي بالي من دراستي وتقديري مش هينزل
_وهتسبيني لوحدي؟
_متصعبهاش عليا يابابا بقى عشان خاطري واوعدك مش هاخر عليك بس عشان خاطري وافق
_خلاص ياحور طالما دا هيريحك موافق
_هات حضن يا احلى بابا فى الدنيا ربنا مايحرمني منك ابدا
حضنته واتنهدت براحه بعد ما كنت شايله هم إقناعه
ربنا يسرلي الامر الحمد لله
قومت صليت الضحى وقرأت الورد بتاعي
ورتبت البيت قبل ما اجهز
لبست الملحفه بتاعتي السوده والجوانتي
وقفت عند لفه النقاب
هخفي عيوني زي كل مره؟
بس كدا ممكن ميقبلونيش
طب واى يعني مش هتخلي عن حاجه عشان يقبلوني
بس محتاجه الشغل عشان بابا ومتذلش لحد
قررت إني هبين عيوني بس النهارده فى المقابله وبعد كدا ان شاء الله هغطيها
وبالفعل لفيته ولاول مره من 3 سنين ابين عيوني
كنت زعلانه ومخنوقه بس مفيش فى ايدي حاجه
كنت لسه هخرج ولقيت فوني بيرن وكانت ياسمين
_السلام عليكم ورحمة الله وبركاته ازيك يا سينا
_وعليكم السلام ورحمة الله وبركاته الحمد لله بخير
الناس اللي عندها مقابله بقى ورايحه الشركه
_ادعيلي يا ياسمين عشان انا اصلا مخنوقه
_ليه كدا
_مخفتيش عيوني زي ما بعمل بينتها
لاني لو خفتيها مش هيقبلوني اذا كنت انا خايفه بسبب النقاب اقوم اخبي ليهم عيوني وانتِ عارفه اني محتاجه الشغل ومصدقت لقيت
_بصي يا حور مش عارفه ازاي الكلام دا يطلع منك
انتِ دايما بتفضلي تقولي لينا إن حاجتا وطلبنا عند ربنا وهو بيوكل عبده ليكي
يعني الشغل مش بين ايدين صاحب الشركه لا
دا بيد الله لو ليكي نصيب فيه هتشغلي حتى لو لابسه شوال
ولو ملكيش نصيب مش هتشتغلي حتى لو لابسه لبس محدش لابس زيه
وانتِ دايما اللي بتقولي الكلام دا
انا عارفه انك عملتي كدا عشان محتاجه للشغل بس برضو النقاب عمره ما هيمنعك منه
مفيش رزق بيمنع رزق
الفي نقابك زي ما بتلفيه وتوكلي على الله
_ياااه يا ياسمين متتصوريش مكالمتك ريحتني ازاي
معاكي حق ف كل كلمه قولتيها وربنا بعتك ليا
هخلعه والفه تاني وهسلم اموري لله
_الله يختارلك اللي فيه الخير يارب
قفلت معاها وغيرت اللفه وخبيت عيوني زي الاول وانا حاسه براحه كبيره
خرجت وانا طول الطريق بستغفر وبسبح ربنا بنيه اني اتقبل فى الشغل
وبعد ما ركبت كذا مواصله وصلت
الشركه كانت كبيره وجميله
وباين عليها فخمه وجديده
اول ما دخلت وبصيت قدامي اتصدمت من اللي شوفته
_________
_ها ياروان اخلصي بقى وافقي
_قولت لأ يعني لا
_يبنتي بلاش تعقيد بقى هنخرج كلنا مع بعض وبعدين دا ميرو بذات نفسه طالب يقابلك
اللي الشله كلها هتموت عليه
_انتِ عارفه يا علياء إني مبحبش كدا دا غير ان زين لو عرف مش بعيد يقلتني
_قولي بقى إنك خايفه خليكي كدا ضعيفه وملكيش معاه كلمه وهو لاغى شخصيتك
_متتكلميش عنه كدا زين ابن عمي وبيخاف عليا
_عموما انا نصحتك
ميرو هيتجنن عليكي وهيموت ويكلمك انتي لو قابلتيه بس بنات الجامعه كلهم هيحسدوكي عليه
دا كفايه القصر اللي عايش فيه ولا العربيه اللي راكبها واو بجد ياريتني كنت انا
كلامها بدأ يرن فى وداني وقبل ما اضعف واوافق
قومت مشيت
_طب سلام ياعلياء عشان اخرت وهبقى اكلمك بعدين
_ماشي ومتنسيش اللي اتفقنا عليه
_اوك باى
_وبعدين يافالحه اديها رفضت تقابله وعملت فيها الخضره الشريفه
_اصبرك عليا بس إن ما جريت رجلها وخلتها أسوء منا كمان
_هتعملي
بصتلها بخبث وانا ببتسم
_هعمل اللي يخلي زين ابن عمها يدفنها صاحيه
_ناويه على اى
إتكلمت بشر وحقد
_بكره هتشوفي بنفسك