رواية حطمت قواعده الفصل التاسع عشر 19 بقلم سارة محسن

رواية حطمت قواعده الجزء التاسع عشر

رواية حطمت قواعده البارت التاسع عشر

رواية حطمت قواعده الحلقة التاسعة عشر

من قال ان الماضي قد مضي هو واحداثه ولن يأتي مره اخري ها اخبروني ؟..فالماضي ما زال يصاحبني هو واحداثه داخل قلبي ولن يرحل مطلقاً ما دمت علي قيد الحياه .
#بقلميييييي#
✨في منزل بدور✨
كانت ديانا وادهم يجلسون علي احدي الكنبات الموجوده في صالة المنزل ،وكانت ديانا تتفحص المنزل بعيناها فلاحظت صوره لطفلان يحتضنون بعضهم ومن الواضح انهم قريبون لبعض لدرجه كبيره جداً ،نهضت ديانا من علي الكنبه وذهبت ناحيه الصوره واخدتها واتجهت بها ناحية بدور و وضعتها امام وجهها قائله بحماس /عيالك دول ،نظرت لها بدور بإبتسامه ثم وجهت نظرها لأدهم قائله/اه عيالي ،جلست ديانا بجانب بدور قائله/اسمهم ايه
اخذت بدور الصوره من ديانا وتحدثت وهي تشير للصوره /ده مالك وده ادهم ،ابتسم ادهم ابتسامه جانبيه لاحظتها ديانا
ديانا /ده اسمه علي اسمك يا ادهم
ادهم بإبتسامه /ده انا اصلاً ،انكمشت ملامح ديانا وهي تنظر لبدور فإ بتسمت بدور وهي تملس علي شعر ديانا قائله/ما هو ام ادهم الله يرحمها كانت صاحبتي الروح بالروح وادهم كان صاحب مالك قوي فعشان كيدا ادهم يعتبر كيدا ابني بالظبط
ديانا بإبتسامه اعجاب لبدور/وهو فين مالك ديلوقتي ،تنهدت بدور بحزن قائله مسافر بقاله ٧سنين بيشتغل بره
ادهم /هو مابيكلمكيش ولا اي يا خالتي
بدور /كل فين وفين اما يكلمني
ظهر الحزن علي وجه ادهم وتحدث قائلاً/الدنيا مشاغل يا خالتي وكل واحد ملهي بمشاغله فمتزعليش منه ،نهضت بدور بتنهيده قائله/عارفه يا بني استريحوا انتوا لحد ما اعملكم البصاره ،نهضت ديانا من علي الكنبه واتجهت ناحية ادهم وتحدثت بجانب اذن ادهم قائله بإستغراب /يعني اي بصاره ،نظر ادهم لتعبيرات وجهها الطفولي وتحدث بجانب اذنها قائلاً/اكله شعبيه هتحبيها قوي ،صفقت ديانا بهدوء ممزوج بحماس فنظر لها ادهم بإبتسامه
ديانا لبدور/ممكن اساعدك
بدور/يا دي العيبه دي انتي ضيفتي عاوزه الناس تاكل وشي ولا اي استريحي انتي وانا هعملها
نظرت ديانا لأدهم بعدم ادراك لحديث بدور
ادهم لبدور /خليها تساعدك يا خالتي هي هتكون مبسوطه بكيدا وهاتيلي مفتاح شقتنا عاوز اطلع اقعد فيها شويه
نظرت له بدور بحزن قائله/ ما بلاش يا ادهم يا بني
نظر لها ادهم بوجه خالي من المشاعر قائلاً/عشان خاطري هاتي المفتاح ،نظرت لهُ بدور بألم ودخلت لتحضر له المفتاح فتقربت منه ديانا وهي تنظر لوجهُ قائله /مالك زعلان ليه
ادهم ببرود نجح في اظهاره/مش زعلان انا هطلع الشقه اللي فوق دي شويه ونازل ماتتعبيش خالتي بدور
