رواية حب على حافة جبل الفصل الأول 1 بقلم حنين الماضي

رواية حب على حافة جبل الفصل الأول 1 بقلم حنين الماضي

رواية حب على حافة جبل الجزء الأول

رواية حب على حافة جبل البارت الأول

رواية حب على حافة جبل الحلقة الأولى

يقول علم النفس :؛

البنات كائنات قد تكون غير مفهومة بالنسبة للرجل في أغلب الأوقات، حيث إن تصرفاتهن لا تكون نابعة سوى عن المشاعر في أغلب الأحيان.. أتدرون شيئا؟ اغلب الفتيات لا تفهمن نفسها.

ولذلك فأن حب المراهقة لا يرتقي إلى مرتبة الحب الحقيقي، وأنه مجرد شعور بالإعجاب ينبعث من الاهتمام بالتعرف على الجنس الآخر، الذي تحركه الغريزة والتغيرات الهرمونية التي تؤثر على تفكير المراهقين، وتجعلهم غير قادرين على تمييز مشاعرهم..

و يعاني المراهقون في هذا العمر نوعا من الحب المرضي الذي يعرف بالهوس، وهو يصيب الفتيات أكثر من الصبيان، إن الهوس بالآخر يعني أن الفتاة تفكر في الشخص الذي تحبه ليل نهار، لدرجة أنها عاجزة عن النوم من كثرة التفكير به، كما أن هذه الحالة تشهد تراجعا كبيرا من مستوى العلامات المدرسية وشرودا ذهنيا مستمرا، يصل إلى حد التفكير بالانتحار وأذية النفس بحال لم تلق تجاوبا من حبيبها.

هل هذا الرأى ينطبق على قصتنا ؟؟؟👇👇

—————–

داخل منطقة مصر الجديدة( القاهرة)

—————————

أية: خلصنا إعدادية ومجموعنا يدخلنا ثانوى عام مش مصدقة يا حنان

حنان: ههههه واخيرا بس خدى بالك احنا داخلين على حاجة اتقل من الاعدادية

أية: ااة يعنى لازم مذاكرة طحن والا اهالينا هيطحوننا ههههه

حنان: انا عن نفسى ليا طموح تانية خااالص

أية: ههههه طبعا تتجوزى وتقعدى فالبيت

حنان: ههه الجواز دة اخر حاجة افكر فيها يا بنتى

أية: اومال عاوزة تكونى اية يا سفيرة عزيزة

حنان: نفسى اطلع اعلامية وابقى مشهورة وكل صورى تبقى على السوشيال ميديا

أية: هههههه ونبى شكلك هتبقى مشهورة فعلا وصورك تبقى مالية السوشيال ميديا ويقولوا افشل ما فى الثانوية العامة ههههههه

حنان: تصدقى انا غلطانة انى بعبرلك عن طموحاتى

أية:عارفة يا بت يا حنان احسن حاجة اننا مع بعض لسة مكملين فى مدرسة واحدة وهناخد كل دروسنا مع بعض.

حنان: ههههههه

أية: يالا انا هقوم بقى وابقى سلميلى على طنط لما تيجى

حنان: ماشى

——————-

فى الشارع

————-

ادم بيصفر:

أية خايفة مبتردش

ادم: اية يا عم ما تيجى نتعرف

اية: …………

ادم: على فكرة انا شوفتك كذا مرة بتعدى من هنا..

ايه مكملة مشى

ادم : طب قوليلى انتى سنة كام

اية: لو سمحت مينفعش كدة عيب

ادم: لعلمك انا المعرض بتاعى قريب من هنا ،عشان كدة مستغرب انى بشوفك كتير فالمنطقة هنا

اية: يعنى قصدك ايه!!! هو انت اشتريت الشارع باسمك

ادم: طيب على اخر الشارع المعرض ولو حبيبتى تاخدى خلفية تعالى ولو عوزتى حاجة هعملك خصم

أية: مش عاوزة عن اذنك

ادم: ماشى يا بطة على راحتك

————–

ادم شاب عندة ٢٣ سنة طموح خلص دراستة وحاليا داخل مشروع مع اخوة عمر فى معرض الوميتال،

عيوب ادم انة شاب شقى جدا بيعشق معاكسة البنات كنوع من التسلية والهزار ودة بسبب موقع المعرض اللى موجود قدام مدرسة للبنات 😉

——————————-

ام حنان: عاوزاكى بقى تشدى حيلك وتركزى فى دراستك وشوفى عاوزة تاخدى دروس مع مين واحجزى

