رواية تزوجت حبيبة اخي الفصل الرابع 4 بقلم إسراء هاني

رجعت البيت منهارة نفسيا واول ما وصلت اول حد سألني مالك اغمى عليا مش ببالغ بس لما سافر اخد روحي معه وصعب الج.سد يعيش بدون روح ندمت اني خليته يسافر كنت بموت وهو بعيد لو بعرف انه حيوحشني هالقد كان خبيته بقلبي وما خليته يروح مكان كان ابويا واخويا وحبيبي وابني كان احن عليا من الدنيا دي كلها ما بتذكر في يوم زعلني

من جهة تانية كان سامر بالطيارة دموعه محبوسة بعينه كان بيعمل قوي عشان ما حد يسأله مالك

صاحبه كان معه مسافر

احمد: ايه يا بني سرحان في ايه

سامر: واحشتني اوي

احمد: انت لحقت مالناش ساعة

سامر: بتوحشني وهيا معي حاسس اني مش حشوفها تاني

احمد: بتقول كدة ليه

سامر؛مش عارف قلبي مش متطمن لو اني خاطبها او كاتبين كتابنا كان تطمنت بس خايف تكون لحد غيري

احمد: هيا مش بتحبك

سامر: اكتر من اي حد عمرو ما حد حبني او خاف عليا قدها عمرها ما قلتلي لا عارف مرة عملت حادث بالليل وطلعت سليمة الحمد الله بس واحد من صحابي كتب بوست عالفيس اني عملت حادث جوالي كان مقفول وكنت في البيت شوية خدوش كانت الدنيا بعد الساعة 12 حتى اهلي ما بعرفوا كنت بالشقة اللي بندرس فيها صحيت على صوت دقة باب اول ما فتحت شوفتها ارتمت في حض.ني وفضلت تعيط وتض.رب فيا وبنفس الوقت تسألني انت كويس فين بيوجعك جسمها كان متلج مع الخوف فضلت اهدي فيها واحلفلها اني كويس وهيا تض.رب فيا عشان سوقت بالليل وعشان ما قولتلها سابت اهلها يناموا وجت اول ما عرفت انه عملت حادث ما خافتش منهم او من الطريق ما كنش ليا عين ازعل منها عشان خرجت بالليل لانها كانت منهارة وصلتها البيت بعدها ووعدتها اني ارجع البيت وانا سايق بطئ وفضلت اسبوع مخصماني طلعت عيني لغاية ما صالحتها

احمد: كل ده حب عيونك بتلمع وانت بتحكي عنها

سامر وهو بيمسح دموعه عشان ما يبان عليه: هو بس عيوني دي حياتي كلها نفسي ارجع واتجوز من فلوس بابا ومل.عون ابو الجدعنه اللي بعدتها عني

أحمد: الا صحيح الا اعرفه انه وضعكوا كويس جدا و عندكو شركة كبيرة

سامر : الشركة دي بتاعت بابا اللي كان شغال معه اخويا بعد ما بابا توفي بقت الشركة ليا و لاختي ولاخويا

أحمد: تمام يعني ليك حصة ليه ما اشتغلتش فيها

سامر : ما كانتش هوايتي اشتغل فيها اللي كان يشتغل فيها هو اخويا

أحمد: ونصيبك

فلاش بااااك

سامر : عمر حبيبي زيك

عمر : قلبي يا ناس مالك مبسوط كدة

سامر : انا عايز فلوس اعمل مشروع

عمر: ما تيجي تشتغل في الشركة يا ابني

سامر : لا دي مش هوايتي

عمر : اممم وعايز قد ايه

سامر : نص مليون

عمر: بس ده مبلغ كبير ومش معايا سيولة ليه

سامر : ازاي خلاص بيع حصتي في الشركة لحد

عمر بعصبية: الشركة دي شركتي انا اللي كبرتها و صلتها لهنا انت تدلعت انا قضيت حياتي تعبان فيها اعشان عايز تبيع حصتك لحد تاني ده على جث.تي انت مالكش فلوس عندي الفلوس اللي انت بتصرفها و بتتعلم فيها دي بتاعتي انا اللي بدفع كل ده

بااااك

كنت مصدوم من ردة فعله لو قالي خايف على الشركة ما كنتش حجبروا على حاجة بصتله باستغراب مش ده عمر اللي انا اعرفه قومت بو.ست راسه و تركته ومشيت ومن بعدها ما باخدش فلوس خالص دايما كان يسبلي فلوس مع ماما ما كنتش باخدها حاول يوضح لي ليه عمل كدة بس كنت موجوع و كرامتي منعتني اخد منه حاجة بعدها قررت ادخل الجامعة واجيب الاول واشتغل و اكبر لوحدي بدون مساعدة حد وده كان قراري بس بعد ما حبيت اسراء كنت بفكر اخد فلوس و اروح اتقدملها ونتجوز عندهم بس هيا وقفت جمبي وتحملت كل ده ٤ سنين الجامعة وانا بستنى اتعين معيد واتقدم وانا عندي وظيفة وبالاخر طلع التعيين بتاعي برة

