رواية جمانة الفصل الخامس عشر 15 بقلم هوس ريجا

رواية جمانة البارت الخامس عشر

رواية جمانة الجزء الخامس عشر

رواية جمانة الحلقة الخامسة عشر

نص ساعة دخلت ماما عيطتلها جات عندي واش كاين _والو ماتعمريش راسك ،واشبيه حمزة _مابيه والو التاي بروحك وجدو طابلة للحنة ناضو يعيطو على عمر باه يدخل يديرلي الخاتم دخلت جدة ماحبش خوها شفت مع رهوة شكون _حمزة شكون ،علاه واش كاين _التاي مع حنتك ممبعد واتفهمي شفت مع ماما تتقابض مع جداتي لاع مايدلخش واش دخلو هو _اسكتي علينا تحوسيه يفضحنا وسط الناس _والله كاش مايدير غير ندي بنتي ونروح منا زودها بزاف واش حاسب روحو _اسكتي علينا خلاص فات كلش خلينا نزربو نفوتو الخطبة قبل مايتهور هذاك ويديرلنا ديڨة وسط الناس حناولي ودارولي الخاتم وراحو قيس مارحو وخرجو بقيت وحدي مع البنات بقاو يشوفو واش جابولي بصح مكان لا ماما ولا جدة لا ام حمزة لام اسامة لا ام رهوة لا رهوة حكمني الفضول نضت خرجت لصالو طليت مكانش خرجت للحوش جاني صوتهم في شمبرة جدة رحت نمشي سمعت صوت حمزة يعيط تبطلوها ولا نبطلها انا وعمي يقولو العن الشيطان _مانلعنش تبطلوها يعني تبطلوهاااا صينو انا نطلع عندو ونبطلها نطقت جدة لاه راك مكبرها هكذا _علاه راني مكبرها هذا جزاة تعبي معاها كي طيح ارواح حمزة وكي تمرض اوراح حمزة وكي تتجرح ارواح حمزة وكي تتكسر ارواح حمزة وكي تقرا ارواح حمزة وكي تزوجت انا اخر من يعلم حتى نسمع من برا يعيطولي مبروك عليكم علاه واش كاين يقولولي اليوم فيونصاي بنت عمك ما صدقت حتى جيت شفت بعيني واحد منكم ما هز تليفون وقال نخبرو هذاك الكلب بصح والله ندمكم عليها وهذا الزواج يتلغى والطفلة تتبطل يعني تتبطل هذا ڨاع كي ماسمعش بلي اليوم فيونصاي تاعي هذا ان دل يدل بلي مانيش في بالو لدرجة انو ماعلابالوش بلي اليوم خطبتي بقا يهدر ويهدد هو قد مايحترم باباه وعمومو ومايقدرش يعارضهم قد ما راسو يابس وماداير حساب لحتى واحد سورتو كي توصل حاجة تخصني لي يهدر كلمة يسكتو ب انا لي مسؤول عليها وانا لي ربيتها واحد ماعندو الحق يهدر مدام قال تبطل يعني تبطل و راح يبطلوني خاطر اذا مابطلونيش هما يبطلني هو عادي يا يبطلوني هما بالحسنى يا يفسد عليا ويبطلني ماعرف كيفاه مادرليش فضيحة وسطهم حابة تخلاص هذ المهزلة حابة نستفرد بروحي ونبكي تعبت من التمثيل نظراتي ضايعة حابة نروح عندو نحظنو ونبكي كلو بسبابو هو نغمض في عينيا باه مانبكيش عينيا حمارو من كثرة الدموع لي حابستهم ماعلباليش نفرح كي حاب يبطني ولا نحزن كي دار هكذا كي ماسمعش خطبتي تمنيت كون دار هذا الشي على جال يحبني والله نبطل من هذ اللحظة نشوف فيه يرجف من كثرة القلقة وهماويحالو يهدرو معاه ويقنعوه وهو ماحبش يفهم غير كلمة وحدة في فمو تبطلوها ولا نبطلها واانا اذا دخلت فالنص نفسد كلش غير حلوها من عندكم شاف مع يماه هيا امشي نروحو نطق اسامة اقعد وين رايح ماكش مليح _انت ماتهدرش ڨاع معايا خسارة العشرة فيك حلفت جدة والله ما تروحو اتعشاو وباتو وغدوا يرحمها ربي خرج حل الباب وخرج برا ما شافنيش بلي واقفة وراه رجعت لشمبرة نبكي مافهمتش كيفاه نتصرف نبطل كيما قال هو ولا نكمل مكرة فيه سمعت صوت تليفون لقيتها جهينة ريبونديت عليها جاني صوت عمر حبيبي كيفك توا ،لباس _راكي مشغولة ،لالا _مبروك علينا قطوستي ،يبارك فيك _واشبيك جيتيني ماكيش فرحانة ،لا عادي_جمانة ضك وليتي مرتي ومنا الصيف تخلصي قرايتك ولا راح ديري ماستر ،لا مانديرش نكمل عامي الثالث بزاف لاليسونس تكفيني _ان شاء الله ماتتخيليش شحال راني فرحان حابك معايا بكل لحظة نصيرلك اب وام واخ وزوج وحبييب نوعدك نصونك ونحميك طول ماراني نشم فالهوا ماعلابالكش قداه طلبتك من ربي تكوني ليا وربي رزقتي بك والحمد الله على هذه النعمة نزلو دموعي من كلامو والله ما يستاهل يدي وحدة كيما انا وليت نبكي _علاه تبكي قطوستي ياريتني نقدر نكونلو واش يتمنى ياريت الزمان ينسيني في هذا الحب والعذاب ،نبكي برك _امسحي عمري دموعك دمعتك غالية ماطيحيها على جال حتى واحد حتى واذا كنت انا ماتبكيش بسبابي اااه ياريت جا حمزة كيفك ياريت عندو ربع من حنانتك بقيت ساكتة وهو يهدر بالي ماشي معاه _جمانة قطوستي ،اممم_علاش تبقاي ساكتة ،مالقيت ما نقول _معليش خذي راحتك علبالي مزلتي ماتعودتيش عليا بالشوية راكي توالفيني ،مهم انا لازم عليا نروح مشغولة _اك تهلاي في روحك وراني بعثتلك تليفون ومعاه السيم ركبيها وعيطيلي به ونهدرو فالليل ،ايه نشالله _عيشك والله ما يتشبع منك انتي سكت _هيا نخليك روحي اقضي شغلاتك ممبعد ،نشالله وكوبيت عليه راح نهبل عقلي مع حمزة وعذاب الضمير قتلني مع عمر

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية جمانة)