رواية حبيبي الشبح الفصل الخمسون 50 بقلم Sos Khalil
رواية حبيبي الشبح البارت الخمسون
رواية حبيبي الشبح الجزء الخمسون
رواية حبيبي الشبح الحلقة الخمسون
ياسمين بصدمه : اية صبا بنت منصور هو في إيه أنا بقيت اتصدم كتير ليه كده
يونس : إنا زيك والله يا ياسمين اتصدمت زيك بالظبط لما عرفت طب ليه أم صبا متقولش الحقيقه
ياسمين : يمكن علشان مش عايزه تفتكر حاجه من ذكرياته الزباله وطلعت أهو ربت بنتها وخلتها أحسن دكتوره في الدنيا وبيحبها ظابط محترم آه صح هو ايمن كان شكلو عامل كده بسبب الموضوع ده
يونس هز دماغه بمعني آه وبعدين قال : واكتر واحد مصدوم بس أنا قولت ليه إن البنت ملهاش ذنب
ياسمين : آه فعلا هي ضحيه لاب زباله
يونس :هو طلب اننا نروح نتطلب من صبا إنها تسامحه هي ومامتها
ياسمين : و لو اني يعني مش عايزه ده يحصل بس بردو مش عايزه الراجل ده يتعدم وهو حد زعلان منه ماعنه يستاهل الحرق مش الشنق بس المهم هنروح أمته
يونس : لما نقبض علي عمتك خلاص فاضل بكره يلا اطلعي ارتاحي علشان إنت تعبتي طول النهار رقص وكده ها وغمز
ياسمين بصتله بكسوف ومشيت جري
يونس ضحك عليها وكان طالع اوضته وهو طالع سمع كريمه وهي بتتكلم بغضب : مش بترد ليه يا منصور ايه ده عايزاك ضروري
يونس ضحك بسخريه وقال بهمس :معلش مستعجليش بكره هتشرفي جمبو وبعد راح علي اوضه
عند جاسر ماشي سرحان في الشارع خبط في بنت من غير مايحس بصلها باقي البنت عينها زرقاء زي السما وقصيره وبيضا وشعرها طويل وقموره آوي سرح فيها شويه ومفقش غير علي صوتها
البنت بغضب ووجع : اي مش تحاسب يا جدع إنت
جاسر : نعم بتكلميني أنا
البنت بعصبيه : لا بكلم يوحي
جاسر بدهشه : يوحي وبعدين قال : أنا أسف يا انسه بس مكنتش مركز
البنت : لا ونبي واصيفها (اصرفها) منين بقى دنا دياعي ( دراعي) اتشل إنت إيه ده جسمك عامل زي الشحات مبيوك (مبروك)
جاسر بضيق : معلش يا انسه حقك عليا ممكن تيجي معايا نروح أي مستشفى تكشفي عليه
البنت بعصبيه : آه قول كده بقى إنت عايزني ايوح ( أروح) معاك المستشفى و تخطفني وتاخد اعضائي لا يا بابا إنا محدش يقدي( يقدر) يعمل معايا كده دنا اقيقش( اقرقش) عضمك حتة حتة أنا من امبابه يااه
جاسر بصلها من تحت لفوق وبعدين جاي يمشي راحت جريت
وقفت قدامه بغضب : إنت يأجل ( راجل) قليل الذوق مش شايف بنت جميله واقفه تكلمك تسيبها وتمشي إيه ده إنت أهلك مش علموك التي بيه( التربيه) ولا إيه
جاسر بصلها بخنقه : يا انسه الله لا يسئيك انا مش ناقص انا اللي فيا مكفيني ارجوكي قولي اعوضك إزاي عبس خبطه الكتف دي معانها مش آوي يعني بس حضرتك إللي محباكها آوي
البنت : حضي تك ( حضرتك) وأنا إللي محباكها هو إنت فاكيني ( فاكرني) بشحت منك ياجل ( راجل) قليل الذوق والله اوعي كده من وشي عالم قيف( قرف) وسابته مشيت
جاسر بصلها بصدمه : قيف انا قيف يخربيت لسانها الشبر ونص ده وكمان متبري منها إحنا إللي عالم قيف والله ما في قيف غييرك يوووه يخربيتك عدتيني وبعد مشي راح يقابل
صاحبه اللي رايح يشوفو في الكافيه
دخل الكافيه لاقي صاحيه مستنيه دخل سلم عليه : ازيك يا بدر
بدر صاحبه بأبتسامه : الحمدلله يا جسور انت عامل ايه
جاسر تنهيده : أهو عايش
بدر بزعل علشان صاحبه : هون علي نفسك يا صاحبي
جاسر بصله : الحمدلله المهم إنت عامل اية اتجوزت ولا لسه
بدر بأبتسامه : ماهو ده اللي عايزك فيه أنا فرحي يوم الخميس الجاي وقولت منها أشوفك ومنها اعزمك ماعنك مش محتاج عزومه
