رواية جرح الحياة الفصل السابع 7 بقلم رنا سليمان
رواية جرح الحياة الجزء السابع
رواية جرح الحياة البارت السابع
رواية جرح الحياة الحلقة السابعة
_انت عايزني اقتله!
_مالك مستغرب كدة ليه…….انت عملتها قبل كدة ولا ناسي
_لا مش ناسي……..بس انت لية عايزني اعمل كدة هو عملك اية
_اخد مني هاجر………في الوقت اللي كنت فاكر انها هترجعلي وكل حاجة هتبقي كويسة لقيته ظهر قدامي وخلي هاجر تحبه هو مش انا…….وكل اللي حصل دا بسببك انت…….انت اللي خليت هاجر تبعد عني وانت اللي هتخليها ترجعلي
_هو انت فاكر اني ممكن اساعدك انها ترجع ليكي مع اني اكتر واحد مش عايزكم تكونوا مع بعض
_مهو مش بمزاجك……..انت لازم تعمل اللي انا عايزه لان روحك في ايدي………لو ناسي الراجل اللي بعته عندي البيت وخليته يضرب فرح بالنار انا افكرك……..انا مكنتش عايز اتكلم ولا اسلمه للبوليس ساعتها علشان كُنت خايف علي هاجر منك بس دلوقتي انا مش باقي علي حاجة وعندي استعداد اعمل اي حاجة علشان هاجر ترجعلي
_انت فاكر انك كدة ممكن تهددني ……..مفيش عندك اثبات علي كلامك دا وحتي لو مسكوه مش ممكن يعترف عليا ولو اعترف مفيش دليل ضدي علشان يقبضوا عليا
_لية هو انا غبي علشان اجيلك وانا معيش دليل ضدك…….معايا الدليل إللي يدخلك السجن……..احسنلك تسمع كلامي وتنفذ اللي بقولك عليه……..الفرح يوم الخميس الجاي يعد بعد ٣ ايام……..لازم تبعده عنها قبل الفرح ……..ميهمنيش الطريقة اللي هتخليه يبعد عنها بيها ………المهم انك تبعده عنها وخلاص
سيبته وخرجت من البيت……..عارف اني غلطت بس انا مش قدامي حل غير كدة…….هاجر مينفعش تكون لحد غيري………انا اه غلطت في حقها وبعدت عنها لكن انا مش ممكن اكرر غلطي دا تاني ………مستحيل اضيعها من ايدي تاني………انا بحبها ومستعد اعمل اي حاجة علشانها ومن غير حتي ما افكر في نتيجة اللي ممكن اعمله دا
“هاجر”
_علي هو انت كويس
_ايوة يا حبيبتي………بتسألي لية
_من ساعة ما رجعت من برا وانا حاسة انك مضايق من حاجة
_مش حابب اضايقك معايا……..موضوع مش مهم
_موضوع مش مهم ومضايقك للدرجة دي………احكيلي ايه هو يمكن اساعدك
مسك ايدي وابتسم وبدا يتكلم
_موضوع انا هقدر احله……..متقلقيش
_بس انا عايزة أعرفه يا علي……..قولي اي هو ونحله مع بعض
اتنهد ولف وشه الناحية التانية وبدا يتكلم
_انا قبلت ادم انهاردة……..واتكلمنا شوية
_ادم…….اتكلمته في اية يعني
_اتكلمنا عنك………قالي انك مش بتحبيني وانك اختارتي تكوني معايا بس علشان تنسيه وانك لحد دلوقتي بتحبيه وان احسنلي اني ابعد عنكم لانكم بتحبوا بعض
_وانت قولتله ايه يا علي
_قولتله اني عمري ما هسيبك واعمل زيه……..واني بحبك ومش هقدر ابعد عنك ……..بس
_بس اية!
