رواية حب خفي الفصل السادس 6 بقلم سحر حسين

رواية حب خفي البارت السادس

رواية حب خفي الجزء السادس

رواية حب خفي الحلقة السادسة

وفجأة لقيته بيقي ……
زين : ايه رايك في الجو البحر ده .
ريم : رديت وانا مش عارفه ليه مكسوفه . اه جميل جدا وانا اول مره اكون مبسوطه كده .
زين : ليه انتي اول مره تلعبي كده علي البحر .
ريم : لا بس من زمان كنت صغيره مع بابا بس .
زين : طيب وايه اللي حصل لما كبرتي ما بقتيش تروحيو ليه .
ريم : للاسف بابا اتوفي وانا كنت في المدرسه ومن ساعتها وانا مبقتش اروح البحر تاني يعني بقالي كام سنه مرحتش .
زين : اه انا اسف والله مكنتش اعرف .
ريم : لا عادي ولا يهمك .
زين : طيب قوليلي بقي انتو كام اخوات .
ريم : احنا اتنين بس انا وأحمد بس وامي معانا الحمد لله .
زين : ربنا يخليهالك يارب .
ريم : امين ياااااارب العالمين . وانت بقي عندك اخوات ولا ايه .
زين : لا كان عندي بس اتوفت هي وامي في حدثه .
ريم : اه انا اسفه جدا جدا .
زين : لا ولا يهمك عادي .
ريم : انت كده عايش مع ولدك بس صح .
زين : لا انا عايش لوحدي وكفايه بقي اساله شخصية .
ريم : تمام انا اسفه .
زين : بزعل تمام ماشي .
******************
عالي صوت الاغاني اووي وكان بيسوق بطريقه متهوره اووي وكنت خايفه منه جدا .
***************
ريم : استاذ زين انا هنزل هنا .
زين : ايه وصلنا ولا ايه .
ريم : لا بس انا عايزه انزل هنا معلش .
زين : تمام براحتك .
ريم : تمام شكرا .
*****************
نزلت وانا كنت مخنوقه جدا من طريقته وكنت مستغربه جدا هو ليه بيعمل معايا كده وقفت تاكسي وركبت ومشيت وروحت البيت وانا علي أخري جدا منه ومن طريقته .
وفضلت افكر هو انا عملت ايه عشان يزعل اووي كده يمكن عشان فكرته بالحادثه بتاعت أمه واخته .
لا بس هو كان عادي جدا ومزعلش اده ……. ده مزعلش غير لما سألته عن أبوه .هاااااااا كده انا فهمت .
يبقي هو مش بيحب يتكلم عن أبوه طيب مهو كان قال بدل معمله الكلب دي يلا بقي مش مهم .
***************
تاني يوم الصبح :
الام : اصحي يا هانم انتي وراكي شغل .
ريم : صحيت اهو صحيت .
الام : طيب بقي مش هصحيكي تاني انتي حره .
ريم : خلاص يا ماما خلاص والله صحيت .
الام : طيب هتفطري ولا لا .
ريم : لا يا ماما .
الام : ده اول مره تقولي كده خير يارب خير .
ريم : متاخره علي الشغل يا ماما .
الام : مالك يا بت .
ريم : مفيش حاجه بس لزم امشي باي يا حبيبتي .
الام : ماشي براحتك
***************
بوست امي ومشيت وانا مضايقه جدا جدا من اللي حصل معايا وقررت أن اعتزر علي اللي انا قولته انا عارفه أن هو زعل مني وانا تعديد حدودي .
واول ما وصلت الشركه روحت علي طول علي مكتبه عشان اعتزر علي كلامي خبط ودخلت ويارتني ما دخلت .
اول ما دخلت لقيت واحده حلوه بس لبسها مش حلو شبه كانت قاعده في حضنه اعتزرت علي دخول وقفلت الباب وجريت علي مكتبي وانا مضايقه جدا مش عارفه ليه حسيت أن هو ب100 وش منين بتقولي انك بتصلي ومنين المنظر ده يا خسارة وللاسف كنت فكره ان هو كويس ……
وانا مالي انا ما يعمل اللي يعمله انا مش عارفه اصلا انا مضايقه ليه .
بعد شويه لقيه بينده عليا عشان ادخله ورحت ……….
ولما دخلت لقيت الهانم قاعده علي الكرسي اللي قدام المكتب والبيه التاني قاعد مكانه ……..
***************
ريم : ايوه يا استاذ زين .
زين : كنتي عايزه ايه .
ريم : لا تمام كنت عايزه اعتزر عن سوء تفاهم اللي حصل امبارح انا اسفه .
زين : بس كده .
ريم : ايوه .
زين : لا عادي محصلش حاجه .
ريم : تمام بعد ازنك .
زين : انتي كويسه .
ريم : اه تمام .