جاسي بفرحه لصاحبه : الف مبروك يا حبيبي ربنا يتتملك علي خير
بدر : ربنا يخليك يا حبيبي وعقبالك انشالله
جاسر بتفكير في حبيبته : مش باين
بدر : ليه يا عم انشالله هتحب وتتحب وهتبقى الحياة زي الفل
جاسر : ومين بقى سعيده الحظ
صوت من وراهم : سلام عليكو
جاسر بص لمصدر الصوت شاف البنت إللي كانت لسه واقفه معاه من شويه
بدر بأبتسامه: تعالي يا جني سلمي علي جاسر صاحبي
جني بأبتسامه : اهلا ويه قاطع كلامها شافته انو نفس الشاب اللي كانت واقفه معاه قالت بضيق : هو إنت
بدر بأستغراب : هو إنت اتقبلتو ولا إيه
جاسر وجني في نفس الوقت
جاسر : آه
جني : لا
بدر : آه ولا لا
جاسر : بص يا بدر هحكيلك وحكالو
بدر ضحك : يخرب عقلك يا جني معلش يا جاسر جني اختي لسانها متبري منها شويتين
جاسر : إنت هتقولي
جني بصتله بغضب : قصدك إيه
جاسر ببردو : اقصد اللي اقصدو و انتي مالك
جني بعصبيه : يا جدع إنت متستفزنيش هضيبك ( هضربك)
بدر بعصبيه : جني فيه اية احترمي نفسك
جني بضيق: يعني إنت مش شايف يا بدي ( بدر)
بدر : خلاص عيب كده معلش يا جاسر حقك عليا
جاسر بأبتسامه : لا يا حبيبي دي أختك لطيفه خالص
جني بغضب : إيه لطيفه دي هو إنا قطه
بدر راح كتم بوق جني علشان عارف لو فتحت مش هتسكت
: خلاص بقى أتفضل يا جاسر يلا ناكل مع بعض
جاسر : لا معلش مره تانيه أنا قولت اجي اشوفك وبعدين همشي علشان لازم بكره نصحي بدري عندي خطوبه بنت عمي ولازم تيجي اينعم هي جت متأخر إني أكلمك بس كنت بدور علي رقمك والله
بدر : ولا يهمك يا حبيبي والف مبروك وربنا يتمم بخير وهستناك انشالله تنورني في فرحي ها
جاسر ابتسم : أكيد يا حبيبي وبعدين حضنة وقال : يلا سلام
بدر : سلام وبعدها جاسر مشي
بدر لف لجني بعصبيه : هو آنتي مش هتبطلي طوله لسانك دي بقى
جني بضيق : ماهو اللي مش محتيم ( محترم) يا بدويي( بدوري)
بدر : هو بردو إللي مش محترم ولا انتي اللي لسانك فرقله الراجل اعتزر ليكي بدل المره اتنين المفروض عندك دم وتسكتي لكن ليه ليه جني هانم تسكت لازم تديلو من المنقي خيار وبعدين ياختي هو خبطتك بعربيه ده خبطتك في كتف بكتفه وكان سرحان يعني اهدي شويه يا ختي دانتي زي القرده أهو
جني خمست في وشو : الله واكبي ( أكبر)
بدر بسخريه : ياختي عسل خايفه تتحسدي ياختي
جني : ايوه يلا اطلب اكل بقي علشان ميته من الجوع
بدر : آهو ده إللي إنت فلحه فيه حاضر ياختي طلبو الاكل وبعدين قاعدو ياكلو
في اوضه ايمن يونس خبط عليه
ايمن وهو نايم علي السرير : ادخل
يونس دخل بصنيه الاكل وقفل الباب وقاعد قدامه : ها بقي مش هتاكل الساعه 1 وإنت لسة محطتش حاجه في بوقك
ايمن بخنقه : مليش نفس يا يونس
يونس بعصبيه : يعني إيه ملكش نفس إنت محبك الدنيا ليه كده ماقولنا البنت ملهاش دعوه بوسا***** ابوها في إيه بقي
ايمن : هي آه ملهاش ذنب بس مش هقدر أواجها بالحقيقه دي
يونس : ملكش دعوه امها هي اللي هتقولها انت اللى عليك بس تروح تعترف بحبك ليها وتتخطبو وأنا هحكي لأمها علي إللي قالو منصور تمام
ايمن : تمام يا يونس
يونس : يلا بقي علشان تاكل
ايمن هز دماغه وابتدا ياكل بعد شويه خلص
تليفون يونس رن
يونس رد : الو
اللي بيكلمو :______________
يونس اتصدم وقفل التليفون
ايمن بأستغراب وقلق : في إيه يا يونس
يونس بصدمه : منصور انتحر
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حبيبي الشبح)
تعليق واحد