رواية بنت بياع الورد الفصل الثالث 3 بقلم فرح طارق عمارة
رواية بنت بياع الورد الجزء الثالث
رواية بنت بياع الورد البارت الثالث
رواية بنت بياع الورد الحلقة الثالثة
ورد بصراخ:بابااااااااا
مرت ايام العزاء علي ورد سريعا
_ هتفضلي لغايه امتى كده يا ورد
ورد بدموع: ونبي يا مسك سبيني
نسيت اعرفكم ب مسك فتاه عاديه شعرها اسود قصير لديها بشره خمريه وعيون بندقيه جميله عمرها25 تعمل محاميه)
جلست مسك بجانب ورد ومسكتها من يداها
مسك بإبتسامه: حبيبتي اهدي ونبي كفيااكي عياط عينيكي ورمت ده غير الاكل مبتاكليش خالص انتى عايزه تعملي ايي في نفسك هاا……….عايزه توصلي لايه بالظبط انا عارفه انك لسه مصدومه من الحصل لعمو وعارفه كمان أنه كان كل حاجه في حياتك…. اوعي تكوني فاكره انه بكده هيكون مبسوط ده زمانه زعلان علي اللي بتعمليه في نفسك
ورد بدموع: مش قادره أصدق يا مسك لسه مش مستوعبه الحصل اللي هو انا دلوقتي لو قومت مش هلاقيه نايم ولا قاعد في مكانه ازاى ازاى يا مسك ازاي معقوله مش هقول كلمه بابا تانى💔
مسك وهي تحتضنها: طب اهدي ونبي
هدأت ورد قليلا
مسك: بصي بقاا في اكل جوه هقوم اسخنه وتاكلي
ورد وهي تهز رأسها ب لا: متتعبيش نفسك يا مسك انا مليش نفس خالص
مسك بحزن لحاله صديقتها:ما هو كده بجد مش هينفع لازم تاكلي عشان تقدري تقفي على رجلك تانى وتفتحي محل الورد ده اللي انتى سيباه بقالك كام يوم زمان الورد دبل يا ورد
ورد بإستذكار محادثه والدها لها
ورد:الورد…..ايووووه عليااا ازاى نسيته ده هو ….هو وصانى عليه يا مسك انا غبيه اووى اووى ازاى نسيته بس ياربي
مسك وهي تربت على ظهرها:طب اهدي بس اهدي الاول وبعدين انتى كنتي تعبانه بصي هحضر الاكل وناكل وانتي تنزلي المحل وانا هروح المكتب واشوف القضايا زمان اتكوم علياا قضاياا قد كده
ورد:انا تعبتك معايا الفتره دي معلش يا مسك
مسك بلوم:عيب يا ورد لما تقولي كده انتي هبله انتى اختي يبت
ابتسمت ورد لها
مسك بإبتسامه:ايوه كده اضحكي خلي الشمس تدخل هروح احضر انا الاكل وانتى زبطي حالك كده وغيري هدومك يلاا
ورد:حاضر
ذهبت مسك إلي المطبخ لتحضر الطعام لها ولورد واتجهت ورد إلي الحمام لتأخذ حمام دافئ، انتهت ورد وخرجت بدلت ثيابها ثم صلت لربها تدعوه أن يرحم ابها فا هو كان لها كل شئ الاب والام والاخ والصديق والحبيب، أنهت ورد صلاتها
مسك:يلاا يا ورد تعالي الاكل جاهز
ورد: حاضر…ثواني وجايه
مسك:طيب
دق الباب… فتحت مسك الباب
مسك: دكتور مااالك!!
مالك:ايوه…….فين ورد
مسك:جوه ثوانى هندها……..اتفضل اقعد هنا
جلس مالك،و تركت مسك باب الشقه مفتوح ذهبت مسك سريعا إلي ورد
مسك:مالك جه بره وعايزك
ورد:طب ثوانى وهخرجله
خرخت ورد ومسك
مالك بإشتياق:ورد….. البقاء لله
ورد بحزن: ونعم بالله
مالك بحزن : انا عارف انى جيت متأخر بس صدقينى انا مكنتش اعرف ……
ورد:ولا يهمك
مالك بحزن علي حالها فاهي يبدو عليها التعب : متزعليش عم محمد في مكان احسن دلوقتي صدقينى
ورد بحزن:عارفه بس مش قادره أصدق اللي حصله
مالك بحزن:عارف يا ورد الفراق وحش اووى بالذات لما تكن ناس بنحبها بيبقا فرقها صعب
ورد:عندك حق
مسك مقاطعه حديثهم: دكتور مالك تحب اعملك حاجه تشربها
مالك:لا….انا بس كنت عايز ورد علي انفراد
نظرت له ورد بإستغراب:ما هو مش هينفع يعنى احنا لوحدنا معناش حد وانت عارف ان بابا وماما مكنش ليهم حد
مالك:هما خمس دقائق بالظبط
أشارت ورد برأسها لمسك ذهبت مسك وتركتهم
مالك: انا عارف أنه مش وقته خالص بس انا بحبك يا ورد وعايز اتجوزك
ورد بصدمه:عايز تتجوزني!!!
