رواية جمانة الفصل الخامس 5 بقلم هوس ريجا
رواية جمانة البارت الخامس
رواية جمانة الجزء الخامس
رواية جمانة الحلقة الخامسة
ماقدرتش نحمل نضت خرجت حوست عليه لقيتو في شمبرتو قاعد على السرير يدير فالساعة طبطبت الباب ،بلا مايطلع راسو ادخلي جمانة دخلت عندو طلع راسو تفاجأ كي شاف حالتي هكذا نبكي وعينيا منفوخين _واشبيك جمان سكت دارلي بيدو ارواحي هنا عندي اقعدي احكيلي واشبيك رحت قعدت معاه على السرير خانتني دموعي وكل بالي اني نحاول ندافع على حبي انا لي نحبو ونستاهلو ملي وعييت على هذا الدنيا وعيني ما شافت غيرو ماعلباليش كيفاه جاتني الجرأة بقيت ساكتة ونبكي شفت معاه عينيه دارو على ملامح وجهي الحزينة بدون وعي مني نسيت العيب ونسيت الدين ونسيت كل شي حظنتو ودفنت وجهي في صدرو ونبكي تفاجا مني بصح ما مسنيش واشبيك علاه هذ البكا ،حمزة تعيش ماتتزوجش سمعت ضحكتو حكمني من ذرعيا وبعدني عليه علابيها زعفانة هذا ڨاع كي راح نتزوج تبسم في وجهي ما تخافيش حتى واذا تزوجت مراح نسمح فيك راح تبقاي ديما تحت جناحي نهتم بك وبكل تفاصيلك زاد بكايا كي مافهمش واش قصدي ،ماشي قصدي هكذا قصدي نحبك يا حمزة ماتتزوجش شاف معايا وتبدلت ملامحمو تفاجأ من كلامي وجرأتي واش قاعدة تهدري ليكون الحب لي في بالي هدرت بعصبية ايه ايه هذا هو لي نقصدو راني نحبك هذه سنين وانت ماكش حاس بيا ماحسيت غير بالكف لي شوالي خدي هزيت عينيا ليه لقيتهم حمر دمار _واش هذه الهدرة لي قلتيها والله وتعاوديها غير نقصلك لسانك هذه تربيتي فيك انا في مقام خوك الكبير كيفاه تفكري بيا بهذ الشي ،ماتقولش خويا انت ماكش خويا انت وليد عمي وانا نحبك ماجرمت ماغلطت واليوم كون تروح تخطبها لنكون ذبحت روحي جاني الكف الثاني راسي تخروض حتى تشوشتلي الرؤية وخبط راسي فالحيط حكمت راسي ونبكي بالقوة من الوجاعة والخذلان والاهانة ناض غلق الباب وحل السانتورا وحكمني بها هذا لي ماكان يرضى بدمعة تهبط من عيني ضك يضرب فيا بلا شفقة ويعيط هذه جزاة تربيتي وخيري معاك من وقتاش نحيتي الحيا وليتي بهذا الرخس الظاهر مايخرجش عليك الدلال والمحبة انتي ماتمشي غير بالضرب السانتورا طبعت على جلدي طبع جلدني كأني بهيمة ماشي بشر رما السانتورا وراح خرج بعد ما كسرني وكسر قلبي معاه
نص ساعة فاتت وانا على نفس حالتي حاسة براسي مبلول ماقدرتش نوض راسي وجمسي وجعوني خاصة راسي سمعت صوت الباب تحل من برا ماقدرتش نلم روحي حتى لقيتها ختو عبلة تعيط من برا جمانة وينك نضتي ولا مزال دخلت عليا لقاتني مرمية في لرص جات تجري عندي ياخاه واشبيك قعدت عندي نوضتني قعدتني وتشوف مع روبتي ملور لي تقطعت على ظهري واشبيه ظهرك نيلي شكون دار فيك هكذا نوضي معاايا ،ماقدرتش نوض وراسي واجعني حطت يدها ورا راسي وجبدتها ياخاه راكي تنزفي نوضي نغسلك راسك ،مانقدرش جسمي مكسر عليا بدات تتشوشلي الرؤية نسمع فيها تهدر وعقلي ماشي معاها شفتها كي هزت تليفون وعيطت حمزة وينك رواح لدار جمانة مانعرف واشبيها راهي تنزف وظهرها ڨاع زرق شكون ضربها ..اك ازرب شوية كوبات وراحت جابت روبة لبستهالي وربطتلي راسي بالخمار سمعت صوت الباب تحل وصوت جرية ويعيط عبلة _راني هناااا ضرب الباب ودخل قعد عندي واشبيها _راهي تنزف هزني وناض دار عندها جيبيلها الخمار راحت جابتهولي ودرتهولي على شعري خرجوني ركبوني ملور طريق كومبلي وهو يسوق ويدور عندي دارت عندو زهرة شكون دار فيها هكذا _انا شافت معاه بصدمة وشنووو علاه ماجوبهاش وصلنا لسبيطار هزني جاو الفرمليات يجرو جابو سرير حطني عليه ودخلوني خيطولي الجرح ربطولي راسي وخرجو بقيت بين الوعي واللاوعي حسيت بيه كي قعد فوق راسي ويمسح على شعري باسني على جبيني وخرج دخلت عندي عبلة حمدالله على سلامتك درتلها براسي ايه نوضتني خرجتني معاها لقيناه برا غير شافنا دور وجهو هو يمشي قدامنا وحنا موراه متجاهلني ركبت فالطوموبيل وانا كلي خيبة نشوف معاه داير نواظر والبرود على وجهو غمضت عينيا ودعيت ياربي ويأجلو هذا الخطبة وصلنا لدارهم هبطت من الطوموبيل وجسمي كلو مكسر وراسي يفيبري من الداخل طلعنا الفوق دخلنا لصالو لقيت جداتي ونسا عمومي والصاشيات دايرين بيهم شافوني ناضو عندي ياخاه واشبيك واشبيه راسك رحت ديراكت عند جداتي حظنتها ونبكي هي متفاجأة مني حطت يدها على ظهري توجعت _سم الله واشبيك جبدتني عليها واشبيك خليتك ساعتين لقيت حالتك هكذا ،مكان والو جيست زلقت طحت على راسي نزفت وجات عبلة داتني مع حمزة لسبيطار شافت معايا كشغول ماصدقتنيش معليش رواحي نديك لشمبرة ترقدي…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جمانة)
