رواية تملك عاشق الفصل الخامس عشر 15 بقلم مي السوهاجي

رواية تملك عاشق الجزء الخامس عشر

رواية تملك عاشق البارت الخامس عشر

رواية تملك عاشق الحلقة الخامسة عشر

الحلقه 15😍
فريده:ايه؟؟
فهد:اه وانا موافق…..وانتي وامك ملكوش دعوه انا ليا دعوه بأبوكي وابوكي قالي جوزهم وسترهم……كتب الكتاب بكره
وذهب الي مكتبه وتركهم ذهبت فريده الي غرفتها
نورا لنفسها وهي تتعجب من طريقه فهد:ماله الحج اتغير كده ليه
نظر زياد لمي الذي كانت تنظر لموقع فريده بحزن ليبتسم بسخريه فهي رغم ما فعلتها بها تحزن عليها
&&&&&&&&
في المساء
جلست عايده بجانب والدها في الحديقه تريد ان اتحدثه في شئ جمعت شجاعتها وقالت
عايده بخوف:بابا انا كنت عايزه اتكلم معاك بخصوص…..(ثم اكملت بتوتر)حياتي وكده
فهد:اتكلمي علي طول انا لابضرب ولا بزعق علي الصح….ولا انتي شايفه ان انتي ناويه تعملي حاجه غلط
عايده:هااا مش عارفه عشان كده بستشيرك
فهد:قولي اتكلمي
عايده:في واحد….(كشر فهد انيابه لتكمل عايده بخوف)عايز يتجوزني
فهد:وهو من امتا البنات الي بتقول لأهلها علي العريس وشوفتيه فين والاهم من دا كله تعرفيه منين وقالك ازاي
عايده:اهدا بس ياابوي والنبي وانا هحكيلك
فهد بنفاذ صبر:سامعك
عايده:هو كان زميلي في الجامعه في مصر واكبر مني بسنتين……وهو معاه رقم تليفوني معرفش جابه منين بس هوو قعد يتحايل عليا اني اقولك عشان يجيي ويقابلك
فهد:وانتي لما روحتي الجامعه كان مكتوب كتابك
عايده وهي تبلع غاصه متوقفه في حلقها:ايوه….بس هو كان…كان معجب بيااا بس انا مرضتش وقولتلو اني متجوزه وهو بعد عني
فهد:بقالك سنتين مطلقه وجايه تقولي دلوقتي
عايده:انا قولت اني مش موافقه الاول عشان كلام الناس واننا في الصعيد ومينفعش…..وبعد ما عدت فتره رجع يتصل بياا تاني طالب انه يتجوزني وانه متمسك بياا عشان شايفني كويسه وهحافظ علي شرفه واني بخاف علي سمعتي من كلام الناس وانه ميفرقش معاه اذا كنت مطلقه ولا لا
فهد:وانتي رأيك ايه
عايده:مفيش رأي بعد رأيك ياابوي
فهد:انا مش موافق
عايده:ماشي يا ابوي مفيش مشكله
فهد:وهاتي تليفونك واكسري الخط اما اشوف البلاوي الي بتتحدف علينا دي
&&&&&&&&
كان يتمشي ذاهب الي غرفته
مي وهي تجري:زياد
زياد وهو يستدير لها :نعم
مي:انا لازم ارجع القاهره
زياد بستغراب:ليه
مي:جدو توفي
زياد:جدو مين
مي:ابو والدتي….شوكت حماد
زياد بأنزعاج:البقاء لله…..طيب حضري شنطتك وانا هاجي معاكي
مي بتوتر:لاا مهو انت مش هتيجي معايا
زياد بدهشه وهو يرفع حاجبه:ليه بقا
مي:عشان والدتي ووالدي…..(ولم تتمكن في التكمله)
ليشعر زياد برجولته تطعن
زياد:اعملي الي تعمليه انتي حره
وذهب وتركها واكمل سيره الي غرفته وما ان دخل صفع الباب جعلها ترتعش مكانها هي كانت تريد ان ترضيه ولاكن ما باليد حيله
&&&&&&&&
في الصباح