ديانا / طيب والله انا كيوت وهاديه انتوا بس اللي مش عارفين قمتي
ادهم بإبتسامة سخريه من ديانا/ اه اه طبعاً انتي هتقوليلي
✨في ڤيلا مهاب✨
صُدمت جميله من طلب مهاب فكيف لشخص لم تعرفه الا من ايام قليله ان يتقدم لها بالزواج وما كان يشغل بالها اكتر هو كلام لولو عنهُ
تحدث مهاب بهدوء اثار دهشة جميله قائلاً/بصي انا مش عاوز منك رد ديلوقتي خدي وقتك في التفكير براحتك انا مش مستعجل بس اوعي اسمعك بتقولي انك تسيبي البيت تاني يا جميله ،صعد مهاب دون ان ينتظر لردها
جميله بصدمه /يا ابن المجانين بقي انا يا ربي موعوده بالهبل يارب اقف معايا وماتسبنيش انت عالم بحالي واني غلبانه ومنكسره
✨عند لؤي وامل✨
كانوا يجلسون علي احدي الطاولات في الشارع ويتناولون الغداء
لؤي بإستمتاع بالأكل/الكبده ديه حلوه قوي صراحه ابو حماصه دي حقه كان فتح محل مش عربيه في الشارع
امل بتأييد/في دي عندك حق هو بصراحة نفسه حلو
لؤي/بس انتي عرفتيه منين ده
امل /واحد زميلي جابني هنا قبل كيدا
وضع لؤي ساندوتش الكبده علي الطاوله فنظرت لهُ امل بإستغراب وهي تزيح بعض خصلات شعراها وراء اذنها /مالك يا بني سبت الأكل ليه
لؤي بوجه منكمش /شبعت خلاص
امل /شبعت اي دا انت مكملتش سندوتشين متخافش انا اللي هحاسب(قالتها بمزاح )
لؤي بضيق حاول اخفاؤه /لا مش علي كيدا اكيد يعني مش هسيبك تدفعي كملي انتي اكلك بس ،ابتسمت له امل واكملت طعامها ،نظر لؤي لياسين وجده لم يستطيع اطعام نفسه
لؤي ونز يقترب من ياسين /تعالي يا ياسين يا حبيبي اوكلك شكلك مش عارف تاكل لواحدك
نظر لهُ ياسين بضيق قائلاً/وانت مالك مش عاوز منك حاجه دي انت حشري صحيح
لؤي بصدمه /انت طفل انت دا انت كئيب
ياسين /دي علي اساس ان انت راجل
ضحكت امل قائله/انا مش عارفه انتوا مش طايقين بعض ليه من ساعة ما خرجنا من البيت جري اي
لؤي بضيق/اسألي الأستاذ ياسين،نظر ياسين ل لؤي بإستحقار قائلاً/دي بيبقي قبول يا اونكل (قالها بسخريه)
لؤي وهويقلد ياسين /وايه لازمتها اونكل بقي
امل /يوه بقي بس انتوا الإتنين كفايه خناق
بعد مرور خمس دقائق من الصمت قطعه لؤي وهو ينظر لأمل قائلاً/ليه غيرتي استايل شعرك
امل/بصراحه حبيت اغير من شكلي شويه تقدر تقول كيدا نيولوك
لؤي /انا شايف ان الكيرلي عليكي احلي مخليكي مميزه
امل وهي تلعب في خصلات شعرها بإحراج/مش كنت بتقول عليا منكوشه وكارته
ضحك لؤي فنظرت لهُ امل بشرود من وسامة ضحكته الرجوليه
لؤي وهو يحاول ان يكبح ضحكاته/كنت بهزر اي مبتهزرش يا رمضان
امل بتكشيره /لا يا اخويا مبهزرش
نظر لها قائلاً/ما تيجي نفتح صفحه جديده ونبقي صحاب
امل بلماضه/هو احنا كنا اعداء يا بني
لؤي بإندهاش /اه دا انتي رشيتي في عنيا مايه بشطه وبوظتيلي العربيه و دعستي رجلي بالكعب بتاعك ومشيتي وسبيتيني في المقابر باليل اكمل ولا كفايه كيدا
