رواية جحيم شمس الفصل السابع 7 بقلم رشا منصور

رواية جحيم شمس الجزء السابع

رواية جحيم شمس البارت السابع

رواية جحيم شمس الحلقة السابعة

الضابط أحمد 😱
وبموتها تبقي الثروة كلها ل صفوان باشا رسمي دى جريمه مدبره وأنت اللى مساعده فيها
متوالي
والله ابدااا يا بيه بقولك أنا كنت بحميها طول الوقت منه ده حتى مكنش يعرف أنها عايشه غير من كام أسبوع بس ومن غير ما حد يقوله
الضابط أحمد ….مش فاهم كلامك
متولي سيبني يابيه اكملك الحكايه علشان تفهم اللى حصل
الموضوع أكبر من الورث بكتير يا بيه
ونروح ل دكتور خالد
بعد ما تركت الضابط أحمد مع متولي البواب بناء على طلبه كنت تعبان من السفر بس كان عندي شغف أنى اطلع على المستشفي واعمل التقرير واكتب سبب الوفاة
روحت المشرحه وبمجرد ما فتحت الباب حسيت برهبه ورعشه في قلبي كأني أول مرة أدخل المشرحه
اخدت نفس عميق واقنعت نفسي أن ده مجرد وهم نتيجه الخبطه اللى فى دماغي وتعب السفر
ولبست البالطو وفتحت التلاجه علشان اطلع الجثه. وأول ما طلعت الطفله
حسيت بضوء طالع منها وشها مشرق جدااا استحاله تكون دى طفله ماتت من كام يوم أنا مش قادر افهم ايه السر
ولسه بجهز الأدوات وبشيل بقيت الملايه وبمسك المشر’ط
لقيتها بتتحرك وبتبصلي ومرة واحدة حسيت نفسي بتشال واتحدفت ع الحيطه حسيت أن الحيطه هتكسر من الخبطه بس أنا سليم ورغم المسافه اللى اتحدفتها إلا أنى مش حاسس بأي حاجه ببص لقيت زى طيف ع شكل ناس بس لأ دول مش ناس ده خيال منور ع رسمة ناس ضوء أبيض ع شكل ناس طويله رأسهم واصله لسقف الاوضه عددهم كتير وواقفه معاهم واحدة نفس شكل الطفله 🙄
طب دى الطفله ع تربيزة التشريح أومال مين التانيه اللي واقفه معاهم وبتبصلي وبتبتسم ليا
ابتسامتها طمنتني ابتديت اقوم اقف وأنا مش فاهم أنا بحلم ولا دول بجد حاسس برهبه ورعشه في جسمي بس ضحكة الطفله خلتني اهدي ولقيتها بشاور ع الجثه وتعملي بأيدها لأ
كأنها عاوزة تقولى بلاش اشرحها حاولت اقرب مش عارف كأن حد مانعني أنى اقرب ولقيتني بقولها أنا عاوز أجيب حقك علشان كده لازم أعرف ايه سبب موتك يمكن نوصل للي عمل فيكي كدا
وفجأة
لقيتها بصت للخيال المنور وراها ورجعت بصت ليا وابتسمت ورفعت ايدها في اتجاهي كأنها عوزانى امسك ايدها
ولقيت نفسي ساعتها جسمي فك وقادر اتحرك وراح الخوف نهائي وبمجرد ما قربت ايدي منها حسيت أنى دخلت في دوامه كبيرة ونزلت منها على الفيلا علشان أشوف الآتي
واحدة ست جميله أوى وشايله طفله ع رجلها وبتقولها نصيبك أن ابوكي يموت من قبل ما يشوفك لو تعرفي هو كان ملهوف إزاى عليكي ومستني اليوم اللى تيجي فيه وتملئ حياتنا
لكن الغدار كان عامل صاحبه ومدير أعماله هو اللى دبر له الحادثه حرمنى من حب عمري ولف عليا واتجوزنى افتكرته هيكون سندى ويحافظ علينا وع الشركه طلع بيشتغل في غسيل. الأموال واخد الشركه ستار ل أعماله المشبوهه ولما حس أنى عرفت حقيقته وممكن أبلغ عنه خلاني مدمنه مخدر’ات ودلوقتي أنا واثقه انه ناوى يغدر بيا ويموتني زى ما موت باباكي 😭 أنا مش خايفه من الموت أد ما أنا خايفه عليكي منه نفسي احصنك من شره
