رواية حب بالصدفه الفصل الثاني 2 بقلم ملك ناصر
رواية حب بالصدفه الجزء الثاني
رواية حب بالصدفه البارت الثاني
رواية حب بالصدفه الحلقة الثانية
فجأه وهما بيتكلموا سمعوا صوت صراخ لميس وصوت حاجات بتتكسر..
لميس بصراخ: بااابااااااا..
الكل طلع جري على اوضه دارين لقوا الباب مفتوح وكل
حاجه متكسره ودارين قاعده على الارض وضامه نفسها
ومداريه وشها برجلها وبتترعش..
لؤى بقلق: في ايه يا لميس ايه اللي حصل..
لميس بخوف: ط. طلعتها الاوضه وكنت لسه هنيمها على
السرير شافت الصورة دي (وشاورت على صورة محطوطه
على التسحريه)
قربت منها وفجاه بقت تصرخ وتعيط وتكسر في كل حاجه كده..
لؤى بغضب: مين اللي حط الصوره دي هنا..
صفاء بحزن: انا.. انا كنت مفكره ان لما احط صوره باباها هنا كانت هتبقا مبسوطه مكنتش اعرف ان ده هيحصل..
في الوقت ده كنان قرب من دارين بهدوء وقعد على ركبته ومشى ايده بهدوء على شعره..
كنان بحنان وهدوء: دارين..
دارين مردتش وصوت شهقتها كان مسمع في اركان الاوضه..
كنان شاور للؤى انه يخرج الكل بره.. لؤى هز راسه بأيجاب وخرجوا..
كنان قربها منه وحضنها بحنان وبدأ يطبطب على ضهرها بهدوء..
كنان: شششش اهدى اهدى يا دارين خلاص مفيش حاجه..
دارين بتصله بدموع وبعدت عنه وطلعت على السرير واستغطت وغمضت عيونها..
كنان قام وقف وبصلها بشفقه على حالتها وخرج بره الاوضه..
لؤى بقلق: ها يابني بقت كويسة..
كنان هز كتفه بقله حيله..
…………………………………
استوب هنا اعرفكم على ابطالنا..
دارين الشاهين &&
سبعتاشر سنه كانت بنت هاديه ومرحه وشخصيتها محبوبه من الكل وكانت وحيده ماماتها وباباها كانت مدلع منهم بكونها
البنت الوحيده اللي انتظروها بعد خمس سنين من جوازهم..
(هسيبلكم انتوا تتخيلوا شكلها)..
كنان التهامى&&
سبعه وعشرين سنه شخصيتوا بارده اللى حد ما
بيشتغل دكتور في مستشفى كبيره من مجموعه التهامي
جروب.. وهو الاخ الكبير على بنت وولد بيحي عيلته جدا وبيخاف على اخته لميس بدرجه كبيره..
فهد التهامي&&
خمسه وعشرين سنه شخصيه مرحه ومجنونه وفي نفس
الوقت هادي وعاقل مش بيفضل انه يشتغل كتير بيحب اكتر
الخروجات وعنده صحاب كتير بس اقربهم هو زين صاحبه..
لميس التهامي&&
تمنتاشر سنه بنوته مرحه جدا وشقيه ودلوعه العيله واخر العنقود زي ما بيقولوا قصيره شوية وشعرها قصير وكيرلي..
نرجع لروايتنا»»»»»»»»
كنان: انا عندي شغل واتأخرت يالا سلام..
صفاء: سلام يا حبيبي خلي بالك من نفسك ومش تتأخر عشان نتعشا مع بعض..
كنان: حاضر يا ست الكل..
فهد: استنى انا جاي معاك..
لميس: وانا هطلع اوضتي يا ماما..
صفاء: تمام يا حبيبتي..
لؤى قرب من لميس: تعالى يا لميس عايزك يا حبيبتي..
لميس: نعم يا بابا..
لؤي قعد وقعدها جنبو..
لؤى: عايزك تقربي من دارين يا حبيبتي واعتبريها اختك
خليها تحكيلك كل حاجه في قلبها وتثق فيكي حاولي تخليها تتكلم وتنسى اللي حصل..
لميس بابتسامه: من عنيا يا حبيبي انا اصلا من زمان نفسي يكون عندي اخت بنت..
لؤى طبطب على كتفها بحنان: يالا شوفي رايحه فين..
عدا ساعات مش طويله ورجع كنان هو وفهد من الشغل
..
صفاء: اطلعي يا هدى نادي دارين علشان تاكل معانا..
لميس: استنى يا يا هدى انا هطلع اناديها
لميس طلعت الاوضه وخبطت لكن مفيش رد فتحت الباب واتفجات ب……….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب بالصدفه)
تعليق واحد