مالك بإبتسامه:ايوه انا بحبك اووى يا ورد ومش من دلوقتي من وانتى صغيره يا ورد
ورد:بس ا
مالك مقاطعا لها: بس اييي يا ورد
ورد: باباك موافق
اختفت ابتسامه مالك سريعا
ورد:سكت ليي يمالك باباك موافق
مالك:لاا…….بس انا مليش دعوه انا بحبك ومستعد اعمل ايي حاجه عشانك وعشان تبقي ليا
ورد بحزن:صعب اووى يمالك يعنى انت هتعصي أمر ابوك عشانى لا……….يا مالك لااا
مالك:ورد انتى بتقولي ايي
ورد:بقول اللي سمعته يا مالك..مش موافقه
مالك بعصبية:عشان ابويا صح
ورد:ايوه ات مينفعش تزعل ابوك عشانى ….ثم تحدثت بحزن اسمع كلامي يا مالك عشان متجيش في يوم وتندم انك مسمعتش كلام ابوك
مالك بغضب:انتى غبيه…..غبيه اووى يا ورد
ورد:مالك متغلطش ده احسن حل لينا استحاله اوافق واهلك مش راضيين بيا لمجرد أنى بنت بياع الورد
مالك بصراخ:انتى بتقولي ايي
ورد ودموعها علي وشك الهبوط: ايي يمالك فاكرني مش عارفه هما رافضين ليي لا انا عارفه يمالك وادي بياع الورد مات وسبلكم الدنيا الظالمه… اللي من ساعه ما فتحت عيني عليها مشوفتش حاجه عدله فيها غير ابويا واديه دلوقتى سابنى وبقيت لوحدي
مالك بحزن عليها:ورد……متقوليش كده انا هبقي معاكي استحاله هقدر اسيبك لوحدك
ورد:ابعد عنى يمالك احسن… أن شاء الله ربنا هيرزقك بواحده احسن مني
مالك بغضب:ورد بطلي غباء بقااا هما هيوافقوا لما اتجوزك
ورد بحسره:هتجبرهم أنهم يوافقوا وهبقي في نظرهم بنت مش كويسه لاا ثم اكملت ورد بصراخ
ورد بصراخ:ابعد عني يمالك وارجوك متجيش هناا تانى لوسمحت
مالك بعصبية:وانا مش هسيبك يا ورد سامعه ……مش هسيبك
وذهب مالك كان أحدهم يستمع لحديثهم نعم هو من تتوقعونه شهاب
شهاب بغضب ثم تحدث لنفسه:وانا اللي قولت انك عدله ومحترمه طلعتي زيهم كلهم مااشي يا بنت بياع الورد متزعليش بقاا من اللي هيحصلك قابلي بقاا وظل يتوعد لورد
خرجت مسك علي صراخ ورد، اخذتها مسك في حضنها وظلت تربت على ظهرها
مسك بحنان:اهدي يا حبيبتي مش عارفه ليي الدنيا ماشيه معاكي عكس كده اهدي يا حبيبتي
هدأت ورد قليلا ثم جلست علي الطاوله تتناول بعض الطعام فاهي حتى لم تتناول شئ وتركت الطاوله ، ذهبت وراءها مسك
مسك:انتي بتحبيه يا ورد؟
ورد:مين
مسك وهي تنظر لها بنصف عين: مالك هيكون مين
ورد بتهرب:ونبي يا مسك غيري الموضوع ده
مسك:لا ما انا عايزه اعرف……ما انتى مقولتليش وكنت في كل مره أسألك تتهربي
ورد: معجبة بيه بس خلاص
مسك:خلاص ليي…. طب موافقتيش لييي
ورد:عشان ابوه دكتور مشهور ومعروف وميرضوش ببنت زيي ابوها كان بيبيع ورد عرفتي ليي عشان انا مش من مستواهم
مسك بحزن:متقوليش كده يا ورد هما يطولوا مهندسه ديكور زي القمر زي
ورد بحزن:مش انا اللي بقول يا مسك هما اللي بيقولوا
حضنتها مسك وبكت ورد في حضنها فاهي كانت تريد البكاء والبوح عما بداخلها فاهي تعبت مما يحدث لها….مسحت مسك لها دموعها وجهزوا للنزول
مسك:افتحي بقاا انتى المحل وانا هروح اشوف شغلي
ورد:طيب……بيباي
مسك بإبتسامه وهي تحتضنها:اول ما هخلص هجيلك يلا بيباي
ابتسمت ورد وذهبت مسك ،فتحت ورد المحل وظلت تنظر الورود
ورد بحزن:انا اسفه سامحوني…..مكنش قاصدي اسيبكم الفترة دي بس اللي كان بيزرعكم سابني وسابكم ومشي قالي اهتم بيكوا واحافظ عليكم قبل ما يمشي دي كانت وصيته بكت ورد ثم جاءها صوت من الخلف
_للاسف مش هتلحقي تنفذي الوصيه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بنت بياع الورد)
تعليق واحد