حنان: حاضر يا ماما وادعيلى اوصل للى انا عاوزاة

الام : ان شاء الله بس اجتهدى

حنان: هروح المدرسة بكرة اشوفها واشوف اللبس لونة اية

الام: هتروحى لوحدك

حنان: لا أية جاية معايا

——————–

أدم: بسسس بسسسسس انتى يا بطة

أية: امشى امشى

حنان: مين دة

أية: دة واحد مستقصدنى كل شوية يقعد يبسبس كدة كل ما يشوفنى

حنان: ويعرفك منين

أية: صدفة يا بنتى مالك

حنان: طيب احنا نمشى فى حالنا ومش عاوزين مشاكل

أية: تفتكرى هو هيسيبنى فى حالى

حنان: وبعدين هو بيعمل اية هنا

أية: دة مكان شغلة هنا 😁

حنان: يخربيتك قدام المدرسة انتى اتجننتى

ايه: وانا مالى هو انا اللى قولتلة عاكسنى ههههه

حنان: طيب انا نبهتك انتى حرة، يالا نشوف لبس ايه اللى عاوزينة.

أية: الله يا حنة بصى اسم المدرسة ( سراى القبة الثانوية للبنات) هههه

حنان: هههه يارب كمان ٣ سنين نخرج منها على الكلية اللى نحبها ونكون فرحانين

أية: يارب

——————

حنان: كدة عرفنا كل حاجة الحمدالله وعرفنا الطريق

أية: نركب مواصلة ونبقى نمشى الحتة دى

حنان: وبعدين بقى فالاخ اللى هيقعدلنا دة

أية: شكلة معجب ههههه

حنان: اوعى تديلة وش امشى

أية: بس الواد اسمراني وحليوة وانا بحب الحركات دى

حنان: همشى واسيبك يا أية لو قعدتى تتكلمى كدة

أية: ههههه سيبينى احس انى كبرت وبتعاكس ،،بذمتك مش نفسك تتعاكسى

حنان: اة عشان اخواتى يد. بحونى

أية: وهما اخواتك هيعرفوا منين يا بنتى

حنان: دوول بيعرفوا كل حاجه

أية: بس انا عاجبنى الواد دة ههههه بذمتك مش عجبك

حنان: هههههه انتى مجنونة ،اهو كل يوم هيبقى قدامك وطبعا مش هتغيبى خالص هههههه

أية: اغيب لية والحصص تعدينى ههههه

حنان: ايوة ايوة هههههه

——————

رجعت أية البيت وهى عمالة تفكر فى ادم وطريقتة وزيها زى اى بنت فى سنها فرحانة انها ملفتة وبتتعاكس لكن أية افتكرت ادم لما قالها اسمة وهو بيعاكسها ، عشان كدة أية طولت مع حنان فالكلام قدام بوابة المدرسة لان فى رقم مكتوب على المعرض وحفظتة وقالت تتصل بية لكن خافت تكلمة من موبايلها لحد عندها يعرف ،وفضلت تفكر ازاى تتصل بية وتتأكد ان الرقم دة بتاعة .

وقررت انها تتصل بيه من موبايل حنان لما تروحلها😁

وفعلا تانى يوم أية راحتلها

———-

أية: بقولك هاتى موبايلك اكلم ماما لحسن موبايلى فصل على ما تجيبلي اشرب

حنان: انتى بتوزعينى مااااشى ياستى الموبايل اهو مدام فى اسرار انا هخرج ولما تخلصى نادى عليا

أية: هههه ماشى

وفعلا أية اتصلت 👇

اية: الو

…: ايوة مين

أية: لو سمحت هو فى حد واحد عندكوا اسمة ادم

ادم : انا ادم

أية: اية دة بجد

ادم: اة والله انتى مين بقى

أية: انا اللى انت كل ما تشوفها تقعد تصفر لحد ما صاحبتى خدت بالها

ادم: اااااة عرفتك طبعا وصاحبتك مضايقة لية

أية: لا هى حنان ليها طموح وبتحب تذاكر وشايفه ان كل الكلام دة غلط

ادم: كلام ايه

أية: المعاكسة وكدة

ادم : وانتى شايفة اية بقى

أية: بص هو مافيش بنت متحبش تسمع كلام حلو بس انت كدة ممكن تعملى مشاكل

ادم: يعنى انتى متصلة بيا عشان كدة

ايه: بصراحة عجبتنى جرأتك بس انا عاوزة اقولك انى معجبة بابن خالى ولو انت فى دماغك حاجة فبقولك مش هينفع وكمان عشان الدراسة بدأت وكل يوم هشوفك اكيد لان شغلك قدام المدرسة