_هاجر لو انتي بجد بتحبيه وعايزاه انا مستعد ابعد عنكم علشان تكوني مبسوطة
_بس انا قولتلك اني عايزة ابقي معاك يا علي……..انا نسيت حُبي ل ادم من زمان ومبقاش ليه مكاني في قلبي ………انت الوحيد اللي لازم تكون معايا وجمبي مش هو……..انت اللي حبني بجد وفضل واقف جمبي في اصعب وقت انا كُنت ضعيفه فيه مش هو انا اللي تستحقني يا علي
_انتي متاكدة يا هاجر……..انا خايف بعد ما نتجوز تحسي انك اتسرعتي في جوازك مني
_متخافش يا علي ……..انا واثقة من قراري دا ومتسرعتش فيه ولا حاجة……..بالعكس انا اخدته متاخر لان كان لازم نتجوز من بدري
ابتسم وباس راسي…….اخدني في حضنه وبدا يتكلم بفرحة
_انا بحبك اوي يا هاجر
_وانا كمان بحبك يا علي
يمكن انا حبيت ادم في يوم او يمكن اكون اعجبت بيه وبس بس اللي انا متأكدة منه اني مبسوطة مع علي ومينفعش اني اسيبه وارجع ل ادم…….ادم سابني مرة وممكن يسبني تاني وعاشر لو رجعت ليه لكن علي……..علي غيره مستحيل انه يبعد عني ويسبني ل اي سبب لانه بيحبني بجد ومستعد انه يضحي بنفسه علشاني ……..وانا مع علي مبقاش خايفة من اي حاجة وبكون متطمنة لاني واثقة ان لو حصلي اي حاجة هو يقف جمبي ويساعدني مينفعش اكون مع حد غير علي
بعدني عنه ومسك ايدي وبدا يتكلم
_لو حابة اننا نرجع تركيا ونعمل فرحنا هناك انا معنديش مانع
_لا يا علي……..انت كآن نفسك نعمل فرحنا في مصر ومفيش اي مانع اننا نعمله في مصر………وبعدين انا مليش صحاب غير فرح و عايزاها تكون جمبي في يوم زي دا………وبعدين ادم مش هيقدر يعمل حاجة ليا او ليك
_بس غيره ممكن يعمل…….اللي اسمه كامل دا ممكن يأذيكي يا هاجر
_وهو هيعرف مكاني منين هو بقاله ٣ سنين ميعرفش عني حاجة اكيد مش هيعرف يعمل حاجة يا علي
_مش عارف يا هاجر بس انا خايف وحاسس ان في حاجة ممكن تحصل في الفرح
_متقلقش كل حاجة هتكون كويسة…….يلا بقي ناكل علشان انا جعانة اوي ………انا عملتلك البشاميل اللي بتحبه
_بشاميل مرة واحدة……..لا دا انتي اتطورتي خالص
_مش اوي يعني…….كنت مع خالتو علي التلفون خطوة بخطوة بس ربنا يستر وتطلع حلوة ومنروحش علي المستشفى بعد ما ناكلها
_لو هموت علي ايدك ف معنديش مانع بالعكس هكون مبسوط
_ماشي…….هعمل نفسي مصدقاك ………بس خلي بالك لو عجبتك هتنزلي تجبلي حاجة حلوة علطول
_اما نشوف هي حلوة ولا لا الاول…….يلا بينا ناكل
_يلا
“ادم”
_لازم فاكر تسال عن جدك يا ادم
_اسف يا جدو والله انت عارف شغل العيادة واخد كل وقتي
_واية اللي خلاك تفتكرني بعد الوقت دا كله
_مفيش يا جدو……..اصل انا قررت اتجوز
_تتجوز انت مش كنت رافض الموضوع دا وبتقول انك عمرك ما هتتجوز غير هاجر دي
_ولسة عند قراري يا جدو……..انا ناويت اتجوز هاجر
_انت قابلتها
_ايوة…….كانت في تركيا ورجعت بقالها يومين……..وانا بصراحة مش عايز اضيع وقت وعايز حضرتك تيجي معايا نطلب ايديها من جوز امها يوم الاربع
_بالسرعة دي يا ادم
_بصراحة يا جدو انا خايف تهرب تاني ومقدرش ارجعها علشان كدة عايز الموضوع يتم في اسرع وقت……..قولت اية يا جدو
_امري لله يا ابني…….هاجي معاك ونطلب أيديها ……..ربنا يسعدك يا حبيبي
ابتسمت بفرحة …….كلها مسألة وقت وهاجر تكون معايا انا واللي اسمه علي دا هيخرج من حياتها سواء بمزاجه او غصب عنه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جرح الحياة)