امل من وسط ضحكاتها/كفايه مش قادره هموت اوباعدين ما انت اللي كنت بتستفزني وتقولي يا اوزعه كل اما تشوفني
لؤي/خلاص بعد كيدا هقولك يا منكوشه
امل بضيق /نعم
لؤي بضحكه/بهزر يا سيتي صاف يا لبن
امل وهي تمد يدها ل لؤي لتصافحه/حليب يا اشطا
نظر لؤي ليديها ثم صافحها ونظر لياسين وجده ينظر لهُ بضيق شديد فأخرج لهو لسانه فضحكت امل بشده علي تصرفه الطفولي
✨في احدي المخازن ✨
كان يجتمع كلا من فتحي وعبد العزيز وتامر
تامر ببرود /اخلصوا عاوزني في اي
فتحي /ماتهدي علينا يا سي تامر في اي
تامر بعصبيه/في انكم اغبيه عشان كيدا كرستينا وچاك استغنوا عنكم ديلوقتي وبعتوا جابو ذراعهم اليمين عشان يساعدهم انهم ياخذوا حقهم
عبد العزيز /احنا مش اغبيه وانت اصلاً ايش عرفك انهم بعتوا يجبوه عشان يساعدهم يمكن باعتينله عشان حاجه تانيه
تامر بسخريه /انا عارف كل حاجه بتحصل من وانا قاعد في مكاني رجالتي بيجوبولي كل الأخبار انا اصلاً غلطان اني بعتكوا لچاك وكرستينا من الأول كنت فاكركم هتسدوا
فتحي وهو يدخن سيجاره /اهدي علينا بس دي احنا جايلك في موضوع حلو قوي وهيعجلك
تامر بتنهيده/اشجيني
عبد العزيز/ كرستينا كانت بتخطط ان تشوف واحد ويقول لحفيد ابليس انه عاوز منه صفقه سلاح كبيره وبعد كيدا تصوره وهو بيسلم الصفقه وتهدده وبعد كيدا نخليه يرجع لكل واحد حقه
تامر ببرود /انا حقي عنده مش فلوس
فتحي /امال اي اللي عملهولك عشان تكون عاوز تنتقم منه
تامر ببرود /مايخصكش يا فتحي وهات ملخص الكلام وماتوجعش دماغي
فتحي بغضب مكتوم /عاوزينك تروح لچاك وكرستيناوتعرض عليهم انك تساعدهم في الموضوع دا لأن اكيد مافيش حد هيرضي يساعدهم عشان مايشتروش عداوه حفيد ابليس فأنت بقي المطلوب منك انك تشوفلنا واحد يقوم بالدور دا لأننا كلنا ماكشوفين قدام حفيد ابليس
تامر بسخريه /لو علي كيدا بقي كنت انا روحت لچاك من الأول وماكنتش بعتكم انتوا
عبد العزيز بنفاذ صبر/طب قلنا احنا نعمل اي واحنا نعمله ،اخرج تامر سيجاره واشعلها وبدء في تدخينها
تامر /انا من رأيي انكم انتوا بالذات تهدوا اللعب شويه وتكنوا علي جنب وانا هروح لچاك ونشوفله حل
فتحي /ماشي يا تامر يلا يا عبد العزيز
بعد ان ذهب فتحي وعبد العزيز ،اراح تامر ظهره علي مقعده وتزكر شيئا ما
فلاش باك**
كان تامر يتحدث في هاتفه الي احد حراس والده
تامر بخفوت اثر صدمته /انت بتقول اي انت اتجننت يعني ايه الأنصاري بيه مات (والده) مين حفيد ابليس دي اللي بتتكلم عنه ده
شخص /دي كان دراع البيه اليمين
تامر بعصبيه /الواد دي تجيبوه من تحت الأرض وانا هحجز علي اول طياره نازله مصر
بعد ان اغلق تامر الهاتف شرع في البكاء بهستريا