عارفه انهاردة قبلت واحدة اتعرفت عليها في المستشفى يوم الولادة بنتها اتولدت في نفس اليوم واثقه أنك لما تكبري هتبقوا أصحاب أنتي وبنتها أنا وصيتها عليكي لكن مقدرتش أعرفها أى حاجة نفسي احميكي بس مش عارفه إزاى
ومرة واحدة لقيت الطفله بصت لها ونطقت وقالت متخافيش يا ماما أنا في رعاية الرحمن وحراسه بيحمونى .
الأم استغربت كان واضح ع ملامحها وازاى أصلا طفله أقل من سنتين تكلم كدا وبعدها لقيت الأم بصت ع يمين الطفله وابتسمت و حضنتها أوى وقالت لها كدا أنا اطمنت عليكي يارب يحفظك ويحميكي ومافيش مخلوق يقدر يلمسك ……
وبعدها لقيت نفسي رجعت الدوامه تاني ولقيت نفسي واقف في مكاني في غرفه التشريح والجثه قدامى ومافيش حد غيرنا …
بس أنا فهمت رسالتها ليا هى قصدها أنى استحاله المسها لأن اللى كانوا واقفين دول الحراس بتوعها
أومال كانوا فين وقت ما وقعتي من البير ولا يكونش هما السبب أن مافيش ف جسمك أى أثر لكسور ولا حتى نقطه دم واحدة وبقيت محتار يا تري مامتها شافت مين وابتسمت له وقالت أنا كدا أطمنت
واتكلمت بصوت مسموع وأنا باصص لها
طب بصي أنا كدا مش عارف ازاى اساعدك واجيب حقك ما زى ما بتوريني اللى بيحصل ليه مش بتوريني اللى اتعمل معاكي فجأة سمعت صوت في ودنى بيقول القربان . الآثار. البير
ايه قربان 😱يا نهار ملوش ملامح هو ممكن حد فعلاً يقدم طفله دم ولحم قربان أستغفر الله العظيم يارب أنا لازم أتصل بالظابط أحمد بسرعه
بس هتصل واقوله إيه مش بعيد يقول عليا مجنون بس لازم قبل ما أتصل عليه أتأكد أنا هشوف ع جوجل كدا هو في حد ممكن يقدم طفله قربان علشان آثار ..
بحثت والنتيجه كانت نعم وأن حارس المقبره المسمي بالراصد أحياناً بيطلب أطفال لم تصل لسن البلوغ وبيحدد نوع الطفل وأوقات يطلب دماء طفل زوهري وأحياناً يطلب حيوانات ولكل راصد طلبات مختلفه حسب نوعه ومدى قوته والكنز المدفون وكل ما يكون المطلوب غالي أو صعب بيكون دليل على أن الكنز المدفون كبير ….
إيه الكلام ده أنا مش فاهم حاجه
أنا هتصل ب أحمد ويحصل اللى يحصل بقي أنا لازم اساعدها
وفعلاً اتصلت على الضابط أحمد
الوووو أيوة يا أحمد بيه أنت لسه مع متولي البواب
الضابط أحمد .. ايوة وقدرت أعرف مين أهل شمس
وطلع موتها مدبر علشان الورث
خالد …. لأ موتها كان علشان الاثار .شمس كانت قربان للجن حارس الكنز اللى فى البير
الضابط أحمد…. عرفت المعلومات دى من مين الكلام ده خطير ولو طلع صح يبقي القضيه لها أبعاد تانيه خالص
خالد…. مجرد إحساس لكن متأكد منه
الضابط أحمد…. مافيش الكلام ده لازم دليل
خالد …. أنا قولتلك ع إحساسي عليك أنت تحقق وتوصل للدليل دى شغلتك يا أحمد بيه لكن أنا مجرد دكتور ماليش في التحريات
الضابط أحمد … يبقي مافيش قدامى غير أنى أكمل تحقيق مع متولي البواب واكيد هوصل ل حاجه
يتبع
تفتكروا الضابط أحمد هيوصل ل دليل
ويا تري دور خالد أنتهي ع كدا ولا هيدخل ع لغز جديد ….. انتظرونى مع جحيم شمس