رواية حب على حافة جبل الفصل العاشر 10 بقلم حنين الماضي
رواية حب على حافة جبل الجزء العاشر
رواية حب على حافة جبل البارت العاشر
رواية حب على حافة جبل الحلقة العاشرة
رشا صاحبة حنان فالشغل 👇👇
رشا : ياااه للدرجادى مبسوطة من طلاقك
حنان: يااااة كااابوس واتشال من على قلبى
رشا: حبيبتى ربنا يكتبلك الخير ، طيب قررتى ايه
حنان: قررت اختار حياتى بنفسى كفاية بهدلة فيا
رشا : واخوكى الكبير هيوافق
حنان : لازم يوافق يعنى انا لما سمعت كلامة كانت اية النتيجة !!
رشا : والله عندك حق فعلا
حنان : انا اللى هختار لان انا اللى هعيش مش حد تانى
رشا : انا معاكى بس ربنا يستر
————-
حنان بعد شهور العدة بيوم اتصلت بأدم واول ادم لما لقى اسم حبيبتة مكنش مصدق
ادم : ياااااااة اخيراااا
حنان : ايوووة اخيراااا
ادم: انتى فين كل دة ،حاولت ادور عليكى كل السكك كانت مقفلة
حنان : انا محتاجة اشوفك ضرورى جدا جدا
ادم : ياريت دة انا فضلت احلم باليوم دة
حنان : وانا كمان
ادم: خلاص دلوقتى لو حابة
حنان : موافقة كمان ساعة عند المحطة زى ما كنا زمان
ادم : هتلاقينى هناك
—————-
ادم بنظرة ذهول : هو انتى بجد حنان
حنان بابتسامة: اة
ادم : زى ما انتى بالعكس احلويتى اكتر
حنان : انت كمان زى ما انت
ادم : تعالى نروح نقعد لو ينفع معاكى
حنان : اة ينفع انا جاية النهاردة افهم كل حاجة
ادم : وانا زيك ..تعالى نقعد هنا اتفضلى
حنان : قبل اى كلام ممكن مش هيفيد انت اتجوزت
ادم : غلطت مرة واستحالة اعملها ولما جت ظروف تانى غلطت تانى وتالت بس كنت خدت قلم محترم ومعرفتش انساكى ومن اخر مرة وعدتك انى لو متجوزتكيش مش هتجوز غيرك ولا هفكر وادينى اهو على وعدى حتى بعد ما كنتى اخر مرة معايا وبعدها عرفت لما اختفيتى انك اتجوزتى ،ساعتها قولت لنفسى ياترى بتردى الالم ليا ولا فى حاجة تانية حصلت انا معرفهاش ؟
حنان : اخر مرة كنا مع بعض فيها كنت فعلا عاوزة اكمل معاك بس زى ما كانت الظروف ضدك انك تستنانى لحد ما اخلص دراستى،انا كمان اخويا الكبير غصب عليا اتجوز وقالى لو ادم اخر واحد فالدنيا بردوا مش هوافق على جوازك منة
ادم : طيب لييية نفسى اعرف سبب الرفض ؟
حنان :بصراحة يا ادم هو شايف انك شاب مش جد وانك بتاع هزار وبس وحاسس انك مش قد مسئولية الجواز
ادم : كل دة عشان بحب اهزر واضحك ،يعنى لو كنت مكشر كان زمانة وافق عليا !!؟
حنان : احنا فى دلوقتى يا ادم
ادم : مش فاهم
حنان : انت لسة متمسك بيا ولا لا
ادم : بقولك من يوم ما بعدتى عينى موقعتش على واحدة ورفضت الجواز
حنان : وانا بقولك انا جيتلك
ادم : هو انتى مش متجوزة !!؟
حنان : انا اتطلقت ولما شهور العدة خلصت كلمتك
ادم : اتطلقتى بسببى
حنان : انا ضغطت على نفسى كتير فالجوازة دى لكن ربنا وقف معايا
ادم : ازاى هو انتى حامل ؟
حنان : انا يا ادم لسة بنت بنوت
ادم بصدمة: بنت بنوت ازاى مش اتجوزتى