أحمد: لعله خير انت بعد السنة الأولى خود اجازة تتجوزها وسافر تاني بيها

سامر: انا حاعمل كدة اكيد بس هيا تفضل مستنياني السنة دي

أحمد: ما دام بتحبك حتستناك

سامر: المشكلة مش فيها المشكلة في أهلها انا ممكن اقت.لهم لو جوزوها لغيري

احمد : ان شاءالله لا

عند اسراء

مر اسبوع لغاية ما رتب اموروا كانت اسراء كانت لا بتاكل ولا بتشرب وصحتها بالنازل تقريبا كانت بتموت عالبطئ وما حد عارف مالها

بعدها تلفونها رن رقم دولي

اسراء: الو

سامر: عامله ايه من غيري

اسراء: سامر بموت والله بموت من غيرك ارجع مش عايزه وظيفة ??

سامر: ما تعيطيش عشان خاطري قلبي مش مستحمل

اسراء: اسبوع عبال ما تكلمني اسبوع ده اطول مدة تمر من غير ما اشوفك او اسمع صوتك

سامر: ما كنت عارف اعمل شي ضغطوطات واول ما جتلي الفرصة كلمتك

اسراء: وبنات اوروبا عاملين ازاي

سامر: تجنن يا لهوي بياض ايه جمال ايه ده حتى بفكر اتجوز عشان اخد الج.نسية

اسراء: نعم يابا انت ترجع حالا حالا لاعد.مك

سامر: وحياتك عندي مش شايف غيرك وحياتك عندي حاسس روحي مش معايا لا الحياة ولا الاكل ولا النوم ولا حاجة ليها طعم

اسراء: وانا كمان الدنيا وقفت من ساعة ما انت سافرت ما تتأخرش عليا حستناك حتى لو مية سنة

سامر: بحبببببببببك

اسراء: بعشقك سلام ي قلبي

قفلت السكة معه روحي رجعت بعد ما تطمنت عليه

كنت اكلمه يوميا و في الليل نسهر عالفيس صوتوا كان يهون عليا بعاده شويا بس كنت زهقانة خلصت جامعة و قعدت في البيت و كنت بحكيله على كل حاجة

سامر : ما تشتغلي

اسراء: انت اللي بتقول كدة

سامر : انتي عارفة اني بغير عليكي من الهوا بس عارف انك زهقانة وواثق فيكي اشتغلي في الترجمة لانك لغة عربية او بالكتابة وانتي شاطرة

اسراء: انا مش شاطرة انا ب ح ب ك

سامر : قلبي يا ناس

نزلت دورت على شغل لغاية ما لقيت شغل سكرتيرة بشركة فخمة عشان ما افكر كتير لانه نفسيتي تدمرت جدا كان شغلي مراجعة ايميلات كتابة لقاءات حاجات بتخصصي قعدت فترة تحت التمرين بعدها اختاروني لاني كنت شاطرة

كان الشغل حلو والراتب كويس تعرفت على بنات واهو ايام وبتعدي لغاية ما حبيبي يرجع كلمته وقولتله فرح اوي بس وصاني ابعد عن كل الشباب وما اختلط بحدا وانا بنفذ اي شي بقولوا

عمر: صباح الخير

اسراء: صباح النور يا فاندم

عمر: انتي السكرتيرة الجديدة

اسراء: ايوة

عمر: عايزين نشوف نشاطتك بقى

اسراء: ان شاءالله يا فاندم

عمر بيك عمرو 30 سنة تقريبا مش متجوز رغم انه غني وصاحب شركة وزي القمر يمكن لسة ما جتش اللي تفوت قلبه اكيد في سبب منعه من الجواز

عمر: ايه الايميلات اللي جات يا اسراء

اسراء: ثواني يا فندم حطبعها واجيبها لحضرتك

طبعتهم وجبتهم لي: تفضل يا فاندم

عمر: شكرا تفضلي

اسراء: عن اذنك

كنت بحضر اجتماعاته كلها و بشتغل بنشاط كبير حاجة اشغل وقتي فيها كان في علاوات و كان عمر مبسوط مني جدا

نادر : صباح الخير يا آنسة اسراء

اسراء : اهلا صباح الخير استاذ نادر في حاجة

نادر: احم لو فاضية بس فترة الاستراحة نتغدى سوا

اسراء : استاذ نادر انا بحترمك جدا بلاش تخليني اغير فكرتي عنك

نادر : مش قصدي والله انا كنت حابب نتعرف مش اكتر

اسراء : انا أسفة انا ما بتعرفش وما بصاحبش

عمر : احم صباح الخير

اسراء : صباح الخير يا افندم

عمر: خير يا نادر في حاجة

نادر: لا يا فاندم انا كنت . …. عن اذنكوا

عمر : هاتي الايميلات الجديدة و تعالي

اسراء: تمام يا فاندم

دخلت واعطيتوا الورق كان ببصلوا وبيقلب فيه

عمر : ليه ما وفقتيش تخرجي معه

اسراء باستغراب : احم انا ما تعودتش اخرج مع حد

عمر : نادر شاب محترم و يمكن نيته خير

إسراء: انا ما بفكرش في اي حاجة دلوقتي

ترك الورق وبصلي

عمر : ليه انني بنت جميلة و صغيرة ليه ما فكرتيش ترتبطي

اسراء: احم انا لسة خلصت جامعة من فترة و حابة اشتغل و اثبت نفسي بعدها افكر في حاجات تانية

