رواية بيان العشق الفصل الثامن 8 بقلم سلمى ابراهيم
رواية بيان العشق الجزء الثامن
رواية بيان العشق البارت الثامن
رواية بيان العشق الحلقة الثامنة
كانت بتحكي بيان ودموعها نازله وبتضحك في نفس الوقت لما تفتكر حضن ابوها ليها …كان باصصلها عمرو كدا ومركز معاها اوي وهي كل شويه دموع تنزل من عنيها….حس انو عاوز يحضنها اوي ..مفكرش لحظه وشدها لحضنو بسرعه باحتواء…وفضل يملس ع طرحتها بحب ..هي اتخضت اوي وفضلت تقريبا دقيقه تستوعب ..حست بالدفا في حضنه وانها عاوزه تفضل كدا..ميل هو با”س راسها بحنيه..اتخضت هي تاني لكن غمضت عينيها باستمتاع من حضنو ومنو كلو ..لأنها مش عارفه ممكن يعمل كدا تاني ولا لا…بقت تقرب عليه اكتر ومسكت فيه اوي..ابتسم هو وحس بحبها ليه فعلا…..فاقت هي وفتحت عنيها بسرعه وبرقت كدا…
بيان لنفسها..لا يبيان.. هسيبك اتعودي انو مش موجود…بس نا مش قادرة ابعد عنو خالص،.حضنو دافي اوي نفسي أفضل في حضنو….كان دقنو لامسه راسها ونفسو قريب منها اوي ..وهي في حضنو حاجه صغيره بالنسبه ليه…..
كان هو مش عارف هو بيعمل كدا لي ولا المفروض يبعد ولا اي..بس هو حاسس انو مبسوط كدا مش عاوز يبعد دلوقتي ..شامم ريحتها حلوه اوي وحاسس بحضنها وحبها ليه اوي..كانت الشمس خلاص بتغرب والجو جميل جدا..فضلو كام دقيقه كدا ومحدش قادر بيتكلم فيهم باصين للشمس وهي بتغرب كإنها بتنزل في البحر كدا…..
بيان بصوت هادي خالص..عمرو……
عمرو مش قادر يتكلم اصلا..امممم
بيان..متعشمنيش وتسيبني يا عمرو……
عمرو مردش وفضل باصص ادامه ومعرفش اصلا المفروض يقول اي….
عمرو بهدوء..ششش ..متتكلميش يا بيان..سيبي كل حاجه لوقتها عيشي اليوم بيومو متفكريش اي اللي هيحصل بعد كدا……
بيان..خايفه اتعلق بيك اكتر وتسيبني
عمرو حاول يخرج برا الموضوع لانو مش لاقي كلام اتكلم بهزار..بطلي كلام بقا بقالك كتير بتتكلمي …
ابتسمت بيان ومسكت في حضنه اكتر وغمضت عنيها بإستمتاع من ريحتو ………….
خرجت حبيبه وكانت لابسه ضيق اوي وفاكه شعرها وحاطه ميكب…..وصلت
حازم قرب حضنها..قلبي وحشتيني
حبيبه حضنتو عادي..ونت كمان وحشتني يا حازم
حازم..يعني نسيتي عمرو اخيرا……..
حبيبه..حازم ..متجيبش سيرة عمرو..ومش عاوزه حد يعرف اننا بنتكلم
ضحك حازم..متقلقيش يا حبيبه..عمرو مش هيعرف..بقا نا معقول ارفس النعمة بإيدي….
حبيبه..ماشي يا حازم لما نشوف….
حازم بص لجسمها اللي اللبس مفصلو تقريبا..بس انتي قمر اوي انهارده
حبيبه بابتسامه..ميرسي يا حازم..نت كمان شكلك حلو انهارده
حازم..نا شكلي حلو علطول يبت….متيجي نرق”ص شويه
حبيبه..ماشي يلا……وقامو يرق”صو وكان هو بيستغل الفرصه ويلمس جسمها……وهي ولا في دماغها……
فضلو هما زي ما هما لحد ما دخل الليل أوي…عمرو محسش بنفسو بس ارتاح اوي في حضنها مش عارف لي…
عمرو بهدوء..بيان….
بيان فتحت عنيها خافت يقولها يلا نمشي خايفه تخرج من حضنو……
بيان..نعم….
عمرو..الليل دخل يلا نمشي بقا عشان تاخدي علاجك وتنامي……
بيان مكانتش عاوزه تقوم من حضنو لكن قدرت ع نفسها وبعدت عنو..يلا يا عمرو…..
عمرو بصلها كدا اول ما خرجت من حضنو زي ما يكون بيقولها خرجتي لي مكنتش مستعد دلوقتي…..
فضل باصصلها دقيقه تقريبا سرحان في ملامحها شويه…
بيان بهدوء..يلا يا عمرو مالك…..
عمرو اتنهد..يلا يا بيان…….
قامو مشيو شويه لحد ما بعدو عن منطقه البجر دي وكانو عالطريق……..