حنان : ايوة لكن مطلعش راجل وانا مرضتش اطاوعة فى حاجة غلط عشان كنت شاكة فية
ادم : افهم من كدة انك اتجوزتى واطلقتى كل المدة دى وانتى لسة بنت هههه
حنان : شوفت بقى حظى
ادم : سبحان الله
حنان : مالك
ادم : راجعى كدة معايا الشريط من الاول ،اعاكس صاحبتك بهزار وتسلية تروح هى متصلة بيا من رقمك ،ارجع اكلمك واتعرف عليكى وارتبط بيكى واعرفك على اهلى يجى النصيب لما اتقدملك اهلك يرفضوا عشان لسة طالبة ويجى التنسيق يبعدك عنى وتسافرى المنيا وانا اهلى يصروا ارتبط وعشان ارضى أمى اتجوزت بنت خالتى وفضحتنى و سبحان الله تحمل وتسقط عشان مافيش نصيب معاها وارجعلك الاقى باباكى توفى ومافيش نية لاى ارتباط او اعتبرت الموضوع منتهى عند اهلك ،رحت خطبت بدل المرة اتنين وبردوا فشلت لان ولا واحدة فيهم عرفت تشاركنى حياتى زيك لحد ما قولت تووبة يا حنان يا بلاها جواز ولما جيتلك وخدت وعد منك انك هتكونى ليا ،مافيش يومين واختفيتى عنى وعرفت بعدها انك اتجوزتى وحسيت بصدمة قلبك ساعة لما بلغتك جوازى وفعلا قلبى يوم جوازك كان هيقف من الوجع وفضلت احلم بيكى فى خيالى وافتكرك وانتى لسة فالمدرسة ورايحة الدرس قدامى وتعدى الشهور والسنين وتكلمينى وتقوليلى اطلقت وانا بنت بنوت ههه بذمتك مش احداث كلها تحصل فالخيال ،عشان فالاخر محدش لينا لية نصيب فى الحياة غير واحنا مع بعض كأن ربنا هيأ كل الظروف وتعب السنين عشان نتجمع انا وانتى دلوقتى ..
حنان : موافق تتجوزنى
ادم : طبعا واتمنى ولو حالا انا موافق
حنان : احنا المرة دى لازم نقف قدام الظروف
ادم : وانا استحالة اضيعك منى المرة دى مهما حصل
حنان : وانا هرجع البيت واكلم اخويا الكبير وماما واخويا الصغير واقولهم انا مصممة عليك
ادم : وانا نفس الكلام وهقف معاكى
————-
حنان : انا خلاص اخترت حياتى وادم هو اللى حابة اكمل حياتى معاة ولو مين وقف قصادى انا هتجوزة
اخوها الكبير : وانا رافض الجوازة دى
مامتها: حياتها هى حرة غلط تبقى تستحمل
اخوها الصغير : خليها تعيش حياتها بطريقتها بلاش نتحكم فيها ، دى ابسط حقوقها
اخوها الكبير : وانا قولت كلمتى مدام مشجعينها لو اتجوزتى ادم دة لا انتى اختى ولا اعرفك ولا هحضرلك فرح ولا هدخلك بيت
حنان : يرضى ربنا دة حرام عليك انا اختك المفروض تدور على سعادتى
اخوها الكبير : معنديش كلام تانى اقولة وانتى اختارى بقى …انا مااااشى
حنان : شايفة يا ماما
مامتها : خلية يجى يتقدم وانا واخوكى الصغير معاكى وعيشى حياتك
اخوها الصغير : مدام بتحبية كدة وهو لسة متمسك بيكى ومتجوزش تانى يبقى شاريكى وكأن ربنا خلاكى تقعى فى اسامة وتطلقى عشان يبقى هو مطلق وانتى مطلقة وكمان ربنا حافظ عليكى وطلعتى من الجوازة بنت بنوت
مامتها : اكيد ربنا لية حكمة
———————