تامر من بين بكاؤه/ليييييييه دي انا ملحقتش اشبع منك عشان تمشي وتسيبني لواحدي بس وعهد الله لجبلك حقك يا ابويا حتي لو حصلتك مش هسيب حقك يضيع عند واحد زي دي
باك**
نزلت دموع تامر لا ارادياً فمسحها علي الفور و وقف واتجه خارج المخزن
✨عند ادهم ✨
كان يقف امام شقة عائلةُ القديمه يخشي الدلوف لكنه حسم قراره وفتح باب الشقه وفتح معهُ عاصفه من الذكريات الأليمه ،دخل واغلق الباب ،كانت الشقه كما هي منذ١٠ سنوات لم يتغير بها شئ توجه ادهم للحائط الموضوع عليه صور لهُ ولعائلةُ الصغيره الذي دمرها انسان جشع فقط لإرضاء شهواتهِ ،نظر ادهم لصوره لهُ وهو يحتضن والدته وكانت الإبتسامه تزين وجههما و والده يقف ينظر لهما بسعاده وصوره اخري لدعاء وحامد وحامد يحتضنها من الخلف وهي تنظر لهُ بحب ،نزلت دموع ادهم وتوجه لغرفتة والدته نظر للغرفه وتوجه للتسريحه الذي كانت تتزين والدته امامها ،وجد عطراها الذي كانت تضعه دائماً موضوع علي التسريحه فأخذه و وضع منه البعض علي راحة يديه وابدء ان يستنشقه بإشياق بعد ذلك توجه للخزانه بخطوات مهزوزه واخرج منها عبايه لدعاء و وضع عليها بعض العطر واحتضنها واستلقي علي سريرها يسترجع الذكريات
فلاش باك ****
كانت دعاء تتشاجر مع حامد بسبب انه عزم تاجر السلاح الذي يعمل معه دون ان يخبرها
دعاء /انت اتهبلت يا حامد عاوز تجيب تاجر سلاح تقعده مع مراتك وابنك
حامد /وطي صوتك احسن ادهم يسمعك الراجل حرجني يا دعاء ومقدرتش اقوله لأ وباعدين اخلصي يلا ده زمانه جاي في الطريق
دعاء بزهول /لا دي انت اتهبلت رسمي بقي انت يا راجل مابتفهمش مش بقولك انا مش هعمل اكل للناس دول دول ولا حتي هيدخلوا بيتي ولا يقعدوا فيه
حامد برجاء /عشان خاطري يا دعاء اخلصي جهزي الغدا وهما هياكلوا ويمشوا علي طول يرضيكي يعني يقولي عني عيل
دعاء بتنهيده حزن/قُصر الكلام دي يا حامد يطفحوا ويغوروا مش ناقصه قرف هي
حامد بعد ان قبل جبين دعاء /حاضر يا حبيبتي
(كان ادهم يستمع لهم من وراء باب غرفته )
ادهم بحزن /عارف انت بتشتغل في اي يابا ربنا يتوب عليك وترجع ذي ما كنت،تنهد ادهم ثم ذهب لمكتبه ليكمل دراسةُ
بعد مرور بعض الوقت ****
دعاء بصوت منخفض/خد طلع الأكل يا حامد وماتناديش لأدهم عشان هبقي اكل انا وهو باعدين اصل مش علي اخر الزمن هقعد ابني مع مجرمين
حامد وهو يأخذ منها الأطباق /ماشي يا دعاء فكي بقي البوذ ده يا حبيبتي ،اخرج حامد الأطباق وجلس يتناول العشاء معهم
الراجُل الذي يعمل معه حامد /الأكل طعمه حلو قوي تسلم ايد المدام
حامد بإبتسامه/بالهنا علي قلبك
الراجل /انا عاوز اغسل ايدي يا حامد قولي علي طريق الحمام فين
