رواية جمانة الفصل السادس عشر 16 بقلم هوس ريجا
رواية جمانة البارت السادس عشر
رواية جمانة الجزء السادس عشر
رواية جمانة الحلقة السادسة عشر
فات على هذاك نهار سمانة غير طلع الصباح كشغول ماصرا والو مارحتش ڨاع الجامعة نفسية زيرو في هذ السمانة غلقت تليفون ماهدرت مع حتى واحد حتى عمر ماهدرتش معاه نجي فالشمبرة ونقعد غير نخمم حتى البكا مانبكيش نهار السبت فالليل غير شعلت تليفوني لقيت مساجات من رقم جديد تاع جيزي دخلت قريتهم لقيتهم تاع عمر ملا راه هنا فالدزاير صونا في يدي لقيتو هو ريبونديت عليه جاني صوتو الملهوف قطوستي تي وينك نعيطلك تليفون مغلوق ،كنت مريضة _سلامتك شبيها قطوستي ،والو جيست تعب الخطبة رجع عليا _تهلاي في روحك عيش حبي ماعندي غيرك كون تصرالك حاجة انا واش باش ندير لعمري سكت كي يعود يهدر معايا بهذا الاسلوب نحشم مانلقا مانقول ويعذبني ضميري _حبي انا راني هنا عندكم وديت كونجي واش رايك غدوا نجي نديك الجامعة ،بصح خويا حمزة هو لي يوصلني _قطوستي انتي توا مرتي وزوجتي ومسؤوليتك عليا انا ماشي خوك حمزة سكت _صحا غدوا الصباح نكون عندك ،نشالله ضك راح نرقد عييت _تصبحي بخير قطوستي ،وانت من اهلو وكوبيت ماقدرتش نرقد وليت نشرب سيرو باه نرقد
____ فطنت على صوت جدة تنوض فيا نوضي وجدي روحك حمزة راه هنا باه يوصلك نضت قعدت وقتاش جا ما شفتوش _كنتي راقدة نوضي راه يستنا فيك نضت لبست وفطرت خرجت لقيتو قاعد تحت الشجرة من نهار الخطبة ما شفتو حكم فيا نظرة لي كلها عتاب والم طبطب الباب تاع الحوش ناض وقف راح فتح شفت عمر واقف برا اييي نسيت ڨاع بلي عمر جاي يوصلني صافح عليه اهلا بالنسيب _اهلا _خير بكرت عندنا بايت تحلم بينا _من نهار ناسبتكم وانا نحلم و شاف معايا ضحكت دار عندي هو تخنزر فيا هبطت راسي خرجت ماما اهلا اهلا تفضل دخل سلم عليها _هيا ادخل لداخل _لا مكلاه بصح جيت ندي جمانة للجامعة نطق هو لا مكلاه انا نوصلها _انت لي مكلاه هي توا مرتي ومسؤوليتي انا لي نوصلها طار حكمو من تريكو راحت ماما تجري دخلت بيناتهم ياخاه واشبيك اطلقو رحت نجري بقينا نطبعو فيه ماحبش يطلقو شوف هنا ماتقولش مرتي و زوجتي ماهيش مرتك راهي غير فترة خطوبة قادر تكمل وقادر تفسخ عادتكم لي في تونس وعقليتكم تخليها في تونس ماجيش تفرضها علينا هنا نهار تكون في دارك هذاك نهار قول زوجتي ودير معاها واش تحب اما ضك مدام راهي هنا عندي انا المسؤول عليها وتخرج بشوري انا وبراضيتي انا عقليتك هذه ماتمشيش عندي لذلك ارجع منين جيت وضك يالله مع السلامة طبعو عليه شاف معاه ومعايا معليش معليش وراح خرج شافت معاه ماما عليه واشبيك واش دخلك راجلها وهي ومرتو واش دخلك_ماتقوليش واش دخلك وتفهمي وليد خوك هنا ولهيه ماشي كيفكيف عرفيه بالعقلية تاعنا كيفاه باه مايزيدش يغلط هذ الغلطة المرة هذه سكت المرة الجاية مانسكتش شاف معايا تخنزر فيا هيا امشي انتي وراح خرج دارت ماما عندي اقعدي ماترحيش معاه سمعتو يعيط هياااااا _اقعدي ماتروحيش ماعندو مادخلو فيك هذا زودها بزاف ضرب الباب برجلو من برا راني نستنااااااااا بقيت نشوف نروح ولا مانروحش خرجت جداتي امشي اخرجي عندو ماناش ناقصين فضايح صباح ربي وليت خرجت ركبت ملور وركب طار بالطوموبيل ڨارو وراه خوه رما الڨارو ودور الطوموبيل لطريق خالية ڨارا حل الباب هبط وجا عندي حل عليا الباب جبدني من ذراعي هبطني بقا حاكمني من زندي ويخلخل فيا علاه درتي هكذا انا فاه قصرت معاك واش نقصت عليك واحد ماهتم بك غيري كل واحد عايش حياتو وناسيك غير انا هزيتك على كفوف الراحة تهليت فيك وفي مستقبلك حتى سمعتك حافظت عليها على حساب راحتي لدرجة هذه هنت عليك وهانت عليك العشرة وبدلتيني ولقيتي غيري ،ماشي انت لي ماكش حابني وجرحتني بكلامك وعطيتك وعدي وضك جاي تعاتبني علواه والله حيرتني مالقيت ماندير معاك _انتي لي خلتيني نشوف معاك بهذ النظرة ،واش من نظرة واش درت انا سرقت زنيت كفرت واش درت حتى تتبدل نظرتك ليا ولا كي اعترفتلك بحبي ياسيدي سمحلي اخر مرة مانزيدش نعاود ومابقاش ونروح وتتهنا مني وليت نبكي حكملي وجهي شفت معاه مسحلي دموعي بصبعو خلاص ماتبكيش دورت عينيا عييت نحمل تناقضو معايا مانقدرش على هذ القرب ويأنبني ضميري على عمر بقيت نبكي حط يدو ورا ظهري جبدني عندو حظني دفنت وجهي في صدرو ونبكي بقا يمسح على ظهري اشش خلاص ماتبكيش بعدني علبه حكملي وجهي بقا يمسح على خدودي بصباعو يشوف معايا بدون شعور مني هزيت يدي حطيتها على خدو همست بضعف واستسلام نحبك غمض عينيه وطلع راسو لسما ياربي واش ندير ،حمزة شاف معايا حط يدو على يدي هزها وحطها على فمو بقا يبوس فيها ويعاود وجبد روحو عليا اركبي اركبي حل الباب وركب بقيت نشوف وليت ركبت طريق كومبلي وانا نشوف معاه مرة يمسح وجهو مرة يستغفر مرة يضرب الفولا حتى وصلنا الجامعة حليت الباب هبطت هو طار بالطوموبيل بقيت نتبع فيه لين غاب على عيني نهار كامل وبالي معاه كل مانتفكر واش صرا بيناتنا ونتفكر حنيتو نفرح روحت لدار فرحانة وناشطة
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جمانة)
واصلي