ادم كان فرحان جدا انة اخيرا حب ١٢ سنة بمراحل وظروف صعبة اخيرا وصلة وان حبيبتة خلاص كلها ايام وتبقى فى حضنة للأبد مش شوية وتسيبة وفعلا ادم اتقدم لاهل حنان ووافقوا لكن فى غياب اخوها الكبير وحددوا كتب كتاب ودخلة على طول من غير فرح وبردوا محضرش اخو حنان الكبير …
ادم : ياااااة اخيراااا بقيتى مراتى بعد كل السنين دى
حنان : انا حاسة قلبى هيقف من الفرحة كأنى اول مرة اشوفك ومكسوفة منك اوى
ادم : انا عينى شيفاكى بشكل مختلف حلو جدا
حنان :وحشتنى اوى اوى وحشنى كلامك
ادم : انا عاوز حد يضربنى عشان اصدق ان دة حقيقة مش حلم
حنان : تصدقنى لو قولتلك انى خايفة يطلع حلم
ادم : طيب تعالى اقولك حاجة شايلها جوايا بقالها سنين وياما حلمت بيها
حنان : هى اية دى
ادم : تعالى ندخل جوة ونقفل الباب عشان محدش يسمعنا وانا عارف عليكى ضحكة تجيب بوليس الاداب من اولها هههه( على فكرة البطل قالى فعلا الجملة دى بالنص😂 على البطلة)
حنان : ههههههههه
ادم : هما زمانهم جايين خلاص
حنان : هما مين هههه
ادم : بوليس الاداب هههههه تعالى فى حضنى عشان وحشتية اوى اوى اوى
حنان : عندى راحة نفسية كأنى جعانة اوى وبحاول اشبع
ادم : حضنى مش هيسيبك النهاردة
حنان : وانا عاوزة افضل جوة حضنك مخرجش ابدا
ادم : حبيبى بحبك
حنان : وانا كمان بحبك
ادم : بقيتى رسمى مراتى وانسى انك بنت خلاص
حنان : انا كنت مستنية عشان اجيلك انت وبسس
ادم: بموت فيكي
—————-
خلصت ليلة الدخلة لادم وحنان ومازال اخوها الكبير مقاطعها حتى بعد لما عرف ان حنان اختة حامل بعد ٩ شهور بالضبط من زوجها ادم لكن مامتها واخوها الصغير بيودوها على طول ،لحد حنان ما ولدت ابنها ماشاء الله وسميتة صلاح على اسم باباها الله يرحمه وصلاح حاليا عندة ٣شهور وبقى هو الحاجة الجميلة اللى زينت حياتهم وبقى اخو حنان الكبير مرتبط بصلاح لكن مازال مقاطع اختة لانة معتقد انها عاصيتة …
——————–
حاليا عدا على زواج ادم وحنان سنة واحدة فقط عشان كدة قرروا يكتبوا قصة حياتهم بمرها وحلوها ويفتكروا ١٣ سنة من عمرهم عدوا ازاى…
فى نهاية قصتنا اللى كانت مليانة اثارة وتشويق وكلنا اعصابنا تعبت وفى حلقة الجروب منمش فيها والتعليقات كانت قمة فالكوميديا ، لكن منقدرش ننكر ان القصة دى خدتنا فى حتة تانية ممكن تكون غريبة على البعض شوية لكن كلها قصص من الحياة اللى احنا عايشين فيها …
————————
وقبل ما نقول توتة توتة خلصت حدوتنا ، البطل كتب رسالة لحبيبتة وطلب منى انزلها اخر حلقة 👇
(عايزك تكتبي اعتراف مني لياسمين ( حنان )أن بحبها ومقدرش استغني عنها لان عشت طول عمري اتماناها ولا عمري نسيتها لاحظه وبنسي الدنيا كلها وهي جوا حضني وعايزه اقولك ياحنين ياسمين ست بيت شاطره جدا طباخه بريموا وست غيوره علي جوزها جدا وانا بحب كده وبشوف حبي ف عنيها وانا بحبك يا اغلي حاجه ف حياتي يا ام ابني ياكل ماليا)
❤❤❤❤❤❤❤❤❤❤❤❤❤❤❤❤
وكمان البطالة كتبت رسالة لكذا حد وكانت مفاجأة ليا👇👇👇👇👇👇👇👇👇👇👇👇👇👇👇👇
