رواية حب على حافة جبل الفصل الثاني 2 بقلم حنين الماضي

رواية حب على حافة جبل الفصل الثاني 2 بقلم حنين الماضي

رواية حب على حافة جبل الجزء الثاني

رواية حب على حافة جبل البارت الثاني

رواية حب على حافة جبل الحلقة الثانية

ادم بعد محاولات سنة قرر يكلم حنان ويشوف طريقة يخليها ترد، وبعتلها رسالة قالها انا قصدى خير واتأكدى بنفسك وطبعا حنان جالها احساس انة فعلا نيتة خير وقررت ترد علية لو اتصل ..

حنان بقت فى تالتة ثانوى وكانت حولت ادبى لان مجموعها فى علمى مكنش كويس ..

ادم : ياااااة اخيرا رديتى

حنان: هو انت ملقتش مدخل مع أية فقولت اخد صاحبتها

ادم : لا والله انا غرضى شريف

حنان: ماهى أية بردوا كانت كدة

ادم : بصراحة انا كنت قاصد اهزر واتسلى مع أية

حنان: انت كمان بتقولى ، يعنى مش خايف اروح اقولها

ادم: هى كانت عارفة انه هزار وكانت فاهمة

حنان: ودلوقتى اية

ادم: انا محتاج اتكلم معاكى

حنان: لا انا عندى مذاكرة ومش هينفع اتشغل بحاجة

ادم: طيب على الاقل خلينى اكلمك فالتليفون لحد ماتتأكدى من نيتى

حنان: وبعد ما اتأكد ؟

ادم : اجى اتقدملك ودى كلمة راجل

حنان: تتقدملى

ادم : اة

حنان: محدش هيوافق طبعا وهتعملى مشاكل كدة

ادم: لية هو مش الطبيعى تتجوزى

حنان : ايوة بس مش دلوقتى عشان دراستى

ادم: طيب خلينى اكلمك فالتليفون ونتعرف

حنان بعد شوية وقت: ماشى

ادم: يعنى وافقتى

حنان: اة

ادم : على فكرة انا معجب جدا بيكى وعجبنى شخصيتك وشكلك طموحة

حنان: انا نفسى اطلع اعلامية

ادم : يا جمالو اية الحلاوة دى

حنان:عشان كدة عاوزة اذاكر كتير

ادم: قوليلى انتى بتاخدى دروس فالسنتر اللى جنب المدرسة صح

حنان: هههه حتى دى عرفتها

ادم : نفسى اعرف بيتك فين

حنان: لية بقى

ادم: عشان لما تغيبى عنى اجى واحاول اشوفك

حنان: انت للدرجادى ممكن تكون معجب بيا

ادم: انا داخل على ٢٥ سنة ولازم اتجوز لان اهلى عمالين يستعجلونى ونفسى اعرفك عليهم

حنان: هو انت قولتلهم عنى

ادم: طبعا وانتى هتتأكدى بنفسك

حنان: هتأكد ازاى

ادم: لما تشوفيهم ابقى اسأليهم

———–

زادت اتصالات ادم لحنان لمدة ٤ شهور وكل دة محدش فيهم شاف التانى ،لحد ما ادم اصر على مقابلة حنان عشان يعرفها على اهلة وياخد خطوة فعلية قبل انتهاء السنة الدراسية بتاعتها .

ادم: الو يا حبيبى عاملة ايه فالمذاكرة

حنان: قلقانة واهو بعمل اللى عليا وربنا معايا

ادم: انا ليا طلب ولازم تنفذية

حنان: طلب اية

ادم: لازم اشوفك واعرفك على اهلى وبسرعة

حنان: لية بسرعة

ادم: لان عندى هنا بيستعجلونى اتجوز ،يبقى يتعرفوا عليكى دلوقتى عشان يتأكدوا ان فى حد فى حياتى

حنان: خلاص انا موافقة

ادم:هستناكى بكرة عند المحطة واخدك اعرفك على اخواتى وأمى

حنان: خلاص بكرة ان شاء الله هتلاقينى هناك

—————–

حنان قفلت مع ادم وهى فرحانة جدا وعمالة تفكر تلبس ايه وياترى لما اهل ادم يشوفوها هتعجبهم ولا لاة .. وفكرت حنان فالاخر انها تعدى على ايتوال وتاخد تورتاية معاها وهى رايحة عند اهل ادم..