عمر: ما بتفكريش في اي حاجة

اسراء : لا

عمر : ولا في حد في قلبك

اسراء : احم احم عن اذنك يا فاندم

عمر : تفضلي

فضل عمر باصص عليها وهيا ماشية و استغرب من ارتباكها

تاني يوم جيت الشركة بدري وجهزت كل شي كان عندنا شغل مهم

شعري فلت على ضهري كان طويل جدا وناعم يجذب اي حد انا محجبة بس ما كنت لافة الشالة كويس شلت الشالة لحتى ارفعه كان عمر واقف عند الباب بس ما خدت بالي كنت بعمل بشعري ولسة ححط الشالة انتبهت انه واقف حطيتها بسرعة بدون مرايا حتى

عمر: احم صباح الخير

اسراء: ص صباح النور

وصوتي بيرجف لاني تكسفت جدا

جهزت الورق وما رديت اوديهولوا غير لما يطلبوا

فضل عمر قاعد ع المكتب ساكت وما نادى عليها بعدها انتبه انه في اجتماعات مهمة اتصل عليها تجبله الورق

اسراء وعيونها بالارض: تفضل

عمر : انتي جميلة اوي

اسراء: احم شكرا انا مش …

عمر : ما بقولش على جمالك من برة بس انتي اه جميلة من برة بس من جوة أجمل عندك حاجة مميزة تجذب الكل ليكي

اسراء : ميرسي يا افندم

وركضت على طول برة

عمر: يا بنت الايه شتتي تفكيري حشتغل ازاي انا دلوقتي

بعدها رحنا الاجتماع كان شغل مهم وكلام مهم وانا مركزه مع اللي بقولوا بصيت على يمين لقيت عمر باصص عليا بلعت ريقي وحاولت اعمل نفسي مش واخدة بالي

اسراء: يارب يكون بتهيئلي

خلص الاجتماع والوقت تأخر

عمر: اسراء تحبي اوصلك

اسراء: نعم لا شكرا بيتي قريب

عمر: بطريقي

اسراء: شكرا يا فاندم مش عايزه اعطلك

ركضت لحتى ما يسألني تاني هو اساسا مش ممكن يجي على بالي لانه في واحد شاغل بالي وعقلي وقلبي

اول ما وصلت حسيت حالي عايزة اكلمه كلمته وقت طويل قولتله كل شي حصل معي اللي حكاية عمر ليق.تلني وهو قالي على شغله وكل حاجة حصلت معه

مرت سنة ونص تقريبا على سفر سامر حسيتهم مية سنة بعد فيهم يوم بيوم

كلمني يومها بالليل

اسراء: واحشتني

سامر: مش قدي

اسراء: عامل ايه

سامر: عايزين يجددوا العقد سنة كمان

اسراء: وحتعمل ايه

سامر: حاخد اجازه انزل فيها نتجوز بعدها ارجع تاني وانتي معي يجددوها سنة عشرين مية براحتهم

اسراء: بتحكي جد

سامر: جد الجد يا قلب وروح وعقل سامر

كنت مبسوطة جدا من كلامه بس يا فرحة ما تمت

رحت الشغل عادي كلمني عمر وقالي تعالي شويا

عمر: وراكي حاجة بعد الشغل

اسراء: اه لا اه اه ليه

عمر: اهدي اهدي اه ولا لا

اسراء: اه عندنا فرح

عمر: اها فرح طب اقعدي شويا

اسراء: حاضر يا فاندم

عمر: اسراء انتي مرتبطة

اسراء: يعني ايه

عمر: يعني متجوزة مخطوبة

اسراء: اه لا لا اه مش عارفه

عمر: ههههه افهم ايه دلوقتي انا

بعدها الباب خبط فرحت جدا وهربت واول ما خلصت شغل ما استأذنت اني امشي على طول مشيت

تاني يوم ما رحت الشغل خفت رن عليا

عمر: ليه ما جتيش النهاردة

اسراء: اصلي وقعت على رجلي.

عمر: وازيك دلوقتي

اسراء: تمام الحمدلله تمام

عمر: خلي بالك على نفسك واول ما تحسي انك كويسة تعالي

اسراء: اه اكيد

قفلت الخط وانا راح اتجنن انا عايزة الشغل جدا بس مش عايزة ارتبط بحد ولا أعجب حد انا بحب واحد و حأستنى العمر كله

يا ترى ايه اللي حيحصل