جلس الجميع علي الافطار ولاكن مي ليست موجوده نظر زياد لغرفتها قليلا هو غضب عليها ولن يذهب اليوم ليوقظها امسك المعلقه ولاكن جاءت الخادمه
الخادمه:زياد بيه ست مي علي التليفون
استغرب قليلا اخرجت دون ان تقول له غضب اكثر واذنه اصبحت حمراء ليتجهه للهاتف بغضب
مي:زياد…انا كان نفسي اصالحك قبل ما امشي بس كان لازم احضر الدفنه بتاعت جدي
زياد:انتي سافرتي
مي:ايوه
زياد بحده وغضب:البنت كله يعرف انك حضرتك مسافره حتي الخدم وانا اخر من يعلم ياهانم
مي:ما انا قولتلك وانت قولتلي اعملي الي تعمليه
زياد:والهانم مصدقت واتصرفت ولا كأنها ليها راجل متنيله علي زمته
مي:يازياد دا جدي مروحش احضر دفنته
زياد:وانا جوزك
مي بعصبيه:جوزي مقولتش حاجه وانا الي عليا عملته وانا قولتلك وانت عندك فكره اني هسافر وبعدين انت شايف ان دا وقت عتاب وحساب بدل ما تقف جمبي لا قاعد تحاسب فياا خلاص مفيش دم
زياد بصراخ وغضب:انتي كمان بتطولي لسانك عليا في واحده تقول لجوزها معندكش دم طب انا جيلك وهخليكي تحصلي جدك
مي:استني بس…..
ولاكنه اغلق الخط بوجهها هل حقا من الممكن ان يأتي خرجت من السياره ودلفت الي منزل والدها فهو ليس منزلها ولا تعتبره منزلها اصبح لها منزل اخر ما ان دلفت وجدت والدتها امامها تتوشح بالاسود ارتمت بأحضانها
هبه ببكاء:شوفتي يامي شوفتي جدك سابني ومشي
مي وهي تبكي علي حال والدتها:معلش يامامي الله يرحمه ادعيله
هبه وهي تخرج من حضنها وتمسح دموعها:روحي اوضتك ياحببتي ارتاحي هنصلي علي جدو في صلاه الظهر روحي ارتاحي
ذهبت مي لغرفتها وهي تفكر بزياد وكيف سترضيه عندما تعود وهو سيأتي لها حقاا لتقطع افكارها دقات علي الباب
مي:ادخل
دلفت الخادمه واعطت لمي كوب من عصير اللمون امسكته وشكرتها لتخرج الخادمه وتبدء مي بشرب العصير وما ان انهت الكوب وضعته علي الكومدينه وشعرت بخمول يسري بجسدها خمول غريب لتغلق عيناها وتستسلم للنوم
&&&&&&&
عند زياد ارتدي ملابسه وذهب وهو يتواعد لمي ويقسم بداخله انه سيجعلها مع جدها في نفس المقبره ليوقفه فهد
فهد:هو انت مش قولتلها اعملي الي تعمليه مزعل نفسك ليه….زعلان عشان سمعت كلامك
زياد بعصبيه:بدل ما تراضيني تسبني وتمشي
فهد بزعيق:وانت عايزها تسيب دفنه جدها عشان تراضيك انت بتتكلم جد ولا بتهزر
زياد:لا بتكلم جد المفروض تراضيني ويا ارضي يا مرضاش كمان انها تروح مش دول نفسهم اهلها الي مهانش عليهم يشوفو حتي بنتهم هتتجوز مين
فهد:بس دا واجب وعزا جدها يبقا عيب علينا احنا الصعايده يعني نعرف الاصول وكويس اووي ونعلمها للي حوالينا كمان ولا نسيت الاصول…روح غير هدومك مش ناقصه مسخره هي هتعمل واجب وهتيجي علي طول
زياد:ولو اهلها مسكو فيها
فعد:هي قالت انا هحضر العزا واجيي علي طول عشان زياد ميزعلش قالت كده بالحرف وانت ببجاحتك بتكلمها التليفون تقولها هقتلك واخليكي تحصلي جدك
شعر زياد بخطئه قليلا ليذهب ليبدل ملابسه ويعود اليهم ليفطر كما امره فهد
(عنيف الراجل داا😂😂)