رواية الجحيم هو أنت الفصل العاشر 10 بقلم سولييه نصار

رواية الجحيم هو أنت البارت العاشر

رواية الجحيم هو أنت الجزء العاشر

رواية الجحيم هو أنت الحلقة العاشرة

كنت قاعدة في الضلمة ودموعي بتنزل لوحدها …حاطة ايدي على بطني…مش عارفة أعمل ايه …حاسة ان الدنيا كلها جاية عليا …لا ابويا كان سندي ولا جوزي …حتى حمايا زهق ….امي مش قادرة تساعدني وعماتي بيعملولي سـ حر …محدش معايا الا ربنا …يارب أنا مليش غيرك …يارب ساعدني …
كنت بدعي ربنا وانا بعيط ….فجأة اتنفضت لما لقيت جلال داخل عليا وباين عليه انه رايق شوية …أول ما بصلي وشه اتغير وقال:
-انتي لسه صاحية يا ساتر على القر ف
فدموعي نزلت اكتر وبدأ صوتي يعلى بالعياط ….قلبي كان بيتقـ طع من الأ.لم ..
-خير مالك …ايه الكلمة جر حتك ؟!ما أنتي طول عمرك معندكيش كرامة ايه اللي جد يعني ؟!!!
-جلال …جلال …أنا حامل !!!
-نعم !!
صرخ وقرب مني فقولت وانا بعيط ؛
-بقولك حامل …حامل …
-نعم يا روح أمك …حامل ازاي ..مش انتي ركبتي وسيلة …،
-ايوة وحملت عليها …
شدني من شعري وهو بيصرخ فيا :
-نعم يا روح امك ….انتي هتستهبلي يا بت ….مش قولتلك مش عايز عيال منك تاني …انتي معندكيش د م ولا كرامة ….
فضلت اعيط واقول :
-أنا اصلا مش عايزة عيال منك تاني …مش عايزة اتربط بيك اكتر من كده …بس ده مش بإيدي ….
شد على شعري اكتر وقال :
-اسمعيني يا بت اللي في بطنك ده ينزل ….انتي خلاص كل خلفتك بنات وكفاية انك لبستيني في اتنين وانا مش عايز عيال منك تاني …
-ده مستحيل يحصل أنا مش هنزل الحمل ده ….مش هموت ابني أو بنتي …سمعتني مش هعمل كده …
-لا هتنزليه …هتنزليه يا شروق …
وبعدها فضل يضر ب فيا جامد وانا اعيط …قلبي كان مكـ سور من اللي بيحصل فيا …
ورغم ضر به ومعاملته الز فت مكنتش راضية انزل الجنين …صحيح ان الحمل ده كان صعب عليا لمن مكنتش اقدر اقتل روح بريئة ….ومعاملة جلال كانت مخلياني في حالة صعبة …كان رافض يصرف عليا ….
……
-لا يا حبيبتي كان فيه وخلص …أنا مش هصرف واجيب أدوية ولا يهمني اصلا لو مات اللي في بطنك أو مو تي انتي…اسمعي الكلام ونزليه يا شروق والا هتشوفي مني معاملة اسو أ من كده …
رفعت راسي وبصيتله وانا بقول:
-لا مستحيل مش هنزل ابني يا جلال …وانا مش عايزة منك فلوس ….
…
وبالفعل مطلبتش منه فلوس …طلبت من حمايا وهو اللي اتكفل بيا في حملي …كانت اوقات صعبة فعلا بس كان عندي يقين أن فرج ربنا قريب
…..
-ايه أنا حامل في ولد !!
قولتها وعيوني مدمعة للدكتورة اللي ابتسمت وقالت:
-ايوة يا شروق انتي حامل في ولد ..
دموع الفرحة نزلت من عيوني …كنت سعيدة اووي ومش مصدقة صحيح أن بالنسبالي البنت والولد واحد واللي يجيبه ربنا هيكون كويس بس وفاة عمرو أثرت فيا اووي وخلتني اتمنى اخلف ولد يكون ليا عوض عن اخوه ….
حطيت ايدي على بطني وانا مبسوطة اووي …رغم السو اد اللي في حياتي بس دايما كان في أمل …دايما كان فيه حاجة بتفرحني….
……
مرت الأيام لحد ما جه ميعاد الولادة ….
وكعادة كل مرة أولد فيها كنت هولد قيصري…
….
وجه ابني علي بس للأسف تعب ودخل الحضانة …
…..
-ازاي يعني عايزني ارجع معاك …طيب وابني اللي في الحضانة ده ؟!
قولتها لجلال بعصبية وبعدين كملت وقولت:
-جلال روح انت. ..أنا مش همشي الا وعلي على ايدي …هقعد هنا عند بابا لحد ما نطمن عليه …
….
عدا عشر ايام …
ولاحظت ان فيه حاجة غريبة في البيت ….ابويا طلع من الصبح وامي كان باين عليها التوتر …قلبي رجف من الخوف واستنيت بابا يجي واول ما جه قربت منه وقولت بشك:
-بابا فيه ايه ؟!
-علي ابنك ما ت وانا د فنته !!!