رواية بين عالمين الفصل الثاني 2 بقلم هنا محمد
رواية بين عالمين الجزء الثاني
رواية بين عالمين البارت الثاني
رواية بين عالمين الحلقة الثانية
بيرن جرس الفسحه و كل واحد فيهم بيبص للتاني بنظره حزن…. كل واحد فضل ياكل وهو بيبص للتاني بحزن لحد ما بيجي المرواح و كل ام بتاخد ابنها و بنتها
بعد 3 ايام عند كرم
مامته بتكلم مامتها وبتقول: والله يا ماما عايزه اسافر نفسيتي و نفسية كرم تعبانه اوي و بجد محتاجين ل ده
مامتها: بس يا بنتي استني شويه ملحقتيش تقعدي معايا حاجه يعني اجليها شويه
مامت كرم: حاضر يا ماما هأجله اسبوعين كمان كده
مامتها وهي بتحط ايدها علي رجل مامة كرم: ربنا عالم يا بنتي باللي فيكي و هيعوضك باذن الله… يلا انا رايحه اجهز العشا
مامت كرم: استني اساعدك. قامت معاها يحضروا العشا اما كرم كان واقف و سامعهم و عينيه مدمعه… دعك عينه بطفوليه و بدأ يعيط من غير صوت
كرم و هو بيعيط: فرح
عند فرح
مامتها حطت الاكل علي التربيزه عشان ياكلوا لكن فرح كانت ضامه ايدها و مكشره بطفوليه
فرح: انا مش عايزه اكل بس جعانه اعمل ايه بقي انا دلوقتي
مامتها ضحكت ضحكه خفيفه وقالت: خلاص كلي
فرح بدأت تاكل و نست تماما زعلها عشان امها طباخه ممتازه و نفسها حلو في الاكل
فضلت امها تبصلها بحب و بتبدأ اكل معاها
بعد ما خلصوا
مامت فرح؛: زعلانه عشان قولتلك متصاحبيش الولد ده
فرح متكلمتش و مامتها قالت: انا قولت مينفعش تصاحبيه مقولتش تمنعي الكلام عنه تماما
فرح: ازاي يعني يا ماما
مامتها: يعني قوليله صباح الخير و ازيك و بس… مفيش كلام بينكم كتير عشان كده عيب ماشي
فرح بسعاده وهي بتحضن مامتها: ماشي يا أحلي ماما ♡
عند ابو كرم
كان بيشرب مخ*درات ذي عادته وبيقوم يدور علي دهب مراته لكن مش بيلاقيه…و بيتصل ب مراته كتير لكنها مبتردش
: كده يا جميله ماشي انا هوريكي يا****
في اليوم التاني
بتدخل فرح الفصل و بتلاقي كرم قاعد ورا ذي عادته فبتعمله باي باي و هي بتبتسم و هو كمان عملها باي باي و هو بيبتسم ابتسامه خفيفه
و بتروح فرح تقعد جمب صاحبتها حور
حور: جيتي متأخر ليه
فرح: نسيت اعمل الواجب ف عملته قبل ما انزل عشان المس متزعلش مني
حور ابتسمت و المدرسه بتخش الفصل و بتقول: طلعوا يلا الكتب والكراريس
و بتبدأ الحصه
بعد اسبوع
كانوا بياكلوا مع بعض و بيضحكوا
فرح: اوعا تقول لمامتك ماشي
هز كرم راسه ب ماشي وكملوا اكل…بعد وقت افتكر كرم انهم مسافرين قريب فظهر الحزن علي وشه… لاحظت فرح ده و قالت: مالك يا كرم انت كويس؟
كرم بطفوليه و عينه مدمعه: انا مسافر الاسبوع الجاي يا فرح
فرح و قفت اكل و قالت: ازاي يعني
كرم بدموع: سمعت ماما و هي بتقول لتيته ان احنا مسافرين الاسبوع الجاي
فرح عينيها دمعت وقالت: هتمشي و تسيبني زي ما بابا سابني…. هو انا ليه كل ما احب حد بيروح و يمشي
قامت بسرعه تجري علي الحمام وهي بتعيط اما كرم فضل باصص قدامه بحزن
بعد وقت عند مامت فرح
خرجت تجيب فرح لكن وهي ماشية خبطتها عربيه و وقعت علي الارض
صاحب العربيه خرج بسرعه و قال وهو بيضربها بخفه علي وشها: حضرتك كويسه… يا مدام.. يا نهار اسود.