زين : تمام اتفضلي .
ريم : بعد اذنك .
*****************
سبتهم وخرجت وبعد شويه الهانم دي خرجت وجت عند بابا المكتب بتاعتي وبتقولي باي ومشيت
باي يختي انا مش عارفه ايه الاشكال دي لا حوله ولا قوه الا بالله .
بعد شويه :
جه زين و بيقولي عندنا اجتماع بره.
ريم : تمام حاضر .
زين : في ايه مالك يا ريم .
ريم : لا مفيش حاجه خالص .
زين : متاكده .
ريم : اه متاكده هو فيه حاجه .
زين : مش عارف من ساعه ما دخلتي و شوفتي لولي وانتي شكلك متغير اووي ومش فاهم ليه .
ريم : لا عادي مفيش حاجه .
زين : يمكن طيب يلا بينا .
*****************
نزلنا من الشركه وركبنا العربيه ومن ساعه ما ركبنا وهو م بطلش كلام علي ست الحسن والجمال بتاعته لغايه ما زهقت وقلت له ………
ريم : استاذ زين بعد اذنك لو سمحت اركن على جنب انا هنزل وانا هروح الاجتماع لوحدي .
زين : في ايه يا ريم مالك ايه اللي حصل هو انا قلت حاجه ضايقتك .
ريم : لا حضرتك ما قلتش اي حاجه تاني بس انا عايزه اروح الاجتماع لوحدي اشوفك هناك بعد اذنك .
زين : طيب تمام ممكن تهدي خليكي في العربيه وانا مش هتكلم تاني .
ريم : لا عادي نزلي ده انا وحضرتك بقى افضل اتكلم مع الانجازات اللي عملتها الاستاذه لولي .
زين : اه صح معلش انا اسف ما اخذتش بالي طول الوقت ده احنا نتكلم عنه لولي انا اسف .
ريم : تخيل بقى حضرتك بقى لك اكثر من ربع ساعه بتتكلم عن لولي كاني ما فيش غيرها في الكون .
زين : هههههههههه طيب وانت ايه اللي مضايقك بقى ان انا بتكلم على لولي مش فاهم انت متضايقه ليه .
ريم : لا هو انا ليه عادي ايه اللي هيضايقني يعني هو بس الحوار كله اني مصدعه مش اكثر بس .
زين : مصدعه لا تمام تمام الف سلامه عليك ما كنتش عارف انك مصدعه .
ريم : الله يسلمك شكرا .
زين : خلاص يا ستي وانا هبطل كلام بس فعلا لو عرفتي لولي هتحبيها قوي يمكن اكتر مني كمان .
ريم : انت بتحبها .
زين : اه طبعا هي اللي فاضله لي من الدنيا دي كلها ما ليش غيرها وبحبها اكثر من كده كمان .
ريم : ياااااا كمان بتحبها قوي كده للدرجه دي ربنا يخليكوا لبعض .
زين : امين يا رب ويخلي لك اخوك .
ريم : امين يا رب شكرا .
زين : العفو يا ستي على ايه اكيد طبعا بتحبي احمد اخوك زي ما انا ما بحب لولي اختي .
ريم : ايه لولي اختك بجد اختك .
زين : اه والله اختي هو انا هكذب عليك ليه .
ريم : طيب مش انت قلت انك وحيد وقلت لي انك عايش لوحدك وقلت لي ان ما فيش حد في الدنيا .
زين : هو فعلا قولوا لي سافرت وهي عيله صغيره خالص في اوروبا ما كنتش متخيل ان ممكن يجي اليوم وترجع فيه وبعدين رجعت والحمد لله بتقول ان هي هتفضل هنا جنبي مش عارف ده بقى صح ولا لا بس اتمنى تفضل هنا جنبي .
ريم : انت اخوات من نفس الاب والام يعني ولا لا .
زين : بعصبيه يعني ايه معنى السؤال ده مش فاهم .
ريم : لا مش قصدي حاجه انا اسفه انا بجد اسفه وصدقني مش هتدخل في اي حاجه تخصك تاني .
زين : انا اسف بصي في حاجات كتير للاسف للاسف ما حدش بيعرف يحكي كل اللي جوايا بس صدقيني هيجي يوم وهقول لك على كل حاجه جوايا وصدقيني انا كمان نفسي احكي لك على كل حاجه قصدي يعني اتكلم عشان ما عنديش حد اتكلم معايا .
ريم : وانا تحت امرك في اي وقت وعندي استمع لك جدا براحتك .
******************
والحمد لله وصلنا بالسلامه بعد كل الوقت ده كله دخلنا الشركه عشان نعمل اجتماع وبعد اول ما دخلنا الشركه كان المدير ورؤساء الشركه واقفين على الباب وكان شخصيه مهمه جدا هي اللي جايه الاجتماع ده انا قلت اكيد واقفين مستنيين بس للاسف طلع حاجه ثانيه خالص .
********************