كاد ان يقف حامد ليدله علي فأوقفه الراجل قائلاً/بس يا عم حامد احنا غربا دا احنا صحاب بيت اقعد كمل اكلك وقولي بس المكان وانا هروح ،ادلهُ حامد علي المكان فتوجه لهُ ولكنه لمح دعاء تجلس في الطبخ بملل فنظر لها نظرة اعجاب واقترب منها
الراجل /الا الجميل قاعد زهقان ليه ،انتقضت دعاء منه فهي لم تلاحظ وجوده من البدايه
دعاء /وانت مالك انت واي اللي جابك هنا اصلاً يلا اخرج بره اقعد مع الرجاله ولا انت مالكش غير في قعدة الحريم
الراجل وهو يقترب منها/هو فيه ذي قعده الحريم وجمال قعدة الحريم و ،قاطعته دعاء بحزم قائله /اخرج بره بدل ما انادي حامد
الراجل بمعازله /حامد اي بقي دي انتي خساره في جتة امه انا ماكنتش اعرف ان مراته جامده كيدا ،امسكت دعاء بسكينه كانت موضوعه علي الرخامه و وجهتها ناحية تلك الراجل قائله بعدم ثبات /اخرج بره بدل ما اموتك
الراجل بخوف /يا بنت المجانين ،هرول الراجل مسرعاً للخارج وظلت دعاء تبكي وبحرقه
بعد مرور بعض الأيام ****
كان ادهم و والدتهُ يجلسون ويتحدثون وحامد في الخارج
ادهم بضحك /بس يا ما ومش قادر اوصفلك بقي الضحك اللي ضحكناه انا وصحابي علي البنت دي
دعاء بإبتسامه/بص يا ادهم يا حبيبي انت ديلوقتي راجل عندك ١٨سنه وكلاها كام شهر وتبقي مهندس انشاء الله مقصد كلامي يا حبيبي انك خلاص مابقتش عيل صغير انت كبرت ونضجت وفهمت و وعيت يعني انت بتقول ديلوقتي ان انت وصحابك لاقيتوا ولد بيعاكس بنت وهي ماسكه ازازة المايه وبتهدده بيها وهو بيضحك عليها كان واجب عليكم تساعدوها من غير ما تضحكوا عليها لأنها بنت والبنت بتبقي منكسره وضعيفه فخدها قاعده في حياتك يا حبيبي اوعي تيجي علي بنت او تستغل ضعفاها يا ادهم وساعدهم من غير مقابل.
ادهم /بس احنا ساعدناها ،امسكت دعاء بيد ادهم بجنيه قائله/بس بعد كيدا ضحكتوا عليها صح
ادهم بعد ان انزل رأسه من الخجل/صح
دعاء بإبتسامه/اديك عرفت ماتبقاش تعملها تاني يا حبيبي
ادهم بحب /حاضر يا ست الكل
دعاء بإبتسامه/طيب يا حبيبي روح بقي هاتيلي شويه طلبات كيدا عشان هعملك البصاره اللي انت بتحبها ،قبل ادهم خد دعاء بفرحه قائلاً/هاتي الورقه اللي مكتوب فيها الطلبات يا دودو
بعد ان ذهب ادهم ****
كانت دعاء تجلس امام التلفاز الي ان رن جرس الباب
دعاء بتنهيده /جايه يا ادهم *كانت تظن ان ادهم قد نسي شئياً ما وعاد ليأخذه *،فتحت الباب وجدت الراجل الذي يعمل معهُ حامد يقف امامها بضحكه مستفزه قائلاً/مفجأه حلوه مش كيدا يا قطه
دعاء برعب داخلي حاولت اخفاؤه/حامد مش هنا ،
كادت ان تغلق في وجهُ الباب ولكنه كان اسرع ودفعها داخل الشقه ودلف واغلق الباب بإحكام خلفوه ،كانت دعاء مسطحه علي الأرض اثر دفعته القويه لها ،كان يقترب منها وهي ترجع للخلف برعب كبير وجبينها يملؤه العرق بسبب رعبها من تلك الحيوان
