رواية جمانة الفصل السادس 6 بقلم هوس ريجا

رواية جمانة الفصل السادس 6 بقلم هوس ريجا

رواية جمانة البارت السادس

رواية جمانة الجزء السادس

رواية جمانة الحلقة السادسة

داتني لشمبرة حمزة حكمت بلاصتي رقدت وخرجت طفات الضو سمعت ام حمزة تهدر مع جداتي واشبيك عمتي _كنت فرحانة لحمزة بصح كي شفت حالة هذه اليتيمة صماطتلي عيطت لعبلة ارواحي هنا احكيلي واش صرا لجمانة _والله ماعلبالي دخلت لقيتها تنزف عيطت لخويا حمزة ديناها لسبيطار نطقت ام حمزة واقيلا ناجلو الخطبة شوية ونروحو ڨاع مع بعض كي قالت هكذا فرحت
فاتو يومين وحنا عندهم تحسنت شوية حالتي كنت قاعدة فالصالة مع عبلة نتفرجو على برنامج تاع الطبخ لكن بالي في غير مكان بالي عندو هو رغم اذيته حابة نشكرو كون ماصراش هكذا راه خطب بصح تعبني برودو معايا مايسقسي عليا مايهتم لوجودي كشغول ماشي هو لي دار فيا هكذا لكن نحاول نتجاهل هذا الشي ونفكر غير فيه وفي حبي ليه شفت تليفوني رقم جديد يعيطلي بقا يعيط ويعاود وانا ماحبيتش نريبوندي عليه دخلت الكوزينة راح ندير حليب حسيت بواحد دخل ورايا درت لقيتو هو طاحت عينو في عيني نظرة عينيه كلها قلق وخوف ونظرة عينيا كلها عتاب والم عطيتو بظهري فرحانة بوجودو معايا حط الصاشيات وراح خرج ديت الحليب ورحت لشمبرة قعدت على السرير فيبرا تليفونو حكمني الفضول شكون نضت عندو لقيت مساج فالاسنتغرام دخلت عندو تفاجأت بفوطو تاع وحدة لابسة روب صواري ميني لركبة وشعرها صفر ومكياج حرقاتو كاتبتلو حبيبي واش رايك فيا ؟ يدي رجفت زربت خرجت من المساج ورجعتو كيما كان مانيش قادرة نصدق دموعي نزلت بدون شعور حطيت يدي على فمي ونبكي نخاف يسمعوني كي اكتشفت الحقيقة تبخرت احلامي شكون هذه اكيد حبيبتو لي يحبها وانتي يا جمانة وشنو اكيد كيما يقول هو ختو الصغيرة حاسة بوجاعة في قلبي وضاق نفسي وغصة في صدري ماهي قادرة تخرج باه نبكي ماهي قادرة تهبط اتخدت قراري لازم نبعد عليه وخلاص هذا الحب ماعندي فيه حتى مكتوب وماراح نلقا منو غير العذاب حسيت بجداتي واقفة على الباب شفت معاها وفي عيينها الف سؤال جات قعدت معايا واشبيك ميمية حالتك ماعجبتنيش ،مابيا والو عيانة برك _حابة نرجعو لدار ،اخرتها راح نرجعو _بصح ماعجبنيش حالك ملي جيتي هنا وحالتك ماتعجبش كشغول ماكيش جمانة تاع بكري ،لا كرهت منا برك راني نخمم كي نرجعو منا نروح لتونس عند خالي نبدل شوية جو _اهدري مع حمزة وقوليلو هو يوصلكم ،لا مانهدرش معاه هو اصلا مايحبش نروح لثم _خلاص ملا وجدي روحك وانا نقول لعمك يوصلنا لدار وانتي روحي مع يماك ديرو دورة و اقعدي يمات نحي على خاطرك عندك بزاف ماخرجتيش والجامعة مابقلهاش تبدا درتلها براسي ايه ناضت خرجت وكل بالي معاه ومع لي شفتو ،شوية دخلت عبلة معاها بنتها قعدت معايا وتنشفلها في شعرها واشبيك جمانة ،لا والو علاه ڨاع تسقسو فيا نفس السؤال _علبالي حمزة هو لي ضربك واكيد حمزة مايمدش يدو عليك غير اذا كاش مادرتي شفت معاها قولي واشبيك كنت نستنا في واحد يقولي واشبيك باه ننفجر بالبكا ونشكيلو من حبي لحمزة ،علبالي راح تقولي عليا مانيش متربية ومانيش محترمة كيما قال هو بصح انا نحب حمزة وهذا الحب في قلبي عندو سنين وكل يوم يكبر بصح ماحسيتش بهذا الوجاعة غير ضك تعبت منو ومن حبو ومن الصدمات لي نتعرضلها حابة نستراح بعيدة عليه حابة نبعد باه ننساه لانو ماعندي حتى امل معاه وفي هذا الحب لي ما زادني غير تعب مسحت على ظهري اول شي مراحش نقول ماكيش متربية الحب ماشي حرام والحب ماشي في يد الانسان وماتلوميش نفسك بصح مدامك تعبانة روحي بعدي منا وارتاحي وواحد ما يلومك على حبك ليه ماحسيتي بالحنان غير معاه علاه شكون مهتم بك غيرو هو وشكون معوضك على غياب باباك غير هو حقك تحبيه بصح متاكدة من مشاعرك ،مليون بالمية _روحي اطلعي لتونس عند خالك وعاودي تاكدي اذا بقيتي غير تخمي فيه راكي صح تحبيه اذا نسيتيه تكون غير مشاعر مراهقة ومع الوقت تفوت ممكن غير تعلق وصاي واذا تاكدتي ارواحي قوليلي ونكون هذاك الوقت متاكدة من الشي لي في بالي ،علاه واش لي في بالك _ماتعمريش راسك بصح تاكدي من مشاعرك قبل كلش باه ماتظلميش نفسك لوكان يتزوجك ولا حاجة اخرى طار قلبي كي قالت يتزوجك ناضت خرجت مستحيل تكون مشاعر مراهقة او تعلق بصح معليش نجرب

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية جمانة)