ادم: اية القمر دة

حنان بكسوف: بجد

ادم: بجد والله

حنان: انا مش مصدقة انى شوفتك اخيرا

ادم: ولا انا بس تعرفى انى اشوفك كدة قصادى احسن مليون مرة من انى اعتمد على مكالمات وخلاص

حنان: هههه وانا كمان زيك

ادم : قربنا نوصل بس اية اللى معاكى دة

حنان: اتحرجت ازورهم اول مرة وادخل كدة،قولت اجيب تورتاية ويارب ذوقى يعجبكوا

ادم: انتى عارفة ان انا بعشق حاجة ايتوال

حنان: وانا كمان زيك

ادم : اية دة يبقى دى كمان متفقين فيها وليكى عليا انا كمان واحنا نازلين والدنيا تمام هجيبلك تورتاية عشان تفتكرينى

حنان: لالا بلاش هقولهم اية فالبيت

ادم: ماهو انا لازم اديكى حاجة احتفال بالنهاردة انى شوفتك

حنان: خلاص هات صورة وانا هحتفظ بيها

ادم : موافق اتفضلى اهى ،بس انا كمان عاوز صورة منك عشان كل ما توحشينى اشوفها.

حنان: انا بحبك اوى يا ادم

ادم بنظرة اشتياق: مش اكتر منى ،، تعالى احنا وصلنا

———————

حنان اتعرفت على اهل ادم وكانوا مبسوطين بيها وعجباهم وهما حبوها وهى حبتهم وبقت قريبة من ام ادم جدا لدرجة لو خارجة من الدرس وادم وحشها ولقيتة هيتأخر فى شغلة ،كانت بتروح عند مامتة تستناة ، وهو يجى يقعد معاها شوية وبعدها ينزل يوصلها لحد البيت.

ادم اشتياقة زاد جدا لحنان وكل مايقولها انة هيتقدم ترفض وتقولة استنى شوية

لحد فى يوم ما حنان راحت كالعادة البيت عند ادم تستناة زى كل مرة 👇👇

ادم : وحشتينى اوى اوى

حنان: وانت كمان

ادم: انا بصبر عينى وقلبى لما يشوفك وانتى خارجة من السنتر والمدرسة وخلاص مش قادر استحمل اشتياقي ليكى

حنان: 🙈🙈

ادم: ينفع اقعد جنبك

حنان: خايفة حد يجى

ادم: متخافيش اللى هيجى هوزعة بس وافقى

حنان هزت راسها

ادم قام بسرعة قعد جنب حنان وبدأت عينة تقول احلى كلام اعجاب وحب ولهفة واشتياق، وبسرعة جدا ادم لف دراعة على ضهر حنان وباسها من ايديها وشفايفها وفضل ضممها فحضنة ثوانى،لكن حنان على ما بدأت تستوعب الموقف كانت خدت القرار تبعد عنة وفعلا بعدت وقالتلة انا عاوزة ارجع البيت..

نزل ادم خد تاكسى يوصل حنان لكن ولا كلمتة كلمة طول الطريق وبقى ادم يراقب ملامح وشها عشان يعرف هل هى مبسوطة من اللى حصل ولا لأ ؟

وصلت حنان البيت بينها وبين نفسها اول مرة تعيش شعور زى دة وكل ما تفتكر اللى حصل جسمها يقشعر وتبتسم .