شالها و دخلها العربيه و راح بيها علي المستشفى بسرعه
في المستشفى
صاحب العربيه: ها يا دكتور طمني
الدكتور: الحمد لله هي كويسه كسر بسيط في ايدها الشمال مع كام جرح سطحي كده
اتنهد بارتياح: الحمد لله… طب ممكن ادخلها اطمن عليها
الدكتور: اه طبعا اتفضل
بيدخل ويلاقيها صاحيه و بتقوم من علي السرير.. بيروح نحيتها بسرعه و بيقول: حيلك حيلك انتي لسه تعبانه
مامت فرح بتعب وهي ماسكه راسها: بنتي… فرح لازم اخدها من المدرسه
صاحب العربيه: طب استني اسأل الدكتور يتفع تخرجي ولا لأ
راح للدكتور وسأله و سمحلها بالخروج
صاحب العربيه: ممكن اوصلك بحالتك دي مش هتقدري تروحي لوحدك
ام فرح: لا شكرا هعرف اروح لوحدي
صاحب العربيه: بطلي عناد ويلا نلحق بنتك
في المدرسه
بتخرج فرح برا و مبتلاقيش ماماتها بتفضل تبص حواليها كتير بس مفيش فايده مش موجوده
عينيها بتدمع و تقول: ماما
بيكون كرم ومامته شايفنها ف بتروح مامته نحيتها وتقول: مامتك مجتش ليه
فرح بدموع: مش عارفه
بتاخدها في حضنها و بتطبطب عليها وبتقول: طب اهدي.
زمانها جايه
بعد ربع ساعه
بتخرج مامت فرح من العربيه و بتجري نحية فرح و بتحضنها جامد و بتقول: خلاص يا قلبي انا جيت اهو.. معلش اسفه اسفه والله
فرح بدموع: ايه اللي علي راسك ده يا ماما«قصدها علي الشاش»
مامتها: ولا حاجه يا حبيبتي حاجه بسيطه
بتبص بتلاقي ام كرم وكرم قاعدين جمبها
مامت فرح: متشكره جدا
مامة كرم«جميله»: ولا حاجه بس مالك وايه الشاش اللي علي راسك ده
بتسكت مامت فرح و مبتتكلمش
صاحب العربيه: الحقيقه ان المدام كانت رايحه تجيب بنتها بس انا خبطها بالعربيه و انا بتكلم في التلفون
جميله؛: حضرتك كويسه؟
مامت فرح: اه الحمد لله بخير … يلا يا فروحه نروح
فرح: يلا
صاحب العربيه: تسمحيلي اوصل حضرتك
مامت فرح: مش عايزه اتعب حضرتك معايا
صاحب العربيه: لا ولا حاجه… اتفضلوا
في الطريق
صاحب العربيه: صحيح نسيت اعرفك بنفسي.. ادالها كارت وقال: كريم المحمدي
بصت علي الكارت واتصدمت وقالت: حضرتك تبقي صاحب فرع ماكدونلز اللي هنا
ابتسم علي جمب وقال: ايه مش مصدقه للدرجه دي
مامت فرح: لأ بس.. قاطعها وقال: عرفيني بحضرتك طيب
مامت فرح: صفا
كريم: اسمك استثنائي
صفا: شكرا .. .بتبص للطريق و قالت: حضرتك خش يمين و علي اول الشارع ده البيت
وقفها قدام البيت و طلعت برا العربيه هي و فرح و قالت: متشكره جدا تاني مره
كريم: ولا حاجه انا اللي متأسف جدا مكانش قصدي
صفا: ولا يهمك
بتشاورله فرح باي باي قام هو كملن عملها باي باي
بيمشي كريم بالعربيه و هي بتطلع شقتها مع فرح
صفا بتفكير: يعني انا دلوقتي قابلت صاحب مطعم ماكدونلز… حظي تحفهه
بتدخل البيت و بتتصل ب دلفيري عشان مش قادره تطبخ ب ايد واحده
عند كرم
كرم: ماما احنا مسافرين امتي
جميله وهي بتسيب طبق في المواعين و بتنشف ايدها: عرفت منين ده انا كنت لسه هقولك
كرم: سمعتك انتي وتيته
جميله وهي بتقعد علي رجليها عشان توصل لطول كرم: بص يا حبيبي احنا هنمشي من هنا عشان اعرف اشتغل شغل احسن وكمان عشان ابوك ميعرفش طريقي
كرم بطفوليه: بس انا عايز اقعد هنا
جميله: هنرجع تاني يا حبيبي لما دخلنا يستقر… اما هنسافر امتي هنسافر بعد بكره السعودية
كرم متكلمش راح اوضته وهو بيجري و فضل يعيط
اما جميله كانت زعلانه عليه .. هي عارفه انه زعلان عشان مش هيشوف فرح تاني.. اتنهدت و قامت من علي الارض و راحت تصلي
بعد ما خلصت صلاه راحت تطمن علي مامتها لاقتها نايمه… صوت الجرس بيرن بتروح تشوف مين من العين السحريه بتلاقي….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بين عالمين)
2 تعليقات