رواية تجربه شخصيه الفصل الثالث 3 بقلم محمد ابراهيم
رواية تجربه شخصيه البارت الثالث
رواية تجربه شخصيه الجزء الثالث
رواية تجربه شخصيه الحلقة الثالثة
عمر-الوو اي ماما
مامت عمر-عامل اي ياحبيبي
عمر-بخير الحمدلله انتي عامله اي يا أمي
مامت عمر-الحمدلله
عمر-خير يا امي في اي
مامت عمر-في موضوع عايزه اكلمك فيه بس قولت اكلمك في الموبيل احسن
عمر-خير يا امي
مامت-سلمي اختك محتاجه مصاريف الجامعه وهيا قالتلي مقولكش عشان عارفه الي انت فيه وبتقولي انا هنزل ادور ع شغل ونا بصراحه مش راضيه عشان خايفه عليها
عمر-عندك حق يا امي ونا لما اروح هجيبلها المصاريف وهتكلم معاها ف موضوع الشغل
مامت عمر-عارفه ان احنا بنتقل عليك وانت شايل حمل كبير اوي فوق طاقتك
عمر-لا يا امي متقوليش كده لو متقلتوش عليا هتقلو ع مين طيب
مامت عمر-ربنا يخليك لينا وميحرمناش منك ابدا ❤️
عمر-ويخليكي لينا ياست الكل ❤️❤️❤️
عمر-اي ياست سلمي شغل اي الي انتي عايزه تشتغليه
سلمي-هيا ماما قالتلك
عمر-مش موضوعنا تشتغلي ازاي ونا عايش هاا
سلمي-منا شايفه الوضع برضو ياعمر وانك شايل فوق طاقتك
عمر-اي المشكله يعني كل الناس كده
سلمي-انت بتحاول تهون ع نفسك بس انت من جواك هلكان
عمر-ياسيتي انا مبسوط كده بس الي هيبسطني اكتر اني اشوفك ناجحه
سلمي-ان شاء الله
عمر-اتفضلي ياسيتي دي مصاريف الجامعه ودول خليهم معاكي
سلمي-بس دول كتير اوي
عمر-مفيش حاجه تكتر عليكي ابدا ❤️❤️
نور-الو عمر ازيك
عمر-مين معايا
نور-انا نور مش فاكرني الي خبطني بالعربيه
عمر-ايوا نور ازيك
نور-الحمدلله تمام
عمر-بس مش كل مره هتكلميني هتقوليلي تفكريني اني خبطك بالعربيه😂😂
نور-مش قصدي بس عشان تفتكرني
عمر-يعني اسجلك مثلا ف الموبيل نور الي خبطها بالعربيه 😂😂
نور-وليه لا عشان ضميرك يأنبك ع طول 😂😂
عمر-عنيا حاضر ياسيتي
نور-المهم انا عايزاك توديني الجامعه بكره
عمر-تمام مفيش مشكله
نور-بس انا مش بحب التأخير ع فكره
عمر-انتي عايزاني اجي امتي
نور-المكان الي اتقابلنا فيه ع ٧ ونص كده
عمر-تمام ماشي
عمر-وبعدين بقا دي مش عايزه ترد الساعه بقت ٨ واحنا معادنا ٧ ونص الوو اي يا استاذه نور انا واقف بقالي نص ساعه
نور-مين معايا
عمر-مين معايا اي يا استاذه انا عمر😂😂
نور-عمر؟ اهاا عمر انا اسفه والله اصل انا لسه صاحيه مش في وعيي
عمر-حضرتك انا بقالي نص ساعه واقف
نور-معلش ٥ دقايق وهنزلك
نور-انا اسفه والله ياأسطي عمر راحت عليا نومه
عمر-ولا يهمك مفيش حاجه امال فين صاحبتك
نور-هدي لا مش جايه انهارده عشان تعبانه
عمر-احسن برضو 😂😂
نور-نعم
عمر-قصدي احسن انها منزلتش الجو وحش هتتعب اكتر 😂😂
نور-طب يلا بقا ونبي انا مستعجله المحاضره هتفوتني
عمر-حاضر ياست المستعجله
نور-افندم
عمر-بقولك باين عليكي مستعجله اتفضلي اركبي😂😂
نور-ده مشغل adele اقطع دراعي انو مش فاهم ولا كلمه من الاغنيه 😂😂
عمر-بصتك كده بتقول انك مستغربه الاغنيه
نور-بصراحه اول مره اشوف سواق تاكس بيسمع اجنبي
عمر-وطبعا قولتي اني مش فاهم ولا كلمه من الاغنيه ومشغلها مزيكه بس 😂😂
نور خدودها احمرت من الكسوف 🙂😳
نور-لألااا خالص
عمر-بالعكس انا فاهم كل كلمه ف الاغنيه تحبي اترجملك
نور-ازاي