الراجل /عارف ان حامد مش هنا انا باعته عشان يسلم بضاعه لناس ،ارتطمت ظهر دعاء في الحائط وهو ما زال يقترب منها بطريقه مقززه وهي تحاول ان تدفعه ولكنها فشلت فهي بلأخير انثي رقيقه وهو وحش شهواني فماذ بإمكانها ان تفعل معه خصوصاً انها مريضه بالسكر
عند ادهم ***
كان في طريقه الي المنزل الا ان اوقفه صديقه مالك
مالك/اي يا عم ادهم كنت فين
ادهم /كنت بجيب شويه طلبات لأمي
مالك/طيب اما تطلعها ابقي تعالي عاوزك تشرحلي كام مسأله كيدا
ادهم بضحكه/حاضر يا عم مالك بس ياريت بقي ماتنسانيش اما تنجح
مالك وهو يدفع ادهم بمزاح/عيب عليك ياض دي انت اخويا طب دا انا داخل علمي رياضه عشان اكون معاك
ادهم بسخريه /عارف يا صاحبي انت هتقولي
مالك برفعة حاجب /عندك شك
ادهم بتدقيق عيون /امال اخبار ساندي اي
مالك بإرتباك/ها
ادهم بضحكه /بس يا بابا السبب اللي دخلك علمي رياضه ساندي يا ابو ساندي
مالك بتوهان /البت فرصه يا واد يا دومي اوفف
ادهم /فرصه ترفسك يا وسخ يا بتاع البنات ركز ياض في مزاكرتك بقي وفكك من الوساخه اللي في مخك دي
مالك بضيق/جري اي يا عم ادهم اهو الواحد بيفك عم نفسه ثانويه عامه بهدلتني
ادهم برفعة حاجب /دي علي اساس ان انت ليل نهار علي الكتاب
مالك وهو يدفع ادهم علي السلم /اطلع يا عم لأمك جننتني الله يخرب بيت اللي يفك معاك بكلمتين من الخنقه اللي هو فيها
ادهم بمزاح / لا يا خويا بعد كيدا ابقي فك مع سااااااندي *قالها بمزاح *
عند دعاء *****
كانت تجلس علي الأرض وهي تبكي بكسره وتغطي جسمها بيدها لأن ملابسها كانت قد مزقت
الراجل وهو يرتدي قميصه /مش عارف اي لازمته العياط دا بس يا حلوه
دعاء ببكاء /اخرس يا نجس يا ابن الكلب
الراجل بعصبيه /ماتلمي لسانك يا مرا بدل ما المهولك انا
دعاء ببكاء /روح لم نفسك روح يا شيخ ربما ينتقم منك ومن كل اللي زيك قادر يا كريم ،بعد ان ارتدي الراجل قميصه توجه ناحيتها وامسكها مش شعراها بقوه
الراجل بغضب شديد /انت تخرسي وماسمعش صوتك انتي فاهمه ولو قولتي حاجه لحد انا هموتك واموت ابنك وجوزك ،دفشها الراجل وكاد ان يتجه للخروج ،لاحظت دعاء سكين في طبق الفاكه الموضع علي السفره فزحفت اليه واخدتهُ وطعنت نفسها لتودع تلك الحياه لانها تعلم جيداً ان حياتها لن ترجع مثلما كانت بعد ان تم الاعتداء عليها من شخص قذر مثل هذا الراجل
الراجل بشهقه وخوف بعد ان رأها /يالهوي يا بنت المجانين هعمل اي ديلوقتي يا رب ،في هذا الوقت كان ادهم قد وصل المنزل وفتحه بنسخة مفاتيحه ودلف اليه وجد تلك الرجل يقف بصدمه ونظر لأمه وجدها غريقه في دمائها وملابسها ممزقه وما ان رأه الراجل فأخرج سلاحه و وجه ناحيته وهرول من الشباك (ملحوظه :شقة ادهم في الدور التاني فالراجل اما نط ماحصلوش حاجه)
