رواية جحيم شمس الفصل السادس 6 بقلم رشا منصور

رواية جحيم شمس الجزء السادس

رواية جحيم شمس البارت السادس

رواية جحيم شمس الحلقة السادسة

متولي….
قولت لها بعد الشر عليكي يا هانم ولسه مخلصتش كلامي
ببص لقيت الهانم مرة واحدة بصه ورايا وبرقت حسيت أن حد واقف ورايا وأن الهانم بتحاول تنبهني علشان متكلمش
وفضلت الهانم بصالي وساكته قولت لها حاضر يا هانم هوصيهم ع الفاكهه من عنيا الاتنين وهقول للجنايني أنه يزرع القرنفل اللى حضرتك بتحبيه إحنا تحت أمرك يا ست هانم
واستئذنت منهم والباشا باصصلي مشالش عينه من عليا لحد ما خرجت
ومحاولتش بعدها ادخل الفيلا خوفت أن صفوان باشا يشك في حاجه مع أنى مكنتش فاهم الهانم كان قصدها مين بكلامها
وبعدها بيومين سمعت البت سعديه بتصوت وبتقول أن الهانم واقعه ع الأرض مبتنطقش
جريت ع المستشفي يا بيه وجبت الإسعاف معايا وكشفوا ع الهانم وقالوا ماتت الله يرحمها وخدوا الهانم لأنهم شاكوا بسبب البودرة اللى حواليها أنها ماتت من المخدرات
واتصلت على صفوان باشا ابلغوا اتعصب عليا أن إزاى اجيب الإسعاف وأن دلوقتي بقي فيها سين وجيم
كلامه يابيه خلاني افتكر كلام الست ناريمان هانم وأن هى اكيد هتتقtل زى حسين باشا
وخوفت ع البت الصغيرة الهانم وصيتني عليها طلعت جري وخدت البت الصغيرة وخليتها معايا في اوضتي لحد ما أشوف ايه العمل
ووصيت البت سعديه تخلي بالها منها متسيبهاش
وبعد ما طلع تصريح الدفن بأن الهانم ماتت بجرعه مخدرات زيادة وادفنت من غير ما حد من أهلها يعرف حاجه
صفوان باشا جمعنا أنا وسعديه وقال لنا أنتوا عارفين حقيقة موت الهانم ولكن علشان سمعتها وسمعتي أى حد يسأل هنقول ماتت بالسكته القلبية مفهوم
قولنا له مفهوم يا باشا وبعدها لقينا الاستاذ علاء اللى شغال عنده مساعد له قال البقاء لله يا باشا شد حيلك
صفوان باشا ….
اة يا علاء مش عارف من بعدها هعيش إزاى كانت كل دنيتي أنا مش متخيل أن خلاص مش هشوفها تاني
روح أنت يا متولى ع شغلك وانتى يا سعديه اعملي لنا قهوة وهاتيها لنا في المكتب تعالى يا علاء ورايا
بعد نص ساعه يا بيه لقيت البت سعديه جايه ليا وهى بتبكي وبتقول شوفت يا عم متولى الست ناريمان هانم اتقtلت. هى وحسين باشا ودلوقتي الدور ع البنت الصغيرة
إحنا هنستني لما يقtلونا😱 إحنا كمان
قولت لها انتى يابت بتخرفي بتقولى ايه جبتي الكلام ده منين
سعديه ….
أنا روحت علشان أعمل القهوة وأنت عارف أن الأستاذ علاء بيشربها سكر زياده وأحنا دلوقتي في عزاء خوفت اعملها سادة يزعقلي وخوفت اعملها زياده الباشا الكبير يهزقني قولت ادخل اسأله هيشربها ايه ولما قربت من المكتب سمعت
الاستاذ علاء ….
نقول مبروك يا باشا كدا الشركه والفيلا وكل الاصول بقت ملكك رسمي وكل اللى أنت خططت له حصل
صفوان باشا……
لسه أنا صحيح خلصت من حسين وناريمان بس لسه البنت الصغيرة أنا دلوقتي بالكتير هتعين واصي ع الممتلكات دى لحد ما تكبر وتاخدها ع الجاهز
الاستاذ علاء..
وايه يخليها تكبر ما تحصل أبوها وأمها يعني إحنا مش هنقدر عليها
صفوان باشا…
أنت اتجننت ده كدا الحكايه تبقي مكشوفه أوى وبدل ما اتمتع بالثروة دى ألاقي الأموال العامة يسألونى من أين لك هذا أنا مش عاوز عيون البوليس تتفتح عليا
الاستاذ علاء… بعد الشر يا باشا بسيطه ولها حل
وجريت بسرعه اعمل القهوة قبل ما حد ياخد باله أنى كنت واقفه
وجيت علشان اقولك ياعم متولي لازم نشوف حل حرام البت الصغيرة تموت تعالى نبلغ الشرطه
عم متولى .. هنقول لهم ايه إحنا غلابه ومش بعيد صفوان باشا يقtلنا. لو شم خبر أننا عرفنا حاجه ربك هيدبرها من عنده وأن شاء الله هلاقي لها حل
الضابط أحمد …
وبعدين ياعم متولي في ألف ليلة وليلة بتاعتك دى
متولي… معلش يابيه أنا راجل عجوز تحملني
الضابط أحمد … 😐
سؤال ومحتاج إجابته شمس تبقي بنت مين
متولي….. بنت ناريمان هانم وحسين باشا
الضابط أحمد 😱
وبموتها تبقي الثروة كلها ل صفوان باشا رسمي دى جريمه مدبره وأنت اللى مساعده فيها
متوالي
والله ابدااا يا بيه بقولك أنا كنت بحميها طول الوقت منه ده حتى مكنش يعرف أنها عايشه غير من كام أسبوع بس ومن غير ما حد يقوله
الضابط أحمد ….مش فاهم كلامك
متولي سيبني يابيه اكملك الحكايه علشان تفهم اللى حصل
الموضوع أكبر من الورث بكتير يا بيه