عمر-ازاي ان انا سواق تاكس وبعرف انجلش ولا هترجم ازاي
نور-ازاي سواق تاكس يكون مثقف كده
عمر-الشغل مش مقياس لمدي ثقافه الشخص انا بدرس في كليه حقوق في سنه رابعه والاول ع دفعتي ف التلت سنين الي فاتو
نور راجعت نفسها وغيرت نظرتها ليهه وبدأ ملامح الاستغراب تبان ع وشها ان ازاي شخص مثقف كده والاول ع دفعته يكون سواق تاكس بس بدأت تحترمو اكتر وانو مش مجرد سواق تاكس
نور-بس نازلني هنا بقا ياأسطي عمر
عمر-بلاش يا أسطي عمر دي
نور-وانت متقوليش يا أستاذه تمام
عمر-ماشي يانور
نور-ماشي ياعمر هستناك الساعه ٣ ف نفس المكان
عمر-تمام ماشي
نور فضلت طول المحاضره سرحانه ومش مركزه مع المحاضره… انا باين عليا كنت بايخه اوي معاه وان فعلا الشغل مش مقياس بس هوا طيب جدا ونا حاسه اني قللت منو لمجرد انو سواق تاكس مش لازم احكم ع الناس من مظاهرهم اوقات المظاهر بتخبي وراها طيبه وجدعنه وحنيه انا لازم اعتزرلو
يانووور انتي يابنتي
نور-هاا؟
هااا كمان ده انتي مش هنا خالص
نور-ليه بس في اي
من ساعت ما دخلتي المحاضره ونتي في حته تانيه في اي
نور-لا مفيش حاجه يا ملك خالص
ملك-اي الي واخد عقلك ياجمييل ☻️
نور-مفيش حاجه تعبانه شويه
نور-الوو اي ياعمر انا واقفه بقالي ربع ساعه انت فين
عمر-والله انتي فين بقا
نور-انا مكان ما قولتلك هتقابلني
عمر-والله يعني مش انتي الي ع باب الجامعه دي 😏😂😂
نور-اوعي تفهمني صح اصل انا مش بحب الانتظار خالص 😂😂
عمر-انتي تزلي الناس عادي انما تستني حد لا يلا انا واقف هنا من نص ساعه
نور-ليه بس ده قبل ميعادنا
عمر-منا قولت عشان متوقفيش ف الشارع تعالي طيب انا واقف اهو
نور-بص بقا ياعم عمر انا عشان لطعتك انهارده لازم اعزمك ع عصير
عمر-لا لا ده واجب عليا انا طبعا ولا انتي من بتوع المساواه بين الراجل والمرأه
نور-لا طبعا بس عشان اعتزرلك
عمر-خلاص اعزمك انا المرادي
نور-لو مكنتش تحلف😂😂
نور-بس قولي ياعمر
عمر- يااعمر 😂😂
نور-متهزرش قولي صحيح اي الي خلاك تشتغل ع تاكس مع انك بتقديرك ده ممكن تنزل تدريب مع محامي مثلا
عمر-بصي انا بصراحه نفسي بس انا ف فتره محتاج فيها الفلوس اكتر وطبعا التدريب مش هيعمل ده
وكمان انا مش هدفي اني ابقي محامي
نور-امال هدفك اي بظبط
عمر-هدفي اكبر من كده بكتير نفسي ابقي وكيل نيابه
نور-ده انت طموح اوي
عمر-البني ادم من غير طموح ميستهلش انو يعيش لأن احنا موجودين اصلان ع الدنيا وجوانا طموح بس بيختلف من طموح للتاني
نور-ازاي؟
عمر-يعني في طموح دنيوي وفي طموح روحاني الدنيوي الي هوا عايز زي اني ابقي وكيل نيابه والروحاني بقا اني اتقي الله في كل حاجه وأقرب من ربنا عشان اوصل للطموح الأكبر وهوا الجنه
ويابخت الي يجمع بين الاتنين
نور-لا ده انت باين عليك فيلسوف لا بجد الله ينور
عمر-وانتي شيفاني مبيض محاره يلا ياسيتي عشان اروحك 😂😂
نور-مش معني اني وافقت اشرب معاك عصير تقوم تقولي يلا ياسيتي 😂😂
عمر-طب لو تكرمتي يا استاذه يلا 😂😏
نور-اذا كان كده ماشي 😂😂
عمر-يلا يانور وصلنا
نور-معلش هتقل عليك لحد لما عربيتي تتصلح
عمر-يارب ماتتصلح
نور-عمر بتقول اي
عمر-بقولك ولا يهمك عادي
نور-اها ماشي باي
عمر-بااي❤️❤️
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تجربه شخصيه)
2 تعليقات