عمرو..قادرة تمشي ولا اوقف تاكسي…..
بيان..هو احنا هنروح للعربيه…..
عمرو..لا هخلي الواد معتز يجيبها ..خلاص قربنا عالبيت اهو…قادرة تمشي….
بيان دايخه حاجه بسيطه..تمام بس في دوخه شويه….
عمرو..اسندي عليا طيب…..ومد ايده ليها….
بصتلو هي كدا وسندت عليه وهي ماشيه….وصلو للبيت…..
عمرو بصلها..هتقدري تطلعي……
بيان بصت للسلم.. بص يعني هحاول و……..مكملتش كلامها وشالها هو ..هي اتخضت اوي ومسكت في رقبتو بسرعه بتلقائيه…..
بيان..عمرو…
عمرو كان طالع عالسلم..نعم……
بيان..خلاص …مفيش…….ابتسم هو وفتح الباب ودخل اوضتها حطها عالسرير بالراحه اوي…..
عمرو بحنية..تمام كدا……
بيان هزت راسها..اه الحمدلله…..
عمرو..تمام غيري هدومك ونا هغير هدومي واجيلك…
بيان..ماشي……
عمرو جاي يمشي بصلها..خدي بالك….. لو مش قادرة خليكي ونا هساعدك
بيان بكسوف..لا متقلقش..روح نت….
عمرو ابتسم.. تمام….وخرج من الأوضة…..حاولت هي تغير هدومها بصعوبه بس قدرت…
دخل عمرو الأوضة وطلع لبس لنفسو وبدأ يغير هدومو…….
مسك فونه ورن علي معتز….
عمرو..الو يا ميزو..فينك
معتز كان في النايت كلوب..احم…نا مع الشله في النايت كلوب….بقولك اي نت فين
عمرو ..فالبيت…مراتي تعبانه شويه….المهم العربيه بتاعتي سايبها عند الدكتور في****روح هاتها عشان هي تعبانه مش هقدر اسيبها
معتز..تمام تمام….المهم..هو نت كلمت حبيبه انهارده
عمرو باستغراب..لا …لييي.
معتز..حبيبه هنا يا عمرو……
عمرو بصدمه..نعم؟؟..ازاي تخرج منغير اذني
معتز ..مش دي المشكله..دي قاعده مع……..
عمرو قاطعه..لا دي المشكله….وطبعا لابسه لبس زي الزفت..اقفل يا معتز ونت كدا كدا معاك نسخه مفتاح العربيه هاتها وحطها فالجراش وروح متطلعش هكون نا نمت…..
معتز بحبش يقولو ع حازم..تمام يا عمرو سلام……
قفل عمرو ورن ع حبيبه….
حبيبه اتنفضت..ينهار اسود …عمرو بيرن..اكيد عرف اني خرجت منغير ما أقوله…….
حازم..وهيعرف منين……
حبيبه بصت لمعتز..اكيد من زفت معتز…اعمل اي بسس……قامت دخلت للحمام عشان صوت الاغاني…..
عمرو بحده..نتي فين يا حبيبه…..
حبيبه برعب..نا…انا فالبيت هكون فين يعني
عمرو بحده..بردو بتكدبي…حبيبه نتي خرجتي منغير ما تقوليلي واكيد لابسه لبس زفت زيك صح
حبيبه بخوف..عمرو نا
عمرو..متتكلميش معايا تاني..غير لما تعرفي قيمتي. وتعرفي تحفظي اسمي….وقفل في وشها
حبيبه..ييييه….لسه هقعد اصالح بقا……
كان اتعصب اوي عمرو حاول يهدي عشان بيان متزعلش …..
راح عمرو لبيان قرب عليها شويه..عامله اي دلوقتى…….
بيان بهدوء..الحمدلله كويسه
عمرو حط ايده ع راسها..دافيه شويه……استني متتحركيش……
قام خرج وراح للمطبخ…..طلع فراخ من الفريزر وبدأ يسلق مكرونه ويعمل الاكل….
كانت بيان قاعده عالسرير سمعت أصوات جايه من المطبخ…..قامت كدا وحاولت تروح…..
بيان..عمرو…..
عمرو مبصلهاش وبيقطع طماطم للسلطة..ها
بيان بضحكه..بتعمل اي…….
عمرو ..بعمل الاكل ..وبصلها..اي قومك من مكانك……
بيان..كنت جاية اشوفك بتعمل اي…
عمرو بضحكه..هو الشيف شربيني بيطبخ ادامك…..
بيان بابتسامة وسرحان فيه لانو كان لابس تيشرت ضيق كدا وعضلاته بارزه..لا شيف قمر
بصلها عمرو كدا بابتسامة جميله..نتي اللي قمر……
ابتسمت هي بكسوف كدا …..عمرو ساب السكينه بسرعه وراح حط ايده تحت الميه…..
بيان بقلق..عمرو مالك
عمرو محبش يقلقها..مفيش
عنيها جات ع ايده ..عمرو ايدك اتعو”رت اوي………..
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية بيان العشق)