طبعا ادم حاول يتصل بيها يومها كتير لكن بعد كذا مرة حنان ردت علية بجفا: انا تعبانة وهنام تصبح على خير

——————-

تانى يوم وهى فالدرس بالصدفة محمد اخوها لقى صورة شاب تحت مخدة اختة وطبعا حنان كانت نسيت تخبى الصورة وافتكرت وهى فالدرس ،،ورجعت بسرعة تدور عليها ملقتهاش..

طبعا اتخضت حنان ومبقتش عارفة تعمل اية لحد ما جاتلها فكرة 😉

حنان: ماما بقولك اية

الام:

حنان : واحدة صاحبتى كنت واخدة منها كتاب وكانت حاطة صورة خطيبها جواة وانا شيلت الصورة حطتها تحت المخدة لحد ما اخلص نقل وجيت دلوقتى احط الصورة ملقتهاش متعرفيش هى فين 🤔

الام بغضب : انتى متأكدة من كلامك دة

حنان: اة والله يا ماما هكدب عليكى لية ، هو انا اقدر اعمل كدة 😭😭

الام : بتعيطى لية دلوقتى

حنان: عشان انا جاية اكلمك عادى وانتى شكيتى فيا

الام: طيب خلاص احنا كنا هنراقبك واخوكى هو اللى لقى الصورة وخلاص بطلى عياط وانا هجيبها منة

—————

خلصت السنة وحنان جابت ٨٩٪ وطبعا كانت فرحانة جدا جدا وكدة ممكن ادم يتقدم ليها رسمى، وفعلا اتقدم لكن اترفض لان وجهة نظرهم ان حنان لسة صغيرة ولازم تكمل دراستها وتاخد شهادتها وتحقق طموحها وكل ما كان ادم يحاول يتقدم كان للاسف يترفض لكن مش لسبب خاص بية بالعكس هو بالنسبة لاهل حنان عريس مناسب لكن المشكلة ان حنان لسة مراهقة وصغيرة على الارتباط من ناحية وان الخطوبة والزواج هيبعدوها عن تكملة دراستها من ناحية تانية ..

طبعا ادم وحنان جالهم احباط وقالوا يصبروا شوية يمكن اهل حنان يغيروا رأيهم..

وجة تنسيق الثانوية العامة الكترونى وقتها حنان جالها كلية اعلام جامعة المنيا ..

حنان : حبيبى انا عاوزة اقولك ان جالى اعلام المنيا

ادم : نعممم المنياااا

حنان: اة والله وانا وماما وبابا هنسافر بكرة فالقطر الصبح الساعة ٧ عشان نروح نقدم ورقى

ادم : لا مافيش سفر ولو عاوزة تسافرى يبقى اكتب عليكى الاول

حنان : ما انا عندى مش موافقين على اى ارتباط دلوقتى ، حتى لما مهدت لماما فتحتلى تحقيق ،،طب عاوزنى اعمل اية!؟؟؟

ادم : حولى اى كلية تانية هنا فالقاهرة

حنان : مينفعش خلاص وبعدين انا هسافر وارجع تانى يوم مش هفضل قاعدة هناك وبابا حجزلنا فى فندق هناك يومين على ما نخلص تقديم الورق

ادم : انا مش موافق على سفرك

حنان: بس انا عاوزة الكلية

ادم : خلاص يبقى انتى اللى اختارتى وكدة كل واحد فينا فى سكة

حنان بصدمة: بالسهولة دى عندك

ادم : انا صعيدى ومقبلش انك بنت وتسافرى لوحدك وكمان مع نفسك فى كل حاجة ،،عاوزانا نكمل يبقى اكتب عليكى.

حنان: وانا اهلى مش موافقين وانت كدة بتصعب الامور

ادم : يبقى يا بنت الناس كل واحد فى طريق من النهاردة وافتكرى انك بعتينى وهتندمى فى يوم من الايام .

حنان : 😭😭 مع السلامة

———————————–

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية حب على حافة جبل)