( وهو احلي حاجه حصلتلي ف حياتي وان جبت منك حته من قلبي ،ربنا يديمك ف حياتي ياحبي الاول والاخير،واحنا نسينا الماضي،وعمرنا ما نفتكر اللى يدايقنا،،وياريتك متتاخرش بليل زي كل يوم،،لو اتاخرت هحدفك بالمشابك ،،ولو خيروني مابين اي حاجه ف الدنيا وان اعيش معاك فانت اغلي من اي حاجه،ودائما زي ماحنا مش بندخل ثالث وسط مشاكلنا وبنعرف نحلها،ودايما مع بعض ،وصلاح ابننا يفضل منور حياتنا
ودلوقتي بقالنا سنه متجوزين واحلى سنة عشتها معاك ،وعمري ما طلبت حاجه غير ونفذتها)
❤❤❤❤❤❤❤❤❤❤❤❤❤❤❤❤
المفاجأة الاولى والتانية بالنسبالى كحنين انى عرفت ان اخت البطل وزوجها متابعين ليا وتابعوا معانا الرواية من اولها واكيد شافوا التعليقات 😁 اولا انا كحنين سعيدة بمتابعتكم ليا شخصيا وشرف ليا حقيقى والبطلة باعتة رسالة محددة ليكوا ( انتم اخوات ليا وانا بحبكم جدا وعمركم ما تتعوضوا)
تالت مفاجأة ليا بردوا كحنين، ان اخو البطلة الصغير وهو كبير اصلا بس كنت حابة افرق بين الاخين😅 متابع ليا وبردوا كان متابع الرواية معانا من اولها وهو كمان لية رسالة من البطلة 👇👇
(واحب اقول لاحمد اخويا بيتابعك انت حبيبي وغالي عليا ومقدرش استغني عنك لانك سندي وظهري،،
وامي ربنا يديكي الصحه والعافيه ويباركلي فيكي)
(وكل اصحابي للي كانوا جنبي وطلعوني من محنه طلاقي انا يذكرهم على وقفتهم معايا ))
————
كلمة اخيرة منى كحنين لاخو البطلة اللى مقاطع اختة واتمنى يشوف كلامى ( اختك لو كانت عاوزة تعصيك كانت عملتها فى العريس اللى جبتهولها لكن هى داست على قلبها وسمعت كلامك والنتيجة انت عارفها كويس ، انت ضهر وسند اختك بعد باباها مينفعش تقاطعها على قرار وهى سعيدة فى حياتها ،مصالحتك ليها هتكمل ساعدتها خصوصا انى عرفت ان زوجها اللى انت اعترضت علية هو اللى عمال يحاول يتواصل معاك عشان يصالحك على اختك ، اختك اختارت ابن حلال وصح وهى بلسانها بتقولك مبسوطة معاة ، انت هتعوز اية تانى غير راحة اختك !!؟ لو اللى معاها مكنش كويس كان سخنها عليك وقال فرصة ومقاطعة ونريح دماغنا لكن لا اختك ولا زوجها المحترم عملوا كدة ،بلاش الشيطان يكسب على حسابكوا اكتر من كدة ، كفاية العذاب اللى هما عاشوة طول السنين اللى فاتت وجمع اخواتك وولادهم حواليك وافتح صفحة جديدة ومد ايدك وافتح بابك للى يخبط علية،خلى بيتك مفتوح لاخواتك محدش عارف بكرة فى ايه ولا مين هيحتاج لمين وبلاش نكابر ،اهالينا مربوناش عشان لما نكبر اقاطع اخويا او اختى اللى من لحمى ودمى ، مافيش حاجة فالدنيا تستاهل المكابرة فى كدة ،جمع اخواتك يا كبير وفرح قلوبهم بقعدتك وسطهم على الاقل علشان خاطر والدتكم اللى اكيد حزينة على مقاطعة اولادها لبعض ،اختك بتحبك وعاوزاك ومتأثرة بيك كفاية خصام كفاااية 😊
فالنهاية اقولكم توتة توتة خلصت حدوتنا
لقراءة الرواية كاملة اضغط على : (رواية حب على حافة جبل)
تعليق واحد