ادم : طيب ليكى عليا ولا كأنى شايفك

أية: بس اوعى تكون زعلت

ادم : لا وانا هزعل لية

أية: معلش هقفل سلام

ادم : سلام

————————

أية استريحت لما عملت كدة عشان خافت ان حد يشوف ادم وهو بيعاكسها او يمشى وراها ويكلمها وفعلا ادم بعد فترة وكان بيتعمد يتجاهلها لان الموضوع بالنسبالة تسلية وهزار .

لحد فى يوم ما طلع الرقم اللى أية اتصلت بية وجرب يتصل ..

حنان : الو

ادم : عاملة ايه

حنان : الحمد لله مين

ادم : معقولة نسيتى صوتى

حنان: معلش مش واخدة بالي

ادم: انا ادم يا بطة

حنان: بطة🙄

ادم : اييية لسة مش فاكرانى

حنان : انت اكيد طالب رقم غلط

ادم : لا مش غلط مش انتى فى مدرسة سراى القبة الثانوية للبنات

حنان : ايوة بس انا مش عرفاك

ادم : انتى لسة مكلمانى من فترة لما قولتيلى بلاش معاكسة تانى عشان صاحبتى بدأت تاخد بالها وانك بتحبى ابن خالك

حنان : اناااا قولتلك كدة

ادم : ثوانى هو اصلا الصوت مختلف

حنان: صوت ايه

ادم : هو انتى مش فالمدرسة اللى انا قولت عليها

حنان : اة

ادم : هو انتى معلش قمحاوية وطويلة وتختوخة شوية

حنان ركزت وفهمت انة بيتكلم على أية صاحبتها

حنان : لا دى مواصفات صاحبتى بس انت جبت رقمى منين

ادم : يعنى انتى القمحاوية التانية الاقصر شوية من الطويلة

حنان : انت قصدك أيه ؟

ادم باستهبال : ايووة أية صح

حنان. : طيب جبت رقمى منين

ادم : هى اللى كلمتنى من فترة من الرقم دة وقالتلى الكلام اللى قولتهولك

حنان : طيب دة مش رقمها ولو سمحت متتصلش بالرقم دة تانى

ادم : طب ما تيجى نتعرف

حنان قفلت فى وشة بس وهى مضايقة جدا من الموقف اللى أية حطتها فية.

———–

تانى يوم فالمدرسة طبعا حنان عاتبت أية على الموقف دة وزعلت منها فترة وبعد كدة اتصالحوا.

فضل ادم على مدار سنة كاملة ياخد باله من حنان وهى خارجة من المدرسة وكمان وهى رايحة دروسها وراجعة منها وبدأ يحس انة مشدود ليها .

ادم فى عقلة( تفتكر انت لو اتقدمت ليها اهلها وهى ممكن يوافقوا ؟ دى لسة فى تانية ثانوى وشهادة ، ولو حد وافق استحالة هيرضوا يخلوك تاخد خطوة دلوقتى عشان مذاكرتها ..،، بس انت لازم تعرف هى معجبة بيك وخدت بالها من نظراتك ليها واهتمامك بيها ولهفتك عليها ولا لا ؟ طب ايه الحل ؟ مافيش غير حل واحد ؛ افضل ورا رقمها واحاول اتكلم معاها واشوف رأيها ايه الاول ؟؟

فضل ادم يحاول اتصال بحنان لمدة سنة كاملة وهى متردش علية وتقفل ومهما حاول يكلمها ، بردوا مافيش رد منها .

لحد ظهور نتيجة حنان فى تانية ثانوى وجابت ٧٩ ٪ وطبعا انهارت ساعتها لانها كانت علمى وبالنسبة لعلمى دة مجموع صغير واضطرت حنان تحول ادبى ،وفعلا دخلت ادبى واجتهدت عشان توصل لطموحها وتكون اعلامية مشهورة ، لكن ادم مفضلش ساكت وقرر يقتحم الدايرة المغلقة على حنان ،خصوصا انة شاب مخلص تعليمة وعندة شغلة واهلة عاوزينة يتجوز زى اى اهل محتاجين يفرحوا بابنهم .

——————–

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية حب على حافة جبل)