رواية تجاهلني فأحببته الفصل الرابع 4 بقلم ميادة محمود

رواية تجاهلني فأحببته الجزء الرابع

رواية تجاهلني فأحببته البارت الرابع

رواية تجاهلني فأحببته الحلقة الرابعة

=انتي!
_انت!! انت بتعمل اي هنا انت عريس بنت عمي؟
“كنت بتكلم وانا مصدومه معقول اللي حبيته يخطب غيري لاء واي بنت عمي… ”
=ليه وانا اتجننت عشان اخطب … ابن خالتي هو العريس
_مش تقول كدا يا شيخ وقعت قلبي هه
لقيته قرب مني كدا واتكلم…
=وقلبك وقع من اي يا سيل
_ها
=يبنتي خدي هنا بقا هفضل المك من كل حته
_وانتو بقا بتعملو اي هنا
=مقولتلك يسطا العروسه تبقي بنت خالتي يعني احنا
بقينا اهل يا سيد
_لاء اهل اي انا هروح افركش الجوازه دي دلوقتي
=كدا يا هيشاااام
_بصي لو انتي كدا المفروض بتقولي اسمي اتمني متعديهاش تاني
“هو بيتكلم معايا ببرود كدا ليه بطنه توجعه يعني لو كلمني زي الناس لازم يحرق دمي البارد ده…”
سبني ومشي راح يوقف مع صحابه
_حنييين شايفه البارد المستفز
=والله محدش مستفز هنا غيرك هاتيلي ميزه واحده فيه تخليكي مموته نفسك عليه كدا
_انه بيتجاهلني وبيعاملني معامله المضاد الحيوي بيرد عليا كل 12 ساعه مره
=الكرامه ياااااه
_بس يبت ينهار ابيض!!
بصي بصي شوفي واقف مع مين وبيضحك
=اوباااا مين الصاروخ دي
_يعني عشان كدا مش عايز يكلمني حلو ي حنين
=اهدي ي روسيل انتي هتتحولي ولا اي
_هو عشان انا بلبس واسع ودي عامله زي السلعوة يعني
=سلعوه بزمتك دي سلعوه…
خلاص متبصليش كدا والله بهزر
_هو ده عشان شعري مش اصفر ولا عشان مونكيري الاحمر قشر قوليييي متقولي يا هيشااااااام
=احيه ده بصلك وطي صوت اهلك ده فضحتينا
=روسيل روسيل رايحه فين يخربيتك
“مقدرتش امسك نفسي وانا شايفاه مفضل واحده تانيه عليا وواقف يضحك معاها وياريتها عدله دي واقفه ملزقه كدا ”
_ازيكو عاملين اي اجبلكو حاجه تشربوها؟
شكرا ي حبيبتي بس انتي مين
_انا بنت عم العروسه
=اه ها بقا ي هشام هتخرجني
=خلاص بقا ي شيري بعدين يعني ده وقته
=لاء يا اتش عشان خاطري
بقالنا كتير مبتقعدش مع بعض وكل ما اجي مش بلاقيك!
_ما خلاص يا حبيبتي قالك بعدين انتي غبيه ولا بتستغبي؟
=اسكتي انتي وبعدين انتي مالك اصلا
“هنا مقدرتش امسك نفسي الحقيقه ولقيت حنين بتحاول تشدني بعيد بس زقيتها ورحت جايباها من شعرها..”..
_يعني اي اسكتي انتي؟
=يا روسيل خلاص وحياه امك هتبوظي الفرح
_استني يا حنين دي بتقولي اسكتي انتي
=عااا ابعد المجنونه دي عني يا اتش
_برضو هتقولي اتش.
“فضلت ماسكه شعرها وهشام بيحاول يحوش بينا وطبعا خد اللي فيه النصيب… ”
=يبنتي اتهدي بقا يخربيتك فرهدتيني
_لاء مش ههدا انت مش شايف قله ادبها
=روسيل مينفعش اللي انتي بتعمليه دع فرجتي الناس علينا خلاص بقا
_طبعا بتدافع عنها مهي ع هواك ومن نوعك ع العموم براحتك
“خرجت برا المكان خالص وفضلت امشي
لحد ما لقيت اول رصيف وقعدت عليه وفضلت اعيط
هو ليه مش حاسس بيا طب والله البت اللي معاه دي اصلا صفرا ومايعه هو مش قال ملوش ف التلزيق ولا التافهين واقف يتكلم معاها ليه بقا… ”
_هما اللي بيعيطو بيبقو حلوين كدا؟
_بقولك اي امشي من هنا ي جدع انت بدل ما… هشاام؟
“ببص لقيته واقف قدامي وحاطط ايده ف جيوبه وبجد خطف قلبي للمره التسعتلاف انهارده بس… ”
_نعم عايز اي وجاي ورايا ليه
=مكنش ينفع اسيبك تمشي كدا لوحدك وانتي بالحالة دي خصوصا لو انا السبب
كان بيتكلم بهدوء بعد ما قعد جمبي طبعا…
_والصفرا اقصد ست شيري دي خليتك تيجي ورايا عادي كدا
ضحك ضحكته اللي بتاخد قلبي دي واتكلم…
=ومتسبنيش ليه يعني هو انتي فاكره شيري دي مين
_معرفش حضرتك ادري قولتها وانا هولع من الغيظ طبعا
=طيب مبدأيا شيري تبقا بنت خالتي
وزي اختي وتاني حاجه مكنش يصح ابدا اللي انتي عملتيه ده يا سيل
_اعمل اي يعني منا اتعصبت لما شوفتها بتتكلم بمياعه كدا وانا نفسي بتجذع الصراحه…
كنت بتكلم بكل التوتر اللي ف الدنيا وببص ع اي حاجه الا هو طبعا
=متعصبه ولا غيرانه
_اي غيرانه دي لاء لاء اوعي تفهمني صح
=كدا اللي عملتيه ده
_حنين خلاص بقا حصل خير
“جت حنين تشوفني ورجعنا الخطوبه المنحوسه دي تاني ولاحظت انه بيبصلي كل شويه معرفش دي تهيؤات نفسي تحصل ولا هو فعلا كان بيبصلي ”
المهم اليوم خلص ع خير وتاني يوم روحنا الجامعه مفرهدين كالعاده
_يا حنين منك لله مش كنا نمنا ف البيت منزلانا ليييه
=بس ي حبيبتي انهارده فيه محاضره مهمه لازم نشوفها
_بس انا مش عايزا اتعلم انا عايزا اتمرقع كدهو
=الصبر يارب عشان ضغطي علي
=روسيل ممكن نتكلم شويه
همست لحنين _الحقي يبت ي حنين عايز يتكلم معايا اروح ولا اغور
=انتي بتقولي اي؟
_خلاص بس هتفضحيني
ماشي يا هشام ممكن تعالي نقعد ف المكان ده
“اختارنا مكان هادي قعدنا فيه وهو فضل ساكت شويه يبصلي وانا قمه ف التوتر من عنيه اللي مدوخاني دي… ”
_ما تتكلم بقا يعم الكاريزما انت جايبني تسمعني سكوتك
=روسيل انا عارف انك بتحبيني
_ياريتك ما اتكلمت!!!!!