رواية جمانة الفصل الرابع عشر 14 بقلم هوس ريجا
رواية جمانة البارت الرابع عشر
رواية جمانة الجزء الرابع عشر
رواية جمانة الحلقة الرابعة عشر
ماعلباليش كيفاه فاتت هذيك السمانة عليا لدرجة مانيش عارفة راسي من رجليا مانعرف كيفاه يفوت عليا النهار كانت الساعة ال9تاع ليل متكسلة في فراشي وماما نسمع فيها توجد لغدوا فيبرا تليفوني لحت يدي هزيتو رجف قلبي كي شفت نميروه توترت متوحشاتو ومتوحشة صوتو يعذبني بحبو وبعدو عليا الشوق قتلني حبي ليه فاق الحدود عشقي ليه ماعندو لا كرامة ولا زعاف مانقدرش نزعف منو وندي على خاطري ولا نكرهو مهما دار فيا ويدير ديما نبقى نحبو ريبونديت عليه جاني صوت انفاسو بقا ساكت همست حمزة دا نفس عالي فيها الف حسرة وحسرة ،حمزة غير اهدر وريح قلبي امل صغير منك يحييني راني نموت يا حمزة احييني _ماعندك حتى امل معايا يابنت العم وكوبا ، حطيت تليفون على قلبي حظنتو ورقدت وانا كلي خيبة من هذا الحب لي معذبني
فطنت على صوت لولاد نضت قعدت جسمي مكسر البارح كليت دوا باه قدرت نرقد شفت مع الساعة كانت ال11 هما 3 يجو (دارو هنا عند واحد من خوالي صح تونس قريبة لينا بصح المشكل فالحدود نستناو بالسوايع باه ندخلو ونخرجو دارو هنا باه نتفادو هذا المشكل) خرجت شفت ماما واش هذاوين النهار طلع ارواحي كاش ما تاكلي باه تروحي للحفافة ،مانروحش راح نمشط غير هنا _لاه ماتروحيش وشكون راح يكوافيلك _رهوة تكفي رحت لدوش درت دوش وخرجت لشمبرة شعلو لغنا تاع الشابة جميلة وصديق “خلوني نبكي ونبرد قلبي” لحنها حزين طاحو معاها دموعي نبكي نبكي نبكي حتى وليت نشهق غلقت رهوة الباب وجات عندي واشبيك ديري في روحك هكذا علاه هو قدر يخطب نورمال وانتي ماقدرتيش لوقتاش راح تبقاي مرخسة روحك كون جا يحبك علاه خلاه يديك علاه قبل تتزوجي علبالي ماكيش حابة تتزوجي عمر بصح نفرضوها انك بطلتي ممبعد واش؟ راح تبقاي تستناي فيه وكي تستنايه واش من نتيجة؟ راح يجي يديك شفت معاها ماتكذبيش على ورحك جمانة واخرجي من عالم الاحلام وعيشي واقعك وتبعي لي شاريك وعمر شاريك يحبك وجا قصدك لدار وراح يخسر عليك المال ويديك بالكورتاج والكاميرا تخلي واحد كيما هذا وتبعي في واحد مرخس دموعك مسحت دموعي عندك الحق
__وجدتني رهوة ولبستني غير ماما تقرص فيا اضحكي لا نوض ندخلك لشمبرة ونحكمك بالتيو تاع الڨاز كليتي راسك حتى راكي حزنانة هكذا حتى الضحكة المصطنعة ماقدرتش عليها وزدت سمعت بلي هو مايجيش ومراهش هنا علابيها هذ السمانة ما جاش عندنا على ال 3 سمعت صوت لاصونات خرجو خلاوني وحدي البرودة مشات فيا حكمني الخوف ماشي من الخطبة خايفة من اليوم راح نولي في رقبة راجل وحمزة وحبي ليه راح يولو من الماضي خايفة نندم على هذ القرار بقيت وحدي نطلع ونهبط راح يتخلطولي الخيوط من كثرة ماطلعت وهبطت دخلت رهوة عندي نوضي اخرجي للباب الشيخ حاب يسمع موافقتك نضت وقفت رجليا فشلو من الخوف جا وقت الصح رجليا يتخالفو حابة نرجع لور مانيش حابة هذا الزواج حكمتني رهوة من يدي هيا امشي معايا داتني للباب تاع صالو طبطبت رهوة الباب حل عمي الباب عيط الشيخ وقف ورا الباب بقا يهدر كلام طويل عريض وليت نرعش والبرودة مشات فيا وعقلي غاب ماني حابة حتى حاجة غير حمزة ماعلباليش لاه حاسة روحي خيناتو دورت وجهي للباب الكولوار بقيت نطل بلاك نشوف فالحوش يدور بلاك جا وما قالوليش حابة تصرا كاش معجزة كاش مشكل ويفسد كلش مارجعني لواقعي غير رهوة كي قرصتني من يدي شفت معاها جاوبيه _بنتي راكي قابلة صوتي راح وتعڨنت مانعرف كيفاه قدرت ننطق بلي قابلة اللحظة لي نطقت فيها طاحت عيني في عينو داخل على الكولوار شعرو داخل بعضو وحاط يدو على صدرو ونظرات طبعت في مخي مستحيل ننساها نظرات كلها خذلان وصدمتو فيا خلاتني نندم على هذه الموافقة دار خرج بقيت مصدومة ماحسيت غير بصوت زغاريت من الصالة رجعوني لشمبرة ماجبت خبر كيفاه جاو دخلو عليا ولاحو عليا لفوال وخرجوني لصالة قعدوني نشوف معاهم يرقصو ويضحكو يصفقو وعقلي ماشي معاهم غير شفت مع الكولوار لمحت اسامة حاكم حمزة من ذراعو ودخلو لوحدة من شنابر لحقهم باباه دخلت ماما وجها مخطوف خزرت في ام حمزة ناضت عندها ماعرف واش قالتلها ماما زربت خرجت ولحقتها جدة شفت واحد من عمومي زاد فات على للكولوار دخلت عبلة فاتت عند رهوة ماعرف واش بقاو يهدرو عبلة راحت خرجت وغلقت الباب وراها بحجة عمومي داخلين خارجين ورهوة زادت الفوليم تاع البوسط بقيت نشوف واش كاين مافهمت والو متاكدة كاش ماصرا لداخل علابيها غلقو الباب وطلقو لغنى باه واحد مايسمع نشوف فيهم يشطحو مع الغنا واحد ماانتبه متاكدة صرات حاجة شفت مع رهوة درتلها براسي رواحي جات عندي واش كاين_ممبعد نحكيلك ،فهميني واش كاين _ حمزة ،واشبيه _ادعي ربي تفوت على خير ،علاه بصح راح تحكيلي واش صرا جات جهينة حكمتني من يدي نوضتني تشطح فيا وانا بالي مع حمزة واش صرا برا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جمانة)