هرول ادهم تجاه والدتة وإحتضنها وهو مصدوم
ادهم ببكاء وصدمه ويحدث والدته وكأنها تسمعه /لا لا قومي يا ما قومي ماتسبنيش لواحدي في قومي عشان خاطري جبتلك الحاجات يلا قومني اعملي البصاره قومييييييييي*بدء ادهم في البكاء بهستريا وهو يحتضن والدتهُ وملابسه ملئيه بدمائها العفيف *
عندحامدبعد مرور عدة ساعات ***
كان في طريقه للمنزل الا ان اتاه اتصال من احد الظباط واخبرهُ بما حدث وطلب منهُ ان يأتي مسرعاً ليدلهم علي عنوان هذا الرجل بعد ان بلغوا الجيران الشرطه واخذوا بأقوال ادهم واخبرهم ان من قام بإرتباك تلك الجريمه هو الراجل الذي يعمل معهُ والده ولكنه لم يخبرهم بحقيقة عمله ،كان حامد يقود احدي السيارات التابعه لتلك الراجل فبعد ما اغلق الهاتف مع الظابط وشرع في البكاء وهو يقود بسرعه جنونيه للوصول لرفيقة ضربه ولكن فجأءه صدم بشاحنه كبيره فقلبت السياره به وترك هو الأخر الحياه وكأن روحه رفضت البقاء علي قيد الحياه طالما عشيقته ليست موجوده معه وبجانبه وبين احضانه …..
(ملحوظه:في حاجات ماكنتش في ذاكرة ادهم بس انا كتبتها عشان اوضح الصوره)
بااااك***
كان ادهم يتذكر تلك الذكريات ويبكي بشده وهو محتضن بعباية والدتهُ المليئه بعطراها
ادهم ببكاء /ليه يا امي ليه سبتيني لواحدي انا محتاجك قوي وحشني حضنك يا امي وحشني اني اقعد اتكلم معاكي وتسمعيني ،تعرفي نفسي اجي ازورك في قبرك بس مكسوف لأن قبرك طاهر وعفيف زيك بالظبط انما انا شخص مجرم قاتل ،
تنهد ادهم من وسط بكاءه ومسح خدهُ وقال/اسف اني مكنتش الإبن اللي انتي كنتي عاوزاه المهندس المحترم واني بقيت مجرم محترف وبدل ما اخطط لمدن وبيوت بقيت اخطط للقتل والسرقه اسف يا امي سامحيني بس تعرفي قريب قوي هجيلك انا حاسس بكيدا
✨عند بدور ✨
كانت تقف هي وديانا في المطبخ ويتبادلون الحديث وهم يحضرون الطعام
بدور وهي تقف امام البتوجاز وديانا تقف خلفها /بس ماقلتليش برضوا انتي تعرفي ادهم منين
ديانا بخبث /انا حبيبته
بدور بفرحه/ طول عمره محظوظ في كل حاجه حتي حبيبته ذي القمر ماشاء الله
ديانا بإبتسامه/تسلميلي يا طنط
بدور /انا كيدا خلصت هغرف بقي عقبال ما ادهم ينزل لو مش هتعبك يا يا بنتي ممكن تجهزي السفره
ديانا بذوق /اكيد يا طنط
ذهبت ديانا لتحضير السفره وهي تضحك لأنها واخيراً ستستغل ذكاءها مع حفيد ابليس
✨عند جميله في جناحها ✨
جميله بعد ان انهت صلاتها كانت تجلس علي المصليه وتتذكر مواقف مهاب الرجوليه معها وتتذكر اول مره رأته فيها عندما دافع عنها من تلك الشباب الذي كانوا علي وشك الإعتداء عليها وتتذكر ايضا عندما دافع عنها امام جملات وقال انها زوجته فإبتسمت لا اراديا قائله/اظن اني لاقيت الراجل اللي هيعرف يحميني ويدافع عني كويس ♡
✨عنذ مهاب ✨
مهاب وهو مستلقي علي السرير /ايه اللي انا عملته دي معقوله لحقت حبيتها بالسرعه دي ..؟
وليه لا هي بنت محترمه وطيبه بس هعمل اي مع الزفته لولو ،اخرج مهاب هاتفه وهاتف ادهم
عند ادهم ***
ادهم بحزن ظهر في صوته/الو يا مهاب في حاجه
مهاب /مال صوتك يا كينج في اي
ادهم وهو يجفف دموعه بالمنديل الورقي /مافيش حاجه يا مهاب
مهاب بشك /طيب احنا عاوزين نتقابل النهارده باليل في العوامه لأن الرجاله بتوعنا اللي بيراقبوا چاك قالو ان توماس نزل مصر واللي بيراقبوا فتحي قالولنا انه بيتردد علي محزن وبيقابل واحد هناك
ادهم بتركيز /طيب باليل نتقابل وكمان نشوفك حل في موضوع لولو دي
مهاب بتنهيده /طيب يا كينج سلام
بعد ان اغلق ادهم مع مهاب خرج من غرفتة والدته واخذ معهُ زجاجه عطراها وخرج من الشقه ونزل الي شقة بدور
✨في عمارة امل ولؤي✨
كانت امل قد وصلت هي ولؤي وياسين واتجه كل منهم الي شقته
في غرفة امل***
كانت تجلس امام المرأه وتقوم بعمل شعراها كيرلي
امل بضحكه تسخر بها من نفسها /اي دي اي اللي انا بفكر فيه دا لا دا استحاله يحصل
في غرفة لؤي***
كان يستلقي علي سريره ويحدث نفسهُ
لؤي يحزن وتفكير/ياتري مخبيين ايه تاني
صمت قليلا ثم بدء بالحديث معك نفسه مره اخري
لؤي وهو يلعب بالسلسله اللذي تحيط رقبته/الله طيب وانا متعصب ليه ما زميلها عادي ايه المشكله
تأفف واكمل قائلا/اوباعدين انا غيران ليه ما تولع ،نظر لؤي ليدهُ وهو يتذكر حينما كدت لها امل يدها لتصافحهُ فإبتسم
✨عند بدور ✨
ديانا/هو ده طبق ادهم
بدور وهي متجه نحو المطبخ /اه هو ،ابتسمت ديانا بشر وامسكت برطمان الشطه الموضع علي السفره وبدءت في سكبه علي طبق ادهم *سكبت البرطمان كله*
سمعت ديانا صوت الجرس فتوجهت وفتحت وجدتهُ ادهم فدلفت وهو دلف ورائها
ديانا بضحكه متصنعه /وحشتني
ادهم بعقدة حاجب /الكلام علي اي
ديانا وهي تشير لأدهم علي احد مقاعد السفره بعدما لاحظت ان بدور تنظر لهم من المطبخ /اقعد يا حبيبي يعني مش انت بتشتكي اني مش بهتم بيك بقالي فتره
ادهم بغضب مكتوم /انتي باين عليكي اتجننتي رسمي صح ؟
بدور بعد ان خرجت من المطبخ /مالك بس يا ادهم يا بني في حد يقسي علي حبيبته اللي هتكون مراته بالشكل دا
ديانا وهي تتصنع البكاء /انا غلبت معاه يا طنط بدور والله مش عارفه ارضيه ازاي
ادهم برفعة حاجب وسخريه /لا والله
ديانا /شوفتي اهو دايما كيدا بيتريق عليا
بدور بضيق /مالكش حق والله يا ادهم البت ماشاء الله ادب وجمال عاوز ايه تاني بس
ادهم بتسليه /ما انا عارف يا خالتي ممكن تجيبلي لمون مخلل لو عندك
بدور/عندي هروح اجيبلك ،دلفت بدور المطبخ فإقترب ادهم من